Қазақстанда кәмелетке толмағандардың денсаулығына жеңіл зиян келтіргені үшін жауапкершілік енгізу жоспарлануда
"Қазақстан Республикасындағы Бала құқықтары туралы" заңға баланы кемсітудің барлық нысандарынан қорғауды қамтамасыз ету, балалардың тұрғын үйге құқықтарын қамтамасыз ету, ата-аналардың балаларды тәрбиелеу жөніндегі міндеттерін кеңейту бөлігінде түзетулер енгізу ұсынылады.
НҰР-СҰЛТАН. 10 ҚЫРКҮЙЕК - Бірінші оқылымда Мәжіліс депутаттары бала құқықтарын қорғау мәселелері бойынша заңнамалық түзетулерді талқылайды, деп хабарлайды KAZAKHSTAN TODAY ҚР Парламенті Мәжілісінің баспасөз қызметіне сілтеме жасап.
Заңнамалық жаңалықтарды депутаттар балалардың мүддесі үшін заңнаманы жетілдіру мақсатында әзірледі, деп хабарлады Мәжілістің баспасөз қызметі.
Атап айтқанда, "Қазақстан Республикасындағы Бала құқықтары туралы" заңға баланы кемсітудің барлық нысандарынан қорғауды қамтамасыз ету, балалардың тұрғын үйге құқықтарын қамтамасыз ету, ата-аналардың балаларды тәрбиелеу жөніндегі міндеттерін кеңейту бөлігінде түзетулер енгізу ұсынылады", - деп нақтылады палатада.
Сондай-ақ, заң жобасында ӘҚБтК-ге кәмелетке толмағандардың денсаулығына жеңіл зиян келтіргені және ұрып-соққаны үшін әкімшілік жауапкершілік енгізу бөлігінде өзгерістер көзделеді.
Сонымен қатар, күн тәртібінің жобасында "Қазақстан Республикасының кейбір заңнамалық актілеріне мемлекеттік басқару деңгейлері арасында өкілеттіктерді қайта бөлу мәселелері бойынша өзгерістер мен толықтырулар енгізу туралы" заң жобасын екінші оқылымда қарау ұсынылмақ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Өнеркәсіп және құрылыс министрлігіне жаңа вице-министр тағайындалды
Өнеркәсіп және құрылыс министрлігіне жаңа вице-министр тағайындалды, деп хабарлайды Үкіметтің баспасөз қызметінен.
Қазақстан Республикасы Үкіметінің қаулысымен Рахымжан Ержанұлы Исақұлов өнеркәсіп және құрылыс вице-министрі қызметіне тағайындалды", деп көрсетілген қаулының мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ІІМ мопедтерге нөмірлік белгілердің қашан берілетінін хабарлады
ІІМ өкілдері ОКҚ алаңында өткен баспасөз конференциясында түсіндіргендей, 3 қазанда мопедтерге мемлекеттік тіркеу нөмірі белгілерін беруді көздейтін заңға қол қойылды, деп мәлім етті ОКҚ брифингінде ҚР ІІМ Әкімшілік полиция комитетінің төрағасы Қайсар Сұлтанбаев.
Осылайша, мопедтер механикалық көліктерге теңестіріледі, сәйкесінше олардың бұзушылықтары автоматты тіркеу жүйелерімен, сондай-ақ күнделікті жол қозғалысын қадағалау кезінде полиция қызметкерлерімен анықталады. Заң 4 сәуірде күшіне енеді.
Мопедтерді тіркеуді келесі жылы бастаймыз. 1 қаңтардан бастап азаматтар арнайы ХҚКО-ға жүгіне алады. Мопед жүргізушілері әртүрлі бұзушылықтар үшін неге 4 сәуірден бастап жазаланады? Неге осындай уақыт беріліп отыр? Себебі жаңа заң бойынша мопед жүргізушілерінде А1 санатындағы жүргізуші куәлігі болуы керек. Егер біреуде жүргізуші куәлігі болмаса, оларға оқуға, жүргізуші куәлігін алуға, белгіленген тәртіппен мопедтерін тіркеуге және мемлекеттік нөмір белгілерін алуға уақыт қажет", - деп түсіндірді ҚР ІІМ Әкімшілік полиция комитетінің төрағасы Қайсар Сұлтанбаев ОКҚ алаңында өткен баспасөз конференциясында.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.