14.03.2025, 10:13 5001

ҚР Президенті қазақстандықтарды Амал күнімен құттықтады

ҚР Президенті қазақстандықтарды Амал күнімен құттықтады
ҚР Президенті қазақстандықтарды Амал күнімен құттықтады, деп хабарлайды Ақорданың баспасөз қызметінен.

Құрметті отандастар! Сіздерді әз-Наурыздың бастауы - Амал күнімен шын жүректен құттықтаймын!


Амал келгенде амандық білісу - көне заманнан жалғасқан айрықша дәстүріміз.

Қыстан шығып, шуақты көктемге аман жеткен ағайын осы күні бір-бірімен көріседі. Жастар үлкендерге сәлем беріп, қариялардың батасын алады. Халқымыз ежелден осындай ғұрыптар арқылы бауырмалдық пен жанашырлықты, татулық пен мейірімділікті дәріптеп, ұрпақтың бойына асыл қасиеттерді сіңіре білген. Мұның бәрі қазіргі Қазақстанның Адал азамат тұжырымдамасымен толық үндеседі.

Бүгінде Наурыз мейрамы алдындағы көрісу ғұрпы қайта жаңғырып, жалпыұлттық сипат ала бастады. Осы бірегей дәстүріміз еліміздің ырысты ынтымағы мен берекелі бірлігін нығайта түседі деп сенемін.

Әр шаңырақ шаттық пен қуанышқа кенелсін!

Баршаңызға зор денсаулық, бақ-береке тілеймін!

Айдан аман, жылдан есен болайық!" - деді президент.
 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны