Бас прокуратура "Болашақ" бағдарламасы бойынша қаражаттың пайдаланылуына тексеру жүргізуде
Бұл туралы таратылған Мәжілістің 7-ші шақырылым депутаттары сауалына Бас прокурор Берік Асыловтың жауабында айтылған
Астана. 8 ақпан. KAZAKHSTAN TODAY - Бас прокуратура қаражатты мақсаттан тыс пайдалану мəселесі бойынша Халықаралық бағдарламалар орталығын тексереді. Бұл туралы таратылған Мәжілістің 7-ші шақырылым депутаттары сауалына Бас прокурор Берік Асыловтың жауабында айтылған.
Болашақ" мемлекеттік бағдарламасын іске асыру кезінде "Халықаралық бағдарламалар орталығы" АҚ қызметкерлерінің қаражатты мақсаттан тыс пайдалануы мəселесі бойынша тексеру жүргізу туралы "Ақ жол" фракциясы депутаттарының сауалына келесіні хабарлаймыз. Бүгінде баяндалған дəлелдерді қараудың объективтілігі мен жан-жақтылығын қамтамасыз ету үшін қажетті ақпаратты талдау жəне жинау жүргізілуде. Осы жұмыс аяқталғаннан кейін Халықаралық бағдарламалар орталығында тексеруді бастаймыз. Нəтижелері туралы қосымша хабарлаймыз", - делінген Берік Асыловтың жауабында.
Өткен жылдың желтоқсан айында "Болашақ" стипендиясы 170-тен астам қазақстандыққа берілді. Стипендиаттардың басым көпшілігі шетелдерде инженерлік-техникалық бағытта білім алып, біліктілігін жетілдіреді.
Ақпарат көзі: inform.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстанда 170 мыңнан астам адам құмар ойындарын ойнауға өз еркімен тыйым салды
Қазақстанда 170 мыңнан астам адам құмар ойындарын ойнауға өз еркімен тыйым салды, деп хабарлайды Қазақстан Республикасы Туризм және спорт министрлігінің баспасөз қызметінен.
Қазақстан Республикасы Туризм және спорт министрлігі Ойын бизнесін және лотереяны реттеу комитетінің мәліметіне сәйкес, құмар ойындарға қатысудан өзін шектегендер арасында ең көп үлес 31-35 жас аралығындағы азаматтарға тиесілі:
eGov mobile арқылы - 40 212 адам (жалпы санның 23,90%);
жазбаша - 836 адам (жалпы санның 36,17%).
2024 жылдың 18 наурызында басталған өзін құмар ойындардан, бәс тігуден шектеу бойынша онлайн қызметті енгізу жөніндегі министрліктің пилоттық жобасы оң нәтиже көрсетіп, құмар ойындарға қатысудың төмендеуіне ықпал етіп келеді.
Пилоттық жобаны пайдалануға енгізгеннен кейін бір айда (18.04.2024 ж.) eGov mobile арқылы 35 342 өтініш берілсе, 15.11.2024 ж. берілген өтініштердің саны 168 250 құрады.
Сонымен қатар азаматтардың дәстүрлі қағаз жүзінде өзін-өзі шектеуге өтініш беруден мобильді қосымша арқылы онлайн өтініш беруге біртіндеп көшуі байқалады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Талғар қаласы әкімінің орынбасары тағайындалды
Талғар қаласы әкімінің орынбасары лауазымына Бауыржан Ынтымакович Байбатыров тағайындалды, деп хабарлайды әкімдіктің баспасөз қызметінен.
Өмірбаяны:
Туған күні: 29 қазан 1987 жыл.
Білімі: Жоғары, "Орталық Азия Университеті", құқықтану мамандығы.
Жалпы мемлекеттік қызметтегі еңбек өтілі: 8 жылдан астам.
Еңбек жолы:
2014 жылы Бөлек ауылдық округінің әкімдігінде жетекші маманнан бастап, бас маман лауазымына дейін көтерілді.
2018-2020 жылдары Еңбекшіқазақ ауданы бойынша кірістер басқармасының бас маманы болды.
2023 жылдан бастап Талғар ауданы әкімінің аппараты мемлекеттік-құқықтық бөлімінің бас маманы қызметін атқарды.
Бауыржан Ынтымаковичті жаңа қызметімен құттықтаймыз! Жұмысыңызға табыс пен сәттілік тілейміз!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.