Астанада "Қош келдің, әз Наурыз" атты мерекелік іс-шара өтті
https://www.gov.kz/memleket/entities/astana/press/news/details/962034
Астанадағы Достық үйінде "Қош келдің, әз Наурыз" атты мерекелік іс-шара өтті, деп хабарлайды Астана қаласының әкімдігі баспасөз қызметінен.
Оған дипломатиялық өкілдіктердің елшілері, Қазақстан халқы Ассамблеясының, мемлекеттік органдардың, қоғамдық ұйымдардың өкілдері, елордалық ҚХА мүшелері, қоғам қайраткерлері, қала тұрғындары мен қонақтары қатысты.
Құрметті, халайық. Әз-Наурыз мерекесі құтты болсын! Еліміз аман, жұртымыз тыныш болсын! Өздеріңіз білетіндей, қыстың орнын шуақты көктем басып, тіршілік қайта түлейді. Қазіргі уақытта дәстүрге сай өздеріңізбен Достық үйінде бас қосуымыз жалғасуда. Бұл Наурыз мерекесі сонау тарихы терең ата-бабамыздан келе жатқан, бүгінде ұлт пен ұлыстың басын қосып, еліміздің мызғымас бірлігінің айқыны. Бүгінде бейбітшілік пен келісімнің нағыз көрсеткіші деп айтуға болады. Барлықтарыңызға дендеріңізге саулық, отбасыларыңызға амандық тілеймін", - деді Астана қаласы Ішкі саясат басқармасының басшысы Нұрдәулет Әлмұқанов.
Іс-шара барысында қонақтардың назарына концерттік және ойын-сауық бағдарламасы ұсынылды. Алаңда киіз үйлер мен алтыбақан орнатылып, қазандарда наурыз көже дайындалды. Театрландырылған қойылымдар, қазақтың салт-дәстүріне арналған көріністер көрсетілді.
Әр этнобірлестік мәдениетін таныстырып, ерекше өнерлерін ортаға салды. Сондай-ақ қол күрес, қазақша күрес, асық ату, гір көтеру сияқты спорт түрлері бойынша жарыстар ұйымдастырылды. Спорттық ойындардың жеңімпаздары алғысхаттармен және бағалы сыйлықтармен марапатталды.
Наурыз - көктемнің, жаңарудың, бейбітшілік пен бірліктің мерекесі. Бүгінгі Достық үйіндегі Ұлыстың ұлы күніне арналған мерекелік іс-шара көпұлтты Қазақстан халқының бірлігін нығайтуға, салт-дәстүрлерді жаңғыртуға, ұлттық мәдениетімізді дәріптеуге бағытталған. Әз-Наурыз мерекесі құтты болсын", - деді Астана қаласы ҚХА хатшылығының бас маманы Жанна Әбдуәлі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Пойыздар ұлттық нақышқа бөленді
Пойыздар ұлттық нақышқа бөленді, деп хабарлайды Көлік министрлігінің баспасөз қызметінен.
Ұлыстың ұлы күні қарсаңында "Марал-Нұр" жеке тасымалдаушы компаниясы пойыздарын ұлттық ою-өрнектермен безендірді. Әр вагон Наурыздың рухын сезіндіретін сәнге бөленіп, компания мүшелері жолаушыларға мерекелік көңіл-күй сыйлады.
Мерекеге орай арнайы безендірілген пойыз "Қызылорда-Павлодар" бағытында қатынайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ШҚО әкімі Нұрымбет Сақтағанов "Үміт" балаларды қолдау орталығына барып қайтты
Сурет: gov.kz
Өңір басшысы "Үміт" балаларды қолдау орталығына барып, Наурызнама онкүндігі аясында тәрбиеленушілер мен ұжым дайындаған мерекелік бағдарламаны тамашалады, деп хабарлайды ШҚО әкімінің баспасөз қызметі.
Әр топ ұлттық тағам әзірлеп, шығармашылық нөмірлер қойды. Балалар Наурыз мейрамының ерекше атмосферасын қалыптастырып, қазақ халқының рухани құндылықтарына айналған үздік дәстүрлерін еске салды.
Нұрымбет Сақтағановтың айтуынша, бұл орталық балалар үшін нағыз отбасыға айналған. Мұнда мейірім мен қолдау бар, үлкендерге құрмет көрсетіліп, даналыққа толы тәлім берілуде. Орталық әрдайым жылы, жайлы әрі қауіпсіз орта сыйлайды. Ұжым әр баланың қабілетін ашуға бар күшін салып, олардың дамуына ерекше көңіл бөлуде.
Барлық балалардың қазақ және орыс тілдерінде еркін сөйлейтіні, олардың алғырлығы мен жаңа білімге деген құштарлығы қуантады. Оларға шығармашылық табыс пен жаңа жетістіктер тілеймін", - деді аймақ басшысы.
Республикалық және халықаралық байқауларға дайындығын арттыру мақсатында балаларға жаңа музыкалық жабдықтар сыйға тартылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда мыңдаған бала Наурыз мерекесіне орай бір уақытта күй орындады
Алматыда Наурыз мейрамын атап өту аясында ауқымды челлендж өтті. 20 наурыз күні сағат 11:00-де қаланың сегіз ауданында мыңдаған оқушы республикалық акцияға қатысып, домбырада күйлер орындады, деп хабарлайды Алматы қаласының әкімдігінің баспасөз қызметінен.
Ұлттық киім киген жас музыканттар "Адай", "Балбырауын" және "Ерке сылқым" күйлерін орындап, қаланың көшелерін қазақтың күйімен тербетті. Челлендждің басты мақсаты - өскелең ұрпақтың рухани-адамгершілік құндылықтарын қалыптастыру, ұлттық музыкалық мұраны сақтау және насихаттау.
Музыкалық флешмоб еліміздің әр қаласын ұлттық аспаптың күмбірімен біріктіріп, жас домбырашылардың дәстүрлі музыкаға деген сүйіспеншілігін көрсетті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда әлеуметтік сала және білім беру қызметкерлерінің жалақысы 30%-ға өседі
Алматыда әлеуметтік сала және білім беру қызметкерлерінің жалақысы 30%-ға өседі, деп хабарлайды Алматы қаласының әкімдігінің баспасөз қызметінен.
2025 жылы Алматы әкімі Ерболат Досаевтың тапсырмасымен әлеуметтік сала және білім беру қызметкерлерінің жалақысы 30%-ға өседі. Бұл туралы қала әкімінің орынбасары Әсем Нүсіпова мәслихаттың XXVIII сессиясында мәлімдеді.
Кімдердің жалақысы көтеріледі? Есепшілер, кітапханашылар, психологтар, логопедтер, әлеуметтік қызметкерлер және техникалық қызметкерлер. Жалпы, 20 314 қызметкер бұл өсімнің игілігін көреді.
Сонымен қатар, депутаттар алғаш рет медицина қызметкерлерін қоспағанда, 1 632 әлеуметтік қызметкерге 30%-дық ынталандыру үстемеақысын бекіту туралы ұсынысты қолдады.
Жаңартылған бюджет аясында әлеуметтік салаға бөлінетін шығындар қала бюджетінің 40%-ын алады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ІІМ мопедтерді тіркеу қажеттігі туралы ескертті
ІІМ мопедтерді тіркеу қажеттігі туралы ескертті, - деп хабарлайды Polisia.kz.
Құрметті азаматтар! Естеріңізге сала кетейік, мопедтерді тіркеп үлгеру үшін екі аптадай ғана уақыт қалды. Заң бойынша 5 сәуірден кейін тіркелмеген мопедті басқаруға тыйым салынады. Мұндай құқық бұзушылық анықталған жағдайда Әкімшілік кодекстің 590-бабының 2-бөлігіне сәйкес жауапкершілік көзделеді. Қазіргі уақытта республика бойынша 8527 мопед тіркелді. Оны тіркеу үшін тұрғылықты жері бойынша арнайы халыққа қызмет көрсету орталығына жүгіну қажет. Өзіңізбен бірге келесі құжаттарды алу керек: жеке басты куәландыратын құжат, электронды түрі де жарайды, техникалық құжат немесе мопедтің техникалық сипаттамалары туралы мәліметтер. Өтінішті толтырып, мопедті тексеруден өткізіп, көлік құралын тіркеу, тіркеу туралы куәлік және мемлекеттік нөмір алу үшін мемлекеттік баждарды төлеу қажет. Тіркеуді кейінге қалдырмаңыздар! Өзіңіз үшін "жағымсыз салдардан" аулақ болу үшін мопедті заң талаптарына сәйкес келтіргеніңіз абзал", - деді департамент бастығы - ІІМ ресми өкілі Шыңғыс Алекешев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астанада бір мезетте 3 мыңнан астам оқушы "Қамажай" биін биледі
Бүгін, 18 наурызда QAZAQSTAN жеңіл атлетика кешенінде астаналық 3 мыңнан астам оқушы қыз бір мезетте "Қамажай" халық биін билеп, жаппай орындау бойынша рекорд орнатты, деп хабарлайды елорда әкімдігінің ресми сайты.
Флешмоб "Науразнама" онкүндігі аясында өтіп, Ұлттық киім күніне орайластырылды. Ұйымдастырушылар - елордалық Білім басқармасы мен Техникалық және көркем шығармашылық орталығы.
Қамажай" - қазақтың ұлттық билерінің бірі. Ол нәзіктікті, әдемілікті бейнелейді. Ал мұндай ауқымда өнер көрсету ерекше әсер қалдырумен қатар, мәдениетімізді кеңінен насихаттау үшін де маңызды. Қыздар дайындықтарының жоғары деңгейде екенін көрсетті, біз олардың өнерін мақтан тұтамыз", - дейді "ШАШУ" фольклорлық ансамблінің шығармашылық жетекшісі Рахат Тәуіржан.
Флешмоб ерекше сәтпен аяқталды: көрермендер би билеген оқушы қыздарға қосылып, олардың қимылын қайталады. Сол сияқты биші қыздар қызғалдақ гүліне ұқсап, әдемі көрініс жасады.
Сонымен қатар, іс-шарада ұлттық киімдердің сән көрсетілімі өтті, онда Астана колледждерінің студенттері қазақтың дәстүрлі киімдерін көрсетті.
Айта кетейік, 14 наурызда Қазақстанда Наурыз мейрамын тойлауға арналған Наурызнам онкүндігі басталды. Осы 10 күн ішінде Астанада мерекеге орай 200-ден астам ауқымды шаралар - концерттер, көрмелер, қойылымдар, шығармашылық кештер және т.б. өтеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ұландықтар буллингке ұшыраған кәмелетке толмаған баланы құтқарып қалды
Орал қаласының көшелерін патрульдеу кезінде 5517 әскери бөлімінің әскери қызметшілері көмекке шақырған адам дауысын естіген. Дауыс шыққан жерге жеткен сарбаздар жасөспірімдердің физикалық қысымына тап болған қызды анықтады, деп хабарлайды ҚР ІІМ Ұлттық ұланының баспасөз қызметінен.
Ұландықтардың кәсібилігі мен батылдығының арқасында екі агрессивті жасөспірім сол жерде ұсталып, полицияға тапсырылды
Біз қызды көріп, оған көмек қажет екенін бірден түсіндік. Балалар арасындағы дау төбелеске айналған. Біз дереу орталарына түсіп, жағдайды реттедік", - дейді қатардағы Галамат Нұрберген.
Буллингке ұшыраған қыздың анасы Татьяна Ефремова егер ұландықтар көмекке келмегенде баласының денсаулығына әлдеқайда ауыр зардаптар келуі мүмкін екенін атап өтті. Ол 5517 әскери бөлімінің құрамына алғыс білдірді.
Ұсталған жасөспірімдер құқық қорғау органдарына тапсырылды, ал қызға қажетті медициналық көмек пен қолдау көрсетілді.
Осылайша ұландықтар құқықтық тәртіп әскер әрқашан көмек қажет жерден табыла кететінін тағы да дәлелдеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.