"Лас" көліктер Алматының кей көшесімен жүре алмайды
Қазір қоғам талқылап жатқан Алматы қаласын дамыту бағдарламасының "Жасыл Алматы" деген бөліміндегі ауаны ластау деңгейін төмендету үшін қолданылатын шаралар тізімінде қызық пункт бар. Онда былай жазылған:
2023 жылға дейін пайдаланылған газдардың уыттылығы мен түтіндігінің белгіленген нормаларына сәйкестігіне автомобильдер шығарындыларын өлшеу жүргізу қағидалары қабылданады, Еуразиялық экономикалық одақтың экологиялық таңбалау жөніндегі техникалық регламенттеріне сәйкес автокөлік құралдарына экологиялық сынып беру туралы регламент әзірленетін болады, шығарындыларының деңгейі төмен аймақтарға кіруді шектеу үшін 2025 жылға дейін автомобильдерге экологиялық таңбалау енгізілетін болады", - делінген құжатта.
Көліктен шыққан түтін мөлшерін өлшеу ережесін әкімдік осы күзде қабылдайды.
Жасыл экономика басқармасы Kolesa.kz редакциясына лас машиналардың жүруіне шектеу қоятын белгі тұратын орындар әлі белгіленбегенін айтты. Бірақ тұрғындар жаяу серуендейтін Панфилов сияқты көшелер мен тау жақтағы демалыс орындарына белгі қойылуы мүмкін. Ереже бұзған адам "Сергек" көмегімен анықталады. Автокөлікке экотаңба салуға қатысты сұраққа әкімдік өкілдері оны Экология министрлігіне қарасты Экологиялық реттеу және бақылау комитетінен сұрауға кеңес берді.
Комитет өкілдері экотаңба енгізу идеясы қазір әзірленіп жатқан Астана мен Алматының экологиялық мәселесін кешенді шешу бойынша жол картасына енетінін атап өтті. Бұл тез жүзеге асатын процесс емес, сондықтан жұмыс бірнеше кезеңге бөлінеді:
Бастапқыда автокөліктің экологиялық класы мен одан шығатын зиянды газдың рұқсат етілген мөлшері жазылған 1433-2017 стандартын өзгерту жоспарланған. Бақылаушылардың айтуынша құжатта мүлде зиян газ шығармайтын, онша таза емес көліктер туралы және т. б. жаңа төрт норматив жазылады. Автомобильдер жасыл, сары, қызғылт сары және қызыл стикермен таңбаланады. Әр нормативте көліктен шығатын газдың шекті мөлшері жазылады.
Келесі кезеңде, шамамен 2024 жылы зиян газ мөлшерін анықтау, экологиялық класқа бөлу және түрлі түсті жапсырма беру қызметін техникалық тексеріс станциялары атқарады.
Бірақ техникалық тексеріс біздің елде қалай өтетінін жұрт жақсы біледі. Сондықтан Экореттеу комитеті Әкімшілік кодекске аталған орталықтарға тексеріссіз көлік класын анықтағаны, мәліметтің шынайы болмағаны үшін жауапкершілік артатын түзету енгізуді ұсынды. Мәселен, машина техникалық тексерістен өтіп, стикер алғаннан бір ай өткенде экобекетте түтін мен улы газ шығару деңгейі жоғары екені анықталса, жапсырма берген орталық қатаң жазаланады: айыппұл арқалайды не лицензиядан айырылады", - деп хабарлайды Kolesa.kz.
Әкімшілік кодекске жүргізушілерді көлік түтігінен шығатын улы газ мөлшерін азайтуға міндеттейтін норма да енеді. Ал қала көшелерінде тексеретін жылжымалы экопост көбейеді.
Үшінші кезеңде, яғни 2025 жылға қарай Алматыны экологиялық аймақтарға бөліп, қаланың таза бөліктеріне қызыл не қызғылт сары жапсырмасы бар машиналардың өтуін шектейді. Комитет мамандары Қазақстанда ескі көлік көп екенін жақсы білетіндерін айтты, тыйым салуға қатысты мәселе тұрғындармен ақылдаса отырып шешіледі.
Ақпарат көзі: kolesa.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Астанада еліміздің басты шыршасы жағылды
Бүгін 18 желтоқсанда Астанада 30-дан астам мерекелік шыршаның шамын жағу рәсімі өтті. Іс-шараға 15 мыңнан астам адам қатысты, деп хабарлайды Астана қаласы әкімдігінің баспасөз қызметінен.
Барлық орында көптеген ойын-сауық түрлері ұйымдастырылған: мұз айдындары, сырғанақтар, шағын архитектуралық нысандар, фотоаймақтар және тағы басқалар.
Ең биік 25 метрлік шыршалардың шамы "Астана Арена" стадионының тұрағында және "Қазақ Елі" монументінің алаңында жағылды. "Астана Арена" стадионының тұрағындағы 25 метрлік шырша жарық декоративті ұлпа қармен және өрнектермен, сары және қызыл реңдегі 2500 ойыншықпен, гирляндалармен және т.б. безендірілген. Шыршаны жағу кезінде елорда тұрғындары мен қонақтары үшін Қайрат Баекенов, Ринат Малцагов, AYREE, балалар хоры мен би ұжымдарының қатысуымен концерттік бағдарлама, жаңа жылдық жәрмеңке, сырғанақтар, мұз айдыны, лабиринт, фуд-корт, арнайы тақырыптағы фотоаймақтар және т.б. ұйымдастырылды.
Сондай-ақ, Нұра ауданында бүгін тағы сегіз орында шырша шамы жағылды: орталық саябақта, "Зеленый квартал" ТК скверінде, Үркер тұрғын алабындағы Айғыржал скверінде, "Сарыарқа", "Керуен Сити", "Азия парк", "Хан Шатыр" және "Айланд" сауда-ойын-сауық орталықтарының жанында және Сығанақ пен Ш.Айтматов көшелерінің қиылысында.
Сарайшық ауданындағы Қазақ елі алаңында шырша шамын жағу кезінде қала тұрғындары үшін мерекелік бағдарлама, балаларға арналған аниматорлар және түрлі ойындар ұйымдастырылды. Келушілер ән айтты, би биледі, сырғанақ пен мұз айдынында көңіл көтерді, фотоаймақтарда естелік үшін суретке түсті. Орналасқан жердің өзінде 2 мұз айдыны, екі сәулесі бар сырғанақ, биіктігі 25 метрлік шырша, шағын архитектуралық нысандар мен жарық-люминациялық пано орнатылған.
Сондай-ақ, Сарайшық ауданындағы "Нұрлы Жол" теміржол вокзалы маңында жаңа жылдық шырша жағылды.
Алматы ауданында жаңа жылдық шыршалар шамы Тәуелсіздік даңғылындағы Оқушылар сарайының аумағында, "Sana Sport" Спорт кешенінің аумағында, Рысқұлбеков көшесіндегі "Алма" саябағында, Astana Music Hall (құмыра) маңында және Қошқарбаев даңғылы, 80/1 мекенжайында жағылды.
Есіл ауданында, ЭКСПО аумағында 23 метрлік шырша да жарқырап тұр. Шырша 4000-нан астам ойыншықпен безендірілген, олардың ішінде диаметрі 15-тен 40 см-ге дейінгі шарлар, гирляндалар және т.б. бар. Алаңда сырғанақтар мен мұз айдыны бар, елорда тұрғындары мен қонақтары шағын архитектуралық нысандардың фонында ертегі кейіпкерлерінің жанында суретке түсе алады.
Байқоңыр ауданында бес орында жаңа жылдық шыршалар мына орындарда безендірілді: Жастар сарайының аумағы, К.Ататүрік атындағы саябақ, Ж.Тәшенов көшесінде, Өндіріс тұрғын алабында (Ақбидай мен Кеменгерұлы көшелерінің қиылысы) және Кирпичный тұрғын алабында (Чехоев және Жолымбет көшелерінің қиылысы), "Қоянды" саяжай алабында. Сонымен қатар, ауданда Кеншілер, 5 және Досмұхамедұлы, 6 мекенжайлары бойынша бес метрлік екі шырша орнатылды.
Сарыарқа ауданында әртүрлі биіктіктегі 3-тен 18 метрге дейінгі алты шыршаның шамы жарқырап тұр. Олар мына мекенжайларда орнатылған: қалалық алаң, Бөгенбай батыр даңғылы, 43 мекеннжайындағы сквер, "Көктал" саябағы, Есіл өзенінің жағасы және Юбилейная көшесі, 22.
Естеріңізге сала кетейік, елорданың 6 ауданында бүгін 30-дан астам мерекелік шыршаның шамы жағылды, сондай-ақ мұз айдындары, сырғанақтар, жаңа жылдық жәрмеңке және т.б. бар қысқы қалашықтар өз жұмысын бастайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Еліміздің бірнеше республикалық трассаларында жол қозғалысы ашылды
Еліміздің бірнеше республикалық трассаларында жол қозғалысы ашылды, деп хабарлайды "КазАвтоЖол".
2024 жылғы 16 желтоқсан сағат 07:00-де келесі республикалық автожолдарда көлік қозғалысы ашылады:
Алматы облысы:
Алматы-Өскемен" автожолының 77-124 шақырым аралығындағы учаскеде (Қонаев қаласынан Жетісу облысының шекарасына дейін)
"Алматы-Шелек-Қорғас" автожолының 136-254 шақырым аралығында (Шелек ауылынан Жетісу облысы шекарасына дейін).
"Алматы-Көкпек-Көктал-Қорғас" автожолының 136-172 шақырым аралығында (Шелек ауылынан Көкпек ауылына дейін)
"Көкпек-Кеген-Тюп" автожолының 0-72 шақырым аралығында (Көкпек ауылынан Кеген ауылына дейін)
Жетісу облысы:
Алматы-Өскемен" автожолының 276-480 шақырым аралығындағы учаскеде (Талдықорған қаласынан Көлбай ауылына дейін)
Алматы-Өскемен" автожолының 124-276 шақырым аралығындағы учаскеде (Алматы облысының шекарасынан Талдықорған қаласына дейін)
Алматы-Өскемен" автожолының 45-68 шақырым аралығында (Сарыөзек ауылынан-Көктал ауылына дейін Алтын Емел асуы)
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тәуелсіздік күні қарсаңында Қызылордада 500-ден астам отбасы жаңа баспанаға ие болды
ҚР Премьер-министрінің орынбасары Тамара Дүйсенова Қызылорда облысына жұмыс сапары барысында жаңа пәтерлер кілтін табыстау рәсіміне қатысты. Сырдарияның сол жағалауында баспана кезегінде тұрған отбасыларға арнап салынған жеті қабатты 6 үй пайдалануға берілді, деп хабарлайды Үкіметтің баспасөз қызметінен.
Халықтың әл-ауқатын жақсарту, жайлы өмір сүруге жағдай жасау - еліміздің маңызды стратегиялық міндеттерінің бірі. Мемлекетіміз үшін қастерлі мереке - Тәуелсіздік күні қарсаңында 500-ден астам отбасы қоныс тойын тойлағалы отыр. Қуаныштарыңыз құтты болсын!", - деді, жаңа қоныс иелерін құттықтаған вице-премьер.
Жаңа пәтер кілтін алғандар қатарында көпбалалы отбасылар да бар. Мәселен, Әсия Есенбекова 5 жыл пәтер кезегінде тұрған.
Бүгін бізге 3 бөлмелі пәтер кілті табысталды. Баспаналы болу - біздің отбасымыз үшін үлкен қуаныш. Біз өте ризамыз. Көрсеткен қолдауларыңыз үшін сіздерге алғысымызды білдіреміз", - деді Әсия Есенбекова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жаңа автобус бағыты ашылады
Алматыда "Нұршашқан" шағын ауданы тұрғындарын қолжетімді көлікпен қамтамасыз ету үшін жаңа тұрақты автобус бағыты ұйымдастырылды, деп хабарлайды Алматы қаласы әкімдігінің баспасөз қызметінен.
№91 бағыттағы автобус "Нұршашқан" шағын ауданы - Алматы-2 теміржол вокзалы" бағыты бойынша 13 желтоқсаннан бастап қатынайды. Бұл бағытты "Алматыэлектротранс" ЖШС "Golden Dragon" маркалы газбен жүретін автобустарымен қамтамасыз етеді. Күн сайын 12 автобус жолға шығады, қозғалыс аралығы 12 минут.
Айта кету керек, жолаушылар мен жүкті автокөлікпен тасымалдау ережесіне сәйкес, маршрут уақытша байқау өткізілгенге дейін тасымалдаушыға берілді және сынақ режимде жұмыс істейді. Жолаушылар легі мен халықтың қажеттілігін ескере отырып, қозғалыс сызбасына түзетулер енгізілуі мүмкін.
Естеріңізге сала кетейік, биыл мегаполис басшысы Ерболат Досаевтың тапсырмасымен әкімдік 600 автобус, 112 троллейбус және 100 электроавтобус сатып алды. Жыл басынан бері қалалық мобилділік басқармасы 18 қала маңындағы және 3 қала ішіндегі маршрутты ұйымдастырды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ХҚКО және мамандандырылған орталықтар Тәуелсіздік күні мерекесіне орай қалай жұмыс істейді
Азаматтарға арналған үкімет" Мемлекеттік корпорациясы халыққа қызмет көрсету орталықтары мен мамандандырылған орталықтар Тәуелсіздік күні мерекесіне орай 16 желтоқсан жұмыс істемейтінін хабарлайды.
Бұл ретте, 14 желтоқсан, кезекші орталықтар үшін жұмыс күні болып саналады. Қызметтерді 9.00-ден 13.00-ге дейін алуға болады.
17 желтоқсан, яғни сейсенбі ХҚКО мен МХҚКО азаматтарды әдеттегі жұмыс кестесі бойынша қабылдайды.
Еске салайық, орталықтар жұмыс күндері сағат 9.00-ден 18.00-ге дейін жұмыс істейді. Кезекші ХҚКО жұмыс күндері 20.00-ге дейін, сенбі күндері 13.00-ге дейін жұмыс істейді. Кезекші мамандандырылған ХҚКО дүйсенбі мен жұма аралығында 18.00-ге дейін азаматтарды қабылдайды, ал дайын құжаттарды 20.00-ге дейін алуға болады. Сенбі күні мамандандырылған ХҚКО 13.00-ге дейін жұмыс істейді.
Халыққа қызмету көрсетететін кезекші орталықтардың мекенжайларымен Instagram-дағы ресми парақшадан білуге болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Павлодар облысында мүгедектігі бар адамдар үшін 800-ден астам объект бейімделген
Мүгедектігі бар адамдардың заңды құқықтарын қамтамасыз ету және олар үшін қолжетімді ортаны қалыптастыру мақсатында Павлодар облысында 813 әлеуметтік инфрақұрылым нысаны толық бейімделді, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
Қазіргі уақытта елімізде Қазақстан Республикасында мүгедектігі бар адамдардың құқықтарын қамтамасыз ету және өмір сүру сапасын жақсарту жөніндегі 2025 жылға дейінгі ұлттық жоспар, "Аманат" партиясының 2023-2027 жылдардағы жол картасы және Мемлекет басшысының тапсырмасы бойынша әзірленген "Халықпен бірге" жобасы іске асырылуда.
Amanat" партиясының жол картасында 2023 - 2027 жылдар аралығында Интерактивті қолжетімділік картасына (бұдан әрі - Карта) енгізілген 40 мыңнан астам нысанды бейімдеу бойынша жұмыс көзделген. Жыл сайын объектілердің 20%-ы бейімделуге жатады.
Осылайша, 2023 жылы - Картадағы объектілердің 20%, 2024 жылы - 40%, 2025 жылы - 60%, 2026 жылы - 80%, 2027 жылы - 100%. Қазіргі уақытта ел бойынша 22 166 объект толығымен бейімделген.
2024 жылдың соңына дейін Павлодар облысында 690 нысанды бейімдеу жоспарланған еді, өңірде жоспар артығыфмен орындалып, 813 нысанда бейімдеу жұмыстары жүргізілді.
Мәселен, өңірдегі 813 объектінің ішінен төмендегі объектілер мүгедектігі бар адамдардың барлық санаттары үшін қол жетімді:
- денсаулық сақтау объектілері - 96;
- білім беру мекемелері - 323;
- мәдениет нысандары - 151;
- сауда және қызмет көрсету объектілері - 55;
- мемлекеттік және квазимемлекеттік ұйымдар - 140;
- спорт нысандары - 21;
- көлік инфрақұрылымының объектілері - 3;
- қоғамдық тамақтандыру ұйымдары - 3;
- әлеуметтік қорғау объектілері - 6;
- басқалары - 15.
Бұдан басқа, осы жылы мемлекеттік бақылау шеңберінде Халықты әлеуметтік қорғау саласындағы реттеу және бақылау комитетінің Павлодар облысы бойынша департаменті мемлекеттік басқару, денсаулық сақтау, әлеуметтік қорғау, мәдениет, жеке кәсіпкерлік, сауда және т. б. салалардағы әлеуметтік инфрақұрылым объектілеріне 46 тексеру жүргізді, оның ішінде: 33 профилактикалық бақылау шеңберінде, жоспардан тыс 13 тексеру болды.
Тексеру қорытындысы бойынша анықталған бұзушылықтарды жою туралы 44 ұйғарым берілді, 2,3 млн теңгеден астам сомаға 10 әкімшілік айыппұл салынды.
Объектілердің меншік иелеріне профилактикалық бақылау жүргізу кезінде бұзушылықтар алғаш рет анықталған кезде оларды әкімшілік жауапкершілікке тартпастан жою туралы нұсқамалар ғана берілетінін атап өту қажет. Нұсқама белгіленген мерзімде орындалмаған жағдайда айыппұл салынады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда 2025 жылы тағы 100 мектеп автобусын сатып алу қаржыландырылады
Қаланың 2025-2027 жылдарға арналған тиісті бюджеті Алматы мәслихатының сессиясында қабылданды, деп хабарлайды Алматы қаласы әкімдігінің баспасөз қызметінен.
Естеріңізге сала кетейік, Алматы қаласының "Мектеп автобусы" жобасы Қазақстанда алғаш рет 2023 жылы Алматы әкімі Ерболат Досаевтың тапсырмасы бойынша іске қосылған болатын.
Жобаның екінші кезеңі аясында ағымдағы жылы оқушыларды тасымалдау үшін қосымша 100 автобус сатып алынды. Осылайша, қазір 200 автобус 51 мектептің 9 мыңнан астам оқушысын тасымалдайды. Келесі жылы Алматы әкімдігінің жобалық кеңсесінің қолдауымен тағы 100 автобус сатып алу жоспарлануда.
Автобустар шалғай және жету қиын аудандарда тұратын балалар оқитын мектептерден өтінімдер түскен сайын маршруттарға шығады. Бұған басымдық беріледі, себебі мектеп автобустары осыған қарай бөлінеді. Әр мектеп үшін оқушылардың тасымалдануын қамтамасыз ету үшін егжей-тегжейлі маршруттық парақтар әзірленді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.