Мемлекет басшысы АҚШ Президенті Дональд Трампқа көңіл айту жеделхатын жолдады

30.01.2025, 17:52 9976

Әсет Нүсіпов ҚР сауда және интеграция вице-министрі болып тағайындалды

Қазақстан Республикасы Үкіметінің қаулысымен Әсет Ілиясұлы Нүсіпов сауда және интеграция вице-министрі қызметіне тағайындалды, деп хабарлайды Қазақстан Республикасы Сауда және интеграция министрлігінің баспасөз қызметінен.

1983 жылы Алматы қаласында дүниеге келген. Әл-Фараби атындағы Қазақ ұлттық университетін, Иллинойс технологиялық институтын (АҚШ) бітірген.

Еңбек жолын 2004 жылы Алматы қаласында "Ұлттық инновациялық қор" АҚ менеджері болып бастаған.

2006 жылдан 2008 жылға дейін "Flagship Ventures" венчурлық капитал фирмасының Венчурлық жобаларды қаржыландыру департаментінде (АҚШ), Вашингтон қ. (АҚШ) "Small Enterprise Assistance Funds" халықаралық инвестициялық фирмасында тағылымдамадан өтті.

2008 жылдан 2010 жылға дейін "Қазақстан инвестициялық қоры" АҚ жобалық менеджері, Дүниежүзілік банкіндегі Орталық Азиядағы өкілдігінің консультанты, Қазақстан Республикасындағы Азия даму банкі өкілдігінің консультанты, "Әлемдік экономиканы зерттеу орталығы" ЖМ директорының орынбасары болып жұмыс істеді.

2010-2015 жылдары - Қазақстан Республикасы Қауіпсіздік Кеңесі Хатшылығының инспекторы, сектор меңгерушісі, Астана қ.

2015-2021 жылдары - Қазақстан Республикасы Қауіпсіздік Кеңесінің жалпы қауіпсіздік мәселелері бөлімінің сектор меңгерушісі, Астана қ.

2021-2023 жылдары - Қазақстан Республикасы Қауіпсіздік Кеңесінің жалпы қауіпсіздік мәселелері бөлімі меңгерушісінің орынбасары, Астана қ.

2023 жылдан бастап қазіргі уақытқа дейін - Қазақстан Республикасы Қауіпсіздік Кеңесінің өзекті қауіпсіздік мәселелері бөлімі меңгерушісінің орынбасары, Астана қ.

Соңғы жаңалықтар

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

30.01.2025, 16:48 8246

Қазақстан метан шығарындыларын реттеуді нығайтуда: алғашқы консультациялық семинар басталды

Қазақстан метан шығарындыларын реттеуді нығайтуда: алғашқы консультациялық семинар басталды, деп хабарлайды ҚР Энергетика министрлігінің баспасөз қызметінен.

Елордада ең қуатты парниктік газдардың бірі - метан шығарындыларын реттеу бойынша алғашқы екі күндік консультациялық семинар өтуде.

Президент Кеңесшісі-Қазақстан Президентінің халықаралық экологиялық ынтымақтастық жөніндегі арнайы өкілі Зульфия Сүлейменованың басшылығымен іс-шараны Энергетика министрлігі, Қазақстанның Экология және табиғи ресурстар Министрлігі және халықаралық энергетикалық агенттіктің (IEA), Clean Action Task Force (CATF) және басқа серіктестердің қолдауымен ұйымдастырды. Үкімет, бизнес және халықаралық ұйымдардың өкілдері қатысты.

Президенттің кеңесшісі-Қазақстан Президентінің халықаралық экологиялық ынтымақтастық жөніндегі арнайы өкілі Зульфия Сүлейменова:

2012 жылы енгізілген газды күнделікті алау жағуға тыйым салудың арқасында Қазақстан газды жағуды 70% - дан астамға қысқартты. Енді біз метанның ағып кетуін және желдетілуін жоюға дайынбыз. Бұл жай экология емес-бұл тұрақты даму. Біз пайда әкелетін құнды ресурсты жоғалтып жатырмыз: электр энергиясын өндіру, газ импортына тәуелділікті азайту және тіпті экспорттық әлеуетті арттыру".

Энергетика вице-министрі Ерлан Аккенженов:

Газ ресурстарын ұтымды пайдалану және экологиялық жүктемені азайту мақсатында заңнамалық базаны жетілдіру және әзірлеу бойынша үлкен жұмыс атқарылды, бұл жер қойнауын пайдаланушылардың шикі газды кәдеге жарату мәселелерін шешудегі жауапкершілігін арттыруға мүмкіндік берді".

Семинардың басты нәтижесі - мұнай-газ және көмір секторларында метан шығарындыларын реттеу бойынша "Жол картасын" әзірлеу. 2023 жылы метан бойынша Жаһандық уәдеге (GMP) қосылған Қазақстан ойын ережелерін өзгертуге дайын: шығарындыларды азайту, инвестициялар тарту және энергия секторының тиімділігін арттыру.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

30.01.2025, 16:43 8601

Техникалық реттеу талаптарын бұзған субъектілер әкімшілік жауапкершілікке тартылды

Техникалық реттеу саласындағы мемлекеттік бақылау тұтынушылар үшін маңызды тетіктердің бірі болып табылады. 2024 жылы жергілікті департаменттер 8 мыңнан астам бақылау іс-шарасын жүргізді. 6152 жағдайда бұзушылықтар анықталды, бұл тексерулердің жалпы санының 74%-н пайызын құрайды. Бұл туралы ҚР СИМ Техникалық реттеу және метрология комитеті төрағасының орынбасары Бауыржан Қасымов ОКҚ алаңында өткен баспасөз конференциясында мәлімдеді.

Оның хабарлауынша, бақылаудың 64%-ы профилактикалық сипатта жүргізілді. Бұл ретте бақылау субъектісіне барудың қажеті болмады. Тексеру қорытындысы бойынша 411 млн теңгеден астам сомаға 790 әкімшілік құқық бұзушылық туралы іс қозғалды.

2024 жылы барлық облыстарда прокуратура органдарымен бірлесе отырып, құзырымызға кіретін 2528 субъектіге қатысты тексеру шаралары жүргізілді. Тексеру нәтижелері бойынша өлшеу құралдарын салыстырып, тексеру мерзімдерін сақтамау фактілері анықталды. Тексерілмеген құралдардың жалпы саны 13 595 бірлікті құрайды. Денсаулықтың маңызды көрсеткіштерін өлшеудің дұрыс емес нәтижелері қате диагнозға әкелуі мүмкін. Нәтижесінде 68 тексеру субъектілері жауапкершілікке тартылды. Айыппұл сомасы 275 млн теңгені құрады", - деді спикер.

2024 жылы делдалдардың тауарларға сертификаттар алу сайттарына ауқымды тексеру жүргізілді. Сәйкестік сертификаты немесе сәйкестік декларациясы тауардың қауіпсіздігін және оның сынақтардан сәтті өтуін растайтын ресми құжаттар болып табылады. Сәйкестікті бағалауға құқығы жоқ аккредиттелмеген тұлғалардың "жылдам" сертификаттар жарнамасын таратуы тұтынушыларды жаңылыстырады, заңнаманы бұзады және бұл жағдайлар, көбіне, "сұр сертификаттар" деп аталатын құжаттарды берумен байланысты болып шықты. Осылайша, сұр сертификаттарды аккредиттеусіз сатуды насихаттайтын 76 платформа анықталды. Оның ішінде Satu.kz және OLX сайттарына сәйкестікті бағалау құжаттарын сату бойынша жарнамаларды бұғаттау және жою қажеттілігі туралы ескертілді.

Сонымен қатар департаменттер сатылатын өнімнің бірқатар үлгісін бақылау үшін сатып алды, олардың 90%-ына қатысты бұзушылықтар анықталды.

Мемлекеттік бақылау нәтижесінде барлығы 55 жедел ден қою шарасы қолданылды, оның ішінде 48 тауарды сатуға тыйым салынды және 5 млн теңгеден астам сомаға 7 өнім тәркіленді. Мысалы, Ақтөбе қаласында 3,4 мың метр электр кабелі өнімдерін алуға тыйым салуға қаулы берілді. Заңды бұзғандарға айыппұл салынды.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

30.01.2025, 16:37 9061

Қазақ ұлттық өнер университетіне ресми түрде Күләш Байсейітованың есімі берілді

Қазақ ұлттық өнер университетіне ресми түрде аңызға айналған опера әншісі Күләш Байсейітованың есімі берілді, деп хабарлайды ҚР Мәдениет және ақпарат министрлігінің баспасөз қызметінен.

Еске сала кетейік, оқу орнын қайта атау туралы шешімді Қазақстан Республикасының Президенті Қасым-Жомарт Тоқаев қабылдап, бұл туралы өткен жылы мәдениет және өнер қызметкерлерін марапаттау рәсімінде жариялаған болатын.

Мемлекеттік қайта тіркеу рәсімі аяқталғаннан кейін, оқу орнына "Күләш Байсейітова атындағы Қазақ ұлттық өнер университеті" атауы ресми түрде берілді.

Бұл маңызды оқиға Күләш Байсейітованың ұлттық мәдениет пен қазақ өнеріне қосқан зор үлесін айшықтап, оның мол мұрасын жас ұрпаққа дәріптеудің айқын көрінісі болды.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

30.01.2025, 16:24 9301

Астанада Олжас Бектенов пен Михаил Мишустин сауда-экономикалық ынтымақтастық мәселелерін талқылады

Қазақстан Республикасының Премьер-министрі Олжас Бектенов пен Ресей Федерациясы Үкіметінің төрағасы Михаил Мишустин екіжақты келіссөздер жүргізді, оның барысында ҚР Президенті Қасым-Жомарт Тоқаев пен РФ Президенті Владимир Путин арасында екіжақты сауда көлемін арттыру бойынша қол жеткізілген уағдаластықтарды іске асыру мәселелері талқыланды, деп хабарлайды Үкіметтің баспасөз қызметінен.

Екі ел арасындағы сауда-экономикалық, ғылыми-техникалық және мәдени-гуманитарлық ынтымақтастықты кеңейту жоспарлары қаралды. Өнеркәсіп кооперациясы, ауыл шаруашылығы, энергетика, көлік өнеркәсібі және басқа да салалардағы өзара іс-қимылды нығайту жөніндегі міндеттерді жүзеге асыруға назар аударылды.

Ресей - Қазақстанның басты сауда серіктестерінің бірі. Өткен жылдың 11 айында өзара сауда көлемі $24,2 млрд-қа жетті. Екі мемлекет басшылары арасындағы тауар айналымын $30 млрд-қа дейін жеткізу жөніндегі уағдаластықтарына қол жеткізу мақсатында тасымалданатын тауарлар аталымын кеңейту маңызды. Экономикалық ынтымақтастықтың 2021-2025 жылдарға арналған кешенді бағдарламасын іске асырудың оң нәтижелері атап өтіліп, алдағы кезеңге жаңартылған бағдарламаны әзірлеу қажеттігі нақтыланды.

2024 жылғы 10 айдың қорытындысы бойынша ауыл шаруашылығы өнімдерінің айналымы 5%-ға өсіп, $3,2 млрд-тан асты.

Өнеркәсіп кооперациясы саласында бүгінгі таңда $18,6 млрд-қа қазақ-ресейлік 99 жоба іске асырылды. Қазақстанда жаңа бірлескен жобаларды жүзеге асыру перспективалары қаралды.

Қазақстан арқылы транзиттік тасымалдау жоғары қарқынмен дамып келеді. Осыған байланысты автокөлік және теміржол инфрақұрылымын дамытуға, сондай-ақ су көлігі саласында жаңа баламалы бағыттар ашуға көңіл бөлінуде.

Мемлекет басшылары Қасым-Жомарт Тоқаев пен Владимир Путиннің бірлескен күш-жігерінің арқасында екіжақты ынтымақтастығымыз сапалы жаңа деңгейге көтерілді. Маңызды міндет - жоғары деңгейде қол жеткізілген уағдаластықтардың іс жүзінде орындалуын қамтамасыз ету. Қазақстан Үкіметі тығыз өзара іс-қимыл жасауға және барлық салада ынтымақтастықты дамытуға дайын", - деп атап өтті Олжас Бектенов.

Қазақстан - біздің стратегиялық серіктесіміз әрі одақтасымыз. Біздің қарым-қатынасымыз достық, тату көршілік, өзара сыйластық және бір-бірінің мүдделерін ескеру қағидаттарына негізделген. Владимир Путиннің Қазақстанға мемлекеттік сапары барысында қарым-қатынастарымызды одан әрі дамыту жөнінде маңызды уағдаластықтарға қол жеткізілді. Екі ел үкіметтерінің міндеті -- көшбасшыларымыз қол жеткізген келісімдердің мүлтіксіз орындалуын қамтамасыз ету", - деп атап өтті Михаил Мишустин.

Келіссөздер нәтижесінде тараптар стратегиялық әріптестікті нығайтуға және барлық бағыт бойынша бірлескен жұмысты жалғастыруға уағдаласты.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

30.01.2025, 15:46 10311

Былтыр жүргізушілер айыппұл бойынша рекорд орнатты

Былтыр еліміздегі жеке және заңды тұлғалар 304.3 млрд теңге айыппұл арқалады. Бас прокуратураның есебінше, шамамен 40 %-ы (139.46 млрд теңге) жол ережесін сақтамаған жүргізушілер мен жаяу жүргіншілер, деп хабарлайды kolesa.kz сайты.

Екінші орында салық саласындағы құқықбұзушылық, үшінші орында ұсақ бұзақылық, қоғамдық орында ішімдік ішу, шулау және т.б. тұр.

Салыстыру үшін айтсақ, 2023 жылы жол ережесін бұзғандарға 88.7 млрд теңге айыппұл салыныпты, яғни көрсеткіш 36 % өскен. Ал 2014 жылы айыппұл көлемі 21.672 млрд теңге болған, былтырмен салыстырғанда 6.4 есе аз.

Он жылда айыппұл мөлшері де өзгергенін ескерген жөн. Кейбір жағдайда сома бірнеше есе жоғары. Дегенмен прокуратура статистикасы көңіл көншітпейді.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

30.01.2025, 10:53 19281

Қазақстан Орталық Азия елдерімен келісімдер нәтижесінде көктемде 11 млрд текше метр су алады

Қазақстан сәуір айына дейін 11 млрд текше метр су алады. ҚР Су ресурстары және ирригация министрі Нұржан Нұржігітов осы жөнінде келісімге келді, деп хабарлайды Қазақстан Республикасы Су ресурстары және ирригация Министрлігінің баспасөз қызметінен.

Душанбе қаласында Орталық Азияның Мемлекетаралық су шаруашылығын үйлестіру комиссиясының (МСШҮК) 88-ші отырысы өтті. Жиынға Қазақстан, Өзбекстан, Тәжікстан және Түрікменстан су шаруашылығы ведомстволарының басшылары қатысты.

Тараптар Сырдария және Әмудария өзендері бассейндерінде вегетация аралық кезеңнің өту барысын қарастырды.

Айта кетейік, келісілген су көлемі Сырдария өзені арқылы Түркістан облысының Шардара су қоймасына келеді. Оның ішінде 1,6 млрд текше метр су Арал теңізіне жіберіледі.

Бұл биыл суару кезеңі үшін қажет су көлемін жинауға, сондай-ақ Қазақстанның оңтүстік облыстарындағы экожүйені сақтау іс-шараларын жүзеге асыруға мүмкіндік береді. Еліміздің оңтүстігіндегі жағдай батыс пен солтүстіктен өзгеше екенін атап өтемін. Мұнда үлкен көлемдегі су тасқыны болған жоқ. Ал жазда суармалы суға деген сұраныс өте жоғары. Сондықтан да біз оңтүстікті сумен қамтамасыз ету бойынша мүлдем басқа жұмыс жүргізіп жатырмыз. Су дипломатиясы - біздің министрлік жұмысының маңызды бағыты. Осы келіссөздердің нәтижесінде өткен жылы еліміздің оңтүстігін сумен тұрақты қамтамасыз еттік. Біз су бөлу және трансшекаралық су нысандарын қорғау жөніндегі барлық мәселелерді Орталық Азия елдеріндегі әріптестерімізбен бірлесе отырып шешеміз", - деді Су ресурстары және ирригация министрі Нұржан Нұржігітов.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

29.01.2025, 14:46 39881

Қазақстан Ұлттық қордан қаржыландырылатын жобалар үшін жаңа қағидаларды енгізуде

Қазақстан Ұлттық қордан қаржыландырылатын жобалар үшін жаңа қағидаларды енгізуде, деп хабарлайды ҚР Экономика министрлігінің баспасөз қызметінен.

Ұлттық қор қаражаты есебінен қаржыландыруға ұсынылатын жалпыелдік маңызы бар жобаларға сараптама жүргізу қағидаларының жобасы әзірленді.

Үкімет Ұлттық банк және Жоғары аудиторлық палатамен бірлесіп жобаларды міндетті сараптау және талдау тетігін әзірледі. Бағалау процессі екі негізгі кезеңді қамтиды.

Стратегиялық бағалау - бірінші кезеңде Ұлттық экономика министрлігі жобаларды елдің стратегиялық құжаттары басымдықтарына сәйкестігіне, сондай-ақ олардың ЖІӨ-ге салым, бюджеттік түсімдердің ұлғаюы және инвестициялардың өсуі бойынша болжамдарды қоса алғанда, экономикаға әсерін бағалайтын болады.

Кешенді бағалау - сараптаманың екінші кезеңі тереңірек талдауды қамтиды. Ұлттық Банктің, Ұлттық экономика және Қаржы министрліктерінің мамандарын қамтитын сараптамалық топ жобалардың қаржылық-экономикалық және техникалық аспектілерін бағалайтын болады. Қажет болған жағдайда тәуелсіз сараптама үшін жоба бастамашысының қаражаты есебінен сырттан мамандар тартылатын болады.

Сонымен қатар, жобалардың сапасы мен тұрақтылығын арттыру үшін қаржыландыру шарттары өзгерді. Ұлттық қордан бөлінетін қаражаттың үлесі талап етілетін қаражаттың жалпы көлемінің 50 %-дан аспайтын болады. Қалған соманы жоба бастамашысының немесе жоба жоба акционерлерінің, Екінші деңгейдегі банктердің, халықаралық қаржы ұйымдарының өз қаражаты арқылы қоса қаржыландыру қажет болады.

Жоба сараптама жүргізу және қағидаларды бекіту шарттарын нақтылай отырып, Бюджет кодексіне өзгерістер енгізеді.

Қағидалар жобасын қабылдау Ұлттық қордан қаражат бөлу шарттарын қатайтады және оның қаражатын жалпы қосылған құны жоғары жобаларды іске асыру үшін жұмсауға мүмкіндік береді.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Мемлекет басшысы АҚШ Президенті Дональд Трампқа көңіл айту жеделхатын жолдады

тақырып бойынша жаңалықтар

Ең көп оқылғаны

Өзекті

Қазақстан Орталық Азия елдерімен келісімдер нәтижесінде көктемде 11 млрд текше метр су алады