Алматыда жедел жәрдем қызметкерлері ереуілге шықты
Олардың арасында тек жедел жәрдем жүргізушілері ғана емес, фельдшерлер мен желілік бригада дәрігерлер де бар. Жүргізушілердің айтуынша, мекеме басшысы жоғары жалақы тұрмақ, қарапайым жұмыс формасымен де қамтамасыз ете алмай отыр. Жұмысшылардың үстіндегі киімдері жеті жылдан бері жаңармаған, деп хабарлайды Экспресс К.
Міне қараңызшы бізді адамдар көше сыпырушыға теңейді. Мына формаға жеті жыл болды. Әбден тозды. Үш бірдей бастық ауысты. Бірақ форма сол қалпында. Ұят нәрсе ғой. Біреуміздікі сары, біреуміздікі қызыл. "Бомж" қатарындамыз ғой", — дейді жедел жәрдем жүргізушісі.
Олардың сөздерінше, бес жылдан бері жалақылары да өспеген. Олар елімізде азық-түлік, киім-кешек, жанар-жағармай бағасы күрт қымбаттағанын алға тартады.
Жалақы аз, бес жыл бұрынғы 160 мың жалақы алушы едік, сол қалпында қалды. Көтерілмеді. Тариф бұрын 500 теңге болатын. Қазір 800 теңге, бірақ жалақы сол қалпында. Жалақымыз жетпейді. Қазір нанның өзі қымбат. Бір қап ұныңыз 8000 теңге тұрады. Осында жиналған жүргізушілердің әр қайсында бес-алты баладан бар", — дейді жүргізуші.
Наразы топтың алдына Алматы қаласы Жедел жәрдем қызметінің директоры Ербол Сәрсенбаев шығып, басу айтты. Ол қызметкерлерге берілетін жеңілдіктер барын алға тартты.
Қаңтардағы тәртіпсіздіктер кезінде жұмыс істегендердің әрқайсысына бюджеттен 125 000 теңге бөлінді. Сонымен қатар коронавирус жұқтырған науқастарды тасығаны үшін үстемақы бар. Жедел жәрдем жүргізушісінің орташа жалақысы 297 мың теңге болды", — деді Алматы қаласы Жедел жәрдем қызметінің директоры Ербол Сәрсенбаев.
Жедел жәрдем қызметкерлері олардың айтқан барлық өтініштері тыңдалады деп үміттенеді. Олар жұмыс істеуден бас тартпайтындықтарын айтты.
Ақпарат көзі: exk.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстандықтар жаңа жылда 1-4 қаңтар аралығында демалады
ҚР Еңбек және халықты әлеуметтік қорғау министрлігі 2025 жылдың қаңтарындағы демалыс күнін ауыстыруды көздейтін бұйрық дайындады.
ҚР Еңбек және халықты әлеуметтік қорғау министрінің "2025 жылы демалыс күнін ауыстыру туралы" бұйрығына сәйкес, 2025 жылғы 5 қаңтардағы жексенбі, яғни демалыс күні 2025 жылғы 3 қаңтарға, жұмаға ауыстырылады, деп хабарлайды министрліктің баспасөз қызметінен.
Осылайша, аптасына бес күн жұмыс жасайтын қазақстандықтар 1-4 қаңтар, ал жұмыс аптасы алты күнді құрайтын азаматтар - 1-3 қаңтар күндері демалатын болды.
Демалыс күнін ауыстыру жұмыс уақытын оңтайлы бөлуге және азаматтардың демалысы үшін қолайлы жағдай жасауға мүмкіндік береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2024 жылғы 1 қарашада 403 мың адамға атаулы әлеуметтік көмек көрсетілді
2024 жылғы 1 қарашада 76 мың отбасындағы 403 мың адамға атаулы әлеуметтік көмек (бұдан әрі - АӘК) тағайындалды. Биыл осы мақсатқа бюджеттен 54,7 млрд теңге қарастырылған, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
Бұрын хабарланғандай, АӘК-нің негізгі мақсаты - ақшалай төлем түрінде қолдауды жүзеге асыру және отбасының еңбекке қабілетті мүшелерін жұмыспен қамтуға жәрдемдесудің белсенді шараларына тарту арқылы отбасын қиын өмірлік жағдайдан шығару.
АӘК мыналарды көздейді:
- табысы өңірлік ең төмен күнкөріс деңгейінің 70% - нан аспайтын азаматтарға тоқсан сайын әлеуметтік көмек тағайындау;
- табысы аз отбасылардағы 1 жас пен 6 жас аралығындағы әр балаға 1,5 АЕК (5 538 теңге) мөлшерінде ай сайынғы қосымша төлем беру. 2024 жылғы 1 қарашаға АӘК алушылар қатарынан мектеп жасына дейінгі 126 мың балаға 4,5 млрд теңге сомасына қосымша төлем тағайындалды;
- жұмысқа орналастыру, өз ісін ашуға ниетті отбасыларға гранттар беру, біліктілікті арттыру курстарына жіберу (қажет болған жағдайда) және басқалар арқылы жұмыспен қамтуға жәрдемдесу.
Қазіргі уақытта қазақстандықтар АӘК тағайындауға өтінішті тұрғылықты жері бойынша мансап орталығында, ауыл округінің әкіміне сондай-ақ Электрондық үкімет порталы (egov.kz) арқылы бере алады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда 21 қарашада радио мен теледидар өшіріледі
Қазақстанда 21 қарашада радио мен теледидар өшіріледі, деп хабарлайды "Қазтелерадио" АҚ баспасөз қызметінен.
Қазтелерадио" АҚ телерадио хабарларын таратудың үздіксіз әрі сапалы болуын қамтамасыз ету мақсатында тоқсан сайын жерсеріктік, цифрлық және аналогты эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді.
2024 жылдың 21 қараша айында сағат 03:00 мен 17:00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады. Уақытша қолайсыздықтар үшін кешірім өтінеміз!", деп көрсетілген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.