Алматының теміржол вокзалдары ҚТЖ меншігіне қайтарылады
ҚТЖ вокзалдарды дамытуға қаражат салуға ниетті
Алматы. 30 наурыз. KAZAKHSTAN TODAY - "Алматы-1" және "Алматы-2" темір жол вокзалдары "Қазақстан темір жолы" ұлттық компаниясына қайтарылады. Бұл туралы Ерболат Досаев Түрксіб ауданының тұрғындарымен кездесуінде айтты.
Алматы әкімімен кездесуге арнайы келген Түрксіб ауданы тұрғындарының бірі Алматы -1 темір жол вокзалы маңындағы мәселені көтерді.
Бірінші мәселе, Алматы-1 вокзалына қатысты. Көлік қозғалысын реттеу керек. Көлік кептелісі Шолохов көшесіне жетеді. Сондай-ақ Ақан сері көшесіне солға бұрылуды алып тастады. Алматыдағы бірінші вокзалға биыл 50 жыл толады. Сондықтан оған аз да болса жөндеу жұмыстарын жүргізуіңізді сұраймыз. Екінші мәселе, Түрксібтің жүз жылдығы жақындап қалды, 1927 жылы құрылыс басталып, 1930 жылы аяқталды. Біздің аудан осы атақты теміржолдың атымен аталғаны белгілі. Сондықтан оның жүз жылдық мерейтойына орай Алматы-1 теміржол алдына Түрксіб заманындағы паровоз қойылса деген тілек бар. Осы мәселені қарастырып, рұқсат беруіңізді сұраймыз", - деді ол.
Алматы әкімі Ерболат Досаев екі вокзал да өте маңызды көлік инфрақұрылымы жүйесі екенін атап өтті.
Алматы-1 темір жол вокзалы маңындағы аумақты ретке келтіру керек. Автотұрақ ретінде ұйымдастыруға болатын жеке аймақ бар. Мен жер қатынастары бөліміне осыны қарауды тапсырдым - бәлкім, аумақты көліктерден босату үшін көпдеңгейлі автотұрақтар саламыз. Ақан сері көшесіне солға бұрылуға келсек, қалалық мобильділік басқармасына оны анықтап, шешім қабылдауды тапсырамын", - деді ол
Сондай-ақ Ерболат Досаев Алматы-1 және Алматы-2 темір жол вокзалдары "Қазақстан темір жолы" ұлттық компаниясына қайтару туралы шешім қабылдағанын айтты.
ҚТЖ ұлттық компаниясы вокзалдарға жөндеу жұмыстарын жүргізуді жоспарлап отыр. Оның дамуына қаржы салады. Түрксібтің жүз жылдығына қатысты айтар болсам, әкімдерге, қалалық комиссияға тапсырма берілді. Биыл Түрксіб ауданына 85 жыл толады. Іс-шаралар ұйымдастырылады. Мәслихат жұмысын бастаған бойда биыл Түрксіб ауданындағы барлық өзекті мәселелерін шешуді сұрап, жүгінетін боламыз", - деді Ерболат Досаев.
Ақпарат көзі: inform.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
2 қарашада Астанада Ауыл шаруашылығы жәрмеңкесі басталады
2 қарашадан бастап Нұрғиса Тілендиев даңғылы, 12а мекенжайында орналасқан "Koktal" СОО-да ауыл шаруашылығы жәрмеңкесі өтеді, деп хабарлайды Астана әкімдігінің баспасөз қызметінен.
Келушілер Қазақстанның бірқатар өңіріндегі жергілікті фермерлер мен өндірушілерден жаңа өнімдерді сатып ала алады. Соның ішінде: жаңа піскен көкеністер мен жемістер, сапалы ет, ұн өнімдері және басқа да көптеген ауылшаруашылық өнімдері.
Жәрмеңке әр демалыс күндері сағат 10.00-ден 22.00-ге дейін 2 қарашадан бастап өтеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
"Медеу" мұз айдынының жаңа маусымы 2 қарашада ашылады
Алматыда 1 қарашада "Медеу" мұз айдыны техникалық режимде іске қосылады, оған барлық тілек білдірушілер сеанс кестесіне сәйкес бара алады. 2 қарашада "Медеу" биік таулы мұз айдынында жаппай сырғанаудың жаңа маусымының салтанатты ашылуы өтеді, деп хабарлайды Алматы қаласы әкімдігінің баспасөз қызметінен.
Салтанатты ашылу бағдарламасы сағат 12:00-ден 15:30-ға дейін жалғасады.
Келушілер үшін қазақстандық эстрада жұлдыздарының қатысуымен концерттік бағдарлама қарастырылған. Кешкі сағат 17.00-ден 20.00-ге дейін қонақтар конкурстарға қатысып, кешті жүргізуші мен диджейдің сыйлықтарын алады және дискотекаға қатысады.
Жаңа маусымда келушілерді күнделікті жаппай сырғанау сеанстары, мерекелік іс-шаралар және спорттық жарыстар күтеді. Ниет білдірушілер конькиді жалға алып, демалыс аймағын пайдалана алады. Қонақтарға ыңғайлы болу үшін мұз айдыны аумағында фастфуд пункттері ұйымдастырылады.
Алматы қаласы спорт ғимараттарының дирекциясы қала тұрғындары мен қонақтарына кассалардағы кезектерді болдырмау және турникет жүйесі арқылы жылдам өтуді ұйымдастыру, кептелістер мен тұрақ қиындықтарын болдырмау үшін билеттерді www.medeu.kz ресми сайт арқылы сатып алуды және қоғамдық көліктерді пайдалануды ұсынады.
Ашылу күні №12 автобус бағытын "Медеу" биік таулы мұз айдынына дейін ұлғайту жоспарлануда. Автобустар жұмыс күндері сағат 8:00-ден 00:00-ге дейін және демалыс күндері сағат 8:00-ден 01:00-ге дейін жүреді.
Көлік жүретін орындарды 2GIS қызметінен табуға болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
850 дронның көмегімен Алматыда Республика күніне орай анимациялық шоу ұйымдастырылды
2024 жылғы 25 қазанда Алматыда Республика күнін мерекелеуге орайластырылған дрондар шоуы өтті. Қаланың мыңдаған тұрғыны мен қонағы ұмытылмас көріністі тамашалау үшін Абай алаңы мен Астана алаңына жиналды, деп хабарлайды Алматы қаласы әкімдігінің баспасөз қызметінен.
Дрондар шоуына 100 мыңнан астам адам қатысты.
Абай алаңында 40 мыңнан астам адам, Астана алаңында 60 мыңнан астам адам болды.
Абай алаңынан 500-ден астам дрон синхронды түрде көкке көтеріліп, бірегей 3D визуалды бейнелер жасады. Инсталляциялар ұлттық мәдениеттің элементтерін және ел тарихындағы маңызды сәттерді бейнелеп, бірлік пен мақтаныш рухын ерекше бейнеледі. Жарық шоуы музыкалық шығармалармен сүйемелденді.
Қала тұрғындары мен қонақтары Қазақстан картасын, аңызға айналған Алтын Адамды, ноталар мен домбыраны, көк байрағымызды, Алматының бірегей флорасының символы - қызғалдақты, күш пен бостандықты бейнелейтін керемет қар барысын және Алматы алмасы - апортты, қаланы көрнекті ғимараттары мен тауларын қызықтады.
Кейін 21:30-да Астана алаңынан аспанға тағы 350 дрон көтерілді. Көкте бостандық пен тәуелсіздіктің символы іспетті қалықтаған бүркіттің бейнесі, Қазақстан картасы,"КөкТөбе" телемұнарасы, аспалы жол және Алматының танымал көрікті жерлері, бейбітшілік пен отбасылық игіліктің символы - шаңырақ, қалаға және жалпы біздің елге деген сүйіспеншіліктің белгісі ретінде жүректер бейнеледі. Одан бөлек, "25 қазан - Республика күні құтты болсын!" деген құттықтау сөзі пайда болды.
Астана алаңындағы шоу шамамен 20 минутқа созылды және демеушілер есебінен ұйымдастырылды.
Ұйымдастырушылар дәстүрлі отшашудың орнына дрондарды пайдалану - мерекелеудің инновациялық тәсілі ғана емес, сонымен қатар технологиялық даму мен экологиялық бастамаларға деген ұмтылыстың символы болғанын атап өтті. Бұл шешім қоршаған ортаға әсерді азайта отырып, бірегей визуалды эффектілерді жасауға мүмкіндік берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астанадағы қорытынды жәрмеңке: Ақмола, Қостанай және Ұлытау облыстарының диқандары өнімдерін ұсынады
Астанада 26-27 қазанда ауыл шаруашылығының соңғы қорытынды жәрмеңкесі өтеді. Ақмола, Қостанай және Ұлытау облыстарының тауар өндірушілері қатысып, 800 тоннаға жуық экологиялық таза өнім ұсынатын болады, деп хабарлайды Астана қаласы әкімдігінің баспасөз қызметінен. .
Ақмола облысы 300 тоннадан астам жаңа өнімдер, оның ішінде ет, сүт, көкөніс және жарма өнімдерін алып келеді. Олардың арасында "Гормолзавод", "Родина", "Макинск құс фабрикасы", "Бижан", "Қазгер құс" сияқты ірі жергілікті өндірушілердің өнімдері де бар.
Қостанай облысы 402 тонна өнім ұсынбақ, оның ішінде 52 тонна ет, 95 тонна көкөніс және 40 тонна ұн бар. Сондай-ақ, республикаға және одан тыс жерлерге танымал кәсіпорындардан сүт және кондитерлік өнімдер жеткізілетін болады. Бұл кәсіпорындар арасында "Милх", "ДЕП", "Баян сұлу", "Бекиров" бар.
Ұлытау облысы 70 тонна көлемінде ет, көкөніс және сүт өнімдерін ұсыну жоспарланып отыр.
Елорда тұрғындары мен қонақтары фермерлерден тікелей өнім сатып алу мүмкіндігінен бөлек, өңірлердің өнерпаздары қатысатын концерттік бағдарламаны да тамашалай алады. Жәрмеңке 9:00-ден 18:00-ге дейін жұмыс істейді.
Жәрмеңке Қарқаралы тас жолындағы "Қазанат" ипподромына қарама-қарсы жерде өтеді. Қонақтар үшін №18, 37, 303 және 323 автобустар арнайы қызмет көрсетеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.