Алматының шетіндегі жолдарды жөндеу және салу жұмыстары басталады
Әкімнің баспасөз қызметінің ақпараты бойынша, Алғабас ықшамауданындағы сумен жабдықтау және су бұру желілерінің құрылысы жалғасуда. Құрылыс-монтаж жұмыстары аяқталған соң "Алматыинжстрой" АҚ-ның мердігерлік ұйымы Орақты батыр, Қара жорға, Алдияр, Зұлпыхар, Сәмен батыр, Молдағұлова, Естемесов және Кенжекей көшелері бойындағы жолдарды инертті материалдармен толтыратын болады.
Алғабас ықшамауданында 30,8 км жаңа жол салудың құжаттары дайын, мердігер компания анықталуда. Сумен жабдықтау және су бұру желілерін тарту, сондай-ақ гидротестілеу жұмыстары аяқталғаннан кейін жол құрылысының жұмыстары басталады. Биылғы жылдың соңына дейін Алғабас ықшамауданындағы 10 шақырымға жуық жолға асфальт төсеу жоспарлануда.
Барлық күштер жаңа ықшамаудандардағы инженерлік инфрақұрылымды салуға жұмсалуда. Сумен жабдықтау және су бұру желілерін, жолдарды, сыртқы жарық желілері, әлеуметтік нысандардың құрылысы өткен жылы қабылданған "Жаңа Алматы" кешенді даму бағдарламасына сәйкес жүзеге асырылады. Қалаға қосылған елді мекендер тұрғындарының өмір сапасын бес жыл ішінде жақсартуға триллион теңгеге жуық қаржы бөлінеді. Біздің міндетіміз — 2023 жылға қарай барлық ықшамаудандар сумен және кәріз желілерімен, сапалы жолдармен, балалардың ойын алаңдарымен, саябақтар мен скверлермен қамтамасыз етілулері тиіс", - деп атап өтті Бақытжан Сағынтаев.
Мегаполис әкімінің тапсырмасы бойынша арнайы жұмыс комиссиясы құрылды, ол қалаға қосылған жаңа ықшамаудандардың мәселелерін шешуді қолға алуда. Тұрғындардың өтінішінен соң жоспардан тыс тексеру жүргізілді. Тексеру барысында мердігердің жобадан ауытқығаны, жұмысты сапасыз атқарғаны, құрылыс-монтаж жұмыстарының технологиясын бұзғаны анықталды.
Жіберген кемшіліктері үшін "Алматыинжстрой" АҚ-ның мердігері ҚР ӘқбК-нің 312-бабының 1-бөлігінің 309 тармағына сәйкес әкімшілік жауапкершілікке тартылды. Қолданылған шаралардан соң мердігер олқылықтардың орнын толтырды. Сонымен бірге, "Казгипроводхоз институты" өндірістік кооперативінің және "Белко-Строй" ЖШС-нің авторлық және техникалық қадағалауды тиісінше жүргізбегендері үшін олар да ҚР ӘқбК-нің 317-бабының 1-бөлігінің 1 тармағы бойынша әкімшілік жауапкершілікке тартылды.
Бүгінде мердігердің күшімен Алдияр және Жаңа көшелеріне жол бойынша қиыршық тас төселді. Қазіргі кезде Жаңа құрылыс көшелері – 1, 2, 6, Ақсеңгір, Бабажанов, Кенжекей, Тұран, Орақты батыр, Керімсал, Қазына, Мөңке би, Мұхитдинов, Сұлтан көшелеріне қиыршық тас қоспаларын төгу жұмыстары жүруде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстандықтар жаңа жылда 1-4 қаңтар аралығында демалады
ҚР Еңбек және халықты әлеуметтік қорғау министрлігі 2025 жылдың қаңтарындағы демалыс күнін ауыстыруды көздейтін бұйрық дайындады.
ҚР Еңбек және халықты әлеуметтік қорғау министрінің "2025 жылы демалыс күнін ауыстыру туралы" бұйрығына сәйкес, 2025 жылғы 5 қаңтардағы жексенбі, яғни демалыс күні 2025 жылғы 3 қаңтарға, жұмаға ауыстырылады, деп хабарлайды министрліктің баспасөз қызметінен.
Осылайша, аптасына бес күн жұмыс жасайтын қазақстандықтар 1-4 қаңтар, ал жұмыс аптасы алты күнді құрайтын азаматтар - 1-3 қаңтар күндері демалатын болды.
Демалыс күнін ауыстыру жұмыс уақытын оңтайлы бөлуге және азаматтардың демалысы үшін қолайлы жағдай жасауға мүмкіндік береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2024 жылғы 1 қарашада 403 мың адамға атаулы әлеуметтік көмек көрсетілді
2024 жылғы 1 қарашада 76 мың отбасындағы 403 мың адамға атаулы әлеуметтік көмек (бұдан әрі - АӘК) тағайындалды. Биыл осы мақсатқа бюджеттен 54,7 млрд теңге қарастырылған, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
Бұрын хабарланғандай, АӘК-нің негізгі мақсаты - ақшалай төлем түрінде қолдауды жүзеге асыру және отбасының еңбекке қабілетті мүшелерін жұмыспен қамтуға жәрдемдесудің белсенді шараларына тарту арқылы отбасын қиын өмірлік жағдайдан шығару.
АӘК мыналарды көздейді:
- табысы өңірлік ең төмен күнкөріс деңгейінің 70% - нан аспайтын азаматтарға тоқсан сайын әлеуметтік көмек тағайындау;
- табысы аз отбасылардағы 1 жас пен 6 жас аралығындағы әр балаға 1,5 АЕК (5 538 теңге) мөлшерінде ай сайынғы қосымша төлем беру. 2024 жылғы 1 қарашаға АӘК алушылар қатарынан мектеп жасына дейінгі 126 мың балаға 4,5 млрд теңге сомасына қосымша төлем тағайындалды;
- жұмысқа орналастыру, өз ісін ашуға ниетті отбасыларға гранттар беру, біліктілікті арттыру курстарына жіберу (қажет болған жағдайда) және басқалар арқылы жұмыспен қамтуға жәрдемдесу.
Қазіргі уақытта қазақстандықтар АӘК тағайындауға өтінішті тұрғылықты жері бойынша мансап орталығында, ауыл округінің әкіміне сондай-ақ Электрондық үкімет порталы (egov.kz) арқылы бере алады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда 21 қарашада радио мен теледидар өшіріледі
Қазақстанда 21 қарашада радио мен теледидар өшіріледі, деп хабарлайды "Қазтелерадио" АҚ баспасөз қызметінен.
Қазтелерадио" АҚ телерадио хабарларын таратудың үздіксіз әрі сапалы болуын қамтамасыз ету мақсатында тоқсан сайын жерсеріктік, цифрлық және аналогты эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді.
2024 жылдың 21 қараша айында сағат 03:00 мен 17:00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады. Уақытша қолайсыздықтар үшін кешірім өтінеміз!", деп көрсетілген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда жиынтық зейнетақының орташа мөлшері 130 000 теңгені құрады
Жыл басынан бастап республикалық бюджеттен 3 трлн 118,2 млрд теңге сомасына зейнетақы төленді, оның ішінде базалық зейнетақы төлеуге - 982,2 млрд теңге, ынтымақты зейнетақы төлеуге - 2 трлн 136 млрд теңге қарастырылды, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
2024 жылғы 1 қарашадағы жағдай бойынша зейнеткерлер саны - 2 млн 421 мың адам.
2024 жылғы 1 қарашадағы жағдай бойынша жиынтық зейнетақының орташа мөлшері 131 730 теңгені құрады, оның ішінде ынтымақты зейнетақы мөлшері - 89 122 теңге, базалық зейнетақы - 42 608 теңге.
2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.
Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі - МЗЖ) төленген кезеңдер зейнетақы жүйесіндегі еңбек өтіліне қосылады.
Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 65%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 85 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 105% белгіленеді.
Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.
Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.
Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.