500 млрд-қа жуық тиімсіз пайдаланылған қаражат: парламент Үкіметтің 2023 жылғы республикалық бюджеттің атқарылуы туралы есептерін бекітті

Өзін-өзі жұмыспен қамтығандар үшін бірыңғай және ең төменгі 4% төлеммен жаңа жеңілдікті режим енгізу ұсынылады, деп хабарлайды ҚР Экономика министрлігінің баспасөз қызметінен. Бірыңғай төлем зейнетақы жарналары, әлеуметтік аударымдар мен МӘМС жарналарын қамтитын болады. Бірыңғай төлемді қосымша арқылы немесе салық агенті (платформа) арқылы дербес төлеуге болады. Шекті кіріс - айына 340 АЕК-тен аспайды (1,25 млн. теңге).

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Жоғарғы Сот прокурордың мемлекетке 263 млн теңгеден астам ақшаны қайтару туралы кассациялық өтінішхатын қанағаттандырды, деп хабарлайды Шымкент қаласының прокуратурасының баспасөз қызметінен. Шымкент қаласының МАӘС шешімімен "Teмір-Металл оптом" ЖШС-ның (бұдан әрі- ЖШС) салықтық тексеру актісін және тексеру нәтижесі туралы хабарламаны жою туралы әкімшілік талабы қанағаттандырудан бас тартылған. Мемлекеттік кірістер департаменті салықтарды және бюджетке төленетін басқа да міндетті төлемдерді дұрыс есептеу және уақтылы төлеу мәселесі бойынша ЖШС қатысты салықтық құжаттамалық тексеру тағайындаған. Тексеру қорытындысы бойынша хабарлама беріліп, оған сәйкес қосымша 263 млн теңге есептелген. Департаменттің хабарламасы ЖШС ресми құжат айналымы арқылы сенімсіз жеткізушілермен мәмілелер бойынша шығыстары салық салынатын табыстан шегерімге жатқызылатындығына негізделген. ЖШС бұл сот шешімімен келіспей, апелляциялық сотқа шағым түсірген. Шымкент қалалық сотының әкімшілік істер жөніндегі сот алқасының қаулысымен талап қоюды қанағаттандыру туралы жаңа шешім шығарыла отырып, бірінші сатыдағы сот шешімінің күші жойылған. Апелляциялық сатыдағы соттың материалдық құқық нормаларын дұрыс қолданбауына байланысты қала прокуратурасы кассациялық өтінішхат енгізіп, мемлекеттің мүддесін қорғады.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Алдағы жылыту маусымына дайындық аясында Премьер-Министр Олжас Бектенов Қызылорда облысында жаңа ЖЭО құрылысының барысымен танысты, деп хабарлайды Үкіметтің баспасөз қызметінен. Сондай-ақ алдағы уақытта шыны кластері құрылатын табақ шыны өндіретін инвестициялық жобаға барып, Мемлекет басшысының өңдеу өнеркәсібінің үлесін ұлғайту жөніндегі тапсырмасының орындалуын тексерді. Өңір тұрғындарын 1964 жылы пайдалануға берілген ЖЭО жылумен қамтамасыз етіп отыр. Бүгінгі таңда жабдықтың тозуы 75%-ды құрайды. Орталықтандырылған жылумен жабдықтау жүйесіне 2 949 нысан, оның ішінде 808 көппәтерлі үй қосылған. Биыл осы объектілерді ыстық сумен қамтамасыз ету үшін Президент қойған міндетті іске асыру шеңберінде Үкімет резервінен 11 млрд теңге, қалалық қазандықтарды жөндеуге тағы 2 млрд теңге бөлінді. Сонымен қатар жылу желілерін жаңғыртуға республикалық бюджеттен 6 млрд теңге бағытталды. Қабылданып жатқан шаралар жылу трассаларының тозуын 42%-ға дейін төмендетуге мүмкіндік береді. Сондай-ақ Премьер-Министрге жылу қуаты сағатына 277 Гкал болатын жаңа ЖЭО құрылысының қарқыны туралы баяндалды. Қазіргі уақытта жер қазу жұмыстары аяқталды, жабдықты орнатуға негіз қалануда - алаңға 600-ге жуық адам және 60 бірлік техника жұмылдырылды. Құрылыс жұмыстары жоспарға сәйкес жүріп жатыр. Нысанды 2025 жылы пайдалануға беру жоспарланған. Қазіргі таңда инвестор жобаны іске асыруға 70 млрд теңгеден астам инвестиция салды. Олжас Бектенов ел экономикасының белсенді дамуына және өнеркәсіптік кәсіпорындардың іске қосылуына байланысты қосымша энергия қуаты қажет екенін атап өтті. "Жаңа ЖЭО құрылысы Мемлекет басшысының ерекше бақылауында. Оның іске қосылуы оңтүстік өңірлердегі электр энергиясының жүктемесін тұрақтандыруға және тұтастай алғанда еліміздің энергетикалық қауіпсіздігін нығайтуға оң әсерін тигізеді", - деп атап өтті Премьер-Министр. Қызылорда облысының әкімдігіне газ жеткізуші құбыр мен ЖЭО құрылысын уақытылы аяқтау, сондай-ақ барлық объектілердің жылу беру маусымына дайындығын қамтамасыз ету жөнінде тапсырма берілді. Қызылорда облысы өңдеу өнеркәсібінде өндірілген өнім көрсеткішінің өсу қарқыны бойынша көш бастап тұр. Облыс әкімінің орынбасары Ардақ Зебешев Премьер-Министрге өңірдегі өнеркәсіптің дамуы туралы баяндады. 2024 жылдың 5 айында экономиканың осы секторы 6,3% өсім көрсетті, инвестициялар көлемі 40%-ға өсті, оның 80% - жеке салымдар. 2024-2028 жылдар аралығында 8,4 мың жұмыс орнын құрумен жалпы сомасы 1,1 трлн теңгеге 76 жобаны іске асыру көзделген. Осы жылдың өзінде 32,4 млрд теңге сомасына 15 жоба іске қосылмақ. Шыны зауытының іске қосылуы дамуға айрықша серпін берді, онда қазіргі таңда шыны кластерін құру жұмыстары басталды. Кәсіпорын жұмыс істеген уақыт ішінде 27,3 млрд теңге сомасына 20,8 млн м2 шыны өндірілді. Бүгінде кәсіпорын $15 млн көлеміндегі өз қаражатына қуаты жылына 5 млн м2 болатын энергия үнемдейтін шыны шығаратын жаңа желіні іске қосты. Олжас Бектенов Қазақстан экономикасы үшін маңызды жобаларға қаражат салуға дайын инвесторларға қолдау көрсету қажеттігін атап өтті. Жұмыс сапары аясында жол-көлік инфрақұрылымын дамыту мәселесіне назар аударылды. Атап айтқанда, "Қызылорда - Жезқазған", "Қызылорда - Үшқұдық" автомобиль жолдарын салу және "Қызылорда - Ақтөбе" автомагистралін реконструкциялау жобалары бар. Көлік министрлігіне қажетті жұмыстарды жүргізуге және жобаларды уақытылы аяқтауға тиісті құжаттарды ресімдеу жөнінде тапсырмалар берілді.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Астана қаласында жүзеге асып жатқан "Jol Tap" жобасы іспетті жұмыспен қамту жобасы еліміздің бірнеше өңірінде қолға алынды, деп хабарлайды Үкіметтің баспасөз қызметінен. Оның аясында мемлекеттік қолдау шаралары бойынша консультациялар жүргізіледі, сондай-ақ тегін қысқа мерзімді оқыту курстары ұсынылады және жұмыссыздар немесе уақытша жұмыспен қамтылған азаматтар жұмысқа орналастырылады. Жобаның негізгі ерекшелігі - мамандар азаматтардың келуін күтпей, керісінше, сауда орталықтары секілді адам көп жүретін жерлерге шығып, кеңес береді. Бұл бағытта өңірлерде атқарылып жатқан шаралар ҚР Премьер-Министрінің орынбасары Тамара Дүйсенованың төрағалығымен өткен кеңесте талқыланды. Қарағанды облысында жоба 25 маусымнан бастап жүзеге асуда. 4 кеңес беру пункті ашылды. 3-еуі облыс орталығында, 1-і Теміртау қаласында орналасқан. Мұнда арнайы оқытылған 8 маман қызмет көрсетеді. "Жоба шеңберінде 15 маусымда комьюнити-орталық ашылды. Мұнда жастар үшін дыбыс және подакст жазу студиялары жұмыс істейтін болады. Яғни, оларға креативті өнім шығаруға қатысты тренингтер ұйымдастырылып, дағдыларды игеруге мүмкіндік беріледі. Біз, сондай-ақ, көмекке жүгінген азаматтарға 5 колледж базасында қысқа мерзімді оқу курстарын ұсынып отырмыз. 1 тамыздан бастап, меңгеретін мамандықтардың күрделілігіне қарай ұзақтығы 5-30 күн аралығындағы курстар ұйымдастырылады. Соңында сертификат табысталып, жұмысқа орналастырылады", - деді облыс әкімінің орынбасары Ермек Алпысов. Сонымен қатар өңірде 60-50-50 нөмірлі байланыс орталығы да жұмыс істеуде. Қолданушылар ыңғайлылығы үшін Телеграм-арна іске қосылды. Алматы жобасы аясында құрылған Telegram-бот өзіндік ақпараттық жүйе іспетті. Мұнда жазған азаматқа бірден бос жұмыс орындары мен тегін онлайн-курстар тізбесі ұсынылады. Ол үшін бот "jasalmaty.kz" жастар порталымен интеграцияланған. Қызметтер азаматтарға проактивті режимде ұсынылады. "Біз Астанада жүзеге асып жатқан "Jol Tap" негізінде жұмыс істеуді ұйғардық. Алайда, Алматы ерекшеліктерін ескере отырып, бірқатар талапты өзгерттік. Қаладағы 8 комьюнити-орталықта кеңес беру нүктелері ашылды. Оған қосымша ірі сауда орталықтары ішінен 3 пункт ұйымдастырылды. Жобаны толығымен 1 шілдеден бастап жүзеге асыруға дайынбыз", - деді қалалық жұмыспен қамту және әлеуметтік бағдарламалар басқармасының басшысы Бауыржан Жаубасов. Шымкентте жоба 25 мамырдан бастап жүзеге асырылып жатыр. Осы уақыт аралығында 10 кеңес беру пунктінде 183 азамат түсіндіру жұмыстарымен қамтылды. Қала әкімінің орынбасары Сәрсен Құранбектің сөзінше, олардың біразы әлеуметтік көмек алушылар тізіміне тіркелсе, енді бірі тұрғын үй кезегіне қойылды. Бірқатар азамат кәсіптік оқыту шараларымен қамтылды. Ақтөбе облысында жоба арқылы жұмысқа орналастырудың 2 нұсқасы жүзеге асырылмақ. Облыстың жастар саясаты басқармасының басшысы Мирхан Ермағанбетовтің сөзінше, бүгінде өңірдегі шағын және орта бизнес өкілдерімен келіссөздер жүргізілген. Нәтижесінде 40 кәсіпкер жобаға қатысушылар үшін шеберлік сағаттарын өткізіп, кейін оларды жұмысқа орналастыруға келіскен. "Сондай-ақ біз индустриалды даму басқармасы арқылы өнеркәсіп орындарындағы вакансияларды ұсынбақпыз. Қазіргі таңда алдын ала келісім бар. Бұл ретте еңбек мобильділігі орталығының мүмкіндіктерін пайдалану көзделіп отыр", - деді Мирхан Ермағанбетов. Өңірде жоба 15 шілдеден бастап жүзеге асырылмақ. Оның шеңберінде облыс орталығының халық көп шоғырланған аумақтарында 5 модульді пункт орнату қарастырылған. "Жоба әр өңірдің өз ерекшеліктеріне қарай жүзеге асырылып келеді. Дегенмен, оң тәжірибелермен өзара алмасу қажет деп ойлаймын. Ең негізгі мақсат - азаматтарды жұмыспен қамту. Бұл ретте барлық мүмкіндіктерді пайдалануымыз керек", - деп атап өтті Тамара Дүйсенова.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Мемлекет басшысы Қасым-Жомарт Тоқаевтың бұқаралық ақпарат құралдары қызметкерлерінің күнімен құттықтады, деп хабарлайды Ақорданың баспасөз қызметінен. Президент, еліміздің бұқаралық ақпарат құралдары қоғам санасын жаңғыртып, ұлт тұтастығын нығайту жолында айрықша рөл атқарады. Баспасөз саласын дамыту, сондай-ақ журналистердің құқықтары мен заңды мүдделерін қорғау - мемлекеттің маңызды міндетінің бірі екенін атап өтті. "Қазақ журналистикасының тағылымды тарихы, аға буын қалыптастырған ерекше қолтаңбасы бар. Біз оның бай шежіресі мен ағартушылық дәстүрін барынша сақтауымыз қажет. Бүгінгі ақпарат саласының өкілдері осы сабақтастықты лайықты жалғастырып, өзіне жүктелген жауапты миссияны абыроймен атқарып келеді. Сіздер қай кезде де халыққа шынайы әрі жедел хабар таратып, кәсіби біліктіліктің озық үлгісін көрсетіп жүрсіздер. Болашақта да елдік мәселелерді көтеріп, ұлттық құндылықтарды насихаттауға белсене атсалыса бересіздер деп сенемін. Баршаңызға бақ-береке, толағай табыс, шығармашылық шабыт тілеймін!", деді президент өз құттықтауында.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Мемлекет басшысы су үнемдеу технологияларын енгізуді жеделдетуді тапсырды. Сырдария өзеніндегі су тапшылығын ескере отырып, жер асты суларын ұтымды пайдалану мақсатында Су ресурстары және ирригация министрлігіне жер асты көздеріне зерттеу жүргізуді тапсырамын", - деді Олжас Бектенов.

Ертіс ӘКК" АҚ Басқарма төрағасының орынбасары қызметін атқарған. 2020 жылдың сәуір айынан бастап Шығыс Қазақстан облысының Қаржы басқармасын басқарды. 2023 жылдың сәуір айында Шығыс Қазақстан облысы Ұлан ауданының әкімі лауазымына тағайындалған.