Қазақстанда қалқанша безі обырына қарсы дәрі шығарыла бастады
2021 жылғы 22 маусымда "Ядролық физика институты" республикалық мемлекеттік кәсіпорнында қалқанша без обырын қоса алғанда, қалқанша без ауруларын емдеу үшін натрий йодид (131I) радиофармпрепаратының бірінші өнеркәсіптік партиясы жасалды. Бұл препарат ҚР Денсаулық сақтау министрлігінде "натрий иодиді 131I, ішуге арналған ерітінді" атауымен дәрілік зат ретінде тіркелді, деп хабарлайды ҚР ЭМ баспасөз қызметі.
2021 жылғы 24 маусымда препарат Семей қаласындағы Ядролық медицина және онкология орталығының алғашқы пациенттеріне жеткізілді.
Ағзаның патологиялық ошағында натрий йодиді (131I) радиофармпрепаратының таңдамалы жиналуының арқасында қоршаған тіндерді сақтай отырып, обыр клеткалары жойылады", - деп түсіндірді ведомствода.
Ядролық физика институтында (Алматы қ.) радиофармацевтикалық препараттар жасау тарихы 1986 жылдан басталады. Дәл осы жылы КСРО-да миокард инфарктісін алдын ала диагностикалау үшін Таллий-201 изотопы бар препараттың алғашқы өндірісі ұйымдастырылды.
Қазақстан тәуелсіздік алғаннан кейін адамның барлық органдарының ауруларын диагностикалау үшін кеңінен қолдануға болатын Технеция-99м өндірісі жолға қойылды. Қазіргі заманғы денсаулық сақтау жүйесінде бұл изотоптың үлесіне барлық радионуклидтік рәсімдердің 80%-дан астамы тиесілі.
2011 жылы Ядролық физика институты технеция генераторларын тіркеді және екі апта бойы жұмыс істейтін және елдің кез келген өңіріне жеткізілуі мүмкін ықшам тасымалданатын генераторларды өндіруді бастады.
Радионуклидтік диагностиканы қолдана отырып, қатерлі ісіктерді дамудың ең ерте сатысында анықтауға болатындығын атап өткен жөн, бұл қатерлі ісік ауруынан болатын өлімді азайтады және науқастарда қайталану санын едәуір азайтады", - деп нақтылады баспасөз қызметінде.
Генератордың конструкциясын жасау бойынша жұмыстар 2014 және 2015 жылдары "Жыл өнертабысы", "Шапағат" республикалық конкурстарында екі мәрте жеңіске жетті.
2018 жылы құрамына радиофармацевтикалық препараттар шығаратын заманауи кешен кіретін Алматы қаласындағы Ядролық физика институты базасында Ядролық медицина және биофизика орталығының құрылысы аяқталды. Орталықты құрудың соңғы кезеңі радиофармпрепараттар өндірісін тиісті өндірістік практика (GMP) талаптарына сәйкестікке сертификаттау болды.
Институт қызметкерлері болашақта ядролық медицинаның жаңа әзірлемелері негізінде Қазақстан ұлтының денсаулығы мен өмір сүру сапасын нығайту мақсатында радиофармпрепараттардың кең спектрін қолдана отырып, әртүрлі ауруларды диагностикалау мен емдеу үшін жаңа препараттар әзірлеуді жоспарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстандықтар жаңа жылда 1-4 қаңтар аралығында демалады
ҚР Еңбек және халықты әлеуметтік қорғау министрлігі 2025 жылдың қаңтарындағы демалыс күнін ауыстыруды көздейтін бұйрық дайындады.
ҚР Еңбек және халықты әлеуметтік қорғау министрінің "2025 жылы демалыс күнін ауыстыру туралы" бұйрығына сәйкес, 2025 жылғы 5 қаңтардағы жексенбі, яғни демалыс күні 2025 жылғы 3 қаңтарға, жұмаға ауыстырылады, деп хабарлайды министрліктің баспасөз қызметінен.
Осылайша, аптасына бес күн жұмыс жасайтын қазақстандықтар 1-4 қаңтар, ал жұмыс аптасы алты күнді құрайтын азаматтар - 1-3 қаңтар күндері демалатын болды.
Демалыс күнін ауыстыру жұмыс уақытын оңтайлы бөлуге және азаматтардың демалысы үшін қолайлы жағдай жасауға мүмкіндік береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2024 жылғы 1 қарашада 403 мың адамға атаулы әлеуметтік көмек көрсетілді
2024 жылғы 1 қарашада 76 мың отбасындағы 403 мың адамға атаулы әлеуметтік көмек (бұдан әрі - АӘК) тағайындалды. Биыл осы мақсатқа бюджеттен 54,7 млрд теңге қарастырылған, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
Бұрын хабарланғандай, АӘК-нің негізгі мақсаты - ақшалай төлем түрінде қолдауды жүзеге асыру және отбасының еңбекке қабілетті мүшелерін жұмыспен қамтуға жәрдемдесудің белсенді шараларына тарту арқылы отбасын қиын өмірлік жағдайдан шығару.
АӘК мыналарды көздейді:
- табысы өңірлік ең төмен күнкөріс деңгейінің 70% - нан аспайтын азаматтарға тоқсан сайын әлеуметтік көмек тағайындау;
- табысы аз отбасылардағы 1 жас пен 6 жас аралығындағы әр балаға 1,5 АЕК (5 538 теңге) мөлшерінде ай сайынғы қосымша төлем беру. 2024 жылғы 1 қарашаға АӘК алушылар қатарынан мектеп жасына дейінгі 126 мың балаға 4,5 млрд теңге сомасына қосымша төлем тағайындалды;
- жұмысқа орналастыру, өз ісін ашуға ниетті отбасыларға гранттар беру, біліктілікті арттыру курстарына жіберу (қажет болған жағдайда) және басқалар арқылы жұмыспен қамтуға жәрдемдесу.
Қазіргі уақытта қазақстандықтар АӘК тағайындауға өтінішті тұрғылықты жері бойынша мансап орталығында, ауыл округінің әкіміне сондай-ақ Электрондық үкімет порталы (egov.kz) арқылы бере алады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда 21 қарашада радио мен теледидар өшіріледі
Қазақстанда 21 қарашада радио мен теледидар өшіріледі, деп хабарлайды "Қазтелерадио" АҚ баспасөз қызметінен.
Қазтелерадио" АҚ телерадио хабарларын таратудың үздіксіз әрі сапалы болуын қамтамасыз ету мақсатында тоқсан сайын жерсеріктік, цифрлық және аналогты эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді.
2024 жылдың 21 қараша айында сағат 03:00 мен 17:00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады. Уақытша қолайсыздықтар үшін кешірім өтінеміз!", деп көрсетілген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.