20.09.2024, 16:16 416
Транскаспий халықаралық көлік бағдары бойынша транзит 20 есе өсті
Достарға айту
Транскаспий халықаралық көлік бағдары бойынша транзит 20 есе өсті, деп хабарлайды "Қазақстан темір жолы" ҰК" АҚ баспасөз қызметінен.
Сианда (ҚХР) Транскаспий халықаралық көлік бағдары бойынша Қытай - Еуропа контейнерлік пойызы (Сиань - Алтынкөл - Ақтау - Баку - Поти - Бургас - Белград - Гамбург/Дуйсбург/Будапешт) салтанатты түрде жөнелтілді.
Іс-шараға ҚТЖ, Қытай, Әзірбайжан, Грузия теміржол әкімшіліктерінің, Шэньси провинциясының, Сиань қаласының партия комитеті мен үкіметінің басшылығы және т.б. қатысты.
Сиандағы Қазақстан-Қытай терминалында құрылған 55 40 футтық контейнер құрамына жүктелген жүкті Будапештке жеткізеді. Пойыз 8-11 күнде Бакуге дейін шамамен 7 мың шақырымды жүріп өтеді. Ол Будапешттегі соңғы нүктеге 25 күнде жетеді.
Жеткізу мерзімдерін қысқарту және сервисті жаңа деңгейде ұсыну ТХКБ-ның қатысушы елдері теміржол және порт әкімшіліктерінің жемісті ынтымақтастығы арқасында мүмкін болды.
Ағымдағы жылдың 8 айында ТХКБ бойынша транзит 20 есе өсті, маршрут бойынша 200 пойыз жүріп өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
20.09.2024, 16:21 366
ҚР және ҚХР темір жолдарының басшылары темір жолдарының өткізу қабілетін арттыруды талқылады
Достарға айту
Сианда (ҚХР) Қазақстан мен Қытай темір жолдары басшылығының жұмыс кездесуі өтті, деп хабарлайды "Қазақстан темір жолы" ҰК" АҚ баспасөз қызметінен.
Екі ел теміржол жүйелерінің өзара іс-қимылы ҚР мен ҚХР экономикалық ынтымақтастығын дамыту үшін стратегиялық болып табылатыны атап өтілді.
Соңғы жылдары Қазақстан мен Қытай арасында жүктерді тасымалдау көлемінің тұрақты өсуі байқалады. 2023 жылы тасымалдау көлемі рекордтық 28,3 млн. тоннаға жетті.
Күн тәртібінде ТХКБ бойынша өсіп келе жатқан жүк ағынының тұрақты өтуін қамтамасыз ету, халықаралық қатынаста ҚТЖ мен Қытай темір жолдары арасында деректер алмасу сапасын арттыру, контейнерлік пойыздардың өтпелі кесте бойынша қауіпсіз және тұрақты жүруін қамтамасыз ету мәселелеріне ерекше назар аударылды.
Сондай-ақ, алдағы екі жылда ҚТЖ мен Қытай темір жолдарының өткізу қабілеті мен тасымалдау көлемін едәуір арттыруға мүмкіндік беретін ірі инфрақұрылымдық жобаларды аяқтайтыны атап өтілді.
Жалпы, кездесу қорытындысы бойынша екі тарап тасымалдардың тұрақты өсуін одан әрі бірлесіп нығайтуға сенім білдірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
19.09.2024, 14:51 5851
Қазақстан мен Грузия - Транскаспий халықаралық көлік бағытын дамыту аясында белсенді ынтымақтастықта
Достарға айту
Қазақстан Премьер-Министрі Олжас Бектенов Сауда-экономикалық ынтымақтастық жөніндегі Қазақстан-Грузия үкіметаралық комиссиясының 12-ші отырысына қатысу үшін Астанаға келген Грузияның бірінші вице-премьері - экономика және орнықты даму министрі Леван Давиташвилимен кездесті, деп хабарлайды Үкіметтің баспасөз қызметінен.
Көлік және логистика, АӨК, энергетика, туризм, авиация өнеркәсібі салаларындағы өзара іс-қимыл, сондай-ақ мәдени-гуманитарлық байланыстарды нығайту мәселелері қаралды.
Грузия - Қазақстанның Оңтүстік Кавказдағы маңызды әрі сенімді серіктесі. Биыл бірінші тоқсанда грузин инвесторлары Қазақстан экономикасына $88,5 млн инвестиция құйды, жалпы 10 жыл ішінде инвестиция көлемі $500 млн-нан асты.
Тараптар транзиттік-көлік секторындағы перспективаларға назар аударды. Екі елдің аумағы арқылы Еуропадан Қытайға және Оңтүстік-Шығыс Азияға апаратын ең қысқа жолдар - ірі трансконтиненттік көлік дәліздері өтеді.
Қазақстан мен Грузия - Транскаспий халықаралық көлік бағытын дамыту аясында белсенді ынтымақтастықта. Аталған бағыт бойынша жүктерді ауыстырып тиеу өткен жылы 65%-ға, биылғы 8 айда 69%-ға өсіп, 2,9 млн тоннаға жетті. Мемлекет басшысы Орта дәлізді дамытуға үлкен көңіл бөліп отыр, біз бұл бағыт бойынша тасымал көлемін 10 млн тоннаға дейін жеткізуді көздеп отырмыз. Ол үшін Үкімет транзит жағдайын жақсарту бойынша дәйекті шаралар қабылдауда", - деп атап өтті Олжас Бектенов.
ҚР Премьер-Министрі бәсекеге қабілетті тарифтік шарттарды белгілеу, жеткізу мерзімдерін қысқарту және ТХКБ бойынша, оның ішінде Баку - Тбилиси - Карс желісі арқылы тасымалдау көлемін ұлғайту жөніндегі бірлескен жұмысты жалғастырудың маңызды екенін баса айтты. Сонымен қатар көлік дәлізін белсенді түрде цифрландыру қажеттігі анықталды, бұл аталған бағыттың халықаралық тасымалдаушылар үшін тартымдылығын арттырады.
Өз кезегінде Леван Давиташвили Қазақстанмен ынтымақтастықты нығайтуға қызығушылық танытып, бұл ретте екіжақты қатынастарды дамытуға жаңа серпін беруге арналған Үкіметаралық комиссияның ерекше рөлін атап өтті.
Кездесуге қатысушылар сауда-экономикалық әріптестіктің қарқынды дамуын қамтамасыз ету үшін көпжоспарлы жұмысты жалғастыру ниетін растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
19.09.2024, 14:25 6081
Алматыда құйылған модификацияланған бетон өндіретін жаңа зауыт ашылды
Достарға айту
Алматы қаласының Жетісу ауданында "ЛМБ 2022" құйылған модификацияланған бетон өндіру зауыты жұмысын бастады, деп хабарлайды Алматы қаласы әкімдігінің баспасөз қызметінен.
Кәсіпорынның технологиялары күрделі архитектуралық формадағы құрылымдарды толтыруға мүмкіндік береді. Құйылған модификацияланған бетонды монолитті құрылыстарды салу кезінде де, одан бұйымдар жасау кезінде де қолдануға болады.
Біздің ауданда 174 ірі және орта кәсіпорын жұмыс істейді. 2024 жылдың бірінші жартыжылдығында өнеркәсіп өнімін өндіру көлемі 174 млрд теңгені құрады. Айтпақшы, бұл көрсеткіш өткен жылдың сәйкес кезеңімен салыстырғанда 5% - ға өсті. Және жаңа кәсіпорынның пайда болуының арқасында арта береді. Жаңа зауыт алдағы жылы 100 - ден астам жұмыс орнын ашады, бұл еңбек нарығына жағымды әсер етеді", - деді Жетісу ауданының әкімі Ләззат Жылқыбаева.
Болашақта зауыт жоғары дәнекерленген бетондар шығаруды және жылына 100 мың м3 тауарлық бетонның өндірістік қуатына шығуды жоспарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
19.09.2024, 14:03 6321
Тұрын үй сатып алуға арналған кредиттер көлемі бір жылда 5%-ға өсті
Ал бес жыл ішінде ипотекалық кредит нарығының көлемі 3,5 есеге өсті
Достарға айту
Тұрын үй сатып алуға арналған кредиттер көлемі бір жылда 5%-ға өсті, деп хабарлайды ranking.kz.
2024 жылдың шілде айының соңындағы жағдай бойынша халыққа тұрғын үй салуға және сатып алуға берілген кредит көлемі 5,9 трлн теңгеге жетті, бұл өткен жылдың дәл осындай кезеңімен салыстырғанда 13,9%-ға көп. Ал бес жыл ішінде ипотекалық кредит нарығының көлемі 3,5 есеге өсті.
Өткен жылдардағы динамикаға көз салсақ, 2010 жылдан 2017 жылға дейін ипотекалық қарыздардың көлемі іс жүзінде өзгермеген және шамамен бір деңгейде болған, ал 2018 жылдан бастап айтарлықтай өсім байқалады.
Дәл осы сәттен бастап Қазақстанда тұрғын үй-құрылыс жинақтары жүйесін іске асыратын Отбасы банкі (сол кезде ТҚЖБ) тарапынан кредит беру көлемінің ұлғайғаны байқалды. Дәл осы қаржы институты ипотека нарығының дамуына ықпал етті. Бүгінде Отбасы банкінің несиелік портфелі 3,2 трлн теңгені немесе ипотека нарығының 55%-ын құрайды, бұл өткен жылмен салыстырғанда 5,1% ға артық. Ал бес жыл ішінде банктің кредит портфелі 3,5 есеге өссе, он жылдағы көрсеткіші 15 еседен көп.
Отбасы банк азаматтар үшін тұрғын үй сатып алу мүмкіндіктерін кеңейтуге бағытталған түрлі ипотекалық бағдарламаларды жүзеге асырып отырады. Қазір 25 қыркүйекке дейін (қоса алғанда) жалғасатын "Наурыз" және "Отау" тұрғын үй бағдарламаларына қатысуға қосымша мүмкіндік берілуде. Қатысуға өтінімді "Баспана маркет" порталында (otbasybank.kz) беруге болады. Кімдер қатыса алады: бұған дейін "Отау" және "Наурыз" бағдарламалары бойынша қатысушылардың алдыңғы тізімдеріне енбей қалған қазақстандықтар, сондай-ақ банктің тұрғын үй бағдарламаларына қатысу туралы енді шешім қабылдаған жандар.
Енді қатысуға өтінімді көбірек қазақстандық бере алады, себебі Отбасы банкінде "Отау" және "Наурыз" бағдарламаларының шарттарын біріздендіру туралы шешім қабылданды.
Бүгінгі таңда 1 900-ден астам қазақстандық отбасы "Наурыз" бағдарламасы бойынша қоныс тойын атап өтті, тағы 1734 адам "Отау" бағдарламасы бойынша қарыз алды. Шамамен 5000 адам қарыз бойынша банктен мақұлдау алып, сатып алуға қолайлы баспана іздеу үстінде. "Баспана маркет" порталында (otbasybank.kz) таңдауға болатын 560 тұрғын үй кешені ұсынылған, ол жерде қазірдің өзінде 9 183 пәтердің кез келгенін брондауға болады.
2024 жылғы 11 қыркүйектегі жағдай бойынша "Баспана маркет" порталында (otbasybank.kz) ең көп пәтер орналастырған үздік 5 құрылыс компаниясы: Sat NS (971 пәтер), "Шар-Құрылыс" (585 пәтер), GBG (466 пәтер), MTS Company LTD (431 пәтер), "Ақтау Строй Контракт" (406 пәтер). Ал сату бойынша ең белсенділері: Sat NS, Ayt Housing Complex және MG City. Порталдағы үздік 10 құрылыс компаниясының тізімі төмендегі инфографикада берілген.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
18.09.2024, 12:29 9331
СҚО-да қазақстандық өнімді өңдеу және Қытайға экспорттау бойынша ең ірі орталық құрылуда
Достарға айту
Солтүстік Қазақстан облысына екі күндік жұмыс сапары аясында Премьер-Министрдің орынбасары Серік Жұманғарин егін жинау науқаны барысымен танысып, ірі аграрлық кәсіпорындардың басшыларымен кездесті, деп хабарлайды Үкіметтің баспасөз қызметінен.
Солтүстік Қазақстан облысы егіс алқабы 4,4 млн га негізгі астық егетін өңірлердің бірі және қуатты ауыл шаруашылығы құрылымдарын құру және қолдау бойынша еліміздегі ең озық аймақ саналады. Тауарлы-сүт фермаларын, құс фабрикаларын және суару жобаларын салуды жеңілдетілген несиелендірудің сәтті тәжірибесі басқа өңірлерде екінші жыл қатарынан кеңейіп келеді. Сүт бағыты өңірдің жалпы өңдеу көлемінде 35% үлесті алады, сондай-ақ астық өңдеу (19%), май өңдеу (6,5%), ет өңдеу (7%) салалары дамыған.
Тайынша ауданында Қытай инвесторларының қатысуымен дәнді дақылдар ("Меmolux" ЖШС) мен майлы дақылдарды ("Тайынша Май" ЖШС) өңдеу бойынша ірі кластер салынды. Аймақ ауылында тәулігіне 300 тонна ұн шығаратын диірмен кешені мен жылына 300 мың тоннаны құрайтын жем зауыты іске қосылды. Қуатты ұлғайту және макарон өнімдерін өндіру цехының құрылысы жүргізілуде. Көрші Ильичевка ауылында тазартылмаған рапс пен күнбағыс майы мен күнжара өндіретін зауыт салынды.
Бүгінде "Тайынша Май" ЖШС мен "Мемolux" ЖШС өңірдегі Қытайға экспортқа бағытталған ең ірі аграрлық жоба. Қытайлық инвестор, "Сиань Ай Цзю" корпорациясының президенті, Алашанькоу т/ж стансасында сақтау көлемі 100 мың тонналық бонд қоймасына иелік етеді. Кәсіпорынның Сианда (ҚХР) 1 мыңнан астам дүкені бар және қазақстандық кондитерлік өнімдер, сыра, балмұздақ және басқа да азық-түлік өнімдерін экспорттаумен айналысады. Корпорация Сианьда логистика және ауылшаруашылық өнімдерін қайта өңдеу паркін салды. Таяу болашаққа арналған жоспарда - қазақстандық өнімді Қытайға жеткізу үшін СҚО-да ұқсас кәсіпорын құру бар.
Біздің астық ұнтақтау технологиямыз ең озық технологияның бірі саналады. Біз ұнды өте төмен температурада 15 рет тартамыз, бұл оның барлық пайдалы қасиеттерін сақтауға мүмкіндік береді", - деп атап өтті Қытайдың "Сиань Ай Цзю" корпорациясының президенті Цзя Хэй.
Кәсіпорынның Солтүстік Қазақстанда логистикалық орталық салу жоспарын ескере отырып, Серік Жұманғарин Қытайға жеткізу үшін қазақстандық өндірушілердің өнімдерін біріктіру мүмкіндігін қарастыруды ұсынды. Цзя хуй бұл ұсынысты қолдап, СҚО-да қайта өңдеу және логистика орталығын құру арқылы Қытайға өнім экспорттайтын Қазақстандағы ең ірі компания болуды жоспарлап отырғанын жеткізді.
Сондай-ақ вице-премьер шошқа мен ірі қара мал сою цехынан бастап қалдықсыз өңдеуге дейінгі терең циклді ет өңдеудің толық процесін жүзеге асыратын "ЕМС Аgro" ЖШС ет комбинатына барды. Қазіргі уақытта шошқа кешені қуатын 200 мың басқа дейін 2 есе кеңейтуде. Былтыр 10 мың тоннаға жуық шошқа еті, сиыр еті, жартылай фабрикаттар, шұжық өнімдері өндірілді. Жобалық қуатына шыққан кезде шошқа етін өндіру көлемі 20 мың тоннаға дейін ұлғаяды, кәсіпорын Қазақстандағы ең ірі шошқа кешені болады. Кәсіпорынның одан әрі дамуы Қытайға шошқа экспортының қайта ашылуына байланысты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
17.09.2024, 14:35 12946
Бірінші жартыжылдықта курорттық аймақтарға барушылар саны 11,2% өсті
Достарға айту
Бірінші жартыжылдықта курорттық аймақтарға барушылар саны 11,2% өсті, деп хабарлайды Qazstat.
2024 жылдың бірінші жартыжылдығында Қазақстанның курорттық аймақтарына барушылардың саны артты, өсім - 11,2%. Биылғы қаңтар-маусым айлары аралығында еліміздің курорттық аймақтары 1,8 млн барушыны қабылдады.
Барушылар саны Алматы тау кластерінде болған - 1,2 млн турист. Одан кейінгі орындарда 185 мың адам барған Маңғыстау курорттық аймағы мен 143 мың барушы болған Щучье-Бурабай курорттық аймағы. Барушылардың ең аз саны Байқоңыр туристік аймағында - 172 барушы.
Өткен жылдың сәйкес кезеңімен салыстырсақ, кейбір курорттық аймақтарға барушылар санының айтарлықтай өсуі байқалады. Мысалы, Катонқарағай курорттық аймағына барушылар 2,1 есе, Қарқаралы курорттық аймағына - 81,6%, Байқоңыр туристік аймағына - 52,2% өскен. Ұлан және Зеренді курорттық аймақтары бойынша керісінше, былтырғы кезеңмен салыстырғанда барушылар саны азайған.
Жалпы, Қазақстанда отандық және шетелдік туристерді қабылдайтын 19 курорттық-туристік аймақ бар.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
16.09.2024, 15:40 20431
Қазақстан мен Қытай жасыл технологиялар саласындағы меморандумға қол қойды
Достарға айту
ҚР Сауда және интеграция министрі Арман Шаққалиев Бейжіңде CIFTIS халықаралық көрмесі аясында өткен "Жібек жолындағы жасыл дамудың алтын көпірі" атты Қазақстан-Қытай сауда-экономикалық ынтымақтастық форумында сөйлеген сөзінде экологиялық көрсеткіштерді жақсарту және сауда дәліздерінің тиімділігін арттыру үшін жүк тасымалдауда электромобильдерге көшу және жасыл технологияларды пайдалану әлеуетін атап өтті, деп хабарлайды ҚР СИМ баспасөз қызметінен.
Сондай-ақ, форумға қазақстандық тараптан ҚХР-дағы ҚР Елшісі Шахрат Нұрышев, Ақтөбе облысы әкімінің орынбасары Ғалымжан Елеуов, Экология және табиғи ресурстар вице-министрі Мансұр Ошурбаев және ҚР Өнеркәсіп және құрылыс министрлігінің өкілдері қатысты. Қытай және халықаралық тараптан Пекин қаласы мэрінің орынбасары Сыма Хун ханым, БҰҰ-ның Қытайдағы өкілі Сиддхарт Чаттерджи, Қытай қаржы қоғамының вице-президенті Ouyang Weimin қатысты.
Бүкілқытайлық қоршаған ортаны қорғау федерациясының төрағасы Ван Сюфэн, Чжунгуаньцунь жаңа технологиялар және қызметтер индустриясы альянсының төрағасы Сун И, сондай-ақ үкіметтік емес ұйымдардың, кәсіпорындар мен қаржы мекемелерінің өкілдері де форумда бой көрсетті.
Форумда Қазақстан мен Қытайдың "Бір белдеу - бір жол" стратегиясының негізгі элементіне айналатын "Жасыл жібек жолы" бастамасы талқыланды. Бұл бастама Қазақстан мен Қытайдың стратегиялық серіктестігіндегі маңызды қадам болмақ. Орнықты дамуды ілгерілетуге және экологиялық таза қайта құру жөніндегі жаһандық күш-жігерді қолдауға бағытталған.
Министр Шаққалиев екі елдің және жаһандық қоғамдастықтың тұрақты дамуы үшін "Жасыл жібек жолы" бастамасының маңыздылығын атап өтті. Ол бұл бастама Біріккен Ұлттар Ұйымының 2030 жылға дейінгі орнықты даму жөніндегі күн тәртібін қолдайтынын, экологиялық бағдарланған шешімдерді енгізуге және елдер ішінде де, одан тыс жерлерде де гидроэнергетикалық секторға инвестициялауға ықпал ететінін атап өтті.
30 жылдан астам екіжақты қарым-қатынастар аясында Қазақстан мен Қытай елеулі табыстарға қол жеткізді. Елдер арасындағы тауар айналымының көлемі өсуде, 2023 жылы Қытай Қазақстанға $2 млрд инвестициялады, бұл 2022 жылмен салыстырғанда 16,4% -ға артық. Қазақстан экономикасына құйылған қытайлық инвестициялар көлемі қазірдің өзінде $25 млрд. асып түсті.
Арман Шаққалиев алдымызда екі елдің көшбасшылары - Қасым-Жомарт Тоқаев пен Си Цзиньпиннің өзара тауар айналымын $80 млрд. дейін жеткізу және қарым-қатынастарды одан әрі тереңдету жөніндегі тапсырмасы тұрғанын айтты. Ауыл шаруашылығына, жаңа энергетика мен автомобиль жасауға, сондай-ақ индустрияландыруға және қосылған құны жоғары өнім өндіруге инвестицияларға ерекше назар аударылатын болады.
Талқылаудың маңызды аспектісі Ляньюньган портының, Сианьдағы құрғақ порттың және "Қорғас - Шығыс қақпасы" АЭА мүмкіндіктерін пайдалануға баса назар аудара отырып, "Бір белдеу - бір жол" жаһандық бастамасын ілгерілету болды. Министр экологиялық көрсеткіштерді жақсарту және сауда дәліздерінің тиімділігін арттыру үшін жүк тасымалдауда электромобильдерге көшу және жасыл технологияларды пайдалану әлеуетін атап өтті.
Көміртегі бейтараптығына көшу кешенді тәсілді талап етеді. Жасыл инвестициялар, сауда дәліздерін көгалдандыру және экономиканың көміртекті бейтараптығы бойынша жұмыс біздің стратегиямыздың негізгі аспектілері болып табылады", - деді Арман Шаққалиев.
Өз сөзінде Пекин мэрінің орынбасары Сыма Хун ханым таза энергия, энергия үнемдеу және экологиялық ауыл шаруашылығын қоса алғанда, жасыл даму саласындағы ынтымақтастықты одан әрі тереңдетуге үміт білдірді. Пекин инновацияларды және жасыл технологияларды қолдануды белсенді қолдауға және дамытуға дайын деді.
Қытай "жасыл" технологиялар саласындағы әлемдік көшбасшылардың бірі ретінде жаңартылатын энергия көздеріне инвестиция салуды және көміртегі шығарындыларын азайтуды жалғастыруда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
13.09.2024, 18:55 29271
Қытай мен Гонконг: Қазақстанға инвестициялық қызығушылық жоғары
Достарға айту
Қытай мен Гонконг: Қазақстанға инвестициялық қызығушылық жоғары, деп хабарлайды ҚР Экономика министрлігінің баспасөз қызметінен.
Қытайға ресми сапары барысында қазақстандық делегация Гонконгтың қаржы министрі Пол Чан Мо-по мырзамен, Гонконгтың сауда және экономикалық даму министрі Алджернон Яу мырзамен, Гонконгтың монетарлық ведомствосының (Monetary Authority) төрағасы Эдди Юе мырзамен, сондай-ақ Қытай мен Гонконгтың 12 ірі қаржы институтымен кездесулер өткізді.
Шарада қазақстандық делегацияны Ұлттық экономика вице-министрі Арман Қасенов басқарды. Делегация құрамында Қазақстанның Даму Банкі, "Бәйтерек" ҰБХ АҚ мен "Қазақстанның инвестициялық даму қоры" (KIDF) өкілдері болды.
Тараптар Қазақстанның экономикалық дамуын және шетелдік бейінді компаниялардың Қазақстан аумағында бәсекеге қабілетті, өнімділігі жоғары экспорттық жобаларды құруға қатысуын талқылады.
Болашақта шикізатты жоғары өңдеу бойынша жобаларды іске қосу елдің ЖІӨ-ін айтарлықтай ұлғайтуға, өңдеуші секторға инвестицияны көбірек тартуға, экономикадағы өнімділік деңгейін әрі оның технологиялық тиімділігін арттыруға мүмкіндік береді. Жаңа бастамаларды жүзеге асыру Қазақстанның өңделген өнімдердің ірі және сенімді жеткізушісі ретіндегі рөлі мен маңыздылығын күшейтеді.
Кездесулер барысында Қытай және Гонконг жетекші компанияларының сараптамасы мен технологияларын Қазақстан аумағында күшті экспорттық жобаларды дамыту шеңберінде қалай пайдалануға болатындығы талқыланды. Алдағы айларда жоба деңгейіндегі ынтымақтастықтың нақты нүктелерін анықтау үшін талқылаулар жалғасады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ИНТЕРНЕТ ТЕЛЕВИДЕНИЕ
KAZAKHSTAN TODAY LIVE
Ең көп оқылғаны
20.09.2024, 12:58Қазақстанда жыл басынан бері газ жарылыстарынан алты адам қаза тапқан 20.09.2024, 13:08 1301Әбілқасымов Қаржы нарығын реттеу және дамыту агенттігі төрағасының орынбасары болып тағайындалды20.09.2024, 13:11 1116Қазақстандағы денсаулық сақтау саласына жұмсалатын шығындардың азаюы байқалуда20.09.2024, 12:28 736Алматы полициясы қаланың кәріз жүйесіне қалдықтарды төгудің 200-ден астам дерегін тоқтатты20.09.2024, 16:34 636Елге тұрақты энергияның баламалы көзі қажет - Бектенов
16.09.2024, 15:50 49016Үкіметте азық-түлік қауіпсіздігі мәселелері қаралды16.09.2024, 15:30 49001Қызылорда облысында 90 млн теңгеге негізсіз берілген субсидиялар мемлекетке қайтарылды16.09.2024, 14:30 48916Тоқаев Ұлттық қауіпсіздік органдарының ардагерін марапаттады16.09.2024, 15:20 48911Шымкентте жасөспірімді соққыға жыққан күзетші үш жылға сотталды18.09.2024, 15:44 42166Солтүстік Аралға жыл басынан шамамен 2 млрд текше метр су жіберілді
28.08.2024, 18:38 117126Қазақстанда бензинді сыртқа шығаруға және алманы автокөлікпен әкелуге тыйым салынды28.08.2024, 17:42 11594639 млрд теңгеден астам қаржылық заң бұзушылықтары және мемлекеттік аудит жүйесін реформалау: бұл туралы Тоқаев пен Смаилов сөз қозғады29.08.2024, 17:19 111741Алматыдағы аудандарда ҚР Конституциясы күніне орай қандай іс-шаралар өтеді29.08.2024, 17:00 107501Алматыда бейбіт жиындар мен шерулер өткізу орындары өзгерді29.08.2024, 16:57 107376Алматыда қала арқылы өтетін негізгі өзендерде көшкін қаупінің картасы әзірленеді