01.07.2024, 16:12 13056
Қазақстанда ірі-қара малдың саны 2 млн басқа азайды: АШМ деректерді өзектендірді
Достарға айту
ҚР Ауыл шаруашылығы министрлігі мал шаруашылығындағы статистикалық мәліметтерді жаңарту бойынша жұмыстарды аяқтады, деп хабарлайды министрліктің баспасөз қызметінен.
Ауыл шаруашылығын дамытудағы жүйелі проблемалық мәселелердің бірі - қала, кентжәне ауылдық округ әкімдері жүргізетін шаруашылық есебінің негізінде қалыптастырылған мәліметтерді пайдалануға байланысты салалық статистиканың бұрмалануы.
Қате кіріс деректері нарықтағы өнім тапшылығы, артық өндіріс, мемлекеттік қолдаудың жеткіліксіздігі және басқа да жағымсыз салдарлар сияқты күрделі мәселелерге әкелуі мүмкін.
Саланың тиімді жұмысын қамтамасыз ету мақсатында Ауыл шаруашылығы министрлігі мал шаруашылығы саласындағы статистикалық деректерді сәйкестендіру жұмыстарын аяқтады.
2024 жылғы 1 қаңтардағы жағдай бойынша ауыл шаруашылығы жануарларының саны бағытындағы әр шаруашылық бойынша электрондық есепке алу деректерін өзектендіру нәтижесінде ауыл шаруашылығы кәсіпорындарын қоса алғанда, ірі қара мал басы шамамен 2 млн басқа, сүт өндірісі 3 млн тоннаға, қой саны - 14% -ға, ешкі - 20%, шошқа - 34%, үй құсы - 22%, тірі салмақтағы ет өндірісі - 15%, тауық жұмыртқасы - 10%қысқарды.
Тиісті деректер жоспарлау мен ішкі нарықты реттеу бойынша шешімдер қабылдау сапасын арттырады.
Дәл осындай жұмыстар өсімдік шаруашылығында да жүргізілуде, оны 2024 жылдың тамыз айына дейін аяқтау жоспарланған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
03.07.2024, 16:53 451
Қасым-Жомарт Тоқаев пен Си Цзиньпин бірқатар нысанның салтанатты ашылу рәсіміне қатысты
Достарға айту
Қазақстан мен Қытай басшылары Транскаспий халықаралық көлік бағыты бойынша жүк көліктері мен теміржол контейнерлерін жөнелту рәсіміне телекөпір режимінде қатысты, деп хабарлайды Ақорданың баспасөз қызметінен.
Іс-шара қатысушыларына Ұлы Жібек жолы бағытымен жүретін транзиттік рейс туралы бейнеролик көрсетілді. Шара соңында Президент Қасым-Жомарт Тоқаев пен Төраға Си Цзиньпин жүк паромдарының қозғалысын іске қосты.
Содан кейін екі ел басшылары Қазақстанның Бейжіңдегі және Қытайдың Астанадағы мәдени орталықтарын салтанатты түрде ашты.
Бұл орталықтар екі мемлекеттің гуманитарлық ынтымақтастығын дамытудың жаңа кезеңіне жол ашады. Сондай-ақ достас екі ел халықтары арасындағы өзара түсіністікті нығайтуға бағытталған түрлі мәдени шаралар, көрмелер, дәрістер мен шеберлік сабақтарын өткізуге арналған алаңға айналады.
Сонымен қатар Қасым-Жомарт Тоқаев пен Си Цзиньпин Астана халықаралық университетінің базасында Бейжің Тіл және мәдениет университетінің филиалын ашты. Мұны айтулы оқиға деуге болады. Қазақстан мен Қытай жоғары оқу орындарының ынтымақтастығы студенттердің терең білім алуына және кәсіби тұрғыда өсуіне зор мүмкіндік береді және олардың тілдік дағдыларды, мәдениетаралық коммуникацияны және ғылыми зерттеу әдістерін меңгеруіне ықпал етеді.
Бұл жобалардың табысты жүзеге асырылуы мәдениет және білім салаларындағы өзара алмасуларды жандандыру, екі ел арасындағы саяси және экономикалық қатынастарды дамыту жолындағы маңызды қадам болмақ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
03.07.2024, 12:23 1826
Қазақ-қытай қатынастары бұрын-соңды болмаған қарқынмен дамып келеді - Тоқаев
Достарға айту
Президент Қасым-Жомарт Тоқаев пен ҚХР Төрағасы Си Цзиньпин шағын құрамда келіссөз жүргізді, деп хабарлайды Ақорданың баспасөз қызметінен.
Президент, ең алдымен, шақыруын қабыл алып, елімізге мемлекеттік сапармен келгені үшін Си Цзиньпинге ризашылығын білдірді.
Сіздің сапарыңыздың мән-мағынасы өте зор, ерекше деп айтуға болады. Қытай Халық Республикасы – тату көрші, маңызды стратегиялық серіктес әрі басты одақтас мемлекеттің бірі. Берік достыққа және өзара қолдауға негізделген қазақ-қытай қарым-қатынасы бұрын-соңды болмаған қарқынмен дамып келе жатыр. Мен мұны үлкен қуанышпен атап өтемін. Сіз Қазақстан мен Қытайдың мәңгілік жан-жақты стратегиялық әріптестігін нығайтуға зор үлес қостыңыз. Мұны жоғары бағалаймыз. Екі елдің ынтымақтастығын халықтарымыздың игілігі үшін жаңа деңгейге көтеру қажет деген бастамаңызды толық қолдаймын. Бүгінгі басқосуымызды осының айқын дәлелі деуге болады", – деді Қазақстан Президенті.
Қасым-Жомарт Тоқаев барлық бағыт бойынша қарқынды дамып келе жатқан қазақ-қытай ынтымақтастығының жай-күйін жоғары бағалады.
Қытай – біз үшін тату көрші ғана емес, жақын досымыз әрі уақыт тезінен өткен сенімді серіктесіміз. Біз ортақ тарихтың, тату көршілік қатынастардың және өзара қолдаудың мызғымас құндылықтарына сүйене отырып, шын мәнінде үлгі етерлік мемлекетаралық қатынасты жолға қойдық. Жылдан-жылға өзара байланыстарымыздың мазмұны байып келеді", – деді Мемлекет басшысы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
02.07.2024, 17:42 5661
Қазақстан мен Қытай арасындағы тауар айналымы 31,5 млрд АҚШ долларына жетті
Достарға айту
2024 жылғы 27-30 маусым аралығында Үрімші қаласында сауда-экономикалық миссия өтті. "QazTrade" АҚ ұйымдастырған іс-шараға май, ет өнімдері, макарон, кондитерлік өнімдер, балмұздақ, бал, шарап және трикотаж бұйымдары қоса алғанда, азық-түлік өнімдерінің 42-ден астам қазақстандық өндірушілері қатысты, деп хабарлайды ҚР Сауда және интеграция министрлігінің баспасөз қызметінен.
Іс-шараға ҚР Сауда және интеграция вице-министрі Қайрат Төребаев, ҚХР Коммерция вице-министрі Шэнь Цюпин және басқа да жоғары лауазымды тұлғалар құттықтау сөз сөйледі. Сауда миссия шеңберінде Синьцзян өндірістік-құрылыс корпусының Халықаралық сауданы дамытуға жәрдемдесу жөніндегі комитеті мен "QazTrade" АҚ арасында ынтымақтастық туралы меморандумға қол қойылды.
ҚР Сауда және интеграция вице-министрі Қайрат Торебаев Қытаймен өзара әрекеттестік - әлемдегі ең ірі инвесторлар мен жетекші экономикалардың бірі - Қазақстан үшін тұрақты прогрестің ұзақ мерзімді факторы болып табылатынын атап өтті.
2023 жыл біздің елдер арасындағы сауда үшін табысты болды. Өткен жылдың қорытындысы бойынша Қытай Қазақстанның негізгі сауда серіктесіне айналды, тауар айналымы 30%-ға артып, $31,5 млрд құрады.
2023 жылы біздің елдеріміз арасындағы тауар айналымы 30% -ға артып, $31,5 млрд. құрады. Қазақстаннан Қытайға өнім экспорты 10%-ға артып, $14,7 млрд-қа жетті.
Қытай жағынан осы іс-шараны ұйымдастырудағы негізгі серіктес Шыңжаң өндірістік-құрылыс корпусының халықаралық сауда дамуына жәрдемдесу комитеті болды.
Қытайлық компаниялар қазақстандық өндірушілерге үлкен қызығушылық танытып, әрі қарай қарым-қатынастар мен ынтымақтастықты орнату туралы алдын ала келісімдерге қол жеткізілді.
Сауда миссиясының қорытындысы бойынша май өнімдері, кондитерлік өнімдер және басқа да азық-түлік өнімдерін жеткізу бойынша $22,8 млн сомаға экспорттық келісімшарттарға қол қойылды.
Сауда-экономикалық миссияға қатысушылардың пікірінше, қазақстандық және қытайлық компаниялардың кәсіпкерлерінің кездесуі өзара түсіністік пен серіктестіктің дәстүрлі жоғары деңгейін көрсетті. Бұл біздің елдеріміз арасындағы экономикалық байланыстарды одан әрі нығайтуға ықпал етеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
02.07.2024, 12:38 7411
Қазақстанда Орталық Азиядағы ең ірі электронды сауда тарату орталықтарының бірі ашылады
Достарға айту
Сауда және интеграция министрі Арман Шаққалиев пен YTO Express Co. басқарма төрағасыжәне негізін қалаушы Ю Вэйцзямен кездесуінде Орталық Азиядағы ең ірі электронды сауда тарату орталықтарының бірі Қазақстанда ашылатыны мәлім болды. Бұл орталық тауарларды жедел өңдеуді және олардың ЕО, ЕАЭО және Орталық Азия елдеріне жеткізілуін қамтамасыз етеді, деп хабарлайды ҚР Сауда және интеграция министрлігінің баспасөз қызметінен.
Интеллектуалдық IT-шешімдерді енгізу, логистикалық үдерістерді толық автоматтандыруға және жеткізілімдердің кедендік сүйемелдеуін қамтамасыз етуге мүмкіндік береді. Кездесу барысында тараптар электронды сауда және онымен байланысты салалардағы өзара тиімді ынтымақтастықтың келешегін талқылады.
Арман Шаққалиев Қазақстандағы электрондық сауда нарығы жыл сайын 20%-ға өсіп, қарқынды дамып келе жатқанын атап өтті.
Қытайдың электронды сауда нарығы өзінің ауқымымен таң қалдырады, онда сатылымдардың 70%-дан астамы онлайн жүзеге асырылады. Қазақстан өзінің тиімді географиялық орналасуымен халықаралық электронды сауданың негізгі транзиттік аймағына айналуға ұмтылады. Қазпоштамен бірлескен Қазақстанда тарату орталығын құру жобасы трансшекаралық сауданы дамытуға жаңа серпін береді", - деді Қазақстанның сауда министрі.
YTO Express Co. басқарма төрағасы Ю Вэйцзя бұл жобаның бүкіл өңірді қамтитын Орталық Азиядағы жалғыз жоба екенін атап өтті. Компания бірқатар елде тағы 5 тарату орталығын салуды жоспарлап отыр.
Өткен жылы біз Алматы әкімдігімен белсенді ынтымақтастықты бастадық. Бұл екі ел экономикасының дамуына жаңа серпін беретін ұзақ мерзімді жоба. Ынтымақтастық негізі үшін Қытайда Шанхай, Нанкин және Ухань қалаларында 3 бондтық қойма аштық. Бұл жоба бүкіл аймақты қамтитын Орталық Азиядағы жалғыз жоба. Осы тарату орталығынан басқа, біз АҚШ, Бразилия, Тайланд, Будапешт және Дубайда тағы 5 орталық салуды жоспарлап отырмыз", - деп хабарлады Ю Вэйцзя.
Қытай тарапы жобаны жақын арада іске асыруды көздеп отыр. Арман Шаққалиев Қазақстанның жоба аясында белсенді жұмысты жасауға дайын екенін айтты. Кездесу қорытындысы бойынша тараптар бірлескен іс-қимыл жоспарына қол қоюға келісті.
Бұл жоба өңірде экономикалық байланыстарды нығайту және халықаралық онлайн сауданы дамыту жолындағы маңызды қадам болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
02.07.2024, 12:35 7651
Қазақстан мен Қытай 'нергетика саласындағы бірлескен жобаларды талқылады
Достарға айту
Олжас Бектенов қытайлық CNPC компаниясының басшысы Дай Хоулянмен энергетика саласындағы бірлескен жобаларды талқылады, деп хабарлайды ҚР Премьер-министрінің баспасөз қызметінен.
Премьер-Министр Олжас Бектенов Қытай Халық Республикасы Төрағасының мемлекеттік сапары аясында Қазақстанға келген China National Petroleum Corporation (CNPC) Директорлар кеңесінің төрағасы Дай Хоулянмен кездесу өткізді.
Энергетика саласындағы инвестициялық ынтымақтастықты тереңдету мәселелері қаралды. Шымкент мұнай өңдеу зауытының өндірістік қуатын арттыру жөніндегі бірлескен жобаға ерекше назар аударылды. Кездесуге қатысушылар жобаның ағымдағы кезеңін талқылап, нысанды уақытылы пайдалануға беру үшін жаңғырту қарқынын жеделдету ниетін растады.
Шымкент МӨЗ-ін кеңейтуді ескере отырып, зауытты шикізаттың жеткілікті көлемімен қамтамасыз ету және Кеңқияқ - Атырау, Кеңқияқ - Құмкөл мұнай құбырларын кеңейту шаралары қаралды. Қазіргі уақытта қазақстандық және қытайлық сарапшылар қажетті есептер жүргізуде.
Кездесу барысында Олжас Бектенов пен Дай Хоулян "Бейнеу - Бозой - Шымкент" газ құбырының бірінші желісін салу және іске қосу бойынша табысты жүзеге асырылған бірлескен жобаны мысалға ала отырып, газ саласындағы ынтымақтастықты одан әрі арттыру перспективаларына тоқталды.
Үкімет басшысы бірлескен кәсіпорындар табысты әрі экономикалық жағынан тиімді екенін айтты. Сонымен қатар Премьер-Министр жергілікті тауар өндірушілермен және қызмет көрсетушілермен тығыз өзара іс-қимыл жасау арқылы жергілікті қамту үлесін кезең-кезеңімен ұлғайтудың маңыздылығын атап өтті.
Қазақстан да көптеген елдер секілді, елдің энергетикалық қауіпсіздігін қамтамасыз ету бойынша стратегиялық міндет қойып отыр. Ең алдымен, бұл - мұнай өңдеу қуаттарын құру және жаңғырту. Біз Шымкент мұнай өңдеу зауытының өндірістік қуатын арттыруға ерекше көңіл бөлеміз. Біздің барлық жобаларымызды іске асырудағы басымдықтардың бірі - жергілікті қамту мәселелері. Егер елімізде қажетті тауарлар немесе жабдықтар өндірілмесе, онда оларды жақын арада Қазақстан аумағында локализациялау мәселесін бірлесіп пысықтауды ұсынамыз", - деді Олжас Бектенов, Үкіметтің бірлескен жоспарларды іске асыруда ашық әрі сындарлы диалогқа дайын екендігін растай отырып.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
01.07.2024, 20:11 10246
QazaqGaz және "Шеврон" жаңа газ кен орындарында бірлесіп геологиялық барлау жүргізетін болады
Достарға айту
QazaqGaz" ҰК" АҚ және "Шеврон" корпорациясы, өзінің еншілес компаниясы "Шеврон Мұнайгаз Инк." (әрі қарай- "Шеврон") арқылы Ақтөбе облысы, Жаңажол және Ұрықтау кен орнына жақын орналасқан Жәлібек учаскесінде геологиялық барлау жұмыстарын жүргізу бойынша серіктестік орнату туралы келісімге қол қойды, деп хабарлайды "QazaqGaz" ҰК" АҚ баспасөз қызметінен.
QazaqGaz" ҰК" АҚ және "Шеврон" корпорациясы, өзінің еншілес компаниясы "Шеврон Мұнайгаз Инк." (әрі қарай- "Шеврон") арқылы Ақтөбе облысы, Жаңажол және Ұрықтау кен орнына жақын орналасқан Жәлібек учаскесінде геологиялық барлау жұмыстарын жүргізу бойынша серіктестік орнату туралы келісімге қол қойды.
Айта кетейік, бұл жоба бойынша соңғы бір жыл бойы келіссөздер жүргізіліп, техникалық дайындық жұмыстары жасалды. Бірінші кезеңде "Шеврон" қолда бар сейсмикалық мәліметтерді қайта өңдеп, техникалық түсіндірмелерді әзірлейді. Тараптар қол қойылған келісімді ауқымды серіктестіктің бастамасы ретінде қарастырып отыр.
Келісімге "QazaqGaz" ҰК АҚ басқарма төрағасы Санжар Жаркешов пен "Шеврон" компаниясының Еуразия бөлімшесінің басқарушы директоры Дерек Магнесc қол қойды. Іс-шара "Самұрық-Қазына" АҚ Басқарма төрағасы Нұрлан Жақыповтың қатысуымен өтті.
Біз Шеврон компаниясымен бірлесіп, жаңа газ кен орындарында жұмыс істей бастағанымызға қуаныштымыз. Жәлібек учаскесіндегі әлеуетті газ және газ конденсатты кен орындарын одан әрі геологиялық барлау және игеру, тауарлық газдың ресурстық базасын арттыруға және ел экономикасының дамуына ықпал етеді деп күтілуде. Мемлекет басшысының газ саласындағы геологиялық барлау жобаларын жеделдету жөніндегі тапсырмасын орындай отырып, еліміздің газ саласының әлеуеті халықаралық инвесторлар мен трансұлттық компанияларды қызықтырып отырғанын қуана хабарлаймыз", - деді Санжар Жаркешов.
Айта кетейік, жоба акционер "Самұрық-Қазына" АҚ және ҚР Энергетика Министрлігінің қолдауымен жүзеге асады.
Осындай маңызды газ жобасы аясында "QazaqGaz" ұлттық компаниясымен серіктестігімізді нығайтып жатқанымызға қуаныштымыз. Қазақстанмен стратегиялық серіктестік орнатқанымызға отыз жылдан астам уақыт өтті, және бұл келісім Қазақстанның энергетикалық потенциалының өсуіне жаңа мүмкіндіктер ашады. "Шеврон" компаниясы Қазақстанда газ саласын дамытудың маңыздылығын және онымен байланысты мүмкіндіктер мен перспективалардың мол екендігін түсінеді", - деп атап өтті Дерек Магнесс.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
27.06.2024, 20:29 31396
Ислам даму банкі Қазақстандағы инфрақұрылымдық жобаларды қолдауға шамамен $2 млрд бөледі
Достарға айту
OPEC халықаралық даму қоры ұйымдастырған форумда Қазақстан Республикасы Премьер-Министрінің орынбасары - ұлттық экономика министрі Нұрлан Байбазаров Араб координациялық тобына кіретін ислам даму институттарымен бірқатар екіжақты кездесулер өткізді. Сондай-ақ, Қазақстан Республикасының Үкіметі мен Ислам даму банкі арасындағы негіздемелік бағдарламалық келісімге қол қойды, деп хабарлайды Үкіметтің баспасөз қызметінен.
Келісім биыл су шаруашылығы және көлік салаларындағы инфрақұрылымдық жобаларды жүзеге асыру үшін ұзақмерзімді инвестициялар тарту туралы бұған дейін қол жеткізілген келісімдерді бекітті. Осы мақсатта Ислам даму банкі $2 млрд дейін қаржы бөледі.
Су ресурстары және ирригация министрлігі биыл қаржыландыруға дайын 16 жобаны дайындады. Олардың ішінде су қоймаларын, бөгеттерді, ирригациялық каналдарды, контрреттеушілерді және ілеспе инфрақұрылымды салу және реконструкциялау жобалары бар. Көлік министрлігі ұзындығы 500 шақырымнан астам республикалық маңызы бар автожолдарды реконструкциялау және салу бойынша 4 жобаны ұсынды.
Келісім табысты іске асыру және алға қойылған мақсаттарға қол жеткізу үшін бірлескен жобалардың орындалу барысына тұрақты консультациялар мен мониторинг жүргізуді көздейді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
27.06.2024, 19:44 31786
"Қазақстан - Қытай" форумында $629 млн-ға ынтымақтастық туралы келісімге қол қойылды
Достарға айту
ҚР Премьер-Министрінің орынбасары Серік Жұманғарин 26 маусымда Үрімші қаласында (ШҰАА, ҚХР) өткен "Қазақстан - Қытай" III аймақаралық форумына қатысты. Іс-шарада $629 млн-ға ынтымақтастық туралы бірқатар құжатқа қол қойылды, деп хабарлайды Үкіметтің баспасөз қызметінен.
Осы ірі диалог алаңында Қазақстан мен Қытай өңірлері арасындағы сауда-экономикалық, көлік, инвестициялық және мәдени-гуманитарлық ынтымақтастықтың өзекті мәселелері талқыланады. Форумға Қазақстанның 17 облысының, ірі компаниялары мен іскер топтарының және ҚХР-дың 27 өңірінің өкілдері қатысты.
Серік Жұманғарин іс-шараның ашылуында Қытай Қазақстанға инвестиция салу көлемі бойынша төртінші орында тұрғанын айтты.
Қазақстан мен Қытай арасында қарқынды аймақаралық өзара іс-қимыл жасауға барлық жағдай жасалған. Сонымен бірге инвестициялық ынтымақтастықтың жаңа мүмкіндіктері үшін үлкен әлеует бар", - деді вице-премьер.
Форум аясында $629,1 млн-ға 17 құжатқа қол қойылды. Олардың ішіндегі ең ірілері: Алматы облысы мен "TBEA" ААҚ арасында 10 қосалқы станса мен электр жеткізу желілерін салу және жаңарту, электр жабдықтарын өндіру зауытын салу туралы келісімдер, күнбағыс майын жеткізу бойынша үш келісімшарт, "Qazaq Camel" ЖШС мен Xinjang Huaken Dairy Group Co ltd арасында құрғақ түйе сүтін жеткізу туралы келісімшарттар және басқалары бар.
Сол күні Үрімшіде "Экспо Қытай - Еуразия" халықаралық көрмесі өз жұмысын бастады. Бұл нарыққа бағытталған сегізінші кәсіби бренд көрмесі. Оның ашылуына Өзбекстан мен Қырғызстан үкіметтерінің басшылары, Қазақстан мен Тәжікстан Премьер-Министрлерінің орынбасарлары қатысты.
Серік Жұманғарин көрменің ашылуындағы алғы сөзінде Қытай мен Қазақстан арасындағы қарым-қатынастардың "алтын 30 жылдығының" жаңа парағы жаңа амбициялық мақсаттар қойып отырғанын атап өтті. Олардың бірі - өзара тауар айналымын $100 млрд дейін жеткізу.
260 шаршы метрлік қазақстандық павильон "ЭКСПО Қытай - Еуразия" көрмесінде қонақтар павильондары арасындағы ең ірісі болды. Мұнда 42 отандық компанияның экспорттық тауарлары орналастырылған. Біздің еліміз негізінен азық-түлік өнімдерін ұсынды. Қазақстандық павильонның ұйымдастырушысы Qaztrade сауда саясатын дамыту орталығы болды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ең көп оқылғаны
03.07.2024, 11:48Үкімет су тасқынынан кейін бизнестің мүлік шығындарын өтеуге 12 млрд теңге бөлді 03.07.2024, 16:31 1856Атырауда алғашқы жүк вагондары шығарылды03.07.2024, 12:23 1646Қазақ-қытай қатынастары бұрын-соңды болмаған қарқынмен дамып келеді - Тоқаев03.07.2024, 16:59 1006Қазақстан мен Индонезия арасындағы мәдени ынтымақтастық перспективалары талқыланды03.07.2024, 11:30 911Путин ШЫҰ саммитіне қатысу үшін Астанаға келді
27.06.2024, 20:26 102116Кіші Аралдың жағдайы тексеріліп, суды үнемдеу және экология мәселесі қолға алынады27.06.2024, 20:18 98346Еңбекминінің қарамағына мемлекеттік еңбек инспекциясын беру туралы заңға енгізілетін түзетулер мақұлданды27.06.2024, 20:15 97191Риддер қаласына жаңа әкім тағайындалды28.06.2024, 17:05 82181Өзін-өзі жұмыспен қамтығандар үшін бірыңғай және ең төменгі 4% төлеммен жаңа жеңілдікті режим енгізу ұсынылады28.06.2024, 11:45 80891Президент БАҚ қызметкерлерін кәсіби мерекелерімен құттықтады
07.06.2024, 12:50 120826100-ге жуық құрылыс нысанын бұзуға қатысты талап арызды алматылық сот қарайды07.06.2024, 12:43 120816Корея Республикасының Президенті Юн Сок Ёль Қазақстанға мемлекеттік сапармен келеді21.06.2024, 16:04 112256Ақтөбеде жалған діни пансионаттар жабылды20.06.2024, 16:29 111401Мемлекет басшысы АӨСШК бас хатшысы Қайрат Сарыбайды қабылдады21.06.2024, 15:50 110866500 млрд-қа жуық тиімсіз пайдаланылған қаражат: парламент Үкіметтің 2023 жылғы республикалық бюджеттің атқарылуы туралы есептерін бекітті