ҚР Денсаулық сақтау министрлігінің жүйесі төтенше жағдайларға дайын емес - мәжілісмен
Парламентарийдің пікірінше, бұл проблема Төтенше жағдайлар министрлігі, Денсаулық сақтау министрлігі, Еңбек және әлеуметтік қорғау министрлігі, Ішкі істер министрлігі, жергілікті атқарушы орган сынды республикалық және жергілікті деңгейдегі бірқатар мемлекеттік органдардың жауапкершілігіне қатысты ұйымдастырушылық сонымен қатар заңнамалық аспектілердің кең ауқымын қамтиды.
Соңғы жылдары жиілеп кеткен төтенше оқиғалар мен жағдайлардың тәжірибесі көрсетіп отырғандай, апаттар медицинасы жүйесі денсаулық сақтау министрлігінің жүйесі сияқты сын-тегеурінге дайын емес. Стандартты емес жағдайда оларға жеделдік, сондай-ақ дағдарысты басқару тәжірибесі мен өкілеттік жетіспейді. Жауапты органдар мен жергілікті деңгейдегі қызметтер жоғары құрылымдардың бұйрықтары мен келісімдерін күтіп отырғанда, шешім қабылдау және әрекет ету құзыретінен айырылады", - деді Мәжіліс депутаты төменгі палата отырысында.
Қаңтар айындағы оқиғаларды негізге ала отырып, депутат төтенше жағдай кезінде халыққа медициналық көмек көрсетуді ұйымдастыру мәселесінің өзектілігі артқанын айтты.
Ерлан Смайловтың сөзінше, жедел жәрдем көліктеріне шабуыл жасалып, инсульт, инфаркт, жарақат алған адамдарға медициналық көмек көрсетуге кедергі келтірілді. Науқастарды тәулік бойы жұмыс істейтін стационарларға жатқызу көрсеткіші ең шекті деңгейге дейін төмендеді. Төтенше жағдай кезінде денсаулық сақтау мекемелері мен стационарлардағы науқастар тасымалдың тоқтатылуына байланысты азық-түлік және ауыз су қорының тапшылығын бастан кешірді.
Амбулаторлық деңгейдегі созылмалы дерті бар науқастар консультативтік қолдаусыз қалды. Перзентхананың қабылдау бөліміне түскен кезде әйелдерден қала бойынша жүріп-тұрудың қауіптілігіне қарамастан ПТР анықтамасын талап етілді. Қаланың тергеу изоляторларында бір мезгілде медициналық көмек көрсетуді талап еткен жүздеген, мыңдаған адам болды.
Нақты фактілерді келтіре отырып, ҚХП депутаты ведомствоаралық және сектораралық өзара іс-қимыл тұрғысынан функционалды кеңейтіп, жедел міндеттерді қайта қарау керек деген байлам жасады.
Ерлан Смайловтың пікірінше, бұл үшін халықаралық сарапшыларды тарта отырып, төтенше жағдай кезінде туындауы мүмкін мәселелерді зерделейтін ведомствоаралық жұмыс тобын құру қажет.
Бұдан кейін заңнамаға қажетті түзету енгізуді қоса алғанда, ұсыныстар мен шаралар жоспарын әзірлеу, сондай-ақ төтенше жағдай режимі енгізілген жағдайда пациенттерге қашықтан медициналық консультация беру қызметін қалыптастыру керек", - деп атап өтті ол.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстандықтар жаңа жылда 1-4 қаңтар аралығында демалады
ҚР Еңбек және халықты әлеуметтік қорғау министрлігі 2025 жылдың қаңтарындағы демалыс күнін ауыстыруды көздейтін бұйрық дайындады.
ҚР Еңбек және халықты әлеуметтік қорғау министрінің "2025 жылы демалыс күнін ауыстыру туралы" бұйрығына сәйкес, 2025 жылғы 5 қаңтардағы жексенбі, яғни демалыс күні 2025 жылғы 3 қаңтарға, жұмаға ауыстырылады, деп хабарлайды министрліктің баспасөз қызметінен.
Осылайша, аптасына бес күн жұмыс жасайтын қазақстандықтар 1-4 қаңтар, ал жұмыс аптасы алты күнді құрайтын азаматтар - 1-3 қаңтар күндері демалатын болды.
Демалыс күнін ауыстыру жұмыс уақытын оңтайлы бөлуге және азаматтардың демалысы үшін қолайлы жағдай жасауға мүмкіндік береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2024 жылғы 1 қарашада 403 мың адамға атаулы әлеуметтік көмек көрсетілді
2024 жылғы 1 қарашада 76 мың отбасындағы 403 мың адамға атаулы әлеуметтік көмек (бұдан әрі - АӘК) тағайындалды. Биыл осы мақсатқа бюджеттен 54,7 млрд теңге қарастырылған, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
Бұрын хабарланғандай, АӘК-нің негізгі мақсаты - ақшалай төлем түрінде қолдауды жүзеге асыру және отбасының еңбекке қабілетті мүшелерін жұмыспен қамтуға жәрдемдесудің белсенді шараларына тарту арқылы отбасын қиын өмірлік жағдайдан шығару.
АӘК мыналарды көздейді:
- табысы өңірлік ең төмен күнкөріс деңгейінің 70% - нан аспайтын азаматтарға тоқсан сайын әлеуметтік көмек тағайындау;
- табысы аз отбасылардағы 1 жас пен 6 жас аралығындағы әр балаға 1,5 АЕК (5 538 теңге) мөлшерінде ай сайынғы қосымша төлем беру. 2024 жылғы 1 қарашаға АӘК алушылар қатарынан мектеп жасына дейінгі 126 мың балаға 4,5 млрд теңге сомасына қосымша төлем тағайындалды;
- жұмысқа орналастыру, өз ісін ашуға ниетті отбасыларға гранттар беру, біліктілікті арттыру курстарына жіберу (қажет болған жағдайда) және басқалар арқылы жұмыспен қамтуға жәрдемдесу.
Қазіргі уақытта қазақстандықтар АӘК тағайындауға өтінішті тұрғылықты жері бойынша мансап орталығында, ауыл округінің әкіміне сондай-ақ Электрондық үкімет порталы (egov.kz) арқылы бере алады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда 21 қарашада радио мен теледидар өшіріледі
Қазақстанда 21 қарашада радио мен теледидар өшіріледі, деп хабарлайды "Қазтелерадио" АҚ баспасөз қызметінен.
Қазтелерадио" АҚ телерадио хабарларын таратудың үздіксіз әрі сапалы болуын қамтамасыз ету мақсатында тоқсан сайын жерсеріктік, цифрлық және аналогты эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді.
2024 жылдың 21 қараша айында сағат 03:00 мен 17:00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады. Уақытша қолайсыздықтар үшін кешірім өтінеміз!", деп көрсетілген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.