ҚР Президенті Әзербайжан Президентімен Бакуде өткен келіссөздер қорытындысы бойынша мәлімдеме жасады

Біз бүгін кең ауқымды мәселелер жөнінде жемісті келіссөз жүргіздік. Әзербайжан Президенті дұрыс атап өткендей, ешқандай проблема, кедергілер болған жоқ. Керісінше, экономикалық салада болсын, гуманитарлық бағытта болсын нақты нәтижелерге қол жеткізу үшін күш-жігерді арттыруға өзара ниет таныттық", - деді Мемлекет басшысы.

Әрине, бауырлас ел Әзербайжанның ұлттық көшбасшысы, Президенті Ильхам Гейдарұлы Әлиевтің жеке еңбегі зор. Осы мүмкіндікті пайдалана отырып, сіздің қуатты басшылығыңызбен бүгінде Әзербайжан өзінің дамуында айтарлықтай нәтижелерге қол жеткізіп жатқанын тағы да айтқым келеді. Біз сіздің еліңіздегі осы үрдістерді бақылап отырмыз әрі шын жүректен қуанамыз. Қарабақ пен Шығыс Зангизурдың қалпына келіп, дамып жатқанын көріп отырмыз. Сіздің жеке еңбегіңіздің арқасында бұл өңір таяу болашақта гүлденген аймаққа айналады, оған еш күмән жоқ", - деді Қасым-Жомарт Тоқаев.

Бүгін қазақ халқының атынан берілетін сыйымыздың таныстырылымы өтті. Келесі жылдың аяғына дейін Физули қаласында Құрманғазы атындағы шығармашылық орталығы бой көтереді. Менің бұл сапарым мерейтойлық дата – елдеріміз арасындағы дипломатиялық қарым-қатынастардың орнатылғанына 30 жыл толуы қарсаңында һтуінің да символдық мәні бар. Нақтырақ айтсақ, үш күннен кейін біз бұл датаны атап өтеміз. Жалпы, мен өзімнің қызметтік міндетіме байланысты елдеріміздің арасындағы ынтымақтастықты дамыту процесіне алғашқы күндерден-ақ араласқанымды айта кету керек. Біз ұзақ жолды жүріп өттік. Біз ықпалдастықты басынан бастадық және бүгінде біз елдеріміз арасындағы стратегиялық серіктестік пен одақтастық туралы сенімді түрде айта аламыз. Осы серіктестігімізді одан әрі нығайту, оны әртараптандыру туралы декларацияға қол қойылды. Бұл – алға қарай жасалған нақты қадам", - деді ҚР Президенті.

Осы мүмкіндікті пайдалана отырып, құрметті Ильхам Гейдар оғлу, сізге Азиядағы өзара іс-қимыл және сенім шаралары жөніндегі кеңес отырысын шақыру туралы Қазақстан бастамасына қолдау білдіргеніңіз үшін алғыс айтамын. Биылғы қазан айының ортасында біздің еліміздің астанасында саммит өтеді және оған сіздің қатысуыңызды асыға күтеміз. Бұл шараға сіздің атсалысуыңыз күтілетін нәтижеге қол жеткізу тұрғысынан оң әсер ететініне сенімдіміз", - деді Қасым-Жомарт Тоқаев.

Мүмкін жақын болашақта миллирадтық меже туралы айтатын болармыз", - деп атап өтті ҚР Президенті.

Мен бүгін елімізде Әзербайжан мәдениетінің онкүндігін өткізу туралы бастама көтердім. Бұл шараның танымалдығына ешқандай күмән келтірмеймін. Себебі халқымыз әзербайжан мәдениетін, оның өнер қайраткерлерін сағынғаны анық. Бұл іс-шара сәтті өтеді деген ойдамын. Сонымен қатар, біз елдеріміз арасында мәдениет қайраткерлері мен делегацияларды тұрақты алмасуға келістік. Сунгаит қаласындағы көшелердің біріне қазақ халқының көрнекті өкілі Ахмет Байтұрсынұлының есімі берілгеніне алғыс айтамыз. Ахмет Байтұрсынов 1926 жылы осы – Баку каласында өткен бірінші Бүкiлодақтық түркологтар сезiне делегат ретінде қатысқан. Бұл факт бiздiң елiмiз бен халықтарымыз арасында қашан да тығыз байланыс болғанын тағы бiр рет дәлелдейді деп ойлаймын. Кезінде елордамыздың бір көшесіне көрнекті мемлекет қайраткері, Әзербайжан халқының біртуар перзенті Гейдар Әлиевтің есімі берілген. Қаламыз, астанамыз қарқынды дамып келеді, бүгінде бұл көше ауқымды емес. Сондықтан мен елорда әкіміне елімізде шынайы құрметке ие Гейдар Әлиевтің есімін астанамыздың үлкен көшелерінің немесе даңғылдарының біріне беруді ұсыну туралы тапсырма бердім. Яғни, көше атауын қолайлырақ нысанға ауыстырамыз, бұл әбден орынды деп есептеймін", - деді Қасым-Жомарт Тоқаев.

Бұл жерде біз бір-бірімізді толықтыра аламыз. Қазақстан астық, бидай және ауыл шаруашылығы өнімдерінің басқа да түрлерін жеткізуге мүмкіндігі бар екенін білесіздер. Өз кезегінде бізге Әзербайжаннан ауыл шаруашылығы өнімдерін – жеміс-жидек пен көкөністерді импорттау қажеттілігі туындап отыр. Жалпы алғанда, қазақстандық өндірушілердің бірқатары Әзербайжанға жалпы сомасы 300 миллион доллардан асатын 100 түрлі тауар көлемін ұлғайтуға дайын. Сондықтан біз осы тауар айналымның логистикасын қамтамасыз етуіміз керек және бұл біздің үкіметтеріміздің міндеті. Бүгін осы жөнінде келістік", - деді Мемлекет басшысы.

Қазақстанға келетін болсақ, біздің тарапымыздан ешқандай кедергі болмайды, біз табысты жұмыс істейміз. Біздің елдеріміздің арасындағы қарым-қатынастардың стратегиялық сипаты туралы айтуымызға нақты негіз бар. "Стратегиялық" деген сөз бізді көп нәрсеге міндеттейді, біз бұл бағыттағы ортақ ісіміге нақты мағына, нақты мазмұн беруіміз керек. Мен ынтымақтастығымыздың келешегіне оптимистік көзқараспен қараймын. Қонақжайлылық танытып, жұмыс істеуге қажетті жағдай жасағаныңыз үшін тағы да алғысымды айтамын", - деді Қазақстан Президенті.