Қазақстан ұшу қауіпсіздігін қамтамасыз ету деңгейін 84%-ға дейін арттырды
2023 жылы ұшу қауіпсіздігі стандарттарына сәйкестік деңгейін 90%-дан жоғары көтеру арқылы ИКАО аудитін сәтті өту алдағы үш жылдағы саланың басты міндеті болып табылады.
2021 жылы авиация саласы коронавирустық пандемияның таралу салдарына бейімделуді жалғастырды, осыған қарамастан ағымдағы жыл жетістіктерге бай болды. Ең маңызды жетістіктердің бірі – ИКАО-ның Үйлестірілген валидация миссиясының (ICVM) бөлігі ретінде ИКАО аудиторларының саланың тәуелсіз аудитін сәтті өткені. Тексеру қорытындысы бойынша Қазақстан ұшу қауіпсіздігін қамтамасыз ету деңгейін 84%-ға дейін арттырды, бұл орташа әлемдік көрсеткіштен 15%-ға жоғары. Қазіргі уақытта осы көрсеткіш бойынша біз Нидерланды – 87%; Бельгия – 87%; Португалия – 87%; Чехия – 87%; Латвия – 86%; Дания – 85%; Исландия – 84%; Польша – 84%; Словения - 82%, Кипр - 82% сияқты көшбасшы елдермен бір қатардамыз", - деп хабарлады Қазақстанның Авиациялық әкімшілігі.
Ағымдағы жылдың қазан-қараша айларында Еуропалық авиациялық қауіпсіздік агенттігінің, Еуропалық Одақ елдерінің авиациялық билік органдарының өкілдерінің қатысуымен Еуропалық комиссияның және АҚШ Көлік қауіпсіздігі әкімшілігі (TSA) сарапшыларының сапарлары жүзеге асырылды.
Еуропалық сарапшылар саланы реформалау бойынша жұмысты жалғастыруды ұсынды. Бүгінгі күні қазақстандық әуе компаниялары үшін Еуро аймаққа ұшуға шектеулер жоқ.
АҚШ авиациялық сарапшылары министрліктің, авиациялық реттеушінің және әуежайлардың үйлесімді жұмысын жоғары бағалады, аудиторлар алдында ашықтықты атап өтті.
Сапар қорытындысы бойынша АҚШ-қа тікелей әуе рейстерін ашу шеңберінде Қазақстанның авиациялық әкімшілігі мен АҚШ Көлік қауіпсіздігі әкімшілігі арасындағы ынтымақтастықты жалғастыру және кеңейту туралы шешім қабылданды.
Пандемияға дейінгі деңгейдегі ішкі тасымалдар көлемі толығымен қалпына келтірілді және асып түсті, жаңа бағыттар ашылды. Ішкі туризмді дамыту аясында Түркістан, Алакөл, Балқаш, Щучье-Бурабай курорттық аймағы сияқты туристік бағыттарға әлеуметтік маңызы бар рейстер орындалады.
23 елмен 65 бағыт бойынша жаңа халықаралық әуе рейстер жаңартылды және ашылды, бұл пандемияға дейінгі кезеңнің 66%-ын құрайды. Мальдив аралдарымен, Катармен, Шри-Ланкамен және Кувейтпен жаңа бағыттар ашылды.
Ағымдағы жылы Парламент Мәжілісі Қазақстан Республикасының Үкіметі мен Америка Құрама Штаттарының Үкіметі арасындағы әуе қатынасы туралы келісімді ратификациялау туралы заң жобасын мақұлдады. Ол Қазақстан мен АҚШ арасында тікелей тұрақты рейстерді орындау үшін құқықтық база жасайды.
Бақылау-қадағалау функцияларын іске асыру шеңберінде "Қазақстанның авиациялық әкімшілігі" АҚ 16 әуежайды сертификаттауды және 32 инспекциялық тексеруді жүргізді. Авиация персоналына куәлік беру бойынша 2 500-ден астам мемлекеттік қызмет көрсетілді. 9 авиациялық оқу орталығы сертификаттаудан өтіп, 17 инспекциялық тексеру жүргізілді. "Аэросервис-Тараз" әуе компаниясы" ЖШС, "B&K AERO KZ" ЖШС 2 әуе компаниясының қызметі уақытша тоқтатылды. "JENIS AIR" ЖШС, "AZEE AIR" ЖШС және "Sunkar Air" ЖШС 3 әуе компаниясының сертификаттары қайтарып алынды.
Ағымдағы жылы Qazaq Air әуе компаниясының әуе кемесін Аруба тізілімінен Қазақстан Республикасының азаматтық әуе кемелерінің тізіліміне алғашқы қайта тіркеу жүргізілді.
Ұшу қауіпсіздігін қамтамасыз ету деңгейін арттыру бойынша одан әрі жұмыс Еуропалық ұшу қауіпсіздігі агенттігімен (EASA) және Ирландияның авиация билігімен (IAA) келісім-шарт жасау болады", - деп атап өтті Қазақстанның Авиациялық әкімшілігінде.
2021 жылы Қазақстан Азаматтық авиацияның еуропалық конференциясына бақылаушы мәртебесін алды және ECAC мүшелігіне қабылданған үшінші ТМД елі болды.
Әуе көлігінің жерүсті инфрақұрылымын жаңғыртуға үлкен көңіл бөлінуде.
Нұрлы жол" инфрақұрылымды дамытудың 2020-2025 жылдарға арналған мемлекеттік бағдарламасы аясында Өскемен қаласы әуежайының ұшу-қону жолағы қайта жаңғыртылуда. Жобада ұшу-қону жолағын 300 м ұзарту және заманауи ұшақ үлгілерін қабылдау үшін жарық-сигналдық жабдықты ауыстыру қарастырылған.
Жеке инвестициялар есебінен Шымкент қаласы әуежайында жаңа терминалдың құрылысы жалғасуда, ол терминал аумағын 3,8-ден 35 мың м2-ге дейін кеңейтуге және өткізу қабілетін сағатына150-ден 2000 жолаушыға дейін ұлғайтуға мүмкіндік береді.
Батыс Қазақстан облысының әкімдігі жеке инвестицияларды тарту арқылы Орал қаласы әуежайының аэровокзал кешенін реконструкциялау жұмыстарын жүргізуде. Терминал аумағы екі еседен астам, өткізу қабілеті сағатына 100-ден 200 жолаушыға дейін артады.
Алакөл көлінің туристік орталығының көліктік қолжетімділігін қамтамасыз ету мақсатында ағымдағы жылы Үржар ауылының ұшу-қону жолағын және аэровокзал ғимаратын реконструкциялау жұмыстары жүргізілуде. Сондай-ақ, Үшарал қаласы әуежайының ұшу-қону жолағын, рульдеу жолын және перронды қайта жөндеу жұмыстары басталды.
Осы жобаларды іске асыру әуежайлардың жерүсті инфрақұрылымын жақсартуға, қауіпсіздік пен қызмет көрсету стандарттарын арттыруға ықпал етеді.
Салада цифрландыруды дамытуға ерекше мән беріледі.
Ағымдағы жылы eGov Mobile – ішкі рейстерде жеке куәліктің түпнұсқасын пайдаланбай, жеке деректерді растау үшін цифрлық құжаттар сервисі енгізілді.
Қазіргі уақытта жоба Нұр-Сұлтан, Алматы, Ақтөбе, Түркістан, Ақтау, Атырау, Шымкент, Тараз қалаларының әуежайларында іске қосылды. Жоба жыл соңына дейін ҚР барлық әуежайларында іске қосылады деп күтілуде.
Комитет жаңа халықаралық әуе рейстерін қалпына келтіру және ашу, "Қуатты өңірлер – ел дамуының драйвері" ұлттық жобасын іске асыру шеңберінде инфрақұрылымдық объектілерді жаңғырту және жаңа цифрлық технологияларды енгізу жөніндегі жұмысты жалғастыратын болады.
2023 жылы ұшу қауіпсіздігі стандарттарына сәйкестік деңгейін 90%-дан жоғары көтеру арқылы ИКАО аудитін сәтті өту алдағы үш жылдағы саланың басты міндеті болып табылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Дмитрий Мун Қазақстанның цифрлық даму вице-министрі болып тағайындалды
Қазақстан Республикасы Үкіметінің Қаулысымен Дмитрий Мун Андреевич Қазақстан Республикасының цифрлық даму, инновациялар және аэроғарыш өнеркәсібі вице-министрі болып тағайындалды. Бұл туралы Үкіметтің Баспасөз қызметі хабарлайды.
1991 жылы Астана қаласында дүниеге келген. М.В. Ломоносов атындағы Мәскеу мемлекеттік универститетін бітірген.
Еңбек жолын 2014 жылы Астана қ. "Экономикалық зерттеулер институты" АҚ орталығында сарапшы болып бастаған.
Әртүрлі жылдары "Қазпошта" АҚ менеджері, ҚР Бас прокуратурасының Құқықтық статистика және арнайы есепке алу жөнiндегi комитетiнің Талдау жұмыс және құқықтық реттеу басқармасында бөлім бастығы болып жұмыс істеген.
2019-2020 жылдары - Астана қ. "Ұлттық ақпараттық технологиялар" АҚ департаментінде инженер-бағдарламашы.
2020-2023 жылдары - Астана қ. "Ұлттық ақпараттық технологиялар" АҚ Big Data жөніндегі басқарушы директор.
2023 жылдан бастап осы уақытқа дейін Астана қ. "Ұлттық ақпараттық технологиялар" АҚ басқарма төрағасының орынбасары болып қызмет етті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Лицензиясыз қызмет жүргізгені үшін 60-қа жуық мектепке айыппұл салынды
Лицензиясыз қызмет жүргізгені үшін 60-қа жуық мектепке айыппұл салынды, деп хабарлайды Қазақстан Республикасының Оқу-ағарту министрлігінің баспасөз қызметінен.
Аталған бұзушылықтар Білім беру саласындағы сапаны қамтамасыз ету комитеті мен оның аумақтық департаменттерінің білім беру ұйымдарына мониторингі барысында анықталды.
2024 жылдың басынан бері жүргізілген тексеру нәтижесі көрсеткендей, 58 мектеп білім беру қызметін лицензиясыз жүргізген. Бүгінгі таңда олардың 17-сі білім беру қызметіне қойылатын талаптарға сәйкестендірді. Лицензиясыз қызмет жүргізетін мектептерге қатысты ҚР ӘҚБтК 463-бабы бойынша айыппұл беру туралы соттардың қаулылары шығарылды. Олар негізінен Астана және Алматы қалаларында, Атырау, Алматы, Батыс Қазақстан, Түркістан, Маңғыстау және Жамбыл облыстарында орналасқан.
ҚР "Білім туралы" Заңына сәйкес барлық мектептер білім беру қызметін бастамас бұрын рұқсат алуы тиіс. Лицензияның болмауы мектептердің талаптарға сәйкестігі бойынша тексеруден өтпегенін немесе рұқсат алу үшін құжаттарды тапсырмағанын білдіреді. Білім беру ұйымдарында білім беру қызметімен айналысу құқығы лицензия алған сәттен бастап туындайды. Егер мектеп мемлекеттік тіркеуден өткен сәттен бастап алты ай ішінде лицензия алмаса, онда ол сот тәртібімен жабылуға тиіс", - деп атап өтті комитет төрағасы Ернұр Дәуенов.
Лицензия алуға қойылатын негізгі талаптар тиісті материалдық-техникалық базаның, білікті педагогикалық құрамның болуын, санитарлық-эпидемиологиялық және өртке қарсы нормалардың сақталуын, сондай-ақ білім алушыларға медициналық қызмет көрсетуді ұйымдастыруды қамтиды. Осы талаптарға сәйкес келмеу әкімшілік жаза қолдану мен қайталама бұзушылықтар болған жағдайда білім беру мекемесінің қызметін тоқтата тұру үшін негіз болып табылады.
Естеріңізге сала кетейік, мектептер бағыныстылығы бойынша жергілікті атқарушы органдардың қарауына жатады. Өз кезегінде аумақтық департаменттер өңірлік әкімдіктер мен білім басқармаларының басшыларына бұзушылықтарды жою жөнінде шаралар қабылдау туралы ресми талап хаттарын жолдады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда экологиялық талаптарды бұзғаны үшін ірі құрылыс нысаны айыппұл салынды
Алматыда құрылыс нысанына айыппұл салынды, - деп хабарлайды Polisia.kz.
Алматы қаласында табиғатты қорғау полициясы Бостандық ауданы әкімдігінің қоршаған орта және экология бөлімімен бірлесіп, экологиялық талаптарды бұзған және абаттандыру ережелерін сақтамаған құрылыс нысанын анықтады.
Құрылыс алаңында қоқыс қалдықтарының шамадан тыс жиналуы және лас қоқысты рұқсатсыз тасымалдау фактілері тіркелген. Осыған байланысты учаске басшысы Қазақстан Республикасының Әкімшілік құқық бұзушылық туралы кодексінің 505-бабының 1-бөлігіне сәйкес әкімшілік жауапкершілікке тартылды. Бұдан бөлек, болашақта осындай заң бұзушылықтардың алдын алу үшін түсіндіру жұмыстары жүргізілді. Қалдықтарды өңдеудегі экологиялық талаптардың бұзылуы туралы материал Алматы қаласының Экология департаментіне жолданды.
Алматы қаласы полиция департаменті жергілікті полиция қызметі басқармасы бастығының орынбасары Айтан Елеусізовтің айтуынша, "Таза Қазақстан" жалпыреспубликалық бағдарламасы мен "Алматы - ортақ үйіміз" қалалық кампаниясы аясында қаланы абаттандыру және экологиялық талаптарды сақтау шаралары күшейтілген.
Жарқын күз" шарасы аясында 16 қыркүйектен бастап қалада абаттандыру ережелері мен санитарлық нормаларды бұзған 2 757 дерек тіркелсе, қоғамдық орындарды ластағаны үшін 2 232 хаттама толтырылды. Ірі көлемдегі қалдықтарды, сынған жиһаздарды, тұрмыстық техника мен құрылыс қалдықтарын жинақтаған 569 азамат әкімшілік жауапкершілікке тартылды.
Алматының табиғатты қорғау полициясы барлық азаматтарды қоршаған ортаға ұқыптылықпен қарауға және қалдықтарды шығару ережелерін қатаң сақтауға шақырады. Себебі табиғаттың тазалығы мен денсаулығы әрбір адамның саналы әрекетіне байланысты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ҚР Премьер-министрі Украинадағы жағдайға байланысты президенттің тапсырмаларын орындау бойынша кеңес өткізді
Премьер-министр Украина төңірегіндегі жағдайға байланысты Мемлекет басшысының тапсырмаларын орындау бойынша шұғыл жиын өткізді, деп хабарлайды Үкіметтің баспасөз қызметінен.
Премьер-министр Олжас Бектенов Украина төңірегіндегі жағдайға байланысты қорғаныс, ішкі істер, төтенше жағдайлар, сыртқы істер, денсаулық сақтау, көлік, энергетика, өнеркәсіп және құрылыс, ұлттық экономика, қаржы министрліктерінің басшылығымен Мемлекет басшысының негізгі әскери және азаматтық объектілердің қауіпсіздігін қамтамасыз ету жөнінде шұғыл шаралар қабылдау туралы тапсырмаларын орындау жөнінде жедел кеңес өткізді.
Премьер-министр қорғаныс министрі Руслан Жақсылықовтың стратегиялық және инфрақұрылымдық объектілерді қорғауды қамтамасыз ету бойынша жүргізіліп жатқан жұмыстар туралы мәліметтерін тыңдап, мемлекеттік органдардың іс-қимылдарын күшейтуге бағытталған бірқатар міндеттер қойды. Тұрақтылық пен қоғамдық тәртіпті сақтау, көлік қатынасының қауіпсіздігі, денсаулық сақтау объектілерінің қызметі және басқа да мәселелерге назар аударылды.
Уәкілетті құрылымдардың басшылығына Президенттің қауіпсіздікті қамтамасыз ету жөніндегі тапсырмаларының орындалуын ерекше бақылауда ұстау және жағдайдың өзгеруі туралы шұғыл режимде баяндау тапсырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.