Қазақстанның жылу-энергетика саласындағы негізгі қорлардың жалпы тозу деңгейі - 71,8%
Сурет: Depositphotos
Астана. 23 қаңтар. KAZAKHSTAN TODAY - Қазақстанның түрлі өңірлерінде энергетика объектілеріндегі апаттар жиілеп кетті. Сарапшылар Қазақстанның жылу-энергетика саласындағы негізгі қорлардың жалпы тозу деңгейі 71,8% құрайтынын атап өтті.
Екібастұзды жылумен қамтамасыз етуді түзеп болғаны сол еді, енді Риддерде осындай мәселе басталды. 19 қаңтарда Риддердегі ЖЭО-да өрт шықты. Тұрғындарға жылу жүйесіндегі температураның төмендегені туралы ескертілді. Бұл соңғы үш айда жылу электр орталығындағы үшінші төтенше жағдай. 2022 жылдың қараша-желтоқсан айларында болған оқиғаларға сорғы стансасын су басып, электрмен жабдықтаудағы ақаулар себеп болса, енді қаланың бас ЖЭО-да отынмен қамтамасыз ету цехы өртеніп кетті. Бір жылыту маусымында үш түрлі мәселе шықты.
Шығыста болған төтенше жағдай ҚР-ның барлық электрмен жабдықтау жүйесіне әсер етеді. Егер Риддер ЖЭО-да жабдықтардың тозу деңгейі, ШҚО әкімдігі ақпарат орталығының мәліметінше, 74,5% болса, Қазақстанның жылу-энергетика саласындағы негізгі қорлардың жалпы тозу деңгейі - 71,8%", - деп хабарлайды ranking.kz.
ҚР Ұлттық статистика бюросының 2017-2021 жылдарға арналған мәліметінше, электр энергиясымен, газбен, бумен, ыстық сумен және ауаны кондициялаумен жабдықтау саласындағы негізгі қорлардың тозуы күрт өсті (35,3%-дан 75,5%-ға дейін). ) 2019 жылы жәен одан кейін 71%-73% деңгейінде сақталды. Бұл күрт тозу елімізде "Инвестицияларға арналған тариф" бағдарламасынан кейінгі үш жылдық кезеңнің аяқталуымен байланысты болса керек. Кәсіпорындар инвестициялық бағдарламаларын қысқартты. Дәл 2018-2019 жылдары мемлекеттік органдар коммуналдық қызметтерге тарифтерді ұстау бағытын белгіледі, бұл техникалық жаңарту үдерісін айтарлықтай баяулатты.
Статистика көрсеткендей, құрылыс пен машиналар, сондай-ақ жабдықтар энергетика саласындағы ең көп жаңартуды қажет етеді. Олардың тозу деңгейі айтарлықтай жоғары: сәйкесінше 78% және 62,2%. Ғимараттарды жөндеу бірінші кезектегі міндет емес. Өнеркәсіптік нысандардың өздерінің тозуы 35,4%-ды құрайды.
Өңірлерде жағдай біркелкі емес. Энергетика саласындағы жабдықтар мен желілердің тозуы өте жоғары өңірлер бар. Олардың қатарына Астана (92%) және Ақтөбе облысы (84,5%) кіреді.
Тозу деңгейі 50%-дан асатын өңір Қостанай облысы, 30%-дан асатын өңірлер Қарағанды, Жамбыл, Маңғыстау, Атырау және Павлодар облыстарында, сондай-ақ Алматыда тіркелді.
Соңғы үш жылда электр және жылумен жабдықтау саласына күрделі салымдар азайғанын статистика растайды. 2020 жылы осы салада жұмыс істейтін компаниялар техникалық жаңартуға инвестиция көлемін бірден 20,5%, 2021 жылы - 4,9%, өткен жылы - 3,1% қысқартты.
Бұл ретте инвестицияның жартысына жуығы мемлекет ақшасы. 2022 жылы саланы жаңғыртуға бағытталған бюджет қаражатының үлесі 41,4% немесе 313,9 млрд теңгені құрады. Кәсіпкерлердің меншікті қаражаты 47,5%-ды құрады. Инвестициялардың тағы 11,1%-ы банктік және банктік емес несиелер арқылы жүзеге асырылды. 2022 жылы инвестицияның жалпы көлемі 758 млрд теңгеден асты.
Энергетика сияқты капиталды көп қажет ететін сала үшін салынған жүздеген млрд теңгенің өзі жетпейді. Мұны негізгі қорларды жаңарту коэффициенттері арқылы анықтауға болады. 2019-2021 жылдары бұл көрсеткіш 3,8%-6,2% аралығында болды. Бес жылдық кезеңдегі ең жоғары мән 2018 жылы тіркелді, содан кейін коэффициент 7%-ға тең болды. Саладағы жабдықтар мен желілердің тозу деңгейімен салыстырғанда апатты азайту үшін бірнеше есе көп қаражат салу қажет.
Риддердегі ЖЭО-ға келсек: Шығыс Қазақстан облысы әкімдігінің ақпараты негізінде нысанды мемлекет меншігіне беру мәселесі шешілуде. Қандай заңды негізге көшетіні айтылмаған. Билік қарастырып жатқан тағы бір нұсқа - жылу орталығын жаңа инвесторға беру. Әкімдіктің жоспары бойынша, ЖЭО-да мамыр айында толық қайта құру жұмыстары басталады.
Ақпарат көзі: ranking.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Дмитрий Мун Қазақстанның цифрлық даму вице-министрі болып тағайындалды
Қазақстан Республикасы Үкіметінің Қаулысымен Дмитрий Мун Андреевич Қазақстан Республикасының цифрлық даму, инновациялар және аэроғарыш өнеркәсібі вице-министрі болып тағайындалды. Бұл туралы Үкіметтің Баспасөз қызметі хабарлайды.
1991 жылы Астана қаласында дүниеге келген. М.В. Ломоносов атындағы Мәскеу мемлекеттік универститетін бітірген.
Еңбек жолын 2014 жылы Астана қ. "Экономикалық зерттеулер институты" АҚ орталығында сарапшы болып бастаған.
Әртүрлі жылдары "Қазпошта" АҚ менеджері, ҚР Бас прокуратурасының Құқықтық статистика және арнайы есепке алу жөнiндегi комитетiнің Талдау жұмыс және құқықтық реттеу басқармасында бөлім бастығы болып жұмыс істеген.
2019-2020 жылдары - Астана қ. "Ұлттық ақпараттық технологиялар" АҚ департаментінде инженер-бағдарламашы.
2020-2023 жылдары - Астана қ. "Ұлттық ақпараттық технологиялар" АҚ Big Data жөніндегі басқарушы директор.
2023 жылдан бастап осы уақытқа дейін Астана қ. "Ұлттық ақпараттық технологиялар" АҚ басқарма төрағасының орынбасары болып қызмет етті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Лицензиясыз қызмет жүргізгені үшін 60-қа жуық мектепке айыппұл салынды
Лицензиясыз қызмет жүргізгені үшін 60-қа жуық мектепке айыппұл салынды, деп хабарлайды Қазақстан Республикасының Оқу-ағарту министрлігінің баспасөз қызметінен.
Аталған бұзушылықтар Білім беру саласындағы сапаны қамтамасыз ету комитеті мен оның аумақтық департаменттерінің білім беру ұйымдарына мониторингі барысында анықталды.
2024 жылдың басынан бері жүргізілген тексеру нәтижесі көрсеткендей, 58 мектеп білім беру қызметін лицензиясыз жүргізген. Бүгінгі таңда олардың 17-сі білім беру қызметіне қойылатын талаптарға сәйкестендірді. Лицензиясыз қызмет жүргізетін мектептерге қатысты ҚР ӘҚБтК 463-бабы бойынша айыппұл беру туралы соттардың қаулылары шығарылды. Олар негізінен Астана және Алматы қалаларында, Атырау, Алматы, Батыс Қазақстан, Түркістан, Маңғыстау және Жамбыл облыстарында орналасқан.
ҚР "Білім туралы" Заңына сәйкес барлық мектептер білім беру қызметін бастамас бұрын рұқсат алуы тиіс. Лицензияның болмауы мектептердің талаптарға сәйкестігі бойынша тексеруден өтпегенін немесе рұқсат алу үшін құжаттарды тапсырмағанын білдіреді. Білім беру ұйымдарында білім беру қызметімен айналысу құқығы лицензия алған сәттен бастап туындайды. Егер мектеп мемлекеттік тіркеуден өткен сәттен бастап алты ай ішінде лицензия алмаса, онда ол сот тәртібімен жабылуға тиіс", - деп атап өтті комитет төрағасы Ернұр Дәуенов.
Лицензия алуға қойылатын негізгі талаптар тиісті материалдық-техникалық базаның, білікті педагогикалық құрамның болуын, санитарлық-эпидемиологиялық және өртке қарсы нормалардың сақталуын, сондай-ақ білім алушыларға медициналық қызмет көрсетуді ұйымдастыруды қамтиды. Осы талаптарға сәйкес келмеу әкімшілік жаза қолдану мен қайталама бұзушылықтар болған жағдайда білім беру мекемесінің қызметін тоқтата тұру үшін негіз болып табылады.
Естеріңізге сала кетейік, мектептер бағыныстылығы бойынша жергілікті атқарушы органдардың қарауына жатады. Өз кезегінде аумақтық департаменттер өңірлік әкімдіктер мен білім басқармаларының басшыларына бұзушылықтарды жою жөнінде шаралар қабылдау туралы ресми талап хаттарын жолдады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда экологиялық талаптарды бұзғаны үшін ірі құрылыс нысаны айыппұл салынды
Алматыда құрылыс нысанына айыппұл салынды, - деп хабарлайды Polisia.kz.
Алматы қаласында табиғатты қорғау полициясы Бостандық ауданы әкімдігінің қоршаған орта және экология бөлімімен бірлесіп, экологиялық талаптарды бұзған және абаттандыру ережелерін сақтамаған құрылыс нысанын анықтады.
Құрылыс алаңында қоқыс қалдықтарының шамадан тыс жиналуы және лас қоқысты рұқсатсыз тасымалдау фактілері тіркелген. Осыған байланысты учаске басшысы Қазақстан Республикасының Әкімшілік құқық бұзушылық туралы кодексінің 505-бабының 1-бөлігіне сәйкес әкімшілік жауапкершілікке тартылды. Бұдан бөлек, болашақта осындай заң бұзушылықтардың алдын алу үшін түсіндіру жұмыстары жүргізілді. Қалдықтарды өңдеудегі экологиялық талаптардың бұзылуы туралы материал Алматы қаласының Экология департаментіне жолданды.
Алматы қаласы полиция департаменті жергілікті полиция қызметі басқармасы бастығының орынбасары Айтан Елеусізовтің айтуынша, "Таза Қазақстан" жалпыреспубликалық бағдарламасы мен "Алматы - ортақ үйіміз" қалалық кампаниясы аясында қаланы абаттандыру және экологиялық талаптарды сақтау шаралары күшейтілген.
Жарқын күз" шарасы аясында 16 қыркүйектен бастап қалада абаттандыру ережелері мен санитарлық нормаларды бұзған 2 757 дерек тіркелсе, қоғамдық орындарды ластағаны үшін 2 232 хаттама толтырылды. Ірі көлемдегі қалдықтарды, сынған жиһаздарды, тұрмыстық техника мен құрылыс қалдықтарын жинақтаған 569 азамат әкімшілік жауапкершілікке тартылды.
Алматының табиғатты қорғау полициясы барлық азаматтарды қоршаған ортаға ұқыптылықпен қарауға және қалдықтарды шығару ережелерін қатаң сақтауға шақырады. Себебі табиғаттың тазалығы мен денсаулығы әрбір адамның саналы әрекетіне байланысты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ҚР Премьер-министрі Украинадағы жағдайға байланысты президенттің тапсырмаларын орындау бойынша кеңес өткізді
Премьер-министр Украина төңірегіндегі жағдайға байланысты Мемлекет басшысының тапсырмаларын орындау бойынша шұғыл жиын өткізді, деп хабарлайды Үкіметтің баспасөз қызметінен.
Премьер-министр Олжас Бектенов Украина төңірегіндегі жағдайға байланысты қорғаныс, ішкі істер, төтенше жағдайлар, сыртқы істер, денсаулық сақтау, көлік, энергетика, өнеркәсіп және құрылыс, ұлттық экономика, қаржы министрліктерінің басшылығымен Мемлекет басшысының негізгі әскери және азаматтық объектілердің қауіпсіздігін қамтамасыз ету жөнінде шұғыл шаралар қабылдау туралы тапсырмаларын орындау жөнінде жедел кеңес өткізді.
Премьер-министр қорғаныс министрі Руслан Жақсылықовтың стратегиялық және инфрақұрылымдық объектілерді қорғауды қамтамасыз ету бойынша жүргізіліп жатқан жұмыстар туралы мәліметтерін тыңдап, мемлекеттік органдардың іс-қимылдарын күшейтуге бағытталған бірқатар міндеттер қойды. Тұрақтылық пен қоғамдық тәртіпті сақтау, көлік қатынасының қауіпсіздігі, денсаулық сақтау объектілерінің қызметі және басқа да мәселелерге назар аударылды.
Уәкілетті құрылымдардың басшылығына Президенттің қауіпсіздікті қамтамасыз ету жөніндегі тапсырмаларының орындалуын ерекше бақылауда ұстау және жағдайдың өзгеруі туралы шұғыл режимде баяндау тапсырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.