Қазақстанда ісікке қарсы препараттар өндірісі іске қосылады
Мұнымен швейцариялық фармацевтикалық компания айналысады
Астана. 2 желтоқсан. KAZAKHSTAN TODAY - Қазақстан Республикасы Денсаулық сақтау министрлігі мен "Roche Holding AG" швейцариялық фармацевтикалық компаниясы ісікке қарсы инновациялық препараттар өндірісін оқшаландыру жөніндегі жобаны іске асыру туралы келісімге қол қойды, деп хабарлайды ҚР Денсаулық сақтау министрлігінің баспасөз қызметі.
Біз швейцариялық технологиялардың Қазақстанға трансфертін, оның ішінде Roche компаниясының Қазақстанның денсаулық сақтау жүйесін дамытуға белсенді үлес қоса отырып, әлеуметтік мәні бар ауруларды диагностикалау мен емдеудің заманауи әдістерін енгізуге бағытталған жобаларды іске асыруын құптаймыз", - деп атап өтті ҚР Денсаулық сақтау министрі Ажар Ғиният концерн басшысы доктор Кристоф Францпен кездесу барысында.
Министр жетекші фармацевтикалық компаниямен бірлескен жоба пациенттердің инновациялық дәрілік заттарға және емдеу әдістеріне, әсіресе сүт безі обыры сияқты белгілі бір онкологиялық ауруларды емдеуге арналған әдістерге қолжетімділігін жақсартатынын атап өтті.
Өз кезегінде фармацевтикалық компанияның басшысы Кристоф Франц қазақстандық тарапқа белсенді ынтымақтастығы үшін алғысын білдіріп, дәрі-дәрмек өндіруден бастап технологиялар трансферіне дейінгі бірқатар бағыттар бойынша әріптестік қатынастар тек нығая түсетініне сендірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Ұлттық парктегі көлдердің айдындарында көлік құралдарын пайдалануға тыйым салынды
Бурабай" мемлекеттік ұлттық табиғи паркі Қазақстан Республикасы Ауыл шаруашылығы министрінің 2010 жылғы 1 қыркүйектегі № 555 бұйрығымен бекітілген "Жеке тұлғалардың ерекше қорғалатын табиғи аумақтарда болу қағидаларына" сәйкес, Ұлттық парктердің су айдындарында, соның ішінде Бурабай көлінің бетіндегі мұз басқан айдында квадроциклмен жүруге тыйым салынғанын хабарлайды.
Бурабай" МҰТП дирекциясы Ұлттық парк аумағында бизнестің мұндай түрін жүргізуге рұқсат берілмегенін еске салады. Суқоймалардың маңында "Көлге кіруге тыйым салынады" ақпараттық тақталар орнатылған.
Күн сайын Ұлттық парктің инспекторлық құрамы Ақмола облыстық полиция департаменті Бурабай аудандық полиция бөлімінің өкілдерімен бірлесіп, табиғат қорғау заңнамасының бұзылуына жол бермеу үшін рейдтік іс-шаралар өткізеді.
Биыл 1 қаңтар мен 5 ақпан аралығында жалпы қолданыстағы жолдан Бурабай көлінің мұзайдынына квадроциклдер шығып кетуіне байланысты 8 факті тіркелді. Барлық жағдайда көлік құралдары тәркіленіп, иелеріне әкімшілік айыппұл салынды.
Бурабай" МҰТП ұжымы Ұлттық саябаққа келушілерден табиғатқа жанашырлық танытуды, ықтиятпен қарауды сұрайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елордада 8-9 ақпанда демалыс күнгі жәрмеңке өтеді
Астанада 8-9 ақпанда кезекті қалалық ауыл шаруашылығы жәрмеңкесі өтеді, деп хабарлайды Астана қаласы әкімдігінің баспасөз қызметінен.
Мұнда Қазақстанның түрлі өңірлерінен - Ақмола, Абай, Шығыс Қазақстан және Қызылорда облыстарынан жергілікті фермерлер мен өндірушілердің өнімдері ұсынылатын болады.
Қала тұрғындары мен қонақтары жеміс-жидек пен көкеніс, ет, ұн және сүт өнімдерін, кондитерлік өнімдерді, табиғи шырын, жем және т.б. сатып ала алады.
Іс-шаралар Нұрғиса Тілендиев даңғылы, 12а мекенжайы бойынша "Koktal" сауда-ойын-сауық орталығында өтеді.
Жәрмеңке әр демалыс күндері 10:00-ден 22:00-ге дейін жұмыс істейді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Метро станцияларында жолаушылардың қауіпсіздігін қамтамасыз ету мақсатында қоршаулар орнату жұмыстары басталды
Метро станцияларында жолаушылардың қауіпсіздігін қамтамасыз ету мақсатында қоршаулар орнату жұмыстары басталды. Бұл туралы Алматы метрополитенінің Instagram парақшасында айтылған.
Жұмыс регламентіне сәйкес, алдымен берік металдан жасалған тіректер орнатылады, кейіннен оларға мықты шыныдан жасалған бөлгіштер бекітіледі.
Жұмыстарды толық аяқтау алдағы апта ішінде жоспарланып отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.