Түркістанда "Хизб-ут-Тахрир" діни-экстремистік ұйымының жасырылған тобы ұсталды
ІІМ экстремизмге қарсы іс-қимыл жөніндегі бөлінісі Ұлттық қауіпсіздік комитетінің көмегімен Кентау қаласында "Хизб-ут-Тахрир" діни-экстремистік ұйымының жасырылған тобын жойды, - деп хабарлайды Polisia.kz.
Бұл ұйымның идеологиясы елде зайырлы конституциялық құрылымды құлатып, "шариғат" нормаларын енгізуге бағытталған.
Жедел-іздестіру іс-шаралары барысында топ мүшелерінің терроризм идеяларын насихаттау, сондай-ақ діни көзқарасты қорлау фактілері анықталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Алматыда полиция пәтер ұрыларын қылмыс орнында ұстады
Алматы полицейлері пәтер ұрыларын әшкереледі, - деп хабарлайды Polisia.kz.
Полицияның хабарлауынша, олар негізінен шаһардың тұрғын алабында ұрлық жасап жүрген. Жедел уәкілдер арнайы іс-шараны арнайы жасақ полицейлерінің көмегімен жүргізді.
Қаскөйлер қылмыс орнында ұсталды. Олар ұсталғанға дейін аз уақыт бұрын 6-шағын аудандағы пәтерлердің біріне терезені арқылы кіріп, одан алтын бұйым мен қожайындардың жиған-тергенін ұрлап кеткен. Екі күдікті де бұрын бөтеннің мүлкін ұрлағаны үшін сотты болған. Олардың бірі - Ақмола облысының тұрғыны, екіншісі - солтүстік жақтан келген адам. Біздің жедел деректерге сәйкес, бұл "дуэттің" кем дегенде осыған ұқсас 9 эпизодқа қатысы бар. Олар негізінен қаланың Әуезов, Медеу және Бостандық аудандарында ұрлықпен айналысты. Күдіктілер қамауға алынды. Айғақты заттар тәркіленді", - деді Алматы қалалық полиция департаменті бастығының бірінші орынбасары Қуатбек Науатов.
ҚР ҚК-нің 201-бабына сәйкес өзге ақпарат тергеу мүддесіне орай жария етілмейді. ҚР Конституциясының 77-бабы 3-бөлімі 1-тармағы, ҚР ҚК-нің 19-бабы 1-тармағына сай кез келген азамат сот шешімі заңды күшіне енгенге дейін кінәсіз деп саналады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Шымкентте есірткі заттарын жарнамалайтын 18 телеграм каналдары бұғатталды
Шымкент қаласының прокуратурасы заңсыз есірткі заттарын жарнамалау фактілерін анықтады, деп хабарлайды Шымкент қаласы прокуратурасының баспасөз қызметінен.
Қазақстан Республикасы Бас Прокурорының тапсырмасын орындау мақсатында қала прокуратурасы әлеуметтік желілерге мониторинг жүргізу барысында белгісіз тұлғалардың есірткі және психотроптық заттарды насихаттау, жарнамалау және сатумен айналысатын телеграм каналдарын анықтады.
Атқарылған жұмыс нәтижесінде "Кибернадзор" жүйесі арқылы есірткі заттарын жарнамалайтын 18 телеграм каналдары бұғатталды.
Қала прокуратурасы бұл бағыттағы жұмыстарды жүйелі түрде жалғастыруда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда бір айда шекарадан қару алып өтпек болған 90-нан астам жағдай әшкереленді
Қазақстанда бір айда шекарадан қару алып өтпек болған 90-нан астам жағдай әшкереленді, деп хабарлайды ҰҚК баспасөз қызметіның баспасөз қызметінен.
Шекара қызметі Мемлекеттік шекараны күзету мен қорғауды қамтамасыз ету аясында а.ж. қазанда құзырлы органдармен өзара әрекеттесе отырып:
Шекара кеңістігінде 4 640 Қазақстан Республикасының заңнамаларын бұзушыны ұстады, соның ішінде:
- 27 шетел азаматы шекараны бұзғаны үшін;
- 30 шетел азаматы шекараны бұзуға әрекеттенгені үшін.
Мемлекеттік шекара арқылы 1 435 заңсыз алып өту фактісінің алдын алынды, оның ішінде:
- 41 факті - есірткі заты;
- 91 факті - ату қаруы мен оқ-дәрі (1 дана атыс, 3 дана газды және 25 дана суық қару, 123 дана оқ-дәрі, 41 дана электрошокер);
- 23 факті - діни әдебиет (2 001 дана);
- 459 факті - жалпы сомасы 9 млн теңгеден асатын жанар-жағармай материалы (43 000 литрден астам);
- 616 факті - жалпы сомасы 3,4 млрд теңгеден асатын халық тұтыну тауары (соның ішінде киік мүйіздері 1,5 млрд теңгеге жуық, темекі бұйымдары 377 млн теңгеден астам);
- 204 факті - жалпы сомасы 1,8 млрд теңгеден астам шетел валютасы.
Каспий акваториясында 57 браконьерлік фактінің алдын алынды, сондай-ақ:
- 31 дана - жүзу құралы;
- 70 км тор - браконьерлік аулау құралы;
- 299 дана (1 765,1 кг) - бекіре тұқымдас балық;
- 904 дана (2 165 кг) - таза тұқымдас балық;
- 13 дана - итбалық.
- Алдын алынған залал сомасы шамамен 671 млн теңгені құрады.
- Бұл фактілер бойынша материалдар бұзушыларды жауапкершілікке тарту үшін құқық қорғау және сот органдарына жіберілді.
- Мемлекеттік шекарада қандай-да бір шектеу шаралары енгізілмеген, барлық өткізу пункттері штаттық режимде жұмыс істеуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Шымкентте шетелдіктен аса ірі мөлшерде есірткі тәркіленді
Шымкентте шетелдіктен аса ірі мөлшерде есірткі тәркіленді, - деп хабарлайды Polisia.kz.
21 жастағы ер адам қала аумағында "синтетика" таратумен айналысқан. Оны есірткі қылмысына қарсы күрес басқармасының қызметкерлері құрықтады.
Тексеру барысында одан мефедрон салынған бумалар табылып, тәркіленді. Психотроптық заттардың жалпы салмағы 100 грамнан асады. Ұсталған ер адам уақытша ұстау изоляторына қамалды.
Анықталған жайт бойынша полиция тергеу әрекеттерін жүргізіп жатыр.
Тәртіп сақшылары есірткінің заңсыз айналымына байланысты қылмыстар үшін ұзақ жылдарға бас бостандығынан айыру жазасы көзделгенін ескертеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.