Ержан Максим Junior Eurovision байқауында 227 балл жинап 19 елдің ішінен екінші орынды ала алды
Бірінші орын Польша елінің өкілі Виктория Габорға (278 балл) бұйырды. Үшінші орынды Испания елінен келген Мелани Гарсия (212 балл) иеленді.
Алматы. 1 желтоқсан. Kazakhstan Today - 26 қараша күні Алматы қаласында Junior Eurovision байқауында екінші орын иегері атанған Қазақстанның өкілі Ержан Максимнің қатысуымен баспасөз отырысы өтті. Баспасөз отырысына Ержан Максим, оның анасы Гүлмира Әлібек, сондай-ақ, "Хабар" телеарнасының директоры Динара Бисембина қатысты.
Еске сала кетейік, әнші байқаудың ақтық мәресінде "Арманыңнан қалма!" ("Don't forsake your dream") әнін орындаған болатын. Төрешілер мен көрермендердің дауыс беру нәтижесі бойынша Ержан Максим 227 балл жинады. Бірінші орын Польша елінің өкілі Виктория Габорға (278 балл) бұйырды. Үшінші орынды Испания елінен келген Мелани Гарсия (212 балл) иеленді.
"Арманыңнан қалма!" әнінің авторлары Хамит Шанғалиев, Данияр Алдабергенов және Тимур Балымбетов. Сахналық қойылымы мен бейнебаянының продюсері - Сергей Руцкий мен Александр Фломбойм.
"Хабар" Агенттігі Еуропалық хабар тарату одағының (EBU) қауымдасқан мүшесі болып табылады, бұл мүшелік Балалар Евровидениесі байқауына елден екінші мәрте үміткер ұсынуға мүмкіндік берді. Еліміздің алғаш рет қатысуы өте сәтті болды, ал биылғы жылы біздің Ержан Максим 19 елдің ішінен екінші орынды ала алды, айта кету керек, ол кәсіби төрешілердің дауыс беру нәтижелері бойынша ең үздік болып танылды. Агенттікпен үлкен дайындық жұмыстары атқарылды,еліміз бойынша мүмкін болған барлық алаңдарында үгіт-наисхат жұмыстары жүргізілді. TRT, Өзбекстан және Қырғызстан телеарналары бізді қолдады. Осы орайда біз баршаңызға зор алғыс білдіргіміз келеді",- деді "Хабар" телеарнасының директоры Динара Бисембина баспасөз отырысында.
"Мені қолдаған, маған дауыс берген әр жанға рахмет айтқым келеді. Мен барлықтарыңызды жақсы көремін",- деді Ержан Максим.
Биыл Junior Eurovision байқауына 19 мемлекет қатысты. Кәсіби төрешілердің дауыс беру нәтижесі бойынша Грузия, Беларусь, Уэльс, Польша, Украина, Нидерланд, Сербия ең жоғары балл сандарын (12) Қазақстанға берді. Ресей, Испания және Албания 8 баллдан, Мальта, Австралия және Италия 7 баллдан, Португалия - 6, Солтүстік Македония - 5 , Армения - 4, Ирландия мен Франция - 2 баллдан берді. Көрермендердің дауыс беруі Ержан Максимге 79 балл берді.
Өз кезегінде, Қазақстанның кәсіби төрешілері 12 баллын Польшаға, Ирландияға - 10, Австралияға - 8 берді.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Қазақстанда жиынтық зейнетақының орташа мөлшері 130 000 теңгені құрады
Жыл басынан бастап республикалық бюджеттен 3 трлн 118,2 млрд теңге сомасына зейнетақы төленді, оның ішінде базалық зейнетақы төлеуге - 982,2 млрд теңге, ынтымақты зейнетақы төлеуге - 2 трлн 136 млрд теңге қарастырылды, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
2024 жылғы 1 қарашадағы жағдай бойынша зейнеткерлер саны - 2 млн 421 мың адам.
2024 жылғы 1 қарашадағы жағдай бойынша жиынтық зейнетақының орташа мөлшері 131 730 теңгені құрады, оның ішінде ынтымақты зейнетақы мөлшері - 89 122 теңге, базалық зейнетақы - 42 608 теңге.
2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.
Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі - МЗЖ) төленген кезеңдер зейнетақы жүйесіндегі еңбек өтіліне қосылады.
Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 65%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 85 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 105% белгіленеді.
Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.
Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.
Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
"Үздік-2024": Астанада 25 жұмысшы мамандық арасында көшбасшылар анықталды
Астанадағы Мағжан Жұмабаев атындағы Халықаралық жоғары колледжінде "Үздік-2024" қалалық байқауының салтанатты жабылуы өтті, деп хабарлайды Астана қаласы әкімдігінің баспасөз қызметінен.
Үздік" атағы үшін биыл 375 қатысушы бақ сынап, көшбасшыларды анықтау үшін 150-ден аса сарапшы жұмыс жүргізді.
Сайыс жұмысшы мамандықтар мен кәсіптерінің маңыздылығы мен беделін арттыру, кәсіптік оқытудың озық тәжірибесін насихаттау, жұмыс берушілердің назарын қаланың кәсіптік білім беру жүйесінде жұмысшы кадрларды даярлауға тарту және түлектерді жұмысқа орналастыруға жәрдемдесу, жастарды Астана қаласы экономикасының нақты секторларына тартуға бағытталды.
Ұйымдастырушылардың сөзінше, байқау биыл үшінші жыл қатарынан ұйымдастырылып отыр. Бірақ колледж студенттері бұл жолы алғаш рет қатысуда. Былтыр қатысушылар 5 кәсіби құзыреттілік бойынша ғана сайысқа түссе, осы жылы 25 жұмысшы мамандық арасында бақ сынасты.
Қалалық байқау 20 күнге созылып, 10 кол¬леджде бірқатар жұмысшы мамандықтың көшбасшылары анықталды. Олардың ішінде құрылыс және жөндеу жұмыстары, аспаздық және кондитерлік өнімдер, мейрамхана қызметі, IT-шешімдер, шаштараз өнері, кәсіпкерлік, сондай-ақ педагогика және бала күтімі сияқты салалар бар.
Байқау қорытындысы бойынша ең көп ұпай жинаған 75 қатысушы жеңімпаз атанып, алдағы уақытта WorldSkills-2025 қалалық чемпионатына қатысуға ұсынылды.
Жеңімпаздар I, II, III дәрежелі дипломдармен марапатталып, үздіктерге сондай-ақ Астана қаласы әкімдігінің "Астана жастары" жастар ресурстық орталығы және колледждердің әлеуметтік серіктестері бағалы сыйлықтарды табыс етті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Мемлекеттік тұрғын үймен қамтамасыз ету бағдарлама аясында 2022-2023 жылдары 4100 пәтер берілді
Алматы әкімі Ерболат Досаев Наурызбай ауданындағы жұмыс сапары барысында әлеуметтік осал топтар (ХӘОТ) мен жұмыс істейтін жастарға жалға берілетін пәтерлер қарастырылған жаңа "Alem City 3" тұрғын үй кешенін аралап көрді, деп хабарлайды Алматы қаласы әкімдігінің баспасөз қызметінен.
Сапар барысында Ерболат Досаев мүмкіндігі шектеулі азаматтар үшін қолайлы орта құрудың маңыздылығын атап, тұрғын үйлерге пандустар орнатуды тапсырды. Сонымен қатар, жаңа үйлерді уақытылы инженерлік желілерге қосып, жылу және сумен жабдықтау жүйелерінің тұрақты жұмысын қамтамасыз етуге тапсырма берді.
Мемлекеттік тұрғын үймен қамтамасыз ету бағдарламаны жүзеге асыру аясында 2022-2023 жылдары коммуналдық тұрғын үй қорына ХӘОТ пен жұмыс істейтін жастарға бөлінетін 4100 пәтер берілді. 2024 жылдың соңына дейін қосымша 3150 пәтер сатып алу жоспарланып отыр, оның 2100-і ХӘОТ-қа, ал 1050-і жұмыс істейтін жастарға арналған.
Жұмыс істейтін жастарға үш жылға дейінгі мерзімге айына 7-15 мың теңге аралығында төлеммен жалға беру қарастырылған, алайда ұзарту немесе сатып алу мүмкіндігі жоқ. Осы кезеңде жалға алушы жастар кейіннен екінші деңгейлі банктер арқылы ипотекаға тұрғын үй сатып алу үшін депозитте қаражат жинауы керек.
Биылғы 10 айда 4828 азамат тұрғын үймен қамтамасыз етілді, олардың ішінде: 1655-і кезекте тұрғандар үшін коммуналдық тұрғын үй қорынан жалдамалы баспана алғандар; 2100-і жұмыс істейтін жастар үшін сатып алу құқығынсыз жалға берілетін баспана алғандар; 226-ы жылдық 2-5% жеңілдетілген несие беретін бағдарлама арқылы баспана алғандар; 847-ы "Алматы жастары" бағдарламасы аясында үйлі болғандар. Сондай-ақ, 187,3 млн теңге сомасына 160 тұрғын үй сертификаты берілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астанада көшелерді тазалауға 1300-ден астам арнайы техника шықты
Қардың мол болуына байланысты елорданың коммуналдық қызметкерлері тәулік бойы ауысымдық режимде жұмыс істеп, қала көшелерін қардан тазартады, деп хабарлайды Астана қаласы әкімдігінің баспасөз қызметінен.
1300-ден астам арнайы техника мен 2400-ден астам жол жұмысшы күндізгі ауысымда көшелерді қардан тазартуға шықты.
Ең алдымен, ереже бойынша, жолдарда кептеліс болмас үшін қозғалысы қарқынды тұстар тазартылады. Сондай-ақ, орташа қарқындылығы бар учаскелер – алаңдар, вокзал маңы, тротуарлар, әлеуметтік нысандарға кірме жолдар және т.б. қардан тазартылады.
Астанада бір апта ішінде 57 мың текше метрден астам қар шығарылды, бұл 4595 жүк рейсін құрайды.
«Қазгидромет» РМК деректері бойынша Астанада 11 қарашада көшпелі бұлт, кейде қар, боран болады. Оңтүстік-батыстан соққан желдің жылдамдығы – 9-14 м/с. Ауа температурасы түнде және күндіз 2-4 аяз, күндіз одан әрі төмендейді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Шымкентте жаңа туған нәрестелер "ана мен бала" дәрі қобдишасымен қамтамасыз етілді
Шымкентте жаңа туған нәрестелер "ана мен бала" дәрі қобдишасымен қамтамасыз етілді, деп хабарлайды ҚР Бас прокуратурасының баспасөз қызметінен.
Қалалық прокуратура перзентханаларда "ана мен бала" дәрі қобдишасын беру заңдылығына талдау жұмыстарын жүргізді (жаңа туған нәрестелерге ана мен баланың дәрі қобдишасын беру босандыру ұйымдарынан шығару кезінде жүзеге асырылады).
Талдау нәтижесінде үш мыңға жуық жаңа туған нәрестелерге перзентханалардан шығару кезінде қажетті дәрі қобдишасы берілмегені анықталды.
Қадағалау актісі негізінде 2763 нәрестенің аналары дәрі қобдишасымен қамтамасыз етілді, №2 қалалық аурухананың бас дәрігері Қазақстан Республикасы ӘҚБтК-нің 426-бабымен (Фармацевтикалық қызметтің және дәрілік заттар мен медициналық бұйымдардың айналысы саласының қағидаларын бұзу) әкімшілік жауаптылыққа және 5 медицина қызметкері тәртіптік жауаптылыққа тартылды.
Бұл бағыттағы жұмыстар жалғасуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.