Қазақстандықтар Түркиядан ТЖМ бортымен оралды
Олардың бәрі Газиантеп қаласында болған
Астана. 8 ақпан. KAZAKHSTAN TODAY - Қазақстандық құтқарушыларды бауырлас Түркияға жеткізген арнайы ұшақ қайтар жолда 16 отандасымызды елге алып келді.
Оған қоса Қырғызстан Республикасының екі азаматы да бар. Олардың бәрі Газиантеп қаласында болған. Арнайы борт түнде елорда әуежайына келіп қонды, деп хабарлайды "Хабар 24".
Асадулла Арыстанов Түркияға жұмыс бабымен барған. Алматылық кәсіпкер табиғи апат кезінде қонақ үйде тынығып жатқанын айтады. Түнгі сағат 04:00-те жердің қатты қозғалғанынан оянып, далаға жүгіріп шыққан. "Мұндай жойқын жер сілкінісін өмірімде бірінші рет көрдім", - дейді.
Түркияда өте қиын жағдай болып жатыр. Оларда қанша таныстарымыз бар. Бәрі үйлеріне баруға қорқады. Біз өзіміз гранд отелда жатқанбыз. сағат 4-6 кеткенде ояндық. Одан кейін қонақ үйге бармадық. Тек мына киімдерімізді алып шығатын кезде ғана бардық. Барсақ 4-5 этаж қатты повреждение болған. Жұмыс бабымен барғанбыз. Аяқ астынан осындай жағдайға түсіп отырмыз. 20-25 жылдан бері барып келіп жүрміз. Бірінші рет осындай жағдайға түсіп жүрміз. Мемлекетімізге көп алғыс", - деді кәсіпкер Асадулла Арыстанов.
Айбөбек Нарбекқызы да бірнеше жылдан бері Газиантеп қаласында тұрады. Жергілікті фабрикада қызмет ететін ол жер сілкінісі кезінде жұмыс орнын паналаған. Жойқын апат кезінде әріптесі ғимарат астында қалыпты.
Үй сілкінген кезде жүре алмай қалдық. Адым аттай алмай қалдық. Тынышталғанға дейін күттік. 2 минуттай қозғалды. Қабырғаларда сызық түсті. Кейбір ғимараттар вообще құлап кетті. Сол ғимараттың астында қалып кеткен менің коллегам бар. Сол бүгін кешке өлі денесін тапты. Түсінбейсің не боп жатқанын, екіншісінде қорқыныш. Өзіңнің өміріңе және жолдасыңның жақындарыңның өміріне. Үшіншісі соны қабылдайсың", - дейді Айбөбек Нарбекқызы.
Арнайы бортпен елге оралғандар қатарында студенттер де бар. Марина Фаргиева Түркияда оқып жүрген немересін көру үшін қыдырып барған. Апат кезіндегі қарбаласта бір немересі мертігіп қалыпты.
Жер сілкінісі кезінде жоғарғы қабаттан төмен қарай қашқанда немерем аяғын жарақаттап алды. Қазір балдақпен жүр. Бастысы аман шықтық. Үлкен немерем сол Түркияда дәрігер мамандығына оқиды. Екінші немереммен қонаққа барған болатынмын. Енді біздің билік өкілдерінің арқасында өз үйімізге аман-есен жетіп отырмыз. Бәріңізге рахмет!" - деді Марина Фаргиева.
Қазақстандық құтқарушылар мен дәрігерлерді Түркияға жеткізген арнайы бортпен 18 адам елге оралды. Оның екеуі Қырғыз азаматы. Бәрі Газиантеп қаласында болған.
Естеріңізге сала кетейік, 7,7 баллдық жер сілкінісі Түркияның оңтүстік-шығысында 6 ақпанда таңертең болған. Дүйсенбі күні түстен кейін тағы 7,6 баллдық жер сілкінісі болды.
Түркия Президенті Режеп Тайып Ердоғанның айтуынша, жер сілкінісі 1939 жылдан бері ең күшті болды. Ол Түркияда апат құрбандарына жеті күндік ұлттық аза тұту туралы жариялады, ал апаттан зардап шеккен 10 провинцияда үш айға төтенше жағдай жарияланды.
Түркиядағы жер сілкінісі кезінде қаза тапқандар саны 5,8 мыңнан асады, жараланғандар саны 31 мыңнан асады.
Сондай-ақ, жер сілкінісі Сирияның Алеппо, Латакия, Хама және Тартус провинцияларына әсер етті. Сирияда жер сілкінісі салдарынан қаза тапқандар саны 1250-ге дейін өсті, екі мыңнан астам адам зардап шекті, деп хабарлайды РИА Новости.
Қазақстанның Сыртқы істер министрлігі, алдын ала мәліметтер бойынша, қаза тапқандар мен зардап шеккендер тізімінде Қазақстан азаматтары жоқ екенін хабарлады.
Қазақстан Президенті Қасым-Жомарт Тоқаевтың тапсырмасы бойынша, жер сілкінісінің салдарын еңсеруге көмек көрсету үшін Түркияның жер сілкінісінен зардап шеккен өңірлеріне 7 ақпан күні таңертең қазақстандық құтқарушылар мен дәрігерлер жолданды. Бұдан басқа, Мемлекет басшысы Қасым-Жомарт Тоқаев Үкіметке жойқын жер сілкінісі салдарынан зардап шеккен Түркия Республикасына шұғыл көмек ретінде 1 миллион доллар бөлуді тапсырды. Сонымен қатар Қазақстанның өкілетті органдары түрік тарапымен бірлесіп, зілзаланың зардабын жою үшін қосымша көмек көрсету мәселесін қарастырып жатыр.
ТЖМ мәліметтері бойынша, құтқару жасағы екі топқа бөлінді, олардың әрқайсысы қиын учаскелер - қираған тұрғын объектілерді тексеруде. Кинологиялық есептер іздеу жұмыстарына кірісті. Егер адам табылса, иттер тиісті белгі беріп, оларды үйінді арасынан шығарып алу жұмыстары басталады.
Жедел ақпарат бойынша, құтқарушылар үйінді астынан қайтыс болған адамның денесін шығарды. Мұнда құтқарушылар конструкцияларды бөлшектеп, іздеу жұмыстарын одан әрі жүргізу үшін үйінді астына түседі", - деп атап өтті ведомствода.
ҚР СІМ жедел желінің телефон нөмірін, сондай-ақ Түркиядағы ҚР консулдық мекемелерінің шұғыл байланыстарын жариялады.
Ақпарат көзі: 24.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Астанада еліміздің басты шыршасы жағылды
Бүгін 18 желтоқсанда Астанада 30-дан астам мерекелік шыршаның шамын жағу рәсімі өтті. Іс-шараға 15 мыңнан астам адам қатысты, деп хабарлайды Астана қаласы әкімдігінің баспасөз қызметінен.
Барлық орында көптеген ойын-сауық түрлері ұйымдастырылған: мұз айдындары, сырғанақтар, шағын архитектуралық нысандар, фотоаймақтар және тағы басқалар.
Ең биік 25 метрлік шыршалардың шамы "Астана Арена" стадионының тұрағында және "Қазақ Елі" монументінің алаңында жағылды. "Астана Арена" стадионының тұрағындағы 25 метрлік шырша жарық декоративті ұлпа қармен және өрнектермен, сары және қызыл реңдегі 2500 ойыншықпен, гирляндалармен және т.б. безендірілген. Шыршаны жағу кезінде елорда тұрғындары мен қонақтары үшін Қайрат Баекенов, Ринат Малцагов, AYREE, балалар хоры мен би ұжымдарының қатысуымен концерттік бағдарлама, жаңа жылдық жәрмеңке, сырғанақтар, мұз айдыны, лабиринт, фуд-корт, арнайы тақырыптағы фотоаймақтар және т.б. ұйымдастырылды.
Сондай-ақ, Нұра ауданында бүгін тағы сегіз орында шырша шамы жағылды: орталық саябақта, "Зеленый квартал" ТК скверінде, Үркер тұрғын алабындағы Айғыржал скверінде, "Сарыарқа", "Керуен Сити", "Азия парк", "Хан Шатыр" және "Айланд" сауда-ойын-сауық орталықтарының жанында және Сығанақ пен Ш.Айтматов көшелерінің қиылысында.
Сарайшық ауданындағы Қазақ елі алаңында шырша шамын жағу кезінде қала тұрғындары үшін мерекелік бағдарлама, балаларға арналған аниматорлар және түрлі ойындар ұйымдастырылды. Келушілер ән айтты, би биледі, сырғанақ пен мұз айдынында көңіл көтерді, фотоаймақтарда естелік үшін суретке түсті. Орналасқан жердің өзінде 2 мұз айдыны, екі сәулесі бар сырғанақ, биіктігі 25 метрлік шырша, шағын архитектуралық нысандар мен жарық-люминациялық пано орнатылған.
Сондай-ақ, Сарайшық ауданындағы "Нұрлы Жол" теміржол вокзалы маңында жаңа жылдық шырша жағылды.
Алматы ауданында жаңа жылдық шыршалар шамы Тәуелсіздік даңғылындағы Оқушылар сарайының аумағында, "Sana Sport" Спорт кешенінің аумағында, Рысқұлбеков көшесіндегі "Алма" саябағында, Astana Music Hall (құмыра) маңында және Қошқарбаев даңғылы, 80/1 мекенжайында жағылды.
Есіл ауданында, ЭКСПО аумағында 23 метрлік шырша да жарқырап тұр. Шырша 4000-нан астам ойыншықпен безендірілген, олардың ішінде диаметрі 15-тен 40 см-ге дейінгі шарлар, гирляндалар және т.б. бар. Алаңда сырғанақтар мен мұз айдыны бар, елорда тұрғындары мен қонақтары шағын архитектуралық нысандардың фонында ертегі кейіпкерлерінің жанында суретке түсе алады.
Байқоңыр ауданында бес орында жаңа жылдық шыршалар мына орындарда безендірілді: Жастар сарайының аумағы, К.Ататүрік атындағы саябақ, Ж.Тәшенов көшесінде, Өндіріс тұрғын алабында (Ақбидай мен Кеменгерұлы көшелерінің қиылысы) және Кирпичный тұрғын алабында (Чехоев және Жолымбет көшелерінің қиылысы), "Қоянды" саяжай алабында. Сонымен қатар, ауданда Кеншілер, 5 және Досмұхамедұлы, 6 мекенжайлары бойынша бес метрлік екі шырша орнатылды.
Сарыарқа ауданында әртүрлі биіктіктегі 3-тен 18 метрге дейінгі алты шыршаның шамы жарқырап тұр. Олар мына мекенжайларда орнатылған: қалалық алаң, Бөгенбай батыр даңғылы, 43 мекеннжайындағы сквер, "Көктал" саябағы, Есіл өзенінің жағасы және Юбилейная көшесі, 22.
Естеріңізге сала кетейік, елорданың 6 ауданында бүгін 30-дан астам мерекелік шыршаның шамы жағылды, сондай-ақ мұз айдындары, сырғанақтар, жаңа жылдық жәрмеңке және т.б. бар қысқы қалашықтар өз жұмысын бастайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Еліміздің бірнеше республикалық трассаларында жол қозғалысы ашылды
Еліміздің бірнеше республикалық трассаларында жол қозғалысы ашылды, деп хабарлайды "КазАвтоЖол".
2024 жылғы 16 желтоқсан сағат 07:00-де келесі республикалық автожолдарда көлік қозғалысы ашылады:
Алматы облысы:
Алматы-Өскемен" автожолының 77-124 шақырым аралығындағы учаскеде (Қонаев қаласынан Жетісу облысының шекарасына дейін)
"Алматы-Шелек-Қорғас" автожолының 136-254 шақырым аралығында (Шелек ауылынан Жетісу облысы шекарасына дейін).
"Алматы-Көкпек-Көктал-Қорғас" автожолының 136-172 шақырым аралығында (Шелек ауылынан Көкпек ауылына дейін)
"Көкпек-Кеген-Тюп" автожолының 0-72 шақырым аралығында (Көкпек ауылынан Кеген ауылына дейін)
Жетісу облысы:
Алматы-Өскемен" автожолының 276-480 шақырым аралығындағы учаскеде (Талдықорған қаласынан Көлбай ауылына дейін)
Алматы-Өскемен" автожолының 124-276 шақырым аралығындағы учаскеде (Алматы облысының шекарасынан Талдықорған қаласына дейін)
Алматы-Өскемен" автожолының 45-68 шақырым аралығында (Сарыөзек ауылынан-Көктал ауылына дейін Алтын Емел асуы)
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тәуелсіздік күні қарсаңында Қызылордада 500-ден астам отбасы жаңа баспанаға ие болды
ҚР Премьер-министрінің орынбасары Тамара Дүйсенова Қызылорда облысына жұмыс сапары барысында жаңа пәтерлер кілтін табыстау рәсіміне қатысты. Сырдарияның сол жағалауында баспана кезегінде тұрған отбасыларға арнап салынған жеті қабатты 6 үй пайдалануға берілді, деп хабарлайды Үкіметтің баспасөз қызметінен.
Халықтың әл-ауқатын жақсарту, жайлы өмір сүруге жағдай жасау - еліміздің маңызды стратегиялық міндеттерінің бірі. Мемлекетіміз үшін қастерлі мереке - Тәуелсіздік күні қарсаңында 500-ден астам отбасы қоныс тойын тойлағалы отыр. Қуаныштарыңыз құтты болсын!", - деді, жаңа қоныс иелерін құттықтаған вице-премьер.
Жаңа пәтер кілтін алғандар қатарында көпбалалы отбасылар да бар. Мәселен, Әсия Есенбекова 5 жыл пәтер кезегінде тұрған.
Бүгін бізге 3 бөлмелі пәтер кілті табысталды. Баспаналы болу - біздің отбасымыз үшін үлкен қуаныш. Біз өте ризамыз. Көрсеткен қолдауларыңыз үшін сіздерге алғысымызды білдіреміз", - деді Әсия Есенбекова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жаңа автобус бағыты ашылады
Алматыда "Нұршашқан" шағын ауданы тұрғындарын қолжетімді көлікпен қамтамасыз ету үшін жаңа тұрақты автобус бағыты ұйымдастырылды, деп хабарлайды Алматы қаласы әкімдігінің баспасөз қызметінен.
№91 бағыттағы автобус "Нұршашқан" шағын ауданы - Алматы-2 теміржол вокзалы" бағыты бойынша 13 желтоқсаннан бастап қатынайды. Бұл бағытты "Алматыэлектротранс" ЖШС "Golden Dragon" маркалы газбен жүретін автобустарымен қамтамасыз етеді. Күн сайын 12 автобус жолға шығады, қозғалыс аралығы 12 минут.
Айта кету керек, жолаушылар мен жүкті автокөлікпен тасымалдау ережесіне сәйкес, маршрут уақытша байқау өткізілгенге дейін тасымалдаушыға берілді және сынақ режимде жұмыс істейді. Жолаушылар легі мен халықтың қажеттілігін ескере отырып, қозғалыс сызбасына түзетулер енгізілуі мүмкін.
Естеріңізге сала кетейік, биыл мегаполис басшысы Ерболат Досаевтың тапсырмасымен әкімдік 600 автобус, 112 троллейбус және 100 электроавтобус сатып алды. Жыл басынан бері қалалық мобилділік басқармасы 18 қала маңындағы және 3 қала ішіндегі маршрутты ұйымдастырды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ХҚКО және мамандандырылған орталықтар Тәуелсіздік күні мерекесіне орай қалай жұмыс істейді
Азаматтарға арналған үкімет" Мемлекеттік корпорациясы халыққа қызмет көрсету орталықтары мен мамандандырылған орталықтар Тәуелсіздік күні мерекесіне орай 16 желтоқсан жұмыс істемейтінін хабарлайды.
Бұл ретте, 14 желтоқсан, кезекші орталықтар үшін жұмыс күні болып саналады. Қызметтерді 9.00-ден 13.00-ге дейін алуға болады.
17 желтоқсан, яғни сейсенбі ХҚКО мен МХҚКО азаматтарды әдеттегі жұмыс кестесі бойынша қабылдайды.
Еске салайық, орталықтар жұмыс күндері сағат 9.00-ден 18.00-ге дейін жұмыс істейді. Кезекші ХҚКО жұмыс күндері 20.00-ге дейін, сенбі күндері 13.00-ге дейін жұмыс істейді. Кезекші мамандандырылған ХҚКО дүйсенбі мен жұма аралығында 18.00-ге дейін азаматтарды қабылдайды, ал дайын құжаттарды 20.00-ге дейін алуға болады. Сенбі күні мамандандырылған ХҚКО 13.00-ге дейін жұмыс істейді.
Халыққа қызмету көрсетететін кезекші орталықтардың мекенжайларымен Instagram-дағы ресми парақшадан білуге болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Павлодар облысында мүгедектігі бар адамдар үшін 800-ден астам объект бейімделген
Мүгедектігі бар адамдардың заңды құқықтарын қамтамасыз ету және олар үшін қолжетімді ортаны қалыптастыру мақсатында Павлодар облысында 813 әлеуметтік инфрақұрылым нысаны толық бейімделді, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
Қазіргі уақытта елімізде Қазақстан Республикасында мүгедектігі бар адамдардың құқықтарын қамтамасыз ету және өмір сүру сапасын жақсарту жөніндегі 2025 жылға дейінгі ұлттық жоспар, "Аманат" партиясының 2023-2027 жылдардағы жол картасы және Мемлекет басшысының тапсырмасы бойынша әзірленген "Халықпен бірге" жобасы іске асырылуда.
Amanat" партиясының жол картасында 2023 - 2027 жылдар аралығында Интерактивті қолжетімділік картасына (бұдан әрі - Карта) енгізілген 40 мыңнан астам нысанды бейімдеу бойынша жұмыс көзделген. Жыл сайын объектілердің 20%-ы бейімделуге жатады.
Осылайша, 2023 жылы - Картадағы объектілердің 20%, 2024 жылы - 40%, 2025 жылы - 60%, 2026 жылы - 80%, 2027 жылы - 100%. Қазіргі уақытта ел бойынша 22 166 объект толығымен бейімделген.
2024 жылдың соңына дейін Павлодар облысында 690 нысанды бейімдеу жоспарланған еді, өңірде жоспар артығыфмен орындалып, 813 нысанда бейімдеу жұмыстары жүргізілді.
Мәселен, өңірдегі 813 объектінің ішінен төмендегі объектілер мүгедектігі бар адамдардың барлық санаттары үшін қол жетімді:
- денсаулық сақтау объектілері - 96;
- білім беру мекемелері - 323;
- мәдениет нысандары - 151;
- сауда және қызмет көрсету объектілері - 55;
- мемлекеттік және квазимемлекеттік ұйымдар - 140;
- спорт нысандары - 21;
- көлік инфрақұрылымының объектілері - 3;
- қоғамдық тамақтандыру ұйымдары - 3;
- әлеуметтік қорғау объектілері - 6;
- басқалары - 15.
Бұдан басқа, осы жылы мемлекеттік бақылау шеңберінде Халықты әлеуметтік қорғау саласындағы реттеу және бақылау комитетінің Павлодар облысы бойынша департаменті мемлекеттік басқару, денсаулық сақтау, әлеуметтік қорғау, мәдениет, жеке кәсіпкерлік, сауда және т. б. салалардағы әлеуметтік инфрақұрылым объектілеріне 46 тексеру жүргізді, оның ішінде: 33 профилактикалық бақылау шеңберінде, жоспардан тыс 13 тексеру болды.
Тексеру қорытындысы бойынша анықталған бұзушылықтарды жою туралы 44 ұйғарым берілді, 2,3 млн теңгеден астам сомаға 10 әкімшілік айыппұл салынды.
Объектілердің меншік иелеріне профилактикалық бақылау жүргізу кезінде бұзушылықтар алғаш рет анықталған кезде оларды әкімшілік жауапкершілікке тартпастан жою туралы нұсқамалар ғана берілетінін атап өту қажет. Нұсқама белгіленген мерзімде орындалмаған жағдайда айыппұл салынады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда 2025 жылы тағы 100 мектеп автобусын сатып алу қаржыландырылады
Қаланың 2025-2027 жылдарға арналған тиісті бюджеті Алматы мәслихатының сессиясында қабылданды, деп хабарлайды Алматы қаласы әкімдігінің баспасөз қызметінен.
Естеріңізге сала кетейік, Алматы қаласының "Мектеп автобусы" жобасы Қазақстанда алғаш рет 2023 жылы Алматы әкімі Ерболат Досаевтың тапсырмасы бойынша іске қосылған болатын.
Жобаның екінші кезеңі аясында ағымдағы жылы оқушыларды тасымалдау үшін қосымша 100 автобус сатып алынды. Осылайша, қазір 200 автобус 51 мектептің 9 мыңнан астам оқушысын тасымалдайды. Келесі жылы Алматы әкімдігінің жобалық кеңсесінің қолдауымен тағы 100 автобус сатып алу жоспарлануда.
Автобустар шалғай және жету қиын аудандарда тұратын балалар оқитын мектептерден өтінімдер түскен сайын маршруттарға шығады. Бұған басымдық беріледі, себебі мектеп автобустары осыған қарай бөлінеді. Әр мектеп үшін оқушылардың тасымалдануын қамтамасыз ету үшін егжей-тегжейлі маршруттық парақтар әзірленді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.