Мемлекет басшысы Жоғары аудиторлық палатаның төрағасы Әлихан Смайыловты қабылдады
Сурет: Akorda
Қасым-Жомарт Тоқаевқа Жоғары аудиторлық палатаның былтыр атқарған қызметінің қорытындылары мен осы жылға арналған жоспары жөнінде мәлімет берілді, деп хабарлайды Ақорданың баспасөз қызметінен.
Президентке былтыр 214 нысанда құны шамамен 11 триллион теңгені құрайтын 27 аудиторлық іс-шара өткізілгені туралы баяндалды. Соның нәтижесінде жалпы сомасы 862 миллиард теңге болатын түрлі нормалардың бұзылғаны анықталды. Тексерістердің қорытындысы бойынша бюджетке 135 миллиард теңге қайтарылды. Бұл 2023 жылы өтелген қаржыдан бес есе артық.
Мемлекет басшысына құрылыс нысандарындағы баға қалыптастыру, өңдеу өнеркәсібі жобаларын қаржыландыру, ауыл шаруашылығын субсидиялау ісінде олқылықтар үнемі байқалатыны айтылды.
Жоғары аудиторлық палата барлық анықталған заң бұзушылықты жою үшін Үкіметке ұсыным беріп, жауапты мемлекеттік органдарға нұсқама жолдаған.
Әлихан Смайылов биыл 40-тан астам аудиторлық іс-шара өткізу жоспарланғанын жеткізді. Мемлекет басшысының тапсырмасы бойынша Астана және Алматы қалалары, Солтүстік Қазақстан, Қостанай және Жамбыл облыстары, сондай-ақ «Самұрық-Қазына» қоры, «Қазатомөнеркәсіп» ұлттық компаниясы, KEGOC кәсіпорыны, Ұлттық банк, Төтенше жағдайлар министрлігі бюджеттерінің орындалуы тексеріледі. Сонымен қатар ғылым, қорғаныс, құқықтық тәртіпті сақтау, спорт, әлеуметтік қамтамасыз ету, орман шаруашылығы салаларында аудиторлық тексерістер жүргізіледі.
Кездесу соңында Президент мемлекеттік аудит жүйесін жетілдіру жөніндегі жұмысты жалғастыруды тапсырды. Сонымен қатар бюджет қаржысының игерілуін тиімді бақылау үшін заманауи цифрлық шешімдерді енгізудің маңызына назар аударды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Ұлттық қордан бөлінген қаражаттың жұмсалуын мониторингтеу жөніндегі комиссия жұмысын қайта бастады
Қазақстанда Ұлттық қордан бөлінген қаражаттың жұмсалуына мониторинг жүргізу жөніндегі комиссия жұмысын қайта бастады. Бұл туралы Жоғары аудиторлық палата хабарлады, деп хабарлайды Inform.kz.
2014 жылы құрылғаннан бастап ол ҚР Ұлттық Банкінің қарамағында жұмыс істеді. 2020 жылдан бастап комиссияның жұмыс органы Жоғары аудиторлық палата болды.Қазіргі уақытта Мемлекет басшысының тапсырмаларын орындау мақсатында комиссияның қызметі жаңартылған форматта және жаңа құраммен жалғасады. Ұзақ үзілістен кейін биыл 21 ақпанда Әлихан Смайыловтың төрағалығымен Жоғары аудиторлық палатада комиссияның отырысы өтті.
Жиынға Президент Әкімшілігінің, Ұлттық Банктің, Бас прокуратураның, Сыбайлас жемқорлыққа қарсы іс-қимыл агенттігінің, Қаржы мониторингі агенттігінің, Ұлттық қауіпсіздік комитетінің, Қаржы және Ұлттық экономика министрліктерінің лауазымды тұлғалары, Парламент Мәжілісі мен Сенатының депутаттары және т.б. қатысты.
Мемлекет басшысы Қасым-Жомарт Тоқаев өткен жылдың қыркүйек айындағы Қазақстан халқына Жолдауында Ұлттық қордың ерекше рөлі мен маңыздылығын тағы да атап өтті.
- Қордың қаражатын, ең алдымен, мемлекет мүддесі үшін, яғни еліміздің стратегиялық мақсаттарын жүзеге асыру үшін пайдалану қажет. Ұлттық қор шетелдік қаржы институттарына қызмет етпеуі керек. Ұлттық қор - ұзақ мерзімге арналған макроэкономикалық тұрақтылықты қамтамасыз ететін аса маңызды құрал. Сондықтан оны тиімді басқару қажет, - деді Президент.
Отырыс барысында Комиссия төрағасы Әлихан Смайылов Ұлттық қор қаражатын жұмсаудың заңдылығы мен тиімділігіне мониторинг жүргізу тәсілдері өзектендірілетінін атап өтті.
- Комиссияның жұмысын қайта бастауымыз керек. Ведомствоаралық іс-қимыл мен Ұлттық қор қаражатының тиімді және мақсатты пайдаланылуын бақылау үшін жауапкершілік аймақтарын нақты айқындау қажет, - деді Әлихан Смайылов.
Ұлттық қор - балаларға" бағдарламасына байланысты да жұртшылықтың Ұлттық қорды ұтымды пайдалануға назары күшеюде.
- Ұлттық қордан алынатын трансферттерден экономикалық қайтарым болуы қажет. Ұлттық қор мемлекеттік маңызды емес міндеттерге пайдаланылмауы тиіс. Мемлекет басшысы осындай міндет қойды, - деп атап өтті Жоғары аудиторлық палата төрағасы.
Әлихан Смайылов алдағы кезеңге арналған міндеттерді атап өтті:
Ұлттық қордан экономиканы жеңілдетілген шарттармен қолдауға бөлінген қаражатқа тексеру жүргізу;
Ұлттық қор қаражатын неғұрлым басым бағыттарға қайта бөлу немесе оларды қайтару жөнінде ұсыныстар беру. Отырыс барысында комиссия құрамын жаңарту, оның қызметін жаңа форматта регламенттеу, қорытындылардың сапасын арттыру және т. б. мәселелер талқыланды. Айта кетейік, ҚР Ұлттық қорынан бөлінген қаражаттың жұмсалуына мониторинг жүргізу жөніндегі комиссия консультативтік-кеңесші орган болып табылады. Ол ҚР Президентінің Өкімімен 2014 жылы құрылған.
https://kaz.inform.kz/news/ulttik-kordan-bolngen-karazhattin-zhumsaluin-monitoringteu-zhonndeg-komissiya-zhumisin-kayta-bastadi-a6ab98/
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Жұмыртқа бағасын тұрақтандыру бойынша меморандум жасалды
ҚР Сауда және интеграция министрлігі, Ауыл шаруашылығы министрлігі, Құс өсірушілер одағы, жұмыртқа өндірушілер салалық қауымдастығы және Сауда желілері одағы әлеуметтік маңызды азық-түлік тауарларының бағасын тұрақтандыру шараларын іске асыру бойынша ынтымақтастық меморандумына қол қойды, деп хабарлайды Inform.kz.
Меморандумның негізі - тараптардың баға тұрақтылығын қамтамасыз етуге деген өзара мүдделілігі мен бизнестің әлеуметтік жауапкершілігін арттыру.
Қол қойылған меморандум аясында Құс өсірушілер одағы мен Қауымдастық құс фабрикаларының қоймалары мен фирмалық дүкендерінде сатылым бағасының тұрақтылығын қамтамасыз етуге міндеттеме алды.
Өз тарапынан Сауда желілері одағы заңнама талаптарына сәйкес сауда үстемесі мөлшерін сақтауын қамтамасыз етеді және осы санаттағы жұмыртқаларды сатудан сыйақы талап етпейді.
Ауыл шаруашылығы министрлігі жергілікті өндірушілерді қорғау мақсатында жұмыртқа импортына шектеу енгізу мәселесін қарастырып, Сауда және интеграция министрлігімен бірге заңсыз импорттық жұмыртқаларды нарыққа шықпауын, оларды айналымнан алу жөнінде бақылау шараларын қабылдайды.
Сауда және интеграция министрлігі меморандум аясында баға мониторингін жүргізіп, оның шарттарының орындалуын бақылайды.
Жұмыртқа өндірушілер қауымдастығы мен ҚР Сауда және интеграция министрлігінің арасында меморандумға қол қойылғанын жазған едік.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Риддерде жылу жүйесін жаңарту және тасқынға дайындық жұмыстары жалғасуда
Сурет: gov.kz
Өскемен. 23 февраля. KAZAKHSTAN TODAY - Шығыс Қазақстан облысының әкімі Нұрымбет Сақтағанов жұмыс сапарымен Риддер қаласында болды. Ол жылу жүйесінің жұмысын тексеріп, су тасқынына дайындық барысымен танысты. Негізгі мәселелер - жылу желілерін жаңарту, қалалық инфрақұрылымның жағдайы және көктемгі су басудың алдын алу шаралары, деп хабарлайды ШҚО әкімінің баспасөз қызметі.
Қазір қалада екі негізгі жылу көзі бар: "Шығыс жылу" АҚ-ның Риддер ЖЭО филиалы және "Л-ТВК" ЖШС қазандығы. Оларды жаңғырту - биліктің басты міндеттерінің бірі.
Соңғы екі жылда ЖЭО аймақ балансына өткеннен кейін үлкен жұмыстар атқарылды: жабдықтар жаңартылып, 19 шақырым жылу желісі қалпына келтірілді. Бұл қала тұрғындарына жылу беру сапасын жақсартуға мүмкіндік берді. Нұрымбет Сақтағанов оң өзгерістерді атап өтті.
Нөлдік қабат ретке келтірілді. Қазір станция 11 мегаватт электр энергиясын өндіруде, жақын арада бұл көрсеткіш екі-үш есеге дейін артады. ЖЭО-ның ішкі резервтері экономикалық тиімділікті едәуір арттыруға мүмкіндік береді, біз компания басшылығымен бірлесе жұмыс істеуді жалғастырамыз", - деді облыс әкімі.
Сонымен қатар кадр тапшылығы мәселесі шешілмек. Биыл республикада Жұмысшы мамандықтар жылы жарияланды, сондықтан энергетика және өнеркәсіп саласының мамандарына мемлекет тарапынан жан-жақты қолдау көрсетіледі. Облыс ЖЭО-да жұмыс істеуге ниетті азаматтарды "Отбасы банк" арқылы баспанамен қамтамасыз етуге дайын. Қажет болған жағдайда жұмыс істеп жүрген мамандар қайта даярлаудан өтеді.
Л-ТВК" ЖШС қазандығы - қаланы жылу және сумен қамтамасыз ететін тағы бір маңызды нысан. Ол Қаражыра кенішінің көмірімен жұмыс істейді, қазіргі уақытта бес су жылыту қазандығы пайдаланылады. Алайда 2001 жылы құрылғанына қарамастан, кәсіпорынның қазіргі жағдайы мәз емес - оны күтіп ұстауға және жөндеуге қаражат жеткіліксіз.
Біз "Қазцинк" ЖШС және "Л-ТВК" басшылығымен қазандық пен су тарту нысанын жергілікті атқарушы органдар балансына беру туралы келісімге келдік. Бұл мәселе үшжақты келіссөздер барысында қаралып, оңтайлы шешім қабылданады. Қазіргі кезде жылу желілерінің жағдайы өте нашар, сондықтан оларды тез арада балансқа алып, қайта жаңғырту керек", - деп атап өтті облыс әкімі.
Сапар барысында су тасқынына дайындық мәселелері де талқыланды. Нұрымбет Сақтағанов "ЛКГЭС" ЖШС-ның мұз жіберу каналының тазалығын бақылауды және арықтар мен каналдардың, әсіресе Ботаника ықшам ауданындағы жағдайды қадағалауды тапсырды.
Риддерде жылу жүйесін жаңғырту және су тасқынының алдын алу жұмыстары жалғасады. Жергілікті билік жоспарланған барлық шаралардың орындалуын бақылауда ұстайтын болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.