ҚР-да кейбір соттары құрылды және қайта аталды
Тоқаев "Қазақстан Республикасының кейбір соттарын құру және қайта атау және Қазақстан Республикасы соттарының кадр мәселелері туралы" Жарлыққа қол қойды.
Сурет: Depositphotos
Жарлыққа сәйкес:
- Абай, Жетісу, Ұлытау облыстық соттары;
- Абай, Жетісу, Ұлытау облыстарының қылмыстық істер жөніндегі мамандандырылған ауданаралық соттары;
- Абай, Жетісу, Ұлытау облыстарының мамандандырылған ауданаралық экономикалық соттары;
- Абай облысы Семей қаласының, Алматы облысы Қонаев қаласының және Ұлытау облысы Жезқазған қаласының мамандандырылған тергеу соттары;
- Алматы облысы Қонаев қаласының әкімшілік құқық бұзушылықтар жөніндегі мамандандырылған ауданаралық соты;
- Ұлытау облысы Жезқазған қаласының әкімшілік құқық бұзушылықтар жөніндегі мамандандырылған соты құрылды.
Сондай-ақ, Алматы, Қарағанды және Шығыс Қазақстан облыстарындағы бірқатар соттар қайта аталды.
Алматы облысы бойынша:
- Алматы облысының Қапшағай қалалық соты Алматы облысының Қонаев қалалық соты деп;
- Алматы облысының № 2 кәмелетке толмағандардың істері жөніндегі мамандандырылған ауданаралық соты Алматы облысының кәмелетке толмағандардың істері жөніндегі мамандандырылған ауданаралық соты деп;
- Алматы облысының № 2 мамандандырылған ауданаралық әкімшілік соты Алматы облысының мамандандырылған ауданаралық әкімшілік соты деп;
- Алматы облысының № 1 кәмелетке толмағандардың істері жөніндегі мамандандырылған ауданаралық соты Жетісу облысының кәмелетке толмағандардың істері жөніндегі мамандандырылған ауданаралық соты деп;
- жаңадан құрылған Жетісу облысының аумақтық соттылығына жатқызылған Алматы облысының аудандық және оған теңестірілген соттары Жетісу облысының аудандық және оған теңестірілген соттары деп;
Қарағанды облысы бойынша:
- Қарағанды облысының № 2 кәмелетке толмағандардың істері жөніндегі мамандандырылған ауданаралық соты Ұлытау облысының кәмелетке толмағандардың істері жөніндегі мамандандырылған ауданаралық соты деп;
- Қарағанды облысының № 2 мамандандырылған ауданаралық әкімшілік соты Ұлытау облысының мамандандырылған ауданаралық әкімшілік соты деп;
- жаңадан құрылған Ұлытау облысының аумақтық соттылығына жатқызылған Қарағанды облысының аудандық және оған теңестірілген соттары Ұлытау облысының аудандық және оған теңестірілген соттары деп;
Шығыс Қазақстан облысы бойынша:
- Шығыс Қазақстан облысының № 2 кәмелетке толмағандардың істері жөніндегі мамандандырылған ауданаралық соты Абай облысының кәмелетке толмағандардың істері жөніндегі мамандандырылған ауданаралық соты деп;
- Шығыс Қазақстан облысының № 2 мамандандырылған ауданаралық әкімшілік соты Абай облысының мамандандырылған ауданаралық әкімшілік соты деп;
- Шығыс Қазақстан облысының Тарбағатай аудандық соты Абай облысының Ақсуат аудандық соты деп;
- жаңадан құрылған Абай облысының аумақтық соттылығына жатқызылған Шығыс Қазақстан облысының аудандық және оған теңестірілген соттары Абай облысының аудандық және оған теңестірілген соттары деп;
- Шығыс Қазақстан облысының № 1 кәмелетке толмағандардың істері жөніндегі мамандандырылған ауданаралық соты Шығыс Қазақстан облысының кәмелетке толмағандардың істері жөніндегі мамандандырылған ауданаралық соты деп;
- Шығыс Қазақстан облысы Көкпекті ауданының № 2 аудандық соты Шығыс Қазақстан облысының Самар аудандық соты деп;
- Шығыс Қазақстан облысы Тарбағатай ауданының № 2 аудандық соты Шығыс Қазақстан облысының Тарбағатай аудандық соты деп аталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстанда 170 мыңнан астам адам құмар ойындарын ойнауға өз еркімен тыйым салды
Қазақстанда 170 мыңнан астам адам құмар ойындарын ойнауға өз еркімен тыйым салды, деп хабарлайды Қазақстан Республикасы Туризм және спорт министрлігінің баспасөз қызметінен.
Қазақстан Республикасы Туризм және спорт министрлігі Ойын бизнесін және лотереяны реттеу комитетінің мәліметіне сәйкес, құмар ойындарға қатысудан өзін шектегендер арасында ең көп үлес 31-35 жас аралығындағы азаматтарға тиесілі:
eGov mobile арқылы - 40 212 адам (жалпы санның 23,90%);
жазбаша - 836 адам (жалпы санның 36,17%).
2024 жылдың 18 наурызында басталған өзін құмар ойындардан, бәс тігуден шектеу бойынша онлайн қызметті енгізу жөніндегі министрліктің пилоттық жобасы оң нәтиже көрсетіп, құмар ойындарға қатысудың төмендеуіне ықпал етіп келеді.
Пилоттық жобаны пайдалануға енгізгеннен кейін бір айда (18.04.2024 ж.) eGov mobile арқылы 35 342 өтініш берілсе, 15.11.2024 ж. берілген өтініштердің саны 168 250 құрады.
Сонымен қатар азаматтардың дәстүрлі қағаз жүзінде өзін-өзі шектеуге өтініш беруден мобильді қосымша арқылы онлайн өтініш беруге біртіндеп көшуі байқалады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Талғар қаласы әкімінің орынбасары тағайындалды
Талғар қаласы әкімінің орынбасары лауазымына Бауыржан Ынтымакович Байбатыров тағайындалды, деп хабарлайды әкімдіктің баспасөз қызметінен.
Өмірбаяны:
Туған күні: 29 қазан 1987 жыл.
Білімі: Жоғары, "Орталық Азия Университеті", құқықтану мамандығы.
Жалпы мемлекеттік қызметтегі еңбек өтілі: 8 жылдан астам.
Еңбек жолы:
2014 жылы Бөлек ауылдық округінің әкімдігінде жетекші маманнан бастап, бас маман лауазымына дейін көтерілді.
2018-2020 жылдары Еңбекшіқазақ ауданы бойынша кірістер басқармасының бас маманы болды.
2023 жылдан бастап Талғар ауданы әкімінің аппараты мемлекеттік-құқықтық бөлімінің бас маманы қызметін атқарды.
Бауыржан Ынтымаковичті жаңа қызметімен құттықтаймыз! Жұмысыңызға табыс пен сәттілік тілейміз!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.