Жеке сот орындаушыларының республикалық палатасы Алматыдағы атысқа қатысты түсініктеме берді
Үйден шығару туралы аталған атқарушылық іс жүргізу екі жеке тұлғаның дауы болып табылады. Электрондық сауда-саттықта тұрғын үй сатып алған және меншік құқығы тіркелген адам бұрынғы тұрғын үй иелерін шығару туралы сотқа жүгінді. 2020 жылдың 10 маусымында сот бұл талапты қанағаттандырды. Өткен жылдан бастап борышкер сот шешімін орындау қажеттілігі туралы бірнеше рет хабардар етілді. Үйден шығару туралы сот шешімін орындау кезінде қайғылы оқиға болды, бес адам қаза тапты. Жеке сот орындаушыларының кәсіби қоғамдастығы тарапынан қаза тапқандардың отбасыларына жан-жақты қолдау және қажетті көмек көрсетілетін болады", - деп хабарлады палатада.
Жеке сот орындаушыларының республикалық палатасы қаза тапқандардың отбасылары мен жақындарына қайғырып көңіл айтты. Қаза тапқандардың отбасылары мен кәмелетке толмаған балалары қалды. Оқиғаның мән-жайын құқық қорғау органдары тергеуде.
Естеріңізге сала кетейік: 20 қыркүйекте Алматы қаласында меншік құқығы туралы сот шешімін орындау кезінде шығарылған тұрғын аңшылық мылтықтан оқ жаудырды. Нәтижесінде бес адам, оның ішінде екі полиция қызметкері, сот орындаушысы және мүліктің жаңа иесі қайтыс болды. Аталған факті бойынша Қазақстан Республикасы Қылмыстық кодексінің 99-бабы 2-бөлігінің 1-тармағы (Екі және одан да көп адамға қатысты кісі өлтіру) бойынша қылмыстық іс қозғалды. Бұл қылмыс үшін жаза заңмен қарастырылған - 20 жылға дейін бас бостандығынан айыру немесе өмір бойы бас бостандығынан айыру. Күдікті арнайы мақсаттағы бөлімше жауынгерлерінің қатысуымен қару қолданбай ұсталды, себебі үйде әйелдер мен балалар болған.
Алматы әкімі Бақытжан Сағынтаев қаза тапқандардың отбасыларына көңіл айтты. Әкімнің айтуынша, отбасыларға барлық қажетті көмек көрсетіледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстандықтар жаңа жылда 1-4 қаңтар аралығында демалады
ҚР Еңбек және халықты әлеуметтік қорғау министрлігі 2025 жылдың қаңтарындағы демалыс күнін ауыстыруды көздейтін бұйрық дайындады.
ҚР Еңбек және халықты әлеуметтік қорғау министрінің "2025 жылы демалыс күнін ауыстыру туралы" бұйрығына сәйкес, 2025 жылғы 5 қаңтардағы жексенбі, яғни демалыс күні 2025 жылғы 3 қаңтарға, жұмаға ауыстырылады, деп хабарлайды министрліктің баспасөз қызметінен.
Осылайша, аптасына бес күн жұмыс жасайтын қазақстандықтар 1-4 қаңтар, ал жұмыс аптасы алты күнді құрайтын азаматтар - 1-3 қаңтар күндері демалатын болды.
Демалыс күнін ауыстыру жұмыс уақытын оңтайлы бөлуге және азаматтардың демалысы үшін қолайлы жағдай жасауға мүмкіндік береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2024 жылғы 1 қарашада 403 мың адамға атаулы әлеуметтік көмек көрсетілді
2024 жылғы 1 қарашада 76 мың отбасындағы 403 мың адамға атаулы әлеуметтік көмек (бұдан әрі - АӘК) тағайындалды. Биыл осы мақсатқа бюджеттен 54,7 млрд теңге қарастырылған, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
Бұрын хабарланғандай, АӘК-нің негізгі мақсаты - ақшалай төлем түрінде қолдауды жүзеге асыру және отбасының еңбекке қабілетті мүшелерін жұмыспен қамтуға жәрдемдесудің белсенді шараларына тарту арқылы отбасын қиын өмірлік жағдайдан шығару.
АӘК мыналарды көздейді:
- табысы өңірлік ең төмен күнкөріс деңгейінің 70% - нан аспайтын азаматтарға тоқсан сайын әлеуметтік көмек тағайындау;
- табысы аз отбасылардағы 1 жас пен 6 жас аралығындағы әр балаға 1,5 АЕК (5 538 теңге) мөлшерінде ай сайынғы қосымша төлем беру. 2024 жылғы 1 қарашаға АӘК алушылар қатарынан мектеп жасына дейінгі 126 мың балаға 4,5 млрд теңге сомасына қосымша төлем тағайындалды;
- жұмысқа орналастыру, өз ісін ашуға ниетті отбасыларға гранттар беру, біліктілікті арттыру курстарына жіберу (қажет болған жағдайда) және басқалар арқылы жұмыспен қамтуға жәрдемдесу.
Қазіргі уақытта қазақстандықтар АӘК тағайындауға өтінішті тұрғылықты жері бойынша мансап орталығында, ауыл округінің әкіміне сондай-ақ Электрондық үкімет порталы (egov.kz) арқылы бере алады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда 21 қарашада радио мен теледидар өшіріледі
Қазақстанда 21 қарашада радио мен теледидар өшіріледі, деп хабарлайды "Қазтелерадио" АҚ баспасөз қызметінен.
Қазтелерадио" АҚ телерадио хабарларын таратудың үздіксіз әрі сапалы болуын қамтамасыз ету мақсатында тоқсан сайын жерсеріктік, цифрлық және аналогты эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді.
2024 жылдың 21 қараша айында сағат 03:00 мен 17:00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады. Уақытша қолайсыздықтар үшін кешірім өтінеміз!", деп көрсетілген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.