31.01.2022, 16:59 21576
Сыбайлас жемқорлыққа қарсы қызмет үш өңірдің ауыл шаруашылығы басқармаларының басшыларын ұстады
Сурет: Depositphotos
Достарға айту
Сыбайлас жемқорлыққа қарсы қызмет ШҚО бойынша Ауыл шаруашылығы басқармасының басшысы В.Гайламазян, Жамбыл облысы бойынша Ауыл шаруашылығы басқармасы басшысының орынбасары Е.Кулкеев және Маңғыстау облысы бойынша Ауыл шаруашылығы басқармасы басшысының орынбасары Б.Ізімтаевты ұстады", - деп хабарлады ведомствоның баспасөз қызметі.
Сыбайлас жемқорлыққа қарсы қызмет Қылмыстық-процестік кодекстің 201-бабына сәйкес басқа ақпараттың жария етілмейтінін атап өтті.
Ақпарат көзі: zakon.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
05.09.2024, 11:58 8181
Ақтөбе облысындағы жасөспірімнің өлімі: мектеп директоры қызметінен босатылды
Достарға айту
Бас Прокурордың тапсырмасы бойынша Темір ауданы, Қопа ауылындағы Қопа орта мектебінің 9-10-11 сынып оқушылары арасындағы кикілжін салдарынан 9-сынып оқушысының өлімімен аяқталған сотқа дейінгі тергеп-тексеру, облыс прокуроры Х.З.Дәуешовпен жеке бақылауға алынды, деп хабарлайды Ақтөбе облысы прокуратурасының баспасөз қызметінен.
Қылмыстық іс аясында ҚР ҚПК-нің 128-бабының тәртібімен кәмелетке толмаған 2 күдікті ұсталып, Темір аудандық сотымен 2 ай мерзімге қамауға алу түріндегі бұлтартпау шарасы санкцияланды.
Оқиға бойынша тергеп-тексеруді Ақтөбе облыстық полиция департаментінің жедел-тергеу тобы жүргізуде.
Қадағалауды жүзеге асыру, тәжірибелі процессуалдық прокурорлар тобына жүктелді.
Аталған қылмыстың орын алуына ықпал еткен себептер мен жағдайларды зерделеу үшін, ауданға арнайы комиссия жіберілді.
Облыстық прокуратурамен жергілікті атқарушы органның атына Темір ауданы әкімінің, облыстық және аудандық білім бөлімі басқармаларының лауазымды тұлғаларының жауапкершіліктерін шешу жөнінде ұсыну енгізілді.
Бүгінгі күні, қадағалау актісімен Қопа ауылындағы мектептің директоры Р.Е.Қаржауов қызметінен босатылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
03.09.2024, 20:37 13556
Қостанайда көпірден секірмек болған ер адам құтқарылды
Достарға айту
Қостанайда полицейлер көпірден секірмек болған ер адамды құтқарып қалды, деп хабарлайды Polisia.kz.
2 қыркүйек күні түнде полицияға Тобыл өзеніне үлкен көпірден секірмек болған ер адам туралы ақпарат түсті. Патрульдік полиция батальонының қызметкерлері Елнұр Қамысбай мен Еламан Исламғалиев дереу оқиға орнына барды.
Ер адам сол уақытта металл қоршаудан өтіп, темірден ұстап тұрған. Полицейлерді көрген соң, олардың жақындамауын сұрап, көпірден секіремін деп қорқытқан.
Ол өзін өте агрессивті ұстады. Мен оның назарын аударып жатқанда, менің серіктесім оның қолынан қатты ұстап қалды. Содан азаматты бірге тартып шығарып, аман алып қалдық", - деді Еламан Исламғалиев.
Ер адам мас күйде болды. Оның қауіпсіздігі үшін полиция ер адамды медициналық мекемеге орналастырды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
03.09.2024, 18:33 13796
Жоғалып кеткен 13 жастағы турист қыз табылды
Достарға айту
Көлік полицейлері жоғалып кеткен 13 жастағы турист қызды іздеп тапты, деп хабарлайды Polisia.kz.
Алматы әуежайының желілік полиция бөлімі қызметкерлері қыз баланың жоғалып кеткені туралы хабарламаны ала салысымен дереу шаралар қабылдап, жасөспірімді іздеуге кірісті.
Айта кетейік, шетелдік жасөспірім Қазақстанға анасымен бірге келген. Алайда ол жанжал салдарынан құжаттарын алып, белгісіз бағытқа кетіп қалған.
Көлік полицейлерінің қырағылығы мен жедел әрекеттерінің арқасында кешкі сағат 20:00 шамасында әуежайды патрульдеу кезінде 13 жастағы ҚХР азаматы Мия Ю Тинь аман-есен табылып, анасына тапсырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
03.09.2024, 14:58 14011
Алматы облысында сібір жарасын жұқтырды деген төрт жағдай тіркелді
Достарға айту
2024 жылғы 1 қыркүйекте Ұйғыр ауданының Үлкен Аксу ауылдық округінде сібір жарасына күдікті төрт жағдай тіркелді. Алдын ала мәліметтер бойынша инфекция көзі ауру малды сою кезінде жұққан болуы мүмкін, деп хабарлайды облыс әкімдігінің баспасөз қызметінен.
Айта кету керек, сібір жарасы адамнан адамға жұқпайды.
Аурудың негізгі таратушылары - ауылшаруашылығы малдары (ірі қара, жылқы, қой, ешкі), сондай-ақ споралары ұзақ уақыт бойы сақталуы мүмкін инфекциямен ластанған топырақ.
Ауыл шаруашылығы министрлігінің Қауіпсіздік және ветеринариялық бақылау комитетінің Алматы облысы аумақтық инспекциясы малды сою ветеринариялық қызметке хабарланбай жүргізілгенін мәлімдеді. Аурудың нақты себептерін анықтау үшін ветеринариялық инспекция Санитариялық-эпидемиологиялық бақылау департаментімен, Полиция Департаментімен және облыс әкімдігімен бірлесіп науқастардың үйлерінен сойылған малдың шикізаты мен өнімдерінен, сондай-ақ сою орнындағы топырақтан сынамалар алды.
Республикалық ветеринариялық зертхана алынған материалдарға биосынама микроскопиясы және полимеразды тізбекті реакция (ПТР) әдістерімен зерттеу жүргізді. Бактериологиялық зерттеулердің нәтижелері жақын арада дайын болады деп күтілуде. Сонымен қатар, талдау үшін материалдар Алматы қаласындағы Ветеринария жөніндегі ұлттық референттік орталыққа жіберілді.
Айта кетейік, ағымдағы жылғы 12 тамызда осы елдімекендегі жануарлар сібір жарасына қарсы вакцинацияланған болатын.
Қазіргі уақытта елдімекенде дезинфекциялау жұмыстары жүргізілді, науқастардың жеке шаруашылықтары карантинге жабылды. Мамандар жануарларды күнделікті тексеруден өткізуде, әзірге аурудың клиникалық белгілері анықталған жоқ.
Барлық қажетті ветеринариялық-санитариялық шаралар бекітілген алгоритмге сәйкес жүргізілуде.
Алматы облысы денсаулық сақтау басқармасының басшысы Алмат Тұрысбекұлы аурудың тері түрі инфекцияның ең кең таралған түрі екенін және уақтылы емдеу кезінде қалпына келу мүмкіндігінің жоғары екенін атап өтті. Барлық пациенттердің жағдайы ауырлықтың орташа дәрежесінде деп бағалануда.
Сібір жарасы адамнан адамға жұқпайды. Инфекцияның негізгі көзі - ауылшаруашылығының ауырған малдары (ірі қара мал, жылқы, қой, ешкі). Сібір жарасының қоздырғышы адам организміне, негізінен, зақымдалған тері арқылы, сирек жағдайда - тыныс алу жолдары мен асқазан-ішек жолдарының шырышты қабаттары арқылы енеді. Инкубациялық кезең (жұқтыру сәтінен бастап аурудың белгілері пайда болғанға дейінгі уақыт) 2 күннен 14 күнге дейін", - деді ол.
Алматы облысының санитариялық-эпидемиологиялық бақылау департаментінің басшысы Марат Исмаилов инфекцияны жұқтыру қаупі бар адамдар тобы анықталғанын хабарлады. Олардың барлығы медициналық бақылауға алынған.
Жергілікті атқарушы органдар жедел штаб құрып, жағдайды бақылауды және қадағалауды күшейтті. Аудандық полиция бөлімі етті және малды ауданнан тыс жерлерге әкетуге және басқа аудандардан әкелуге шектеу енгізді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
27.08.2024, 20:51 36526
Қостанай облысында суға батып бара жатқан адамды құтқарған тұрғын марапатталды
Достарға айту
Қостанай облысында суға батып бара жатқан адамды құтқарған тұрғын марапатталды, - деп хабарлайды Polisia.kz.
Лисаков қаласының тұрғыны Андрей Литвиненко учаскелік полиция инспекторы Данабек Игімбердиевпен бірге адам құтқарды. Естеріңізге сала кетейік, 23 тамызда кешке Октябрь кентінің жанында Тобыл өзенінің бір жағалауынан екінші жағалауына өтпек болған, 39 жастағы ер адам абайсызда велосипедтен терең суға құлап кеткен.
Данабекпен бірге әрекет еттік, ойлануға уақыт болмады, біз суға батып бара жатқан адамды жағаға аман-есен шығардық", - деді Андрей Литвиненко.
Көрсеткен батылдығы мен белсенді азаматтық ұстанымы үшін Андрей Литвиненко Лисаков қаласының полиция бөлімі бастығының грамотасымен марапатталды, сондай-ақ оған естелік сыйлық, қолсағаты табыс етілді.
Полиция қызметкері Данабек Игімбердиев кәсіпқойлығы үшін Конституция күнін мерекелеуге арналған алдағы іс-шарада марапатталады.
Қостанай облысы ПД баспасөз қызметінде Данабек Игімбердиевтің ішкі істер органдарында 15 жылдан астам қызмет етіп келе жатқанын, осы учаскеде 2010 жылдан бері жұмыс істеп келе жатқанын атап өтті. Осы уақыт ішінде ол азаматтарға бірнеше рет көмекке келді. Өткен сәуірде ол мұзды суға батып бара жатқан адамды құтқарды, ал желтоқсан айында газ баллондары бар гаражда өрттің алдын алды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
20.08.2024, 09:23 58391
Қостанай облысында өзенге батып кеткен баланың денесі іздестірілуде
Достарға айту
Қостанай облысы ТЖД қызметкерлері осымен екінші тәулік су ағызып әкеткен баланың денесін таппай жатыр, деп хабарлайды Zakon.kz.
Өңірлік ТЖД мәліметінше, 18 тамызда Козыревка елдімекенінде ер адам мен сегіз жасар бала Тобыл өзені бойындағы жардан өтіп бара жатқан. Кенеттен екеуі де өзенге құлайды. Ер адам судан өз бетімен шыққан, ал баланы су ағыны алып кеткен.
ТЖД мәліметінше, іздестіру жұмыстарына құтқарушылар мен еріктілер тартылып, қайықтар мен дрондар да пайдаланылуда.
19 тамыз, сағат 21-09, бала әлі табылған жоқ", делінген төтеншеліктердің соңғы хабарламасында.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
19.08.2024, 12:10 61921
Ақтөбеде ұшақтың зақымдануы салдарына ондаған рейстің кешігуіне тура келді
Достарға айту
Ақтөбеде ұшақтың зақымдануы салдарына ондаған рейстің кешігуіне тура келді, деп хабарлайды Air Astana.
Air Astana 866 рейске қатысты берген түсініктемесіне орай, 16 тамызда Airbus A321 ұшағын сүйрету кезінде шассидің тұмсықтық тірегіндегі бекітпе зақымданған. Ақтөбе-Алматы бағыты бойынша КС866 рейсі алдымен 17 тамызға дейін кешіктіріліп, кейін баламасыз тоқтатылды. Жолаушыларға билет құнын айыппұлсыз қайтару ұсынылды.
Жөндеу жұмыстарын орындау үшін ұшақты жолаушыларсыз Астанаға жеткізу туралы шешім қабылданды, алайда елордалық әуежайдың түнгі уақытта жабылуына байланысты әуекомпания айдау рейсін 19 тамызға қалдыруға мәжбүр.
Ақтөбеде ұшақтың зақымдануы басқа ондаған рейстердің кешігуіне әкелгенін атап өту қажет.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
16.08.2024, 16:54 71641
Алматы облысында үш баласы бір мопедке мінген ата-аналар жазаланды
Достарға айту
Алматы облысында үш баласы бір мопедке мінген ата-аналар жазаланды, деп хабарлайды Алматы облысы полиция департаментінің басшысы Бауыржан Аленов хабарлады.
15 тамызда әлеуметтік желілерге мониторинг жүргізу барысында полицейлер Жамбыл ауданы Қарғалы ауылында кәмелетке толмағандардың жол қозғалысы ережелерін өрескел бұзу фактісін анықтады.
Барлық құқық бұзушылар аудандық полиция қызметкерлерімен анықталды.
Кәмелетке толмағандарды тәрбиелеу жөніндегі міндеттерді орындамағаны үшін құқық бұзушылардың ата-аналары қолданыстағы заңнамаға сәйкес жауапкершілікке тартылды.
Мопедтер арнайы автотұраққа орналастырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ИНТЕРНЕТ ТЕЛЕВИДЕНИЕ
KAZAKHSTAN TODAY LIVE
Ең көп оқылғаны
05.09.2024, 17:33Қазақстандықтарға шиеленістің күшеюіне байланысты Украина аумағынан кетуге кеңес берілді 04.09.2024, 17:19 43296"Самұрық-Қазына" АҚ мен Amazon Kuiper басшылығы ынтымақтастық мүмкіндіктерін талқылады03.09.2024, 18:52 39421Бектенов МЖӘ жобаларын дайындау қорларын құруды тапсырды03.09.2024, 18:45 38681ҚМА "Жайлы мектеп" ұлттық жобасын іске асыру барысына мониторинг жүргізуде06.09.2024, 13:03 34306Үкімет Қашаған кен орнындағы жөндеу жұмыстарының кейінге шегерілгені туралы ақпаратты жоққа шығарды
28.08.2024, 18:38 115181Қазақстанда бензинді сыртқа шығаруға және алманы автокөлікпен әкелуге тыйым салынды28.08.2024, 17:42 11390639 млрд теңгеден астам қаржылық заң бұзушылықтары және мемлекеттік аудит жүйесін реформалау: бұл туралы Тоқаев пен Смаилов сөз қозғады29.08.2024, 17:19 109681Алматыдағы аудандарда ҚР Конституциясы күніне орай қандай іс-шаралар өтеді29.08.2024, 17:00 105451Алматыда бейбіт жиындар мен шерулер өткізу орындары өзгерді29.08.2024, 16:57 105321Алматыда қала арқылы өтетін негізгі өзендерде көшкін қаупінің картасы әзірленеді