Тимур Сұлтанғазиев ҚР денсаулық сақтау бірінші вице-министрі болып тағайындалды
Бұл туралы ҚР Премьер-Министрінің баспасөз қызметі хабарлайды.
Сурет: primeminister.kz
Астана. 31 қазан. KAZAKHSTAN TODAY - ҚР Үкіметінің қаулысымен Тимур Сламжанұлы Сұлтанғазиев Қазақстан Республикасының Денсаулық сақтау бірінші вице-министрі қызметіне тағайындалды. Бұл туралы ҚР Премьер-Министрінің баспасөз қызметі хабарлайды.
Тимур Сұлтанғазиев 1982 жылы Алматы қаласында туған.
Қазақ ұлттық медицина университетiн, Tulane University (АҚШ) бiтiрген.
Еңбек жолын 2005 жылы С.Ж. Асфендияров атындағы Қазақ ұлттық университетінің №1 қалыпты анатомия кафедрасының зертханашысы болып бастады.
2010 жылы – "Республикалық медициналық жедел жәрдем ғылыми орталығы" АҚ білім бөлімінің жетекші маманы, маркетинг және стратегия бөлімі бас маманының міндетін атқарушы.
2010-2013 жылдары "Ұлттық медициналық холдинг" АҚ Инновация және технологиялық трансферт департаментiнде түрлі қызметтер атқарды.
2013-2014 жылдары – "Медициналық технологиялар және ақпараттық жүйелер орталығының" президентi.
2014-2016 жылдары коммерциялық ұйымдарда жұмыс істеді.
2016 жылы Республикалық денсаулық сақтау орталығы бас директорының орынбасары болды.
2016-2017 жылдары – Денсаулық сақтау және әлеуметтiк даму министрлiгiнiң Медициналық қызметті стандарттау департаменті директорының м.а., директоры.
2017-2018 жылдары – ҚР Денсаулық сақтау министрлігі Жобаларды басқару департаментінің директоры.
2018-2020 жылдары – СҚО әкiмдiгiнiң денсаулық сақтау басқармасының басшысы, Петропавл қаласы.
2020 жылы ҚР Денсаулық сақтау министрлiгi Тауарлар мен көрсетiлетiн қызметтердiң сапасы мен қауiпсiздiгiн бақылау комитетiнiң төрағасы болды.
2021-2022 жылдары – Солтүстік Қазақстан облысы әкімінің орынбасары.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Өнеркәсіп және құрылыс министрлігіне жаңа вице-министр тағайындалды
Өнеркәсіп және құрылыс министрлігіне жаңа вице-министр тағайындалды, деп хабарлайды Үкіметтің баспасөз қызметінен.
Қазақстан Республикасы Үкіметінің қаулысымен Рахымжан Ержанұлы Исақұлов өнеркәсіп және құрылыс вице-министрі қызметіне тағайындалды", деп көрсетілген қаулының мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ІІМ мопедтерге нөмірлік белгілердің қашан берілетінін хабарлады
ІІМ өкілдері ОКҚ алаңында өткен баспасөз конференциясында түсіндіргендей, 3 қазанда мопедтерге мемлекеттік тіркеу нөмірі белгілерін беруді көздейтін заңға қол қойылды, деп мәлім етті ОКҚ брифингінде ҚР ІІМ Әкімшілік полиция комитетінің төрағасы Қайсар Сұлтанбаев.
Осылайша, мопедтер механикалық көліктерге теңестіріледі, сәйкесінше олардың бұзушылықтары автоматты тіркеу жүйелерімен, сондай-ақ күнделікті жол қозғалысын қадағалау кезінде полиция қызметкерлерімен анықталады. Заң 4 сәуірде күшіне енеді.
Мопедтерді тіркеуді келесі жылы бастаймыз. 1 қаңтардан бастап азаматтар арнайы ХҚКО-ға жүгіне алады. Мопед жүргізушілері әртүрлі бұзушылықтар үшін неге 4 сәуірден бастап жазаланады? Неге осындай уақыт беріліп отыр? Себебі жаңа заң бойынша мопед жүргізушілерінде А1 санатындағы жүргізуші куәлігі болуы керек. Егер біреуде жүргізуші куәлігі болмаса, оларға оқуға, жүргізуші куәлігін алуға, белгіленген тәртіппен мопедтерін тіркеуге және мемлекеттік нөмір белгілерін алуға уақыт қажет", - деп түсіндірді ҚР ІІМ Әкімшілік полиция комитетінің төрағасы Қайсар Сұлтанбаев ОКҚ алаңында өткен баспасөз конференциясында.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанның Арнайы операциялар күштерінің бөлімшелері Өзбекстанда Hanjar-2024 оқу-жаттығуына қатысуда
Қазақстанның Арнайы операциялар күштерінің бөлімшелері Өзбекстанда Hanjar-2024 оқу-жаттығуына қатысуда, деп хабарлайды Қазақстан Республикасы Қорғаныс министрлігінің баспасөз қызметінен.
Жизақ облысындағы Орталық әскери округтің "Фориш" полигонында басталған Hanjar-2024 ("Қанжар-2024") тактикалық-арнайы оқу-жаттығуы 20 қарашаға дейін жалғасады.
Іс-шаралар екі ел әскери қызметшілерінің тығыз ынтымақтастығын, қалалық жағдайда арнайы операция жүргізуде тәжірибе алмасуды және заңсыз қарулы құралымдарды жоюды көздейді.
Hanjar-2024 ("Қанжар-2024") тактикалық-арнайы оқу-жаттығуы арнайы мақсаттағы бөлімшелерді жауынгерлік әзірліктің жоғары дәрежесіне келтіруді, оларды жауынгерлік қолдануға дайындауды және арнайы операцияны бірлесіп жүргізуді қоса алғанда, үш кезеңге жоспарланған.
Бірлескен іс-қимылдар барысында Қазақстан мен Өзбекстанның әскери қызметшілері әртүрлі қару түрлерінен ату, шартты тұрғындар тұратын жерлерде жауынгерлік іс-қимылдар жүргізу дағдыларын пысықтайды, сондай-ақ операцияға егжей-тегжейлі талдау жүргізеді.
Оқу-жаттығу аясында ұлттық тағамдар күндері, Достық футбол матчы және Самарқан қаласына экскурсия жоспарланған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.