Табиғи монополиялар субъектілерінің сатып алуы электрондық форматқа ауыстырылады
Табиғи монополиялар субъектілерінде бірнеше электрондық алаңдарда сатып алуды жүзеге асыруға қол жеткізу мүмкіндігі пайда болды.
НҰР-СҰЛТАН. 2 АҚПАН - "Табиғи монополиялар туралы" Қазақстан Республикасының заңына түзетулерді қабылдаумен табиғи монополиялар субъектілерінің сатып алуды Республиканың Ұлттық Кәсіпкерлер палатасының ақпараттық жүйесімен интеграцияланған сатып алудың бірыңғай терезесі электрондық сатып алудың ақпараттық жүйелеріне толығымен көшу көзделген, деп хабарлайды KAZAKHSTAN TODAY ҚР Ұлттық экономика министрлігі Табиғи монополияларды реттеу комитетінің баспасөз қызметіне сілтеме жасап.
Қазақстан Республикасы Ұлттық экономика министрлігінің Табиғи монополияларды реттеу комитетінде атап өткендей, түзетулер 2022 жылғы 1 қаңтардан бастап қолданысқа енгізілді.
Бүгінгі күні табиғи монополиялар субъектілерінде "Mitwork", "Евразиан тек", "Каспий тендер", "Электрондық сауда порталы", "ЕТБ электрондық сауда алаңы" және "ЕТС – Тендер" атты алаңдарда сатып алуды жүзеге асыру мүмкіндігі пайда болды, олар Сатып алудың бірыңғай терезесімен интеграцияланған.
Осылайша, табиғи монополиялар субъектілерінде сатып алуды жүзеге асыру үшін алаң таңдау мүмкіндігі бар.
Осы өзгерістер кейбір ерекшеліктерді қоспағанда, тариф реттеудің шығын әдісін қолдана отырып, тек тариф бекітілген табиғи монополиялар субъектілерінің сатып алуына қолданылатындығын атап өту қажет (олар: мемлекеттік сатып алу, дауыс беретін акцияларының (қатысу үлестерінің) елу және одан да көп пайызы тікелей немесе жанама түрде Ұлттық басқарушы холдингке тиесілі табиғи монополиялар субъектілерінің сатып алуы, жаңартылатын энергия көздерін пайдаланатын энергия өндіруші ұйымнан электр және (немесе) жылу энергиясын сатып алу, Қазақстан Республикасының жаңартылатын энергия көздерін пайдалануды қолдау саласындағы заңнамасына сәйкес жүзеге асырылатын Қазақстан Республикасы Электр энергетикасы туралы заңнамасына сәйкес теңгерімдеуші электр энергиясын, электр энергиясын орталықтандырылған сауда-саттықта, спот-нарықта сатып алу, қуаты аз табиғи монополиялар субъектілерін сатып алу, тариф бекіту кезінде шығындары ескерілмейтін табиғи монополиялар субъектілерін сатып алу).
Осы түзетулерді іске асыру мақсатында Табиғи монополиялар субъектілерінің қызметін жүзеге асыру қағидаларына тиісті өзгерістер енгізілді.
Жаңа енгізулер ең алдымен сатып алу рәсімдерінің ашықтығын және әлеуетті өнім берушілер арасында адал бәсекелестікті арттыруға бағытталған.
Бұдан басқа, сатып алудың жаңа форматы тапсырыс беруші мен өнім берушілер арасындағы тікелей байланысты жояды, сатып алуды жүргізуге табиғи монополия субъектінің уақытын және ресурстарын үнемдейді, сондай-ақ қағаз және т. б. шығыстарды қысқартады.
Сондай-ақ, басқа өңірлердің табиғи монополиялар субъектілерінің сатып алуға қатысу арқылы қатысатын өнім берушілердің тобы кеңейеді, сондай-ақ географиялық шекаралар алып тасталынады, бұл әлеуетті өнім берушілер тобын кеңейтуге алып келеді.
Осылайша, бизнес өкілдерінің елдің барлық өңірлеріндегі табиғи монополиялар субъектілерінің сатып алуға қатысу мүмкіндіктері кеңейтілуде.
Бұрын табиғи монополиялар субъектілерінің сатып алуы өзінің интернет - ресурсында сатып алу процесінің әрбір сатысы туралы ақпаратты орналастыру арқылы электрондық нысанда, өзінің интернет-ресурсы болмаған жағдайда уәкілетті органға оның интернет-ресурсында орналастыру үшін ұсыну арқылы жүзеге асырған болатын. Ал жаңадан енгізілетін түзетілер әлеуетті жеткізушілерге сатып алуды өткізу рәсіміне қатысу үшін тең мүмкіндіктер беру және бизнес мүдделерін қорғау сияқты сатып алудың негізгі қағидаттарын іске асыруға ықпал етеді", - деп нақтылады ведомствода.
Табиғи монополиялар субъектілер Сатып алудың бірыңғай терезесімен интеграцияланған электрондық сатып алудың ақпараттық жүйесінде емес сатып алуларды бұрынғы алаңда жүргізетін болса, әкімшілік жауапкершілікке тартылады.
Бұған дейін хабарланғандай, Қазақстанның көптеген аймақтарында газ бағасы төмендеген.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Дубайда "Астана Опера" спектаклін 12 мың көрермен тамашалады
Астана Опера" балет труппасы Дубайда хореограф Юрий Григорович қойған П.Чайковскийдің "Щелкунчик" балетін сахналады. ҚР Мәдениет және ақпарат министрлігінің қолдауымен өткен бұл гастрольдер елордалық театрдың биылғы шетелдік турларының қорытындысы болды, деп хабарлайды ҚР Мәдениет және ақпарат министрлігінің баспасөз қызметінен.
Қойылымның хореографиясы бастапқыдай қалуы үшін "Астана Опера" труппасымен гастроль алдында Юрий Николаевич Григоровичтің ассистенттері Руслан Пронин мен Оксана Цветницкая жұмыс істеді.
Спектакльді театрдың симфониялық оркестрі италиялық маэстро Джузеппе Акуавиваның жетекшілігімен сүйемелдеді.
Айта кету керек, спектакльдің былтырғы жетістігінен кейін "Астана Опера" балет труппасының көркемдік жетекшісі, әлемдік балет жұлдызы Алтынай Асылмұратова бастаған қазақстандық труппаны Дубай театры қайта шақырды.
Астана Опера" труппасының "Дубай Операда" "Щелкунчик" балетімен келіп, қайта өнер көрсетіп жатқанына қуаныштымыз. Былтыр табысқа толы жыл болды. Сол кездегі труппаның керемет өнерінен кейін, біз оларды тағы да шақырдық. Таңғажайып қойылым, талантты әртістердің өнерін тамашалағанымызға өте қуаныштымыз", - деді "Дубай Опера" директоры Паоло Петрочелли.
Керемет қойылым! Спектакльдің көркемдігіне тәнті болдым. Мехикодан Дубайға арнайы "Щелкунчикті" көру үшін ұшып келдім. Осынау керемет опера театры залында барлық костюмдерді, декорацияларды және жарқын түстерді көру мүмкіндігіне ие болғаныма өте қуаныштымын. Бұл труппаның жоғары деңгейдегі өнерін тамашалауға керемет мүмкіндік болды", - деді Артуро Перес Ривера.
Еске сала кетейік, алғашқы қойылым 19 желтоқсанда сәтті өтті. Алда әлі үш гастрольдік күн бар - 20, 21 және 22 желтоқсан. Бұл күндері жетекші солистер көрерменді ертегінің сиқырлы әлеміне жетелейді. Айта кету керек, труппа 6 спектакль ұсынады, олардың әрқайсысы аншлагпен өтеді деп күтілуде. Қойылым күндері көрермен ғажайып атмосфераны сезінуге мүмкіндік алады. Хореограф дайындаған жеке нөмірлер, атап айтсақ мүлгіген қысқы табиғаттың таңғажайып бейнесін көз алдыңа әкелетін ақ ұлпа қар бүршіктерінің биі ересектерге де, балаларға да зор әсер қалдырады. Классикалық хореография, символизм, қиял-ғажайып бейнелер мен Симон Вирсаладзенің көркемдік безендіруі бұл балетті шынымен ұмытылмастай етеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан ІІМ басшысы Әзірбайжанның Ішкі істер министрімен кездесті
Әзірбайжан Ішкі істер министрлігінің делегациясы жұмыс сапарымен Қазақстанның полиция ведомствосында болды, - деп хабарлайды Polisia.kz.
Ержан Саденов пен Вилаят Эйвазов қылмысқа қарсы күрес саласындағы өзара іс-қимылдың, оның ішінде есірткінің заңсыз айналымына, киберқылмысқа, экстремизм және басқа да қатерлерге қарсы күрестің басым мәселелерін талқылады.
Кездесуге қатысушылар қызметтің көптеген бағыттары бойынша екіжақты ынтымақтастықтың оң нәтижелерін атап өтті. Жедел ақпарат алмасу және оң жұмыс тәжірибесімен бөлісу бойынша серіктестікті дамыту перспективалары айқындалды.
Сондай-ақ іс-шара аясында Әзірбайжан ІІМ делегациясы құқықтық тәртіпті қамтамасыз етуде қолданылатын цифрлық шешімдермен танысты. Кездесу қорытындысы бойынша екі елдің министрлері хаттамаға қол қойды, онда қазіргі заманғы сын-қатерлерге қарсы іс-қимылды нығайту жөніндегі шаралар нақтыланған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан Ұлттық Банкі доллар айырбастау туралы мәлімдеме жасады
Қазақстан Ұлттық Банкі (бұдан әрі - ҚҰБ) 1996 - 2013 жылдар аралығындағы кезеңде шығарылған қолма-қол АҚШ долларын ЕДБ айырбастау пункттерінің және банктік емес айырбастау пункттерінің айырбастаудан бас тарту фактілері бойынша азаматтардан түсетін шағымдардың жиілеп кеткені туралы хабарлайды.
Осыған байланысты ҚҰБ бұл банкноталардың заңды төлем құралы болып табылатынын және олардың түпнұсқалығы расталған және зақымдануы болмаған жағдайда Қазақстанның айырбастау пункттерінде комиссиясыз қабылданатынын еске салады.
Қазақстан аумағында қолма-қол шетел валютасымен айырбастау операцияларын жүзеге асыру тәртібі туралы.
Егер банкноталар бүлінбеген болса және айналыста жарамсыз деп танылмаған жағдайда ҚР заңнамасында қолма-қол шетел валютасын айырбастау үшін комиссиялар көзделмеген.
Айырбастау пункттері алынатын комиссияны айырбастауға қабылданатын банкноталар төлемге қабілетсіз немесе одан әрі айналысқа жарамсыз болған жағдайда ғана белгілеуі мүмкін екенін атап өтеміз.
Егер айырбастау пункті комиссия алса немесе шетел валютасын шыққан жылына қарай қабылдаса, валюта айырбастаудан негізсіз бас тартса, сол айырбастау пункті орналасқан жердегі Ұлттық Банктің аумақтық филиалына шағымдану қажет. Шағыммен қатар барлық қажет ақпарат пен құжатты қоса көрсету керек, бұл заңға сәйкес шара қолдануға мүмкіндік береді.
ҚҰБ аумақтық филиалдарының байланыс деректері жөніндегі ақпаратты ҚҰБ-тың ресми интернет-ресурсынан табуға болады.
Қазақстан аумағында қолма-қол шетел валютасымен кассалық операцияларды жүзеге асыру тәртібі туралы.
Қазақстан Республикасындағы банктер және банк қызметі туралы" ҚР Заңының (бұдан әрі - Банктер туралы заң) 30-бабы 2-тармағының 2) тармақшасына сәйкес банк операцияларына депозиттерді қабылдау, жеке тұлғалардың банктік шоттарын теңгемен және шетел валютасымен ашу және жүргізу жатады.
Касса операциялары мен банкноталарды, монеталарды және бағалы заттарды инкассациялау ережелеріне сәйкес, банк мынадай касса операцияларын жүзеге асырады: клиенттен қолма-қол ақша қабылдау және клиентке қолма-қол ақша беру. Бұл операциялар банк туралы заңның 30-бабында көрсетілген банк операцияларын және басқа да операцияларды орындау үшін жүргізіледі.
Осылайша, ЕДБ кассалық операцияларды жүзеге асырғаны үшін алынатын комиссияларды өздерінің ішкі тарифтік саясатына сәйкес белгілеуге құқылы.
Бұл ретте Банктер туралы заңға сәйкес банктер мен банк операцияларының жекелеген түрлерін жүзеге асыратын ұйымдар сыйақы мөлшерлемелері мен комиссияларды, сондай-ақ банк қызметтерін көрсеткені үшін тарифтерді ҚР заңдарында белгіленген шектеулерді ескере отырып өз бетінше белгілейді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ҚМА Кинологиялық орталығының мамандары мен иісшіл иттер қоғамдағы заңдылық пен тәртіпті орнатуға өз үлесін қосуда
ҚМА Кинологиялық орталығының мамандары мен иісшіл иттер қоғамдағы заңдылық пен тәртіпті орнатуға өз үлесін қосуда, деп хабарлайды ҚМА баспасөз қызметінен.
Экономикалық және қаржылық қауіпсіздікті қамтамасыз ету, контрабандаға қарсы күрес және заң мен тәртіпті сақтау Агенттіктің басым міндеттері болып қала береді.
Бұл жағдайда қызметтік-іздестіру иттері де өз көмегін көрсетті.
Ағымдағы жылдың басынан бері Агенттік иттердің көмегімен есірткіні заңсыз тасымалдаудың 33 фактісін анықтады.
Табылған есірткінің жалпы салмағы 17 келі, оның ішінде:
- марихуана/каннабис - 5,2 кг. (20 факт);
- гашиш/гашиш майы - 11,5 кг. (11 факт);
- көкнәр сабаны, тетрагидроканнабинол және басқа да синтетикалық есірткі түрлері.
Сонымен қатар, осы кезеңде Еуразиялық экономикалық одақтың кедендік шекарасы арқылы декларацияланбаған валютаны заңсыз өткізудің 17 фактісі анықталды.
Анықталған валютаның жалпы сомасы 529 152 АҚШ доллары мен 9 500 еуроны құрады.
Оның ішінде 15 жағдай Алматы қаласында, 2 жағдай Маңғыстау облысында тіркелген.
Еске салайық, 2023 жылы кинологиялық орталық мамандары есірткі транзитінің 29 фактісін және валютаны заңсыз шығару әрекетінің 18 фактісін анықтаған.
ҚР ҚМА кинологиялық қызметі қаржылық мониторинг агенттігінің бөлімшесі, ал оның мамандары арнайы дайындалған жедел қызметкерлер болып табылады. Оларға Қазақстан Республикасының мемлекеттiк шекарасы арқылы есiрткi мен валютаның, оларды өткiзудiң қауiптi бағыттарында контрабанданың жолын кесу үшiн арнайы дайындалған қызметтiк-iздестiру иттерiн дайындау және пайдалану мiндетi жүктелген.
Кинологиялық орталықта дайындалған жануарлар тек Агенттіктің бөлімшелеріне ғана емес, сонымен қатар басқа да құқық қорғау органдарына, арнайы қызметтерге, әскери полицияға, ҰҚК ШҚ және Авиациялық қауіпсіздік қызметіне жіберіледі.
Кинологиялық орталықта мемлекеттік кірістер және құқық қорғау органдарының қызметкерлерінен, сондай-ақ Ауғанстан, Өзбекстан, Қырғызстан, Түркіменстан, Тәжікстан және Моңғолиядан келген 1000-нан астам кинологтар оқытылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ұлттық қордың Швециядағы активтерін қайтару және жаңа мүмкіндіктер - Ұлттық Банк Стати заявление бойынша мәлімдеме жасады
Қазақстан Ұлттық Банкі Қазақстан Республикасының Үкіметі, Қазақстан Ұлттық Банкі және Стати тараптары арасындағы сот дауларын реттеу процесінің сәтті аяқталғаны туралы хабарлайды.
Реттеу нәтижесінде Қазақстан Ұлттық Банкі Стати тараптарының Қазақстан Республикасы Ұлттық қорының активтеріне қойған талаптарынан бас тартуына және Швецияда қамтамасыз ету шараларының ықпалында болған Қазақстан Республикасы Ұлттық қорының активтерін өз иелігіне қайтаруға қол жеткізді.
Бұл Қазақстан Республикасы Ұлттық қорының ұзақ мерзімді кірістілігін жақсарту үшін жағдай жасауға ықпал ететін операциялық икемділікті арттыруға және әлеуетті инвестициялық серіктестердің барынша кең ауқымын тартуға жаңа мүмкіндіктер ашады.
Түпкілікті реттеу туралы келісімнің нақты шарттары жасырын болып табылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.