"Таза Қазақстан" акциясы аясында Астанадан 5 тоннадан аса қоқыс шығарылды

Астана - тазалық пен тәртіптің үлгісі" ауқымды экологиялық акциясы жалғасып жатыр. "Таза Қазақстан" жалпыұлттық бастамасы аясында су қоймасын қоқыс пен қалдықтардан тазарту бойынша сенбілік өтті, деп хабарлайды Астана қаласы әкімдігінің баспасөз қызметінен. Экологиялық акция Байқоңыр ауданында, Қоянды су қоймасының аумағында өтті, оған 100-ден астам адам қатысты. "Таза Қазақстан". Астана - тазалық пен тәртіптің үлгісі" акциясы Байқоңыр ауданында белсенді түрде жалғасуда. Акцияға ҚР ПІБ әкімшілік ғимараттар дирекциясының қызметкерлері, еңбек ұжымдары, жастар және аудан тұрғындары қатысты", - деді Байқоңыр ауданы әкімі аппаратының абаттандыру бөлімінің бас маманы Айбек Ашуов. Акция қоқысты жинаумен шектелмейді, сондай-ақ халықтың экомәдениеті мен мінез-құлқын қалыптастыруға, жаңа экологиялық әдеттерді сіңіруге мүмкіндік береді. Экоакция нәтижесінде аудан аумағынан 5 тонна қоқыс шығарылды. Тазалауға тиегіштер мен самосвалдар сынды 5 түрлі арнайы техника жұмылдырылды. "Таза Қазақстан" экологиялық акциясы аясында біз Қоянды су қоймасының аумағында сенбілік өткіздік. Бұл іс-шара қоғамдық кеңістіктерді тазартуға және абаттандыруға көмектеседі, оларды өмір сүру үшін тартымды және жайлы етеді. Таза және ұқыпты аумақтар санитарлық жағдайды жақсартуға ықпал етеді, бұл тұрғындардың денсаулығына оң әсер етеді. Сенбіліктер - бұл тазалық пен тәртіпке қосқан үлесі ғана емес, сонымен қатар белсенді азаматтық ұстаным таныту мүмкіндігі", - деп бөлісті су нысандары және қалдықтар бөлімінің маманы Әсел Сапбаева. Айта кетейік, "Таза Қазақстан" экологиялық акциясы жалғасуда. Ауқымды экоакция шеңберінде қаланы санитарлық тазарту, нөсер және арық кәріздерін тазарту, көшелерді, тротуарларды, орамішілік аумақтарды, қоғамдық кеңістіктер мен аулаларды тазалау жұмыстары жүргізілуде. Сондай-ақ жасыл желектерді күтіп ұстау және отырғызу, сауда нысандарына іргелес аумақтарды жинау, көгалдар мен гүлзарларды орнату жұмыстары жүргізілуде.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.