06.12.2023, 10:33 33016
Президент Ақтөбе облысына жұмыс сапарымен келді
Сурет: akorda
Достарға айту
Президент Ақтөбе облысына жұмыс сапарымен келді, деп хабарлайды Ақорданың баспасөз қызметінен.
Президент өңірдің экономикалық даму жағдайымен, инвестициялық жобалармен танысуды жоспарлап отыр. Сондай-ақ, ол бірқатар әлеуметтік-мәдени нысандарды аралайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
06.09.2024, 17:38 33716
Жамбыл облысында 2,7 мың га пайдаланылмай жатқан жер уческелерін қайтарылды
Достарға айту
Жамбыл облысында прокурорлар 2,7 мың га пайдаланылмай жатқан жер уческелерін қайтарды, деп хабарлайды ҚР Бас прокуратурасының баспасөз қызметінен.
Жамбыл облысында Сарысу ауданының прокуратурасы талдау жүргізу барысында пайдаланылмай жатқан жалпы көлемі 2 710 га болатын 5 ауылшаруашылығы мақсатындағы жер учаскелерінанықтады.
Жер учаскелерінің жалпы кадастрлық құны 15 млн теңгеден асты.
2022 жылы жергілікті атқарушы орган ауданда қызметін жүзеге асырмаған серіктестікке жер учаскелерін бергені белгілі болды.
Прокурорлық қадағалау актісі нәтижесімен жер мемлекеттік жер қорына қайтарылып, ауылдық округтердің тұрғындарына мал жаюға берілді, осылайша жайылым тапшылығы мәселесі азайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
06.09.2024, 13:33 33916
Шолпан-Атада Түркі мемлекеттері ұйымына мүше мемлекеттердің Ішкі істер министрлерінің кездесуі өтті
Достарға айту
6 қыркүйекте Шолпан-Атада (Қырғызстан) Түркі мемлекеттері ұйымына мүше мемлекеттердің Ішкі істер министрлерінің бірінші кеңесі өтті, - деп хабарлайды Polisia.kz.
Іс-шараға Әзербайжан, Қазақстан, Қырғызстан, Түркия және Өзбекстан Ішкі істер министрліктерінің өкілдері қатысты. Қазақстандық делегацияны Ішкі істер министрі Ержан Саденов басқарды.
Жиын алдында Қырғыз Республикасының Президенті Садыр Жапаров делегация басшыларымен кездесіп, қазіргі заманғы сын-қатерлерге тиімді қарсы тұру үшін құқық қорғау органдарының ынтымақтастығын нығайтудың маңызын атап өтті.
Отырыста ұйымға мүше мемлекеттердің Ішкі істер министрліктерінің бірлескен жұмысының негізгі мәселелері талқыланды. Қылмыскерлерді іздеу, экстремизмге, есірткі қылмысына, заңсыз көші-қон мен киберқылмысқа қарсы күрес сияқты негізгі бағыттар бойынша ынтымақтастықтың тиімділігін арттыруға ерекше назар аударылды. Жиын соңында бірлескен Декларацияға қол қойылды.
Кездесуде сындарлы диалог құрылып, маңызды шешімдер қабылданды. Сондай-ақ іс-шара аясында Қазақстан Ішкі істер министрінің Әзербайжан және Түркия Республикасы ІІМ басшыларымен екіжақты кездесулері өтті, онда ведомствоаралық өзара іс-қимылдың перспективалары айқындалды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
06.09.2024, 13:30 34126
Алматыда танымал ресейлік суретшілердің көрмесі ашылды
Достарға айту
Алматыда танымал ресейлік суретшілердің көрмесі ашылды, деп хабарлайды ҚР Мәдениет және ақпарат министрлігінің баспасөз қызметінен.
Әбілхан Қастеев атындағы ҚР Мемлекеттік өнер музейінде "Еркін суретшілер бірлестігі" ұйымының қолдауымен Латиф Қазбековтың "Қағаз әлемдері" және Андрей Бистидің "Темір мысқыл" атты экспозицияларының вернисажы өтті.
Көрмеге авторлық қағаздағы 111 акварельді, бедерлі композициялар мен тушь суреттері, иллюстрациялар, сондай-ақ 40 мүсін қойылды.
Латиф Қазбеков - суретші-график, Ресейдің еңбек сіңірген суретшісі, Ресей суретшілер одағының мүшесі, Санкт-Петербург қазіргі заманғы өнер академиясының мүшесі. Туған жері Қазақстан, ол Н.В. Гоголь атындағы Алматы көркемөнер училищесін Борис Петрович Пак шеберханасында бітірген. Көп қабатты қағаз жасаудың өзіндік техникасын ойлап тапты. Соның арқасында әрбір парақ акварельді кескіндемеде түс пен бедерлі фактураның керемет әсерін тудырып, жалғыз туындыға айналады.
Андрей Бисти - танымал ресейлік график, кескіндемеші, мүсінші, Мәскеу суретшілер одағының мүшесі. Мәскеу полиграфия институтын бітірген, П.Г. Захаровтың, В.Н. Ляховтың, А.Д. Гончаровтың жанында білім алған. Суретшінің шығармашылығының негізгі сәті экспериментке деген қызығушылық болып табылады.
Көрме 2024 жылдың 6 қазанына дейін жалғасады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
06.09.2024, 13:23 34596
Алматыда FaceID жүйесі арқылы "Даму бала" бағдарламасы бойынша секциялар мен үйірмелерге қатысуды бақылау күшейтіледі
Достарға айту
Қала әкімі Ерболат Досаев жеткізушілердің жауапкершілігін арттыру жөнінде кеңес өткізді. Биыл шығармашылық және спорттық мемлекеттік тапсырысты іске асыруға шамамен 16,5 млрд теңге бөлінді. Үйірмелер мен секцияларға 72 633 бала қатысып, қызметті 1038 жеткізуші көрсетеді, деп хабарлайды Алматы қаласы әкімдігінің баспасөз қызметінен.
Қызмет көрсету сапасын тексеру мақсатында арнайы мониторинг тобы құрылып, құрамына Қоғамдық кеңес мүшелері, мәслихат депутаттары, аудан әкімдіктерінің өкілдері және белсенді азаматтар кірді. Мониторинг барысында қала аудандарында жұмыс істейтін 52 жеткізуші тексерілді.
Соның нәтижесінде мекенжайлардың нақты болмауы, балалар санының сәйкес келмеуі, қосымша төлемдер алу, антисанитария және өрт қауіпсіздігі ережелерін сақтамау сияқты бұзушылықтар анықталды.
Міндетіне салғырт қараған жеткізушілердің ісі құқық қорғау органдарына және прокуратураға жіберілді.
Мониторинг нәтижесінде қайталанатын бұзушылықтарды болдырмау үшін бірқатар шешім қабылданды. Қатысуды бақылауды күшейту үшін FaceID жүйесі енгізіледі. Бұл жүйе баланың әрбір сабаққа қатысуын тіркеп, тек нақты көрсетілген қызметке ғана төлем жүргізуге мүмкіндік береді. DamuBala қосымшасында күн, уақыт және геолокация тіркеледі. Жүйені енгізу және оның жұмыс істеу шығыны жылдың соңына дейін қалалық бюджет есебінен өтеледі. Жеткізушілер аудан әкімдіктерімен қосымша келісімдерге қол қояды.
Сонымен қатар, бағдарламаны одан әрі жетілдіру және көрсетілетін қызметтің сапасын арттыру үшін жаттықтырушылар мен нұсқаушылардың біліктілігіне, ғимараттардың өлшемдері мен жабдықталуына, қауіпсіздік техникасына қойылатын талаптар әзірленіп, жеткізушілермен жасалатын келісімдерге енгізіледі. Сондай-ақ, қаланың 8 ауданында білім беру қажеттілігіне талдау жүргізіліп, сол негізде қызмет түрлеріне сұраныс қалыптастырылады.
Бұрын көрсетілген қызметтерге төлем жасау мәселесі көтерілген болатын. Қала әкімінің тапсырмасына сәйкес, орындалған жұмыстар актісі тексерілгеннен кейін барлық жауапты жеткізушіге жақын арада тиісті төлем жүргізіледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
06.09.2024, 13:22 34816
Бектенов Ақмола облысында әлеуметтік жобалардың жүзеге асырылуымен танысты
Достарға айту
Ақмола облысына жұмыс сапары барысында Қазақстан Премьер-Министрі Олжас Бектенов бірқатар әлеуметтік инфрақұрылым нысандарын аралады. Степногорск қаласындағы Viamedis емханасында отандық денсаулық сақтау саласында мемлекеттік-жекеменшік әріптестік тетігін қолданудың тиімділігі бағаланды. Сондай-ақ Мәншүк Мәметова ауылындағы "Әдемау" мемлекеттік бөбекжай-бақшасында болды, деп хабарлайды Үкіметтің баспасөз қызметінен.
Үкімет басшысына Viamedis емханасы мемлекеттік-жекеменшік әріптестік аясында салынғаны туралы баяндалды. Бүгінгі таңда жобалық қуаты бір ауысымда 1020 адамды қамтитын медициналық мекеме Степногорск пен жақын маңдағы елді мекендердің 64 мыңға жуық тұрғынына қызмет көрсетеді.
Мекеме құрамында күндізгі стационар, мамандандырылған хирургиялық және терапевтік көмек бөлімшесі, Фтизиатрия орталығы және клиникалық-диагностикалық зертхана бар. Сонымен қатар компания Қосшы қаласында көпсалалы өңірлік аурухананың құрылысын бастады.
Премьер-Министр медициналық қызметтердің сапасын одан әрі арттырудың және инфрақұрылымды жаңғыртудың маңызын атап өтті.
Мемлекет басшысы халыққа Жолдауында айтқандай, отандық денсаулық сақтауды дамыту үшін мемлекеттік-жекешелік әріптестік тетігі арқылы ресурстарды белсенді түрде тарту қажет. Жалпы МЖӘ жобаларын іске асыру бизнестің денсаулық сақтау саласын дамытуға және қолдауға қатысуы біз үшін қаншалықты маңызды екенін көрсетеді. Сондықтан МЖӘ моделін белсенді қолдану үшін өзекті мәселелерді жедел талдап, шешуіміз керек", - деп атап өтті Олжас Бектенов.
Сонымен қатар Премьер-Министр Мәншүк Мәметова ауылында ашылған, бүгінде мектепке дейінгі тәрбие мәселесін шешуге мүмкіндік беріп отырған "Әдемау" бөбекжай-бақшасында болды. Ауданы 600 шаршы метр болатын екі қабатты ғимаратта сәбилерге жайлы жағдай жасалған, қазіргі уақытта бөбекжайға 40 бала барады. Мектепке дейінгі мекеменің жобалық қуаты 2 есе көп - 80 адамға дейін қабылдай алады.
Президент Жолдауында айтылған мақсаттарға сәйкес Үкімет мектепке дейінгі білім беруді жан басына шаққандағы қаржыландыру жүйесін өзгерту бойынша жұмыс жүргізуде. Әрбір отбасының нақты табысын ескере отырып, жаңа тәсілдің сапалы іске асырылуын қамтамасыз ету қажет.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
06.09.2024, 13:18 34996
Қазақстанда күзгі әскерге шақыру басталды
Достарға айту
ҚР Президентінің 2024 жылғы 1 ақпандағы Жарлығына сәйкес күзгі шақыру қыркүйекте басталып, желтоқсан айының соңына дейін жалғасады, деп хабарлайды ҚР Қорғаныс министрлігінің баспасөз қызметінен.
Мерзімді әскери қызметке шақыруды кейінге қалдыруға немесе босатуға негіздері жоқ 18 жастан 27 жасқа дейінгі азаматтар шақырылады.
Күзгі шақыру барысында Қарулы күштердің (9 933), Ұлттық ұланның (6 822), ҰҚК Шекара қызметінің (3 200), ТЖМ (317) және Мемлекеттік күзет қызметінің (290) бөлімшелері жасақталатын болады.
Қорғаныс министрлігі әскерге шақыруды есепке алу жұмысын цифрландыру жұмыстарын дәйекті түрде жүргізіп келеді. Әскерге борышын өтеуге шақырылған әскери қызметшілер туралы мәлімет алмасу, сондай-ақ оларды запасқа шығару автоматтандырылған.
Биылғы жылы сарбаздарға арналған артықшылықтар заң жүзінде бекітілді. Оларға қызмет ету кезінде және әскерден босатылғаннан кейін екі ай уақытқа несиелік демалыс беріледі. Бүгінгі таңда 6 мыңнан астам әскери қызметшінің 1 млрд 828 млн теңге сомасындағы төлемдері кейінге қалдырылды. Сонымен қатар кредиттің болуын не болмауын, ол бойынша төлемді кейінге қалдыруды белгілеу Қаржы нарығын реттеу және дамыту агенттігі айқындаған тәртіппен Қорғаныс министрлігінің, кредиттік бюролар мен кредиторлардың ақпараттық жүйелерінің өзара іс-әрекеті арқылы жүзеге асырылады.
Отан алдындағы борышын өтеген азаматтарға студенттік жатақханадан орын беру жеңілдіктері де қарастырылған. Бүгінгі таңда әскерде қызмет еткен мың жарымнан астам азамат жоғары оқу орындарына тегін, ал ақылы түрде 700-ден астамы оқуға түсті. Осы жылдың көктемінде запасқа шығарылған 400-ден астам әскери қызметші келісімшарт бойынша әскери қызметке орналасты.
Президенттің тапсырмасы бойынша Қарулы күштер мемлекеттік үлгідегі куәліктерді бере отырып, әскери қызметшілерді аралас жұмысшы мамандықтарына оқытты. Бұл мәселе Мемлекет басшысының Қазақстан халқына Жолдауында да айтылып, 2025 жыл - Жұмысшы мамандықтар жылы деп жарияланды. Жыл сайын жұмысшы мамандықтарының саны да артып келеді. 2023 жылы 1200-ге жуық маман оқытылды. Биылғы жылы 1300-ден аса адамды оқыту жоспарланып отыр.
Қалалық және аудандық шақыру комиссиялары жергілікті атқарушы органдар әкімдерінің орынбасарларының төрағалығымен жұмыс істейтінін естеріңізге сала кетейік. Шақыру науқаны барынша ашық форматта өткізіледі.
Әскерге шақырылушылар, олардың ата-аналары, журналистер, қоғам өкілдері қажетті ақпаратқа жүгініп, барлық сұрақтарға жауап ала алады. Әр қорғаныс істері жөніндегі департаментінде "жедел желі" мен әлеуметтік желілердегі ресми аккаунттар іске қосылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
06.09.2024, 13:03 35361
Үкімет Қашаған кен орнындағы жөндеу жұмыстарының кейінге шегерілгені туралы ақпаратты жоққа шығарды
Достарға айту
Үкімет Қашаған кен орнындағы жөндеу жұмыстарының кейінге шегерілгені туралы ақпаратты жоққа шығарды, деп хабарлайды ҚР Энергетика министрлігінің баспасөз қызметінен.
Қазан айында жоспарланған жөндеу кезеңінде өндіріс көлемін айтарлықтай қысқарту жоспарлануда. Осы кезеңде біз жыл басынан бері жинақталған артық өндірістің айтарлықтай көлемін өтеуді жоспарлап отырмыз.
Бұл ОПЕК Бас хатшысы Хайтам Әл-Гайстың жақында болған сапары (26 тамыз) және ОПЕК хатшылығы ұйымдастырған талдау агенттіктерімен кездесуі кезінде атап өтілді.
Қазақстан ОПЕК+ келісіміне өзінің адалдығын растайды және Келісімнің әлемдік мұнай нарығының тұрақтылығын қамтамасыз етудегі маңызды рөлін түсінеді.
Қазақстан өз міндеттемелерін толық орындау және ОПЕК хатшылығына ұсынылған өтемақы жоспарын орындау бойынша шаралар қабылдауда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
05.09.2024, 17:33 54596
Қазақстандықтарға шиеленістің күшеюіне байланысты Украина аумағынан кетуге кеңес берілді
Достарға айту
Шиеленістің күшеюіне байланысты және қауіпсіздік мақсатында Қазақстан Республикасының Украинадағы Елшілігі Қазақстан азаматтарына Украина аумағынан кету мүмкіндігін қарастыруды ұсынады, деп хабарлайды Елшіліктің баспасөз қызметінен.
Украинадан Қазақстанға бару үшін Қазақстан Республикасының азаматтары жерүсті бағыттарын пайдалана алады: Польша немесе Молдова арқылы, одан әрі - коммерциялық әуе қатынасы арқылы.
Польша арқылы кеткен жағдайда Қазақстан азаматтарында Шенген визасы болуы қажет. Молдоваға кіру үшін виза қажет емес.
Сонымен бірге, Елшілік барлық азаматтарды әуе шабуылы туралы ескертуді елемеуге және дереу паналауға, өздерінің қауіпсіздік шараларын сақтауға және ресми органдардың ұсыныстарын орындауға шақырады.
Елшіліктің консулдық бөлімінің байланыс телефондары: +38 (044) 4831596, +38(044) 4891031.
Қазақстан азаматтарына арналған жедел желі(төтенше жағдайда): +380673470408.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ИНТЕРНЕТ ТЕЛЕВИДЕНИЕ
KAZAKHSTAN TODAY LIVE
Ең көп оқылғаны
05.09.2024, 17:33Қазақстандықтарға шиеленістің күшеюіне байланысты Украина аумағынан кетуге кеңес берілді 04.09.2024, 17:19 43296"Самұрық-Қазына" АҚ мен Amazon Kuiper басшылығы ынтымақтастық мүмкіндіктерін талқылады03.09.2024, 18:52 39421Бектенов МЖӘ жобаларын дайындау қорларын құруды тапсырды03.09.2024, 18:45 38681ҚМА "Жайлы мектеп" ұлттық жобасын іске асыру барысына мониторинг жүргізуде06.09.2024, 13:03 34306Үкімет Қашаған кен орнындағы жөндеу жұмыстарының кейінге шегерілгені туралы ақпаратты жоққа шығарды
28.08.2024, 18:38 115181Қазақстанда бензинді сыртқа шығаруға және алманы автокөлікпен әкелуге тыйым салынды28.08.2024, 17:42 11390639 млрд теңгеден астам қаржылық заң бұзушылықтары және мемлекеттік аудит жүйесін реформалау: бұл туралы Тоқаев пен Смаилов сөз қозғады29.08.2024, 17:19 109681Алматыдағы аудандарда ҚР Конституциясы күніне орай қандай іс-шаралар өтеді29.08.2024, 17:00 105451Алматыда бейбіт жиындар мен шерулер өткізу орындары өзгерді29.08.2024, 16:57 105321Алматыда қала арқылы өтетін негізгі өзендерде көшкін қаупінің картасы әзірленеді