Қазақстан құрамасы Дэвис Кубогі-2020 финалдық кезеңіне шықты
Нұр-Сұлтанда Девис Кубогіның финалдық кезеңіне (23-29 қараша, Мадрид, La Caja Magica) шығу мүмкіндігі бойынша қазақстандық және нидерландтық теннисшілердің арасындағы төрт матчтан тұратын тартыс аяқталды.
Алматы. 10 наурыз. Kazakhstan Today - Қазақстан құрамасы Дэвис Кубогі-2020 финалдық кезеңіне шықты.
Нұр-Сұлтанда Девис Кубогіның финалдық кезеңіне (23-29 қараша, Мадрид, La Caja Magica) шығу мүмкіндігі бойынша қазақстандық және нидерландтық теннисшілердің арасындағы төрт матчтан тұратын тартыс аяқталды. Қазақстан құрамасы Нидерланд командасын 3:1 есебімен тізе бүктіріп, Мадридке жолдаманы ұтып алды.
Екінші күннің бірінші матчында Андрей Голубев пен Александр Недовесов жетістікке жетті. Жұптық кездесуде олар Робин Хаасе мен Жан-Жюльен Ройерді - 6:3, 6:3 есебімен жеңді. "Хардтағы" кездесу 1 сағат 10 минутқа созылды.
"Командаға ұпай әкелгенімізге қуаныштымыз. Нәтижеге көңіліміз толып отыр. 6:3 6:3 есебін көріп, тартысты айқас болмады деп ойлауыңыз мүмкін. Алайда бұл - жұптық санатты қалпына келтіргеннен кейінгі алғашқы матчымыз болып отыр. Қатты қобалжыдық. Ақыры ойынымызды түзеп, жақсара түскен секілдіміз. Ары қарай да өркендей бермекпіз", - деді Александр Недовесов матчтан кейінгі баспасөз мәслихатында.
Екінші матчта Александр Бублик Робин Хааседен 7:6 (7:4), 6:1 (1 сағат 18 минут) есебімен басым түсті. Әлемнің 51-шы ракеткасының табысы нидерландықтармен бәсекеде жеңіс туын желбіретуге жол ашты.
"Бұл - ортақ жеңіс, сол себепті Мадридке жолдаманы мен алып бердім деп айтудың реті жоқ. Біздің жұптық санатта шыққан спортшыларымыз ұпай әкелді. Миша Хаасені бірінші күні-ақ шаршатып тастаған секілді. Алғашқы күні тіркелген 1:1 есебі бүгін 3:1 есебімен жеңіске ұласты. Бұл - жақсы нәтиже", - деді Александр Бублик матчтан кейінгі баспасөз мәслихатында.
Құрама капитаны Юрий Щукин өз сөзінде командаға алғысын білдіріп, жаңа рөлдегі дебюті сәтті болғанын айтып жатыр.
"Өз мінберімізде жеңісті жұлып алып, әлемнің басты теннис турниріне жолдама алу, осыдан барып үздік дебютпен шығу - арманымыз еді. Өз үйімізде ешкімге есе бермейтінімізді тағы бір мәрте дәлелдей түстік. Өз еліміздің аренасында жетінші матчты жеңіспен аяқтап отырмыз", - деді Юрий Щукин.
Еске сала кетсек Қазақстан мен Нидерланд құрамалары арасындағы алғашқы ойын күні 1:1 есебімен аяқталған еді.
Алғашқы ойын күні, яғни 6 наурызда Дэвис Кубогіның іріктеу раундының алғашқы матчында Михаил Кукушкин үш сетте Нидерландының бірінші ракеткасы Робин Хаасеге (4:6, 7:6, 3:6) есе жіберді.
Алғашқы күннің екінші матчында Таллон Грикспурмен кездесуде екі сетте де Қазақстанның бірінші ракеткасы Александр Бублик жеңіске жетті. "Хардтағы" текетірес 1 сағат 56 минутқа созылып, 7:6, 7:6 есебімен аяқталды.
12 наурызда Мадридте Әлемдік лиганың жеребесі өтеді. Ол жеребеде Қазақстан құрамасы топ бойынша өз қарсыласын білетін болады.
АНЫҚТАМА ҮШІН:
Қазақстан Дэвис Кубогіның рейтингінде 13-ші орында
Турнирдің бес дүркін ширек финалға шығушы командасы (2011, 2013, 2014, 2015, 2018)
oАлександр Бублик, 22 жаста: жекелей санатта әлемнің 51-ші ракеткасы.
oМихаил Кукушкин: 32 жаста: жекелей санатта әлемнің 91-шы ракеткасы.
oАндрей Голубев, 32 жаста: жұптық санатта әлемнің 131-ші ракеткасы.
oАлександр Недовесов, 33 жаста: жұптық санатта әлемнің 142-шы ракеткасы.
oКапитан - Юрий Щукин, 40 жаста.
Нидерланды Дэвич Кубогы рейтингінде 20-шы орында
Турнирдің жартылай финалына шыққан командасы (2001)
oРобин Хасе, 32 жаста: жекелей санатта әлемнің 169-шы ракеткасы.
oТаллон Грикспур, 23 жаста: жекелей санатта әлемнің 196-шы ракеткасы.
oУэсли Колхоф, 30 жаста: жұптық санатта әлемнің 17-ші ракеткасы.
oЖан-Жюльен Ройер, 38 жаста: жұптық санатта әлемнің 21-ші ракеткасы.
oКапитан - Паул Хархёйс, 54 жаста.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Қазақстан құрамасы хоккейден алғашқы Азия чемпионатының жеңімпазы атанды
Алматы қаласындағы Halyk Arena спорт кешенінде хоккейден ерлер арасындағы алғашқы Азия чемпионаты аяқталды, деп хабарлайды ҚР ТСМ баспасөз қызметінен.
Бүгін шешуші матчта Қазақстан командасы Жапониямен ойнап, 5-1 есебімен басым түсті.
1:0 - Рымарев (Борисевич, Гренц)
2:0 - Рымарев (Александров)
3:0 - Наместников (Королинский)
3:1 - Ирикура (Ханзава, Кобаяши)
4:1 - Гребенщиков (Волков, Королинский)
5:1 - Королинский
Ал Оңтүстік Корея құрамасы овертаймда Қытайдан 2-1 есебімен басым түсіп, бізге басымдық сыйлады.
Азия чемпионатының турнир кестесі:
Қазақстан - 6 ұпай
Жапония - 6
Оңтүстік Корея - 4
Қытай - 2
Айта кетейік, құрлық бәсекесі Халықаралық хоккей федерациясының (IIHF) қолдауымен өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астанада Рақымжан Қошқарбаевтың 100 жылдығына орай кикбоксингтен турнир өтіп жатыр
Елордада Халық қаһарманы Рақымжан Қошқарбаевтың 100 жылдығына орай кикбоксингтен республикалық турнирдің гала-финалдық және кәсіби кездесулерінің ашылуы өтті. Іс-шара "Астана - есірткісіз қала" жобасы аясында ұйымдастырылып, әлемнің және Азияның чемпиондарымен бірге есептегенде Қазақстанның 13 облысынан 500-ден астам спортшы жиналды, деп хабарлайды Астана қаласы әкімдігінің баспасөз қызметінен.
Астана қаласы полиция департаменті есірткі қылмысына қарсы іс-қимыл басқармасы бастығының м.а., полиция полковнигі Еркеш Халықов кикбоксингтен турнирдің ерекше маңыздылығын атап өтті, оның айтуынша, мұндай спорттық іс-шараларды өткізу жастардың салауатты әдеттерін қалыптастыруда және салауатты өмір салтын насихаттауда маңызды рөл атқарады.
Спикер спорт, әсіресе жекпе-жек өнері, адамның бойында тәртіпті, табандылық пен жеңіске деген ерік-жігерді тәрбиелейтінін атап өтті. Бұл - зиянды тәуелділіктен аулақ болуға және дұрыс жолды таңдауға көмектесетін қасиеттер. "Кикбоксинг - бұл жай ғана спорт емес, ол сіздің энергияңызды пайдалы бағытқа бағыттау, ақыл-ой күшін дамыту және мінезді тәрбиелеу мүмкіндігі. Біз мұндай іс-шаралар нашақорлықпен күресуге ықпал етеді, жастарға өмірден өз жолдарын табуға мүмкіндік береді деп сенеміз", - деді ол.
Спортшылар арасында әлем және Азия чемпионаттарына қатысушылар бар. Барлық қатысушы жоғары деңгейде дайындалған. Барлығы жеңіске барынша ұмтылады, сондықтан жарыс өте эмоционалды түрде өтеді", - деп әсерімен бөлісті елордалық спортшы Әмір-Акиф Абдуллаев.
Гала-финалдың ерекшелігі - бұл шоудың белгілі бір атмосферасында өтетін турнирлердің финалы. Осының арқасында жекпе-жек әлдеқайда әсерлі болады, ал спортшылардың эмоциялары ерекше болады", - деді турнирдің негізгі ұйымдастырушысы және кикбоксингтен жаттықтырушы Ернар Омаров.
Турнирді қорытындылау салтанатты түрде өтеді, ал үздік спортшылар лайықты сыйлықтармен және медальдармен марапатталады. Турнирдің мақсаты - патриотизмді нығайту және жас ұрпақтың ұлттық тарих пен мәдениетке деген қызығушылығын қалыптастыру.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елордада үстел теннисінен XXVII Азия чемпионаты басталды
Елордада үстел теннисінен XXVII Азия чемпионаты басталды, деп хабарлайды Қазақстан Республикасы Туризм жəне спорт министрлігінің баспасөз қызметінен.
Астанадағы Beeline Arena Ұлттық теннис орталығында елімізде алғаш рет ұйымдастырылып жатқан үстел теннисінен XXVII Азия чемпионатының жалауы желбіреді. Чемпионатқа Азия құрлығының 26 елінен келген 210 спортшы қатысып жатыр.
Сары құрлық додасының ашылу салтанатына Туризм және спорт вице-министрі Серік Жарасбаев қатысып, байрақты бәсекеде өнер көрсететін спортшыларға сәттілік тіледі.
Үстел теннисінен XXVII Азия чемпионатының басталуымен барша спорт сүйер қауымды құттықтаймын! Қазіргі таңда елімізде үстел теннисіне ерекше көңіл бөлініп, бұл спорт түрі қарқынды дамып келеді. Кейінгі бірнеше жылда жерлестеріміз халықаралық жарыстарда жақсы нәтижелер көрсетіп жүр. Олардың қатарында үш Олимпиада ойындарында ел намысын қорғаған Кирилл Герасименко, әлем біріншілігінің жеңімпазы Алан Құрманғалиев және басқа да спортшыларымыз бар. Бұл чемпионат - біздің еліміз үшін ғана емес, бүкіл Азия үшін маңызды оқиға. Бүгін біз әлемнің ең мықты ойыншыларын қарсы алып, құрлықтағы үстел теннисі әлеуетін танытуға дайынбыз!" - деді Серік Жарасбаев.
Елордадағы біріншілікте әлемнің үздік ойыншылары, соның ішінде Олимпиада чемпионы Ван Чуцинь (Қытай), күміс жүлдегерлер Мива Харимото мен Миу Хирано (Жапония), сондай-ақ Олимпиаданың алтын жүлдегері Сунь Инша (Қытай) бақ сынайды.
Бұл сында ел намысын Рио-2016, Токио-2020, Париж-2024 Олимпия ойындарының қатысушысы Кирилл Герасименко, 2020 жылғы Токио Олимпиадасының қатысушысы Анастасия Лаврова, миксте жастар арасындағы әлем чемпионатының жеңімпазы Алан Құрманғалиев, сондай-ақ халықаралық турнирлердің жүлдегері Сарвиноз Миркадирова мен Зауреш Акашева қорғайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.