16.10.2024, 14:26 3056
АХҚО Қазақстан экономикасына 13 млрд доллардан астам инвестиция тартты
Достарға айту
Қазақстан мен Армения президенттері "Астана" халықаралық қаржы орталығында болды, деп хабарлайды Ақорданың баспасөз қызметінен.
Мемлекет басшысы Қасым-Жомарт Тоқаев пен елімізге ресми сапармен келген Армения Президенті Ваагн Хачатурян "Астана" халықаралық қаржы орталығына барды.
Президенттерге АХҚО басқарушысы Ренат Бектұров қаржы орталығы қызметінің негізгі бағыттары және оның өңірлік бастамаларды дамытудағы үлесі туралы мәлімет берді.
АХҚО арқылы Қазақстан экономикасына тартылған инвестиция көлемі 13 миллиард доллардан асқан. Оның 5,9 миллиард доллары AIX биржасындағы портфельдік инвестиция болса, 7,3 миллиард доллары АХҚО-ға қатысушы компанияларға тиесілі. Бүгінде мұнда әлемдегі 80-нен астам елдің 3200-ге жуық компаниясы жұмыс істейді. Олардың қатарында ақпараттық-коммуникациялық технологиялар, қаржы қызметтері мен сақтандыру салаларына маманданған Арменияның 6 ірі компаниясы да бар.
Сонымен қатар АХҚО Соты мен Халықаралық төрелік орталығының қызметі, орталықтағы сот жүйесінің ерекшелігі жөнінде де ақпарат берілді. Бұдан бөлек, АХҚО қаржы қызметтерін реттеу комитетінің жұмысы туралы баяндалды. Аталған комитет пен Армения Республикасының Орталық банкі арасында Банк және сақтандыру қызметтерін, бағалы қағаздар нарығын қадағалау және реттеу саласындағы өзара іс-қимыл туралы меморандум жасалған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
16.10.2024, 14:46 2666
Жібек жолы археологиялық бірлескен зерттеу орталығының Есік филиалы ашылды
Достарға айту
Жібек жолы археологиялық бірлескен зерттеу орталығының Есік филиалы" ашылды, деп хабарлайды ҚР Мәдениет және ақпарат министрлігінің баспасөз қызметінен.
Есік" мемлекеттік тарихи-мәдени музей-қорығында Қытай Халық Республикасының Шәнси провинциясы, Сиань қаласындағы Жібек жолы археологиясы бойынша серіктестік ғылыми-зерттеу орталығының филиалы ашылды.
Филиал халықаралық ынтымақтастық аясында Жібек жолы бойындағы археологиялық және тарихи-мәдени мұра ескерткіштерін зерттеу, сақтау және насихаттау бағытында жұмыс істейтін болады.
Іс-шара барысында орталық пен музей-қорық арасында келісім-шартқа қол қойылып, филиалдың ресми куәлігі табысталды. Сондай-ақ, Қазақстан Республикасы Мәдениет және ақпарат министрлігінің өкілдері, музейтану және археология саласының мамандары, жергілікті атқарушы органдардың өкілдері қатысқан дөңгелек үстел ұйымдастырылды.
Филиалдың ресми ашылуына орталықтың басшысы, профессор Жао Роң (Zhao Rong) мырза бастаған делегация арнайы келді.
Айта кетейік, "Есік" музей-қорығы құрылған күннен бастап бірнеше мемлекеттермен тығыз әріптестік қарым-қатынас орнатқан. Сиань қаласындағы Шәнси археологиялық институтымен бірлескен ғылыми-археологиялық зерттеу жұмыстары 2017 жылдан бері жүзеге асырылып келеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
16.10.2024, 14:35 3021
Тоқаев Досаевқа Алматы қаласының транспорт құрылымы мен инженерлік инфрақұрылым саласын дамыту жөнінде тапсырма берді
Достарға айту
Президент Алматы қаласының әкімі Ерболат Досаевты қабылдады, деп хабарлайды Ақорданың баспасөз қызметінен.
Қасым-Жомарт Тоқаевқа Алматы қаласының биылғы 9 айдағы әлеуметтік-экономикалық дамуының алдын ала қорытындысы баяндалды. Ерболат Досаевтың айтуынша, есепті кезеңде қысқамерзімді экономикалық индикатор 104,1 пайызды құрады. 2024 жылы Алматының өңірлік жалпы өнімі 5,5 пайыз деңгейіне жетіп, келесі жылы 6,4 пайызға дейін өседі деп болжанып отыр.
Биылғы 9 айдың қорытындысы бойынша негізгі капиталға 1 133 миллиард теңге инвестиция тартылып, өсім 8,1 пайызға жеткен. Жыл соңына дейін 2 триллион теңге инвестиция тартылады.
Президентке жергілікті бюджет кірістері 27,2 пайызға артқаны жөнінде мәлімет берілді. Бұл Алматы қаласын 2025 жылға дейінгі дамыту бағдарламасы және 2030 жылға дейінгі орта мерзімді перспективалары аясында басымдық берілген жобаларды қаржыландыру көлемін ұлғайтуға мүмкіндік берді. Жыл басынан бері қала бюджеті 204,5 миллиард теңгеге артып, 1828,5 миллиард теңгені құрады.
Мемлекет басшысының тапсырмасына сәйкес, шағын және орта бизнесті өркендетуге ден қоя отырып, экономиканы әртараптандыру жұмыстары жалғасады. Кәсіпкерлік субъектілер саны 6,2 пайызға өсіп, 361,1 мыңға жетті. Жыл қорытындысы бойынша Алматының өңірлік жалпы өнім көрсеткішіндегі шағын және орта кәсіпкерлік үлесі 60 пайызға дейін артады.
Президент тапсырмасын орындау мақсатында қаланың дамуын сапалы қамтамасыз етуге және тиімді бақылауға арналған Қала құрылысы регламенті, Құрылыс жүргізу ережесі және Тұрғын үйді реновациялау бағдарламасының жаңа жобасы әзірленді. Өзгерістер жыл соңына дейін қалалық мәслихаттың сессиясында бекітіледі.
Қасым-Жомарт Тоқаевқа биыл денсаулық сақтау инфрақұрылымын жаңғыртуға арналған бюджет 2,5 есе өсіп, 26,3 миллиард теңгеге жеткені туралы есеп берілді. Тамыз айында еліміздегі алғашқы Ерте араласу орталығы ашылды. Бұл мекеме ведомствоаралық іс-қимылды үйлестіріп, балалар арасындағы мүгедектікті төмендетумен шұғылданады.
Әкімнің айтуынша, басым бағыттың бірі - инженерлік инфрақұрылымды жаңарту. Есепті кезеңде 219 шақырым сумен жабдықтау және су тарту желілері салынып, қолданыстағы 27,3 шақырым желі жаңартылды. Бұдан бөлек, 66 шақырым электрмен жабдықтау желісі реконструкцияланды.
Мемлекет басшысына Алматының жасыл желегін көбейту жөніндегі тапсырмасының орындалу барысы баяндалды. Оған күтім жасау үшін 110 шақырым тамшылатып суару жүйесі орнатылған. Жыл соңына дейін саябақтардың ауданы 996 гектарға дейін кеңейеді.
Президент Қасым-Жомарт Тоқаев кездесу соңында қала экономикасындағы шағын және орта бизнес үлесін арттыру, транспорт құрылымын дамыту және қоғамдық көліктерді экологиялық талаптарға сәйкестендіру, сондай-ақ инженерлік және әлеуметтік инфрақұрылымды сапалы жаңғырту жөнінде бірқатар нақты тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
16.10.2024, 14:30 3431
Олжас Бектенов Исламабадта ШЫҰ-ға мүше мемлекеттер үкіметтерінің басшылары кеңесінің отырысына қатысты
Достарға айту
Қазақстан Республикасының Премьер-Министрі Олжас Бектенов Пәкістан Ислам Республикасының астанасында өткен Шанхай ынтымақтастық ұйымына мүше мемлекеттер үкіметтерінің басшылары кеңесінің 23-ші отырысына қатысты, деп хабарлайды Үкіметтің баспасөз қызметінен.
ШЫҰ ҮБК отырысында биыл шілдеде Астанада өткен саммит аясында мемлекеттер басшылары деңгейінде қол жеткізілген уағдаластықтарды іске асыруға назар аударылды. Сауда-экономикалық және мәдени-гуманитарлық салалардағы ынтымақтастықты жаңа жағдайларда, оның ішінде Беларустің Ұйымға толыққанды мүше мемлекет мәртебесін алуын ескере отырып, тереңдету шаралары қаралды.
Өткен жылы Қазақстанның ШЫҰ елдерімен тауар айналымы 6%-ға өсіп, $66,7 млрд-ты құрады. Жалпы алғанда, ШЫҰ мемлекеттерінің әлемдік ЖІӨ-дегі үлесі 30%-ды құрайды, бірлестік ішіндегі сауда-саттық жалпы көлемнің төрттен бірінен асты.
Олжас Бектенов ҚР Президенті Қасым-Жомарт Тоқаев пен ШЫҰ-ға қатысушы елдердің көшбасшылары мүше мемлекеттер арасындағы көпжоспарлы ынтымақтастықты одан әрі дамыту үшін стратегиялық негіз қалағанын атап өтті. Осыған байланысты, жаһандық экономика дамуының баяулауы жағдайында саудадағы тұрақты серпінді қамтамасыз ету мақсатында өсімнің жаңа мүмкіндіктері қажет.
Қазақстандық тарап цифрландыру мен онлайн-сауданы дамыту, әріптестік порт-логистикалық желіні құру шеңберінде қолданыстағы теміржол және автомобиль жолдарын жаңғырту, энергетика және инвестиция салаларындағы өзара тиімді кооперация қажеттігін атап өтті. Климаттың өзгеруі, қалдықтарды тиімді басқару саласындағы шаралар кешенін іске асыруға, сондай-ақ білім беру және денсаулық сақтау мекемелері арасындағы байланыстарды нығайтуға ерекше назар аударылды. Аталған салалардағы тығыз ынтымақтастық Шанхай ондығы елдерінің орнықты дамуы мен өркендеуіне қолайлы жағдай жасауға мүмкіндік береді.
Отырыс барысында ШЫҰ-ға мүше мемлекеттер делегацияларының басшылары: Пәкістан Ислам Республикасының Премьер-Министрі Шахбаз Шариф, Беларусь Республикасының Премьер-Министрі Роман Головченко, Қырғыз Республикасының Министрлер кабинетінің төрағасы Ақылбек Жапаров, Ресей Федерациясы Үкіметінің төрағасы Михаил Мишустин, Тәжікстан Республикасының Премьер-Министрі Кохир Расулзода, Өзбекстан Республикасының Премьер-Министрі Абдулла Арипов, Қытай Халық Республикасы Мемлекеттік кеңесінің Премьері Ли Цян, Иран Ислам Республикасының өнеркәсіп, тау-кен өнеркәсібі және сауда министрі Мухаммед Атабак, Үндістан Республикасының сыртқы істер министрі Субраманиям Джайшанкар, сондай-ақ ШЫҰ бас хатшысы Чжан Мин, ШЫҰ Аймақтық терроризмге қарсы құрылымы Атқарушы комитетінің директоры Руслан Мирзаев, Азиядағы өзара іс-қимыл және сенім шаралары жөніндегі кеңесі бас хатшысының орынбасары Чжан Линь, ТМД бас хатшысының орынбасары Ильхом Нематов, бақылаушы мемлекет үкіметінің басшысы - Моңғолия Премьер-Министрі Лувсаннамсрайн Оюун-Эрдэнэ және арнайы қонақ - Түрікменстанның Министрлер кабинеті төрағасының орынбасары, сыртқы істер министрі Рашид Мередов сөз сөйледі.
Отырыс қорытындысы бойынша 8 құжатқа қол қойылды, оның ішінде ШЫҰ-ға мүше мемлекеттер арасындағы "Жаңа экономикалық диалогты" дамыту тұжырымдамасы туралы шешім қабылданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
16.10.2024, 14:16 3961
"Борте Милка" - Орталық Азиядағы ең ірі роботталған сүт фермасы
Достарға айту
DeLaval компаниясы "Борте Милка" ЖШС сүт-тауар фермасында жаңа V300 сауу роботтарын іске қосты. Шымкенттен 30 шақырым жерде орналасқан заманауи кешенде 260 сауын сиырға арналған қосымша қора салынды. Бұл кәсіпорынның қуатын едәуір арттырды, деп хабарлайды ҚР АШМ баспасөз қызметінен.
Соңғы V300 роботты сауыншылардың төртеуін орнату арқылы фермадағы роботтардың жалпы саны 12-ге жетіп, "Борте Милка" ЖШС Орталық Азиядағы ең ірі роботталған сүт фермасына айналды. Озық технологиялар өнімділікті арттырып қана қоймай, жануарларға күтім жасау процесін оңтайландыруға мүмкіндік береді.
V300 роботтары тиімді саууға ғана емес, сонымен қатар әр сиырдың өнімділігі мен денсаулығы туралы құнды ақпарат жинауға мүмкіндік беретін заманауи технологияларды қолдана отырып жасалған.
VMS V300 әрбір жануарға қатысты жеке көзқараспен қамтамасыз етеді. Бұл тәсіл уақыт пен ресурстарды аз жұмсай отырып, жақсы нәтижелерге қол жеткізуге мүмкіндік береді.
Қазақстанда роботтандыру саласы белсенді дамып жатқанын қосамыз - келесі жылдың басында Borte Milka роботтарының саны бойынша бәсекеге түсетін "Восток молоко" холдингінің жаңа жобасы іске қосылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
15.10.2024, 15:13 31351
Талғар ауданы әкімі аппаратының басшысы қызметінен босатылды
Достарға айту
Талғар ауданы әкімі аппаратының басшысы Қасымбаев Аслан Нұрғайыпұлы қызметінен босатылды, деп хабарлайды аудан әкімдігінің баспасөз қызметінен.
Сонымен қатар, Талғар ауданының әкімі Айдарбеков Танат Есенкелдіұлы және оның орынбасары Бидаев Айбек Дүйсембекұлы "сөгіс" түріндегі тәртіптік жауапкершілікке тартылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
15.10.2024, 15:06 31711
Елімізде су үнемдеу тәсілдерін қолданып жатқан суармалы жердің көлемі 85,1 мың гектарға ұлғайды
Достарға айту
Үкімет отырысында ауыл шаруашылығы вице-министрі Азат Сұлтанов Қазақстанда ауыл шаруашылығы мақсатындағы суармалы жерлердің жалпы ауданы 1,9 млн гектарды құрайтынын хабарлады.
Олардың ішінде 1 млн гектар немесе 67%-ы жер үстімен су жіберу тәсілі арқылы суарылады, 98 мың гектар немесе 6,5%-ы - күріш алқаптарын суландыру арқылы, ал 397,3 мың гектарында немесе 26,3%-ында заманауи суару технологиялары қолданылды.
Биылғы вегетациялық кезең ауа-райының құбылмалы болғанына қарамастан оң нәтижемен аяқталды. Қазгидрометтің деректері бойынша вегетациялық кезеңде атмосфералық және топырақ құрғақшылығы елдің оңтүстік және оңтүстік-батыс аймақтарында байқалды. Суармалы егіншілікке негізделген аймақтар суару маусымында сумен қамтамасыз етілуіне, су қоймаларының толуына және трансшекаралық өзендерден судың келуіне тәуелді. Биыл бұл факторлар да еліміздің суармалы егіншілігі үшін қолайлы болды", - деп мәлімдеді вице-министр.
Еліміздің суармалы жерлеріндегі негізгі дақылдарға - мал азығы, дәнді және дәнді-бұршақты дақылдар, көкөністер, тамыр дақылдары және басқа да ауыл шаруашылығы дақылдары жатады. Ұзақ мерзімді су үнемдеу шешімдері аясында Министрлік суды көп қажет ететін дақылдарды қысқарту және су үнемдеу технологияларын енгізу арқылы егіс алқаптарын әртараптандыру бағдарламасын іске асыруда.
2026 жылға дейін мақта алқаптарын - 36,4 мың гектарға, күріш алқаптарын - 14,1 мың гектарға қысқарту жоспарлануда. Өткен жылмен салыстырғанда күріш алқабы 2,2 мың гектарға қысқарып, 98,1 мың гектарға дейін жеткізілді, мақта егетін алаң 10 мың гектарға қысқарып, 106,4 мың гектарға дейін жетті", - деп мәлімдеді ауыл шаруашылығы вице-министрі Азат Сұлтанов.
Сонымен қатар Қызылорда облысында коллекторлық суларды қайта пайдалану арқылы күріш алқабы 1,7 мың гектарға ұлғайтылып, 85,6 мың гектарға жеткізілді.
Республикада су үнемдеу технологияларын енгізу ауыл шаруашылығы дақылдарының өнімділігін арттыруға мүмкіндік берді. Мысалы, өткен жылмен салыстырғанда күріштің өнімділігі 8 центнерге, қант қызылшасы 109 центнерге, картоп 51,5 центнерге және көкөністер 26,5 центнерге артқан.
Биыл су үнемдеу тәсілдерін қолданған суармалы жерлердің ауданы 85,1 мың гектарға ұлғайтылды, сондай-ақ 57,6 мың гектар жер лазерлі жоспарлау құрылғысымен тегістелді. Жыл қорытындысы бойынша су үнемдеу технологияларын қолдану арқылы енгізілетін алқаптардың көлемі 150 мың гектарға дейін жеткізілетін болады", - деді спикер.
Айта кету керек, су үнемдеу технологияларын қолдану оң әсер беруде, бұл су шығынын азайтуға да, өсірілетін дақылдардың өнімділігін арттыруға да мүмкіндік береді. Мысалы, тамшылатып суару және жаңбырлату әдістерін қолданғанда, өнімділік 30%-ға жоғары болады.
Ауыл шаруашылығы министрлігінің мәліметінше, Мемлекет басшысының тапсырмасына сәйкес, су үнемдеу технологияларымен суармалы жерлерді кеңейту жұмысы жүргізілуде. Биыл мұндай жер көлемі 462 мың гектарға, 2026 жылға қарай 762,2 мың гектарға жеткізіледі.
Министрлік қажетті мемлекеттік және қаржылық қолдау шараларын көрсетуде. Соңғы екі жылда инвестициялық субсидиялар аясында 594 жоба 33 млрд теңге соммасына қаржыландырылды. Сонымен қатар барлық облыста сенімді агент арқылы агроөнеркәсіп кешені саласындағы жобаларды несиелендіруді бағдарламасы іске асырыла бастады. Биылдан бастап, суару жобалары СҚО тәжрибесі аясындағы несиелендіруге жататын жобалар тізіміне енгізіліп, 10 жылға дейін 2,5%-бен қаржыландырылады", - деп атап өтті А. Сұлтанов.
Оның айтуынша, отандық суару жүйелерін қамтамасыз ету мақсатында екі жоба жүзеге асырылған. "BNK Irrigation" және "ADAM MANUFACTURING" компаниялары жыл сайын 1 мың бірліктен астам жабдық шығаруды жоспарлап отыр. Сонымен қатар қазіргі уақытта инвестициялық жобалар пулында су үнемдеу жабдықтарын өндіру бойынша 3 жоба жүзеге асырылуда.
Мәселен қытайлық "Vodar" компаниясы "Тараз химиялық паркі" арнайы экономикалық аймағында жаңбырлатқыш машиналарын өндіру жобасын іске асыруда. Жобаны пайдалануға берудің болжамды мерзімі 2025 жылдың қыркүйегіне жоспарланған. Кәсіпорынның жобалық қуаты 1000 барабан типті машина және 500 айналмалы жаңбырлатқыш машина.
Сол секілді Атырау облысында "KAZ-AFKO" түрік компаниясы айналмалы суару жүйелерін өндіру жобасын іске асыруда. Жобаның қуаты бірінші жылы 500 бірлікті құрайды, содан кейін оны 1000 бірлікке дейін ұлғайтады. Іске қосу 2024 жылдың соңына жоспарланған. Сонымен қатар жаңа компаниялар елдегі өндірісті ұйымдастыруға қызығушылық танытуда.
Мысалға, түріктің AKPLAS компаниясы ирригациялық жүйелерді "Байқоңыр" әлеуметтік-кәсіпкерлік корпорациясымен бірлесіп, Қызылорда облысында ирригациялық жүйелерді өндіру жөніндегі жобаны іске асыруға ниет етіп отыр. Өндірісті іске қосудың жоспарланған мерзімі - 2025 жылдың үшінші тоқсаны. Шетелдік және қазақстандық компаниялардың күш-жігерін ұштастыру су үнемдеу секторын тұрақты дамыту үшін берік негіз құруға мү
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
15.10.2024, 14:59 31921
Талғар қаласының әкімі лауазымдарынан босатылды
Достарға айту
Талғар қаласының әкімі Қуатбекұлы Бахыт Күрішбеков, Талғар қаласы әкімінің орынбасары Матан Сағындық өз міндеттерін тиісті деңгейде атқармағаны үшін лауазымдарынан босатылды, деп хабарлайды әкімдіктің баспасөз қызметінен.
Басқа лауазымдағы қызметкерлердің жауапкершілік деңгейі пысықталуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
15.10.2024, 14:53 30256
Еліміздегі мектептердің 88% инклюзивті білім беруге жағдай жасады
Достарға айту
Қазақстандық мектептерде ерекше білім беру қажеттіліктері бар балалар үшін кедергісіз орта қалыптастырылуда. Бүгінгі таңда мектептердің 88%-да инклюзивті білім алуға жағдай жасалған, деп хабарлайды Қазақстан Республикасының Оқу-ағарту министрлігінің баспасөз қызметінен.
Биыл алғаш рет психологиялық-педагогикалық қолдаудың үш деңгейлі моделі енгізілді. Сондай-ақ ерекше қажеттіліктері бар балалармен жұмыс істеу үшін қолдау көрсету кабинеттері мен жеке бағдарламалар үшін жаңа талаптар әзірленді.
Қазіргі уақытта білім беру мекемелерінде 60 мың бала қажетті психологиялық-педагогикалық қолдаумен қамтылған. Бұл әрбір баланың сапалы білімге тең қол жеткізуі үшін жасалған маңызды қадам", - деп атап көрсетті ҚР Оқу-ағарту министрлігі Инклюзивті және арнайы білім беру департаментінің директоры Лаура Бутабаева.
Инклюзивті білім беруді жүзеге асыратын мектептердің басты міндеті - әр балаға жеке қолдау көрсете отырып, бірегей қабілеттерін дамытуға және әлеуметтік сын-тегеуріндерге төзімділік танытуға көмектесу болып табылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ИНТЕРНЕТ ТЕЛЕВИДЕНИЕ
KAZAKHSTAN TODAY LIVE
Ең көп оқылғаны
16.10.2024, 14:16"Борте Милка" - Орталық Азиядағы ең ірі роботталған сүт фермасы 16.10.2024, 14:26 2561АХҚО Қазақстан экономикасына 13 млрд доллардан астам инвестиция тартты16.10.2024, 14:30 2286Олжас Бектенов Исламабадта ШЫҰ-ға мүше мемлекеттер үкіметтерінің басшылары кеңесінің отырысына қатысты16.10.2024, 14:35 1876Тоқаев Досаевқа Алматы қаласының транспорт құрылымы мен инженерлік инфрақұрылым саласын дамыту жөнінде тапсырма берді16.10.2024, 14:46 1516Жібек жолы археологиялық бірлескен зерттеу орталығының Есік филиалы ашылды
11.10.2024, 17:57 83706Атырауда жаңа Салық кодексінің жобасындағы негізгі өзгерістер талқыланды11.10.2024, 18:17 83646Қазақстан мен Австрия арасындағы тікелей рейс 2025 жылдың көктемінде іске қосылады11.10.2024, 18:13 83536Атырау қаласында Теңіз кен орнындағы жергілікті қамтуды дамыту мәселесі талқыланды11.10.2024, 18:15 83496Еліміздің республикалық маңызы бар жолдарында қысқы күтіп-ұстау жұмыстары басталды11.10.2024, 17:53 83181Вице-премьер Серік Жұманғаринге "Дустлик" ордені табысталды
26.09.2024, 18:14 100906Қазақстандық аграрларды мемлекеттік қолдау көлемі 1,4 трлн теңгеге дейін ұлғаяды26.09.2024, 16:35 96381«Бауырына салу» фильмі «Оскарға» ұсынылды26.09.2024, 16:23 95126Алматыда тау бөктерінде ТК құрылысы тоқтатылды: жоспардан тыс тексеру жүріп жатыр27.09.2024, 17:57 90701Қазақстан СТОБҮК ұйымына төрағалық етеді04.10.2024, 16:46 88686Президент ТМД-ға мүше мемлекеттердің қауіпсіздік органдары мен арнаулы қызметтерінің басшыларын қабылдады