АҚДМ журналистердің құқықтары бұзылған жағдайда оларды қолдау регламентін әзірледі
Регламентте журналистердің, мемлекеттік органдардың құқықтары мен міндеттері және журналистердің құқықтары бұзылған жағдайда Министрліктің іс-әрекеттері көрсетілген", - деп нақтылады министрлікте.
Журналистерді қолдау деңгейін арттыру үшін осы регламентте келесі мәселелерді көздеу орынды:
1) бұқаралық ақпарат құралдары мен журналистердің ақпарат сұрау салулары мен өтініштерін қарау;
2) құқық қорғау органдарының журналистерді ұстауы;
3) журналистерді әлеуметтік қамтамасыз етуге байланысты мәселелер.
Құжатта бұқаралық ақпарат құралдарының сұрау салулары мен өтініштерін қарау келесі мерзімдерге сәйкес жүзеге асырылуға тиіс екендігі айтылған:
1) бұқаралық ақпарат құралының берілген ресми хабарларды түсіндіру жөніндегі сұрау салуына ақпарат иеленушісі сұрау салу тіркелген күннен бастап екі жұмыс күнінен кешіктірмей жауап беруге міндетті. Қосымша зерттеуді және тексеруді талап ететін, ұсынылған ресми хабарларды түсіндіру жөніндегі сұрау салуды ақпарат иеленушінің басшысы 15 күнтізбелік күннен аспайтын мерзімге бір рет ұзартуы мүмкін, бұл туралы бұқаралық ақпарат құралына қарау мерзімі ұзартылған кезден бастап 2 жұмыс күн ішінде хабарланады;
2) ресми хабарламаларға кірмейтін бұқаралық ақпарат құралдарының сұрау салуына жауап, егер сұрау салудың өзінде өзгеше көрсетілмесе, ол келіп түскен күнінен бастап жеті жұмыс күн ішінде келіп түскен сұрау салу нысанында және тілінде ұсынылады. Сұрау салынған ақпарат бірнеше ақпарат иеленушінің құзыретіне кіретін болса және жазбаша сұрау салуға жауап беру кезінде өзге ақпарат иеленушілерден ақпарат алу талап етілетін жағдайларда, қарау мерзімін ақпарат иеленушінің басшысы бір рет 15 күнтізбелік күннен аспайтын мерзімге ұзартуы мүмкін, бұл туралы бұқаралық ақпарат құралына қарау мерзімі ұзартылған кезден бастап екі жұмыс күні ішінде хабарланады.
АҚДМ бұқаралық ақпарат құралдарының өтініштерін (ақпарат сұратуларын) қарау кезінде мемлекеттік органдардың (квазимемлекеттік сектор ұйымдарының) әрекеттеріне шағымдарды алған кезде:
- тиісті мемлекеттік органға (квазимемлекеттік сектор ұйымына) бұқаралық ақпарат құралының өтінішіне (ақпарат сұратуына) тиісті жауапты қысқа мерзімде қарау және ұсыну қажеттілігі туралы хат жолдайды;
- егер Қазақстан Республикасының заңнамасын өрескел бұзушылықтар байқалған жағдайда, мемлекеттік органға (квазимемлекеттік сектор ұйымына) жіберілетін хатта осы теріс қылықты жасаған лауазымды тұлғаларды тәртіптік жауапкершілікке тарту қажеттілігі туралы көрсетеді;
- мемлекеттік органдардың бұқаралық ақпарат құралдарымен өзара іс-қимыл бойынша уәкілетті тұлғалармен (бөлімшелермен) кеңестер өткізу кезінде мерзімдерді бұзған әрбір мемлекеттік органды көрсете отырып, бұқаралық ақпарат құралдарының өтініштерін (ақпарат сұратуларын) қарау мерзімдерін бұзу бойынша мәселелерді тұрақты негізде жариялау.
Регламент талқылау үшін ведомствоның сайтында орналастырылған. Регламент жобасы сілтеме бойынша қолжетімді: https://www.gov.kz/memleket/entities/qogam/documents/details/221164?lang=kk.
Ескертулер мен ұсыныстарды келесі электронды мекенжайға жіберулеріңізді сұраймыз: [email protected]. Ұсыныстарды қабылдау ағымдағы жылдың 25 қазанына дейін жүзеге асырылады", - деп хабарлады АҚДМ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Өнеркәсіп және құрылыс министрлігіне жаңа вице-министр тағайындалды
Өнеркәсіп және құрылыс министрлігіне жаңа вице-министр тағайындалды, деп хабарлайды Үкіметтің баспасөз қызметінен.
Қазақстан Республикасы Үкіметінің қаулысымен Рахымжан Ержанұлы Исақұлов өнеркәсіп және құрылыс вице-министрі қызметіне тағайындалды", деп көрсетілген қаулының мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ІІМ мопедтерге нөмірлік белгілердің қашан берілетінін хабарлады
ІІМ өкілдері ОКҚ алаңында өткен баспасөз конференциясында түсіндіргендей, 3 қазанда мопедтерге мемлекеттік тіркеу нөмірі белгілерін беруді көздейтін заңға қол қойылды, деп мәлім етті ОКҚ брифингінде ҚР ІІМ Әкімшілік полиция комитетінің төрағасы Қайсар Сұлтанбаев.
Осылайша, мопедтер механикалық көліктерге теңестіріледі, сәйкесінше олардың бұзушылықтары автоматты тіркеу жүйелерімен, сондай-ақ күнделікті жол қозғалысын қадағалау кезінде полиция қызметкерлерімен анықталады. Заң 4 сәуірде күшіне енеді.
Мопедтерді тіркеуді келесі жылы бастаймыз. 1 қаңтардан бастап азаматтар арнайы ХҚКО-ға жүгіне алады. Мопед жүргізушілері әртүрлі бұзушылықтар үшін неге 4 сәуірден бастап жазаланады? Неге осындай уақыт беріліп отыр? Себебі жаңа заң бойынша мопед жүргізушілерінде А1 санатындағы жүргізуші куәлігі болуы керек. Егер біреуде жүргізуші куәлігі болмаса, оларға оқуға, жүргізуші куәлігін алуға, белгіленген тәртіппен мопедтерін тіркеуге және мемлекеттік нөмір белгілерін алуға уақыт қажет", - деп түсіндірді ҚР ІІМ Әкімшілік полиция комитетінің төрағасы Қайсар Сұлтанбаев ОКҚ алаңында өткен баспасөз конференциясында.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.