Альберт Линдердің өлімі: өзін-өзі өлтіруге итермелеу ісі жабылды
Сурет: prosports.kz
Полиция басқармасының хабарламасында іс қылмыстық құрамның жоқтығы себепті Қылмыстық процессуалдық кодекстің 2-бабы 2-тармағы бойынша жабылғаны айтылған.
Істің жабылғаны туралы хабарламаны мен 19 қарашада алдым. Олар екі ай озып, соңында қағаз жіберіп құтылды. Мен тергеушіге қоңырау шалып, жала жабу туралы құжаттардың неге қаралмағынын сұрадым. Ол бұл мәселе келісіліп жатқанын айтқан", - дейді спортшының анасы Наталья Линдер.
Анасының айтуынша, Олимпиаданың қола жүлдегерлері Карина Горичева мен Игорь Сон, 2013 жылғы әлем чемпионатының қола жүлдегері Зелимхан Абубакаров та тергеуге қатысты. Сонымен қатар құраманың бас бапкері Сергей Седовтан жауап алынды.
Бетпе-бет жауап алу кезінде бапкерден допинг-бақылауды қай зертхана жүргізгені туралы сұралды. Оның Альберттің допинг нәтижесі "лас" екенін қайдан білгені туралы жауап алынды. Ал бапкер болса бақылау бейресми жасалғанын және қай зертхана жасағаны есінде жоқ екенін айтты", - дейді анасы.
Бүгінгі күні Альберт Линдердің анасы "Жала жабу" бабы бойынша арыз жазды. Өйткені қыркүйек айында КТК арнасына берген сұхбатта Седов Альберттің проблемасы Риодағы Олимпиада алдында допинг нәтижесі кезінде басталғанын айтқан.
Седов Альбертің өлімінен кейін БАҚ-қа сұхбат берді. Сол кезде ұлымның төрт допинг нәтижесі "таза" болғанын, бесіншісі "лас" болып шыққанын айтты. Сол жерде ол допингтік компанияның қалай келіп сынама алатыны туралы да сөз қозғаған. Содан кейін біз Альберттің 29 допинг бақылаудан өткенін, оның бәрі таза екенін білдік. Мен бұл факт бойынша полицияға арызданып, құжаттарды ұсындым", - дейді Наталья Линдер.
Ұлттық антидопингтік орталықтың құжатында Альберт Линдердің 29 допинг-бақылаудан өткені, олардың бәрі "таза" екені туралы жазылған.
Альберт Линдер 17 қыркүйек күні көз жұмды. Ол небәрі 25 жаста болатын. Спортшы өз-өзіне қол салды. Линдер жасөспірімдер арасындағы әлем чемпионы және Азия чемпионы болған. Универсиадада жеңімпаз атанып қана қоймай, рекордқа да қол жеткізді.
Алматы облыстық полиция департаменті ауыр атлет Альберт Линдердің өліміне қатысты қылмыстық іс қозғады. Ауыр атлетика федерациясы тергеуге қолдау көрсетуге ниетті екенін жеткізді.
Қазақстандық ауыр атлеттер Линдердің өлімінен кейін өз медальдерін қоқысқа лақтыра бастады.
Альберт Линдердің қазасынан кейін бір нәрсені түсіндім – қан мен тердің арқасында тапқан мына медальдердің енді маған керегі жоқ. Халқым үшін емес, кей адамдардың пайдасы үшін көп жыл маңдай терімді төгіп еңбектеніп, жаттығып, жарыстарға қатысқанымды біле тұра, бұл медальдерді қалдыра алмаймын", - деді ауыр атлет Михаил Макеев.
Альберттің інісі Семен Линдер құрамының аға бапкері Сергей Седов тәрбиеленушілеріне қол жұмсағанын айтты. 2016 жылғы Олимпиада ойындарының қола жүлдегері Карина Горичеваның айтуынша, ол Седовтан әлі күнге дейін қорқады.
Осыған байланысты ауыр атлетика федерациясының ерлер ұлттық құрамасының аға жаттықтырушысы Сергей Седов қызметінен шеттетілді.
Ақпарат көзі: sputnik.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Астанада Рақымжан Қошқарбаевтың 100 жылдығына орай кикбоксингтен турнир өтіп жатыр
Елордада Халық қаһарманы Рақымжан Қошқарбаевтың 100 жылдығына орай кикбоксингтен республикалық турнирдің гала-финалдық және кәсіби кездесулерінің ашылуы өтті. Іс-шара "Астана - есірткісіз қала" жобасы аясында ұйымдастырылып, әлемнің және Азияның чемпиондарымен бірге есептегенде Қазақстанның 13 облысынан 500-ден астам спортшы жиналды, деп хабарлайды Астана қаласы әкімдігінің баспасөз қызметінен.
Астана қаласы полиция департаменті есірткі қылмысына қарсы іс-қимыл басқармасы бастығының м.а., полиция полковнигі Еркеш Халықов кикбоксингтен турнирдің ерекше маңыздылығын атап өтті, оның айтуынша, мұндай спорттық іс-шараларды өткізу жастардың салауатты әдеттерін қалыптастыруда және салауатты өмір салтын насихаттауда маңызды рөл атқарады.
Спикер спорт, әсіресе жекпе-жек өнері, адамның бойында тәртіпті, табандылық пен жеңіске деген ерік-жігерді тәрбиелейтінін атап өтті. Бұл - зиянды тәуелділіктен аулақ болуға және дұрыс жолды таңдауға көмектесетін қасиеттер. "Кикбоксинг - бұл жай ғана спорт емес, ол сіздің энергияңызды пайдалы бағытқа бағыттау, ақыл-ой күшін дамыту және мінезді тәрбиелеу мүмкіндігі. Біз мұндай іс-шаралар нашақорлықпен күресуге ықпал етеді, жастарға өмірден өз жолдарын табуға мүмкіндік береді деп сенеміз", - деді ол.
Спортшылар арасында әлем және Азия чемпионаттарына қатысушылар бар. Барлық қатысушы жоғары деңгейде дайындалған. Барлығы жеңіске барынша ұмтылады, сондықтан жарыс өте эмоционалды түрде өтеді", - деп әсерімен бөлісті елордалық спортшы Әмір-Акиф Абдуллаев.
Гала-финалдың ерекшелігі - бұл шоудың белгілі бір атмосферасында өтетін турнирлердің финалы. Осының арқасында жекпе-жек әлдеқайда әсерлі болады, ал спортшылардың эмоциялары ерекше болады", - деді турнирдің негізгі ұйымдастырушысы және кикбоксингтен жаттықтырушы Ернар Омаров.
Турнирді қорытындылау салтанатты түрде өтеді, ал үздік спортшылар лайықты сыйлықтармен және медальдармен марапатталады. Турнирдің мақсаты - патриотизмді нығайту және жас ұрпақтың ұлттық тарих пен мәдениетке деген қызығушылығын қалыптастыру.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елордада үстел теннисінен XXVII Азия чемпионаты басталды
Елордада үстел теннисінен XXVII Азия чемпионаты басталды, деп хабарлайды Қазақстан Республикасы Туризм жəне спорт министрлігінің баспасөз қызметінен.
Астанадағы Beeline Arena Ұлттық теннис орталығында елімізде алғаш рет ұйымдастырылып жатқан үстел теннисінен XXVII Азия чемпионатының жалауы желбіреді. Чемпионатқа Азия құрлығының 26 елінен келген 210 спортшы қатысып жатыр.
Сары құрлық додасының ашылу салтанатына Туризм және спорт вице-министрі Серік Жарасбаев қатысып, байрақты бәсекеде өнер көрсететін спортшыларға сәттілік тіледі.
Үстел теннисінен XXVII Азия чемпионатының басталуымен барша спорт сүйер қауымды құттықтаймын! Қазіргі таңда елімізде үстел теннисіне ерекше көңіл бөлініп, бұл спорт түрі қарқынды дамып келеді. Кейінгі бірнеше жылда жерлестеріміз халықаралық жарыстарда жақсы нәтижелер көрсетіп жүр. Олардың қатарында үш Олимпиада ойындарында ел намысын қорғаған Кирилл Герасименко, әлем біріншілігінің жеңімпазы Алан Құрманғалиев және басқа да спортшыларымыз бар. Бұл чемпионат - біздің еліміз үшін ғана емес, бүкіл Азия үшін маңызды оқиға. Бүгін біз әлемнің ең мықты ойыншыларын қарсы алып, құрлықтағы үстел теннисі әлеуетін танытуға дайынбыз!" - деді Серік Жарасбаев.
Елордадағы біріншілікте әлемнің үздік ойыншылары, соның ішінде Олимпиада чемпионы Ван Чуцинь (Қытай), күміс жүлдегерлер Мива Харимото мен Миу Хирано (Жапония), сондай-ақ Олимпиаданың алтын жүлдегері Сунь Инша (Қытай) бақ сынайды.
Бұл сында ел намысын Рио-2016, Токио-2020, Париж-2024 Олимпия ойындарының қатысушысы Кирилл Герасименко, 2020 жылғы Токио Олимпиадасының қатысушысы Анастасия Лаврова, миксте жастар арасындағы әлем чемпионатының жеңімпазы Алан Құрманғалиев, сондай-ақ халықаралық турнирлердің жүлдегері Сарвиноз Миркадирова мен Зауреш Акашева қорғайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бүгін Қызылордада жаңа үстел теннисі орталығы салтанатты түрде ашылды
Бүгін Қызылордада жаңа үстел теннисі орталығы салтанатты түрде ашылды, деп хабарлайды "Самұрық-Қазына" Қорының баспасөз қызметінен.
Жобаны "Самұрық-Қазына" Қоры қаржыландырды.
Аумағы 3 652 шаршы метр жаңа екі қабатты орталықта үстел теннисіне арналған 16 корт бар және күніне 150 адамды қабылдай алады.
Бұл нысан өңірде бұқаралық спортты дамытуға мүмкіндік береді. Қор жалпы Қазақстанның әртүрлі аймақтарында 10 көпфункционалды спорт кешенін ашты. Аталған жобаға 900 миллион теңге бөлінді.
Сонымен қатар, 900 орындық жаңа Жайлы мектеп пен Студенттер сарайының да тұсаукесері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.