Астанада қарттар күніне орай зейнеткерлер үшін спорттық флешмоб ұйымдастырылды
Астанадағы Арбатта зейнеткерлер үшін "Салауатты өмір салты үшін" спорттық флешмобы ұйымдастырылды, деп хабарлайды Астана әкімдігінің баспасөз қызметінен.
Флешмоб Халықаралық қарттар күніне және Сарыарқа ауданының ардагерлер кеңесінің 20 жылдығына арналған. Іс-шараны аудан әкімдігі аппаратының қолдауымен ұйымдастырылды.
Мақсаты - қала тұрғындарына ерекше көңіл-күй сыйлау. 100-ден астам зейнеткер фитнес нұсқаушының жетекшілігімен спортпен айналысып, іс-шараның атмосферасын сезінді.
Ұйымдастырушылардың айтуынша, мұндай ауқымды шара қалада жыл сайын өткізіледі.
Ауқымды флешмобтарды өткізе отырып, біз адам жасының белсенді және дені сау өмір салтына кедергі емес екенін көрсетуге тырысамыз. Ардагерлеріміз - төзімділік, энергия және өмірлік күштің үлгісі. Біз олардың қоғамдық өмірге белсенді араласуына жағдай жасай алатынымызды мақтан тұтамыз. Мұндай іс-шаралар жыл сайын өткізіліп отырады", - деді Сарыарқа ауданы әкімдігі аппаратының бөлім басшысының міндетін атқарушы Дамир Хисматуллин.
Тренингтен кейін шығармашылық ұжымдар концерттік нөмірлерін ұсынды: "Әжелер Шаңырақ" этномәдени ансамблі, татар-башқұрт мәдениет орталығы "Таң", "Ивушка" вокалдық тобы және басқа да ұжымдар.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Алматыда кеңейтілген ауыл шаруашылығы жәрмеңкесі өтеді
12-13 қазанда сағат 8.00-ден 17.00-ге дейін Алматы қаласында кеңейтілген ауылшаруашылық жәрмеңкесі өтеді, деп хабарлайды Алматы қаласы әкімдігінің баспасөз қызметінен.
Жәрмеңкеге Алматы мен Абай облыстарының ауылшаруашылық өндірушілері мен фермерлер қатысады.
Жәрмеңкеге 50-ден астам өнім түрлері (ет және сүт, жеміс-көкөніс, шұжық өнімдері, ұн, жарма, өсімдік және жануар майлары және т.б.) қойылады.
Өнімнің жалпы көлемі 300 тонна құрайды, оның ішінде:
* Ет өнімі - 100 тонна;
* Жеміс-көкөніс өнімі - 100 тонна;
* Сүт өнімі - 30 тонна;
* Балық өнімдері - 10 тонна;
* Өзге өнімдер - 60 тонна.
Жәрмеңке өтетін орын - Алматы қаласы, Сәтбаев көшесінің бойымен Уалиханов көшесі мен Достық даңғылы аралығында.
Құрметті автокөлік иелері!
Ауылшаруашылығы жәрмеңкесін өткізуге байланысты Уәлиханов көшесінен Достық даңғылына дейінгі учаскедегі Сәтбаев көшесінің бір бөлігі 11 қазан сағат 20:00-ден 13 қазан сағат 20:00-ге дейін жабылады.
Бұдан басқа, №45, №95 және 121 бағыттардың сызбаларына өзгерістер енгізіледі. Жабылатын учаскені айналып өту Абай даңғылы бойынша жүргізілетін болады.
Уақытша қолайсыздықтар үшін кешірім сұраймыз және өз бағыттарыңызды алдын ала белгілеп алуды өтінеміз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елордада жаңа спорт алаңы пайдалануға берілді
Бүгін елордадағы № 34 Барлыбек Сырттанұлы атындағы мектепте спорт алаңының ашылуы өтті, деп хабарлайды Астана қаласы әкімдігінің баспасөз қызметінен.
Қаланың шеткі бөлігінде орналасқан мектепте қазіргі сәтте 374 оқушы білім алып жатыр.
Байқоңыр ауданының әкімдігінің демеушілігімен 3 ай ішінде жаңа спорт алаңы салынды.
Іс-шараға Астана қаласы Байқоңыр ауданының әкімі Талғат Рахманберді, Астана қаласы әкімдігінің "Әдістемелік орталығы" басшысы, Білім басқармасының әдіскерлері, білім беру ұйымдарының басшылары, ата-аналар, мұғалімдер, оқушылар, мектеп түлектері қатысты.
Мектеп оқушыларының білімді де, білекті де болғаны біз үшін өте маңызды. Спорт - денсаулық кепілі. Сондықтан біз әрқашан да білім мен спортты қатар алып жүруіміз керек", - деді мектеп директоры Мұрат Ахметов.
Ресми ашылудан кейін спорт алаңында мектеп оқушылары эстафеталық ойындар, асық ату, арқан тартыс, кермеге тартылу, футбол, шахмат бойынша өздерінің спорттық дағдыларын көрсетті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астанада 500-ден астам орынға арналған заманауи студенттік жатақхана салынады
Esil University аумағында мемлекет қолдауымен МЖӘ аясында жаңа заманауи жатақхана салынады, деп хабарлайды елорда әкімдігінің ресми сайты.
Болашақ құрылыс алаңының аумағында жаңа ғимараттың макеті көрсетілді. Салтанатты іс-шараға елорда әкімінің орынбасары Ерік Мейірханов, мәслихат депутаттары және қоғам қайраткерлері қатысты.
Жоба қаланың Бас жоспарына енді. Бәрі құрылысқа дайын. Біздің жатақхана заманауи кампус түрінде болады. Біріншіден, бұл белгілі бір стандарттарға үйренген шетелдік студенттерді тартуға мүмкіндік береді. Жатақхана шетелдік және отандық студенттер үшін қолжетімді болады", - деді Esil University ректоры Аяпберген Таубаев.
Сонымен, жаңа ғимарат 507 студентті қабылдай алады. Жаңа жатақхананың құрылысы 2025 жылдың көктемінде басталады деп күтіліп отыр.
Бүгін біз жаңа жатақхана жобасын таныстырамыз. Жоспарға сәйкес, ғимарат жалпы ауданы 6600 шаршы метр болатын бес қабатты болады. Жатақханада барлығы 507 төсек-орын қарастырылған. Жертөледе 210 адамға арналған асхана болады. Қалған қабаттарда үш және төрт бөлмелі болады. Сонымен қатар, ерекше білім беру қажеттіліктері бар студенттерге арналған бір бөлме қарастырылған. Сондай-ақ, әр қабатта кір жуатын, үтіктеу бөлмелері, тұрмыстық ас үй және демалыс бөлмесі қарастырылған", - деді инвестор Таха Алтайлы.
Айта кетейік, биыл Астанада МЖӘ аясында 6 жатақхана салынып, пайдалануға беріледі. Олар 4,5 мыңға жуық орын ашуға мүмкіндік береді. Жатақханалардың бір бөлігі қазірдің өзінде жұмыс істеп тұр.
Сондай-ақ, 2025 жылы тағы 2 жатақхананы пайдалануға беру жоспарланып отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.