"Тұрғын үй кооперативтері мемлекеттің бақылауында болуға тиіс" - ҚХП депутаттары
Депутаттардың пікірінше, құрылыс салушылардың қызметі қаржы пирамидасына ұқсас.
НҰР-СҰЛТАН. 15 ҚЫРКҮЙЕК - Қазақстан Халық партиясы тұрғын үй тұтыну кооперативтері пайшыларының құқығын қорғау қажет деп санайды, деп хабарлайды KAZAKHSTAN TODAY Қазақстан Халық партиясының баспасөз қызметіне сілтеме жасап.
Депутаттардың пікірінше, құрылыс салушылардың қызметі қаржы пирамидасына ұқсас, деп хабарлайды ҚХП баспасөз қызметі.
Мәжілістің пленарлық отырысында сөз сөйлеген ҚХП депутаты Файзолла Қаменов атап өткендей, мұндай бірлестіктерге заңмен тыйым салынбаған.
Тұрғын үй сатып алу үшін пайшы пәтер құнының 10-30%-ын енгізуі және басқа пайшылар өздерінің 10-30% -ын салғанша күтуі керек. Яғни қажетті қаражат кейінгі клиент есебінен жиналады. Кооперативке неғұрлым көп қатысушы тартылса, тұрғын үйді соғұрлым тезірек сатып алуға болады", – деп түсіндірді депутат Файзолла Қаменов.
Тұтынушылар үшін бұл тәсіл тартымды көрінеді. Бірақ оның "тұзағы" бар.
Клиент ағыны аяқталғанда ұйымның тас-талқаны шығады. Салдарынан ттыну кооперативінің мүшелері зардап шегеді. Кооперативтерде сатып алушының мүддесі іс жүзінде қорғалмайды. Өйткені кооператив арқылы тұрғын үй сатып алу заңмен реттелмеген", – деді мәжілісмен.
Қазір Қазақстанда 1 827 түрлі тұтыну кооперативі бар. Көп жағдайда кооперативтермен байланысқан азаматтар сан соғып жатады.
Бірнеше жағдайда, түрлі өңірлерде кооперативтердің қаржы пирамидасын құру фактілері анықталып, қылмыстық іс қозғалды. Зардап шеккендердің саны жүздеген адамға жетті. Бірақ көбінесе полиция акционерлер мен кооперативтердің құқықтық қатынастарының азаматтық-құқықтық сипатына сілтеме жасап, шағымданушылардың өтініш қабылдаудан бас тартады.
Өкінішке қарай, мұндай ұйымдарға уәкілетті орган тарапынан тиісті бақылау жоқ. Тұтыну кооперативтері оңай құрылады. Ал олардың бақылаусыз қызметінің салдары мемлекеттің мәселесіне айналады", – деді ҚХП депутаты.
Қазақстан Халық партиясы Үкіметке тұтыну кооперативтеріне регламент енгізуді және олардың қызметін бақылау үшін мемлекеттік орган арасынан үйлестіруші белгілеуді ұсынады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
БҚДА дәрі-дәрмек нарығында бәсекелестік жағдайын талдауын аяқтады
Дәрі-дәрмектерді көтерме саудалау нарығында бәсекелестік жағдайын талдау барысында препараттар бағасының айтарлықтай өсуіне ықпал ететін мәселелер анықталды, деп хабарлайды Қазақстан Республикасы Бәсекелестікті қорғау және дамыту агенттігінің баспасөз қызметінен.
Агенттік емдік құралдардың бағасының негізсіз көтерілуіне себеп болып отырған факторлар ретінде Денсаулық сақтау министрлігінің нормативтік құқықтық актілерінің кемшіліктерін және оның қарамағындағы ұйымдардың жұмысындағы олқылықтарды атап өтеді.
Мәселен, қолданыстағы бағалық шектеулерді қалыптастыру әдістемесі, көшірмеленген дәрі-дәрмектердің бағасын жасанды түрде көтеруге мүмкіндік береді, ал халықаралық тәжірибеде осындай дәрі-дәрмектер 30%-дан астам төмен бағамен сатылады.
"Ұлттық дәрі-дәрмектер мен медициналық бұйымдар сараптамасы орталығы" ШЖҚ РМК қызметіндегі маңызды кемшіліктер байқалуда, өйткені ол көрші елдердегі дәрі-дәрмек бағаларын үстірт салыстырады және тек өтініш берушілердің берген мәліметтерімен шектеледі.
Дәрі-дәрмектерді жеткізу рәсімдерінің шикілігі және "СҚ-Фармация" ЖШС өндірушілерден тікелей дәрі-дәрмектерді сатып алу бойынша жеткіліксіз бағытталуы да бюджеттік қаражаттардың ұлғаюына алып келеді.
Сонымен қатар, "СҚ-Фармация" ЖШС баға бәсекелестігін қолдауға мүдделі болмауының қаупі бар, себебі оның пайдасы сатып алынған дәрі-дәрмектердің құнынан 5%-дан 7%-ға дейінгі үстеме ақы арқылы қалыптасады. Бұл дегеніміз, дәрі-дәрмектің бағасы неғұрлым жоғары болса, соғұрлым Біріңғай дистрибьютор көбірек пайда табады.
Аталған тәуекелдерді алдын алу үшін Агенттік Денсаулық сақтау министрлігіне дәрі-дәрмек бағасының негізсіз өсуіне ықпал ететін себептерді жою бойынша шаралар қабылдау қажеттілігі туралы ұсынымдар берді.
2024 жылғы 25 желтоқсанда жауапты орган дәрі-дәрмектердің бағаларын қалыптастыру және үстемелер бойынша ережелерге өзгерістер енгізді. Бұл ретте бағаларды реттеу әдісінде өзгерістер жасалды. Бағаларды салыстыру үшін баламалы ақпарат көздерін енгізу, генерикалық препараттардың бағасын түпнұсқа дәрі-дәрмек бағасынан 30%-ға төмендету, дәрі-дәрмектің құнына енгізілетін қосымша шығындарды азайту және үстемелерді қайта қарастыру көзделді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Мемлекет басшысы Түркия Республикасының Президентіне көңіл айту жеделхатын жолдады
Мемлекет басшысы Түркия Республикасының Президентіне көңіл айту жеделхатын жолдады, деп хабарлайды Ақорданың баспасөз қызметінен.
Қасым-Жомарт Тоқаев жеделхатта Болу провинциясында орналасқан Карталкая тау шаңғысы орталығында болған өрт салдарынан көптеген адамның қаза тапқаны туралы суыт хабарды терең күйзеліспен қабылдағанын жеткізді.
Сонымен қатар Мемлекет басшысы Қазақстан халқының және өзінің атынан Түркия Президенті Режеп Тайип Ердоған мен жақындарынан айырылған отбасыларға, сондай-ақ бауырлас түрік халқына көңіл айтып, зардап шеккендердің тез арада сауығып кетуіне тілектестік білдірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2025 жылғы 26 қаңтардан бастап "Қызылорда-Арал" жолы ақылы болады
2025 жылғы 26 қаңтардан бастап "Қызылорда-Арал" жолы ақылы болады, деп мәлім етті ҚазАвтоЖолдың баспасөз қызметінен.
Қазақстан Республикасы Көлік Министрлігінің 2025 жылғы 9-қаңтардағы №6 Бұйрығына сәйкес, Қызылорда мен Арал қалаларын байланыстыратын автожол автобус пен жүк көліктері үшін ақылы болады. Дәлірек айтқанда, ІІ техникалық санаттағы ұзындығы 454 шақырым жол учаскесі ақы алу жүйесіне 2025 жылғы 26 қаңтардан бастап іске қосылады.
Республикалық маңызы бар "РФ шекарасы (Самара) - Шымкент" автожолының "Қызылорда-Арал" учаскесінде 6 бақылау арка және клиенттермен жұмыс істейтін орталық бар. Аркаларда орнатылған камералар ақылы учаскелерде автомобильдердің қозғалысын, олардың жылдамдығы мен қарқындылығын, жолдағы жағдайды және т. б. тіркейді. Сондай-ақ, учаскедегі жағдайды kaztoll.kz сайтындағы "Онлайн трансляция" бөлімінде көруге болады.
Автожолда төлем бекеттері болмайды, оның орнына ыңғайлы "ашық" төлем жүйесі қолданылады. Шлагбаумдар мен өткізу пункттері қойылмағандықтан кептелістер болмайды, бұл қосымша қауіпсіздікті қамтамасыз етіп, сапар уақытын қысқартады.
Жол жүру төлемі қолма-қол ақшасыз жүргізіледі. Пайдаланушылардың қолайлығы үшін төлем жасаудың 10-ға жуық әдісі бар: интернет-банкингтер, төлем терминалдары мен электрондық әмияндар, ұялы телефон балансынан, Е100 жанармай картасы арқылы, және заңды тұлғалармен келісім шарт жасау. Алдын-ала төлем әлдеқайда арзан болғандықтан, төлемақыны уақтылы жасауға кеңес береміз.
Бір бағыттағы (454 шақырым) төлем мөлшері:
- 16 орынға дейінгі автобустар және жүк көтергіштігі 2,5 т. дейін жүк автомобильдері үшін алдын-ала төлем - 2840 теңге, кейінгі төлем - 3330 теңге;
- 32 орынға дейінгі автобустар және жүк көтергіштігі 5,5 т. дейін жүк автомобильдері үшін алдын-ала төлем - 5750 теңге, кейінгі төлем - 6740 теңге;
- 32 орыннан асатын автобустар және жүк көтергіштігі 10 т. дейін автопоездар үшін алдын-ала төлем - 8570 теңге, кейінгі төлем - 10 100 теңге;
- жүк көтергіштігі 10 т. жоғары және 15 т. дейінгі жүк автомобильдері үшін алдын-ала төлем - 11 470 теңге, кейінгі төлем - 13 470 теңге;
- жүк көтергіштігі 15 т. жоғары жүк автомобильдері, оның ішінде тіркелгіш және ершікті тартқыштар үшін алдын-ала төлем - 14 290 теңге, кейінгі төлем - 16 830 теңге.
Айта кету керек, жеңіл көлік иелері Қызылорда-Арал жолын тегін пайдаланады. Жергілікті тұрғындар үшін бір айлық және бір жылдық абонементтер қарастырылған.
Жиналған қаражат жолдың өзін-өзі қаржыландыруын қамтамасыз ете отырып, мемлекеттік бюджетке түсетін жүктемені азайтуға септігін тигізеді. Жол қызметтері учаскені тәулік бойы патрульдеуді жүзеге асырады және жол жабынының, жарықтандырудың, жол белгілерінің ақауларын жедел жөндейтін болады.
Сонымен қатар, жол мен жол инфрақұрылымын қоқыстан және қардан тазартады, қозғалыс қауіпсіздігін қамтамасыз етудің жаңа жүйелерін белсенді түрде енгізеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.