Инфрақұрылым мүмкіндік бермейді: ҚМГ неге авиаотын өндірмейтін мәлім етті
Сурет: freepik.com
ҚазМұнайГаз" ҰК АҚ-ның мұнай өңдеу зауыттары - Атырау МӨЗ, Павлодар МХЗ және Шымкент МӨЗ (ПҚОП) 2018 жылы жүргізілген жаңғырту жұмыстарынан кейін ASTM халықаралық стандартына сай Jet-А1 маркалы авиаотын шығаруға дайын, деп хабарлайды ҚМГ компаниясының баспасөз қызметінен.
Кәсіпорындарда кешенді техникалық аудит өтті, солардың бірін әлемдегі жетекші "SkyTanking" компаниясы орындады. Өндіріс технологиялары бекітілді және отынды толық сертификаттау үшін қажетті жабдық сатып алынды.
Сонымен қатар, қазақстандық әуежайлар мен көліктік-логистикалық сегменттердегі инфрақұрылымның қазіргі жағдайы авиаотынның бұл түрін өндіруге мүмкіндік бермейді. Jet-A1 өндірісіне толық көшу үшін мұнай өңдеу зауытынан шыққаннан бастап халықаралық стандарт бойынша аккредитациядан өткен ұшақ қанатына дейінгі барлық айналым тізбегі дайын болуы тиіс. Отын сақтау жүйесінде бір мезетте бірнеше отын түрін пайдалануға жол жоқ. Жанармай жүйесін тазарту қажет және/ немесе бөлек резервуар пайдаланған жөн. Сондай-ақ әуежай зертханаларында халықаралық стандарттар бойынша отын қабылдауға арналған жабдық орнатылуы тиіс", деп мәлім етті ҚМГ.
ҚазМұнайГаз" ҰК АҚ еншілес ұйымы - ҚМГ Аэро 2018 жылы шетел серіктестерін тарта отырып, отын инфрақұрылымының дайындығын, сонымен бірге Jet-A1 отынына көшу үшін талаптардың қаншалықты орындалғанын тексерді. Осы саладағы жетекші әлемдік компаниялармен келісімдерге қол қойылды. Аталмыш құжаттар отандық әуежайларды дайындау бойынша бірлескен іс-қимылды көздейді.
Әуе айлақтарының инфрақұрылымын жетілдіру жөніндегі жұмысты уәкілетті мемлекеттік органдардың, әуежай иелерінің және басқа да мүдделі тараптардың қатысуымен кешенді түрде жүргізу қажет.
Жалпы, отандық әуе компаниялардың халықаралық ұйымдармен бірлесе отырып, Jet-А1-ге көшу жөніндегі жоспары қазақстандық әуежайларды жаңғыртуға, бейімдеу процестерін жеделдетуге және ҚМГ-нің мұнай өңдеу зауыттарында осы авиаотын түрін өндіруді бастауға жол ашады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
"Самұрық-Қазына" АҚ басқарма төрағасы мен Doosan Enerbility басшысының энергетика саласындағы серіктестік мәселелерін талқылады
Сеулде "Самұрық-Қазына" АҚ басқарма төрағасы Нұрлан Жақыпов пен Doosan Enerbility басшысының кездесуі өтті, деп хабарлайды АҚ баспасөз қызметінен.
Тараптар энергетика саласындағы серіктестік мәселелерін талқылады.
Қор мен Doosan Enerbility тұрақты даму және энергия өндіру саласында сәтті жұмыс істеп келеді:
2020 жылы компания Атырау облысында қуаты 310 МВт болатын "Газ турбиналық электр станциясы" жобасын жүзеге асырды.
Қазір Doosan Enerbility Түркістан облысында қуаты 1000 МВт болатын бу-газды электр станциясын салу жобасына қатысуда.
Маусымда Оңтүстік Корея президентінің Қазақстанға ресми сапары барысында, "Самұрық-Қазына" тобы Doosan Enerbility компаниясымен екі құжатқа қол қойды:
Қазақстанда аралас циклді және жылу мен электр энергиясын біріктіріп өндірудің газ турбиналық қондырғыларын орнату жобалары бойынша серіктестікті дамыту туралы келісім ("Самұрық-Қазына" АҚ - Doosan Enerbility)
Түтінді газдарды тазарту жөніндегі инвестициялық жобалар бойынша серіктестік орнату мүмкіндігі туралы меморандум ("Самұрық-Энерго" АҚ - Doosan Enerbility - KEPCO Plant Service and Engineering).
Сонымен қатар, Сеулде қазақстандық делегация Doosan Enerbility компаниясының нысаны - Gimpo аралас циклді электр станциясына барды.
Doosan Enerbility - Оңтүстік Кореяның ірі корпорацияларының бірі. Негізгі қызметі - ірі инфрақұрылымдық және өнеркәсіптік нысандардың құрылысы мен инженерлік қызметтері, энергетикалық жабдықтар мен су тұщыту және сумен қамтамасыз ету жүйелеріне арналған құрылғыларды өндіру және жеткізу.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанның бастамасымен ЕАЭО техрегламентінің табиғи газды тасымалдауға қатысты нормаларының мерзімі ұзартылады
Онлайн форматта өткен ЕЭК Кеңесіне қатысушылар ЕАЭО техникалық регламентінің "Тасымалдауға және пайдалануға дайындалған жанғыш табиғи газдың қауіпсіздігі туралы" өтпелі ережелерінің мерзімін ұзартуды мақұлдады, деп хабарлайды Қазақстан Республикасы Премьер-Министрінің баспасөз қызметінен.
Кеңес отырысында ұсынысты вице-премьер Серік Жұманғарин бастаған қазақстандық тарап көтерді. 2018 жылы қабылданған техникалық регламент нормалары 2025 жылдың 1 қаңтарға дейін өтпелі кезеңді белгілеген табиғи газды сәйкестігін бағалаусыз және таңбалаусыз өндіру және айналымға шығаруға белгіледі.
Теңізшевройл" ЖШС өндірген табиғи газды техникалық регламент талаптарына сәйкестендіру үшін кәсіпорынға жеткілікті уақыт пен көп капиталды керек ететін салымдар қажет. Бұл қолданыстағы зауыт жабдықтарына елеулі өзгерістер енгізу қажеттiлiгiне байланысты. Жұмыстар жоспарлы күрделі жөндеу кезеңінде ғана жүргізілуі мүмкін, оның жалпы ұзақтығы шамамен 10 жыл болады. Сонымен қатар Теңіз кен орнының аумағында қуаты 9,1 млрд м3 құрғақ газды өңдейтін газды сепарациялау кешенінің құрылысы жобасы іске асырылуда. Аталған зауыттың өнімі табиғи газды тасымалдау қауіпсіздігі бойынша ЕАЭО техникалық регламент талаптарына сай болады.
Өтпелі ережелер мерзімін 2030 жылға дейін ұзарту туралы шешімді ЕЭК Алқасы қабылдайды. Бұл шешім "Теңізшевройл" ЖШС-ның үздіксіз қызметін қамтамасыз етеді және елдің экономикасы мен энергетикалық қауіпсіздігі үшін маңызы зор.
ЕЭК Кеңесінің отырысында қайтаруға жататын электрондық сауда тауарларын сәйкестендіру тәртібі де мақұлданды. Тәртіп тауарға немесе таңбалауға арнайы штрих-код қою рәсімдерін қарастырады, соның арқасында ол электронды сауда операторының ақпараттық жүйесінде сәйкестендіріледі. Сондай-ақ кеден ісінде электрондық сауда операторы мәртебесіне операторлар тізіліміне енгізу үшін үміткердің кемінде Є500 мың салу керектігі туралы шешім қабылданды. Электронды сауда операторының функцияларына электронды сауда тауарларын тасымалдауға, сақтауға және декларациялауға байланысты әртүрлі кедендік операцияларды орындау кіреді.
ЕЭК Кеңесі биологиялық белсенді қоспаларға, сыра және сыра сусындарына таңбалау енгізу туралы шешім қабылдады. Таңбалаудың енгізілу күні мен тәртібін ЕАЭО мүше мемлекеттер өздері анықтауы тиіс.
Белгілі болғандай, таңбалау тұтынушыларға тауардың айналымда заңды екенін тексеруге және ол туралы барлық қажетті ақпаратты алуға мүмкіндік береді. Сонымен қатар таңбалау мемлекеттік органдарға тауар қозғалысы туралы сенімді ақпарат алуға мүмкіндік береді, бұл өнімдердің заңсыз айналымының көлемін азайтуға жағдай жасайды. Бұдан басқа, салық жинау көрсеткіштері мен нарықтың ашықтығы артады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ҚР және ҚХР темір жолдарының басшылары темір жолдарының өткізу қабілетін арттыруды талқылады
Сианда (ҚХР) Қазақстан мен Қытай темір жолдары басшылығының жұмыс кездесуі өтті, деп хабарлайды "Қазақстан темір жолы" ҰК" АҚ баспасөз қызметінен.
Екі ел теміржол жүйелерінің өзара іс-қимылы ҚР мен ҚХР экономикалық ынтымақтастығын дамыту үшін стратегиялық болып табылатыны атап өтілді.
Соңғы жылдары Қазақстан мен Қытай арасында жүктерді тасымалдау көлемінің тұрақты өсуі байқалады. 2023 жылы тасымалдау көлемі рекордтық 28,3 млн. тоннаға жетті.
Күн тәртібінде ТХКБ бойынша өсіп келе жатқан жүк ағынының тұрақты өтуін қамтамасыз ету, халықаралық қатынаста ҚТЖ мен Қытай темір жолдары арасында деректер алмасу сапасын арттыру, контейнерлік пойыздардың өтпелі кесте бойынша қауіпсіз және тұрақты жүруін қамтамасыз ету мәселелеріне ерекше назар аударылды.
Сондай-ақ, алдағы екі жылда ҚТЖ мен Қытай темір жолдарының өткізу қабілеті мен тасымалдау көлемін едәуір арттыруға мүмкіндік беретін ірі инфрақұрылымдық жобаларды аяқтайтыны атап өтілді.
Жалпы, кездесу қорытындысы бойынша екі тарап тасымалдардың тұрақты өсуін одан әрі бірлесіп нығайтуға сенім білдірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Транскаспий халықаралық көлік бағдары бойынша транзит 20 есе өсті
Транскаспий халықаралық көлік бағдары бойынша транзит 20 есе өсті, деп хабарлайды "Қазақстан темір жолы" ҰК" АҚ баспасөз қызметінен.
Сианда (ҚХР) Транскаспий халықаралық көлік бағдары бойынша Қытай - Еуропа контейнерлік пойызы (Сиань - Алтынкөл - Ақтау - Баку - Поти - Бургас - Белград - Гамбург/Дуйсбург/Будапешт) салтанатты түрде жөнелтілді.
Іс-шараға ҚТЖ, Қытай, Әзірбайжан, Грузия теміржол әкімшіліктерінің, Шэньси провинциясының, Сиань қаласының партия комитеті мен үкіметінің басшылығы және т.б. қатысты.
Сиандағы Қазақстан-Қытай терминалында құрылған 55 40 футтық контейнер құрамына жүктелген жүкті Будапештке жеткізеді. Пойыз 8-11 күнде Бакуге дейін шамамен 7 мың шақырымды жүріп өтеді. Ол Будапешттегі соңғы нүктеге 25 күнде жетеді.
Жеткізу мерзімдерін қысқарту және сервисті жаңа деңгейде ұсыну ТХКБ-ның қатысушы елдері теміржол және порт әкімшіліктерінің жемісті ынтымақтастығы арқасында мүмкін болды.
Ағымдағы жылдың 8 айында ТХКБ бойынша транзит 20 есе өсті, маршрут бойынша 200 пойыз жүріп өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.