Ақбұлақтағы атыс: қайғылы оқиға тараптары өз нұсқаларын айтты
Полиция департаменті бастығының орынбасары Рустем Әбдірахманов атап өткендей, атыс үйге меншік құқығы туралы сот шешімін орындау кезінде ашылды. Сот орындаушымен бірге Ақбұлақтағы үйге екі полиция қызметкері, даулы мүліктің жаңа иесі және оның досы келді. Олардың бәрі атылды.
Бүгін атқыштың әйелі мәлімдеме жасады. Оның айтуынша, қазіргі уақытта отбасын үйден шығару туралы сот шешімі даулы, деп хабарлайды "Спутник".
Біз кәмелетке толмаған балаларымыз бар екенін айтып, өтініш білдірдік, бізде қарызды толығымен бес есе жаба алатын салон бар. Бірақ банк олай істемеді. Ол аздай, бізді мазақ етті. Себебі маған қарыз алушы ретінде емес, кепілзат беруші ретінде 20 миллион теңге іліп қойды. Ол бізді физикалық тұрғыдан құртатын әрекет", - деп мәлімдеді Анаида Демирчян.
Оның айтуынша, "банк біздің жылжымайтын мүлкімізді бес есе арзан бағаға сатып, ол туралы бізге хабар берген жоқ. Ол сыбайлас жемқорлық шараларын қолданып, бізді тақырға отырғызды. Біз бірнеше рет "Буран" мен кезекші прокурорды шақырдық. Кезекші прокурор сол күйі екі сағат ішінде келген жоқ".
Сондай-ақ, әйел күйеуінің "сот орындаушыларынан үмітсіздікке ұшырағанын" айтты. Отбасында сот орындаушысы оларды үйден шығарамын деп қорқытқан қоңырау жазбалары бар. Нәтижесінде, сот орындаушысы олардың үйіне келгенде, бәрі бақылаудан шықты.
Мен сол уақытта үйде балалармен, қарт анамен болдым, жедел жәрдем шақырдым. Оқиғаның қалай болғанын көрген жоқпын, тек мылтықтың дауысын естідім. Мұның бәрі, әрине, адамзат сотында. Бірақ мен сізге айтайын, егер сол уақытта прокурор келсе, бәрін дұрыстап, заңды түрде түсіндірсе ғой. Осының бәрін тоқтата алар еді. Адамдар зардап шекті, күйеуім зардап шекті, менің бүкіл отбасым зардап шекті. Енді не болатынын білмеймін. Біздің заңға бағынатын азаматтар екенімізді, Президентке миллион рет жүгінгенімізді бүкіл әлем білсін. Қазір де Президентке қарата айтарым, Қасым-Жомарт Кемелұлы, менің балаларымды қорғаңыз. Балаларым кәмелет жасқа толмаған. Менің кіші баламның жүрегі ауырады, ол кеше ауырып жатты, ал сот орындаушысы оған мән бермеді. Ол қамқоршысын да, жедел жәрдем де шақырған жоқ", - дейді Демирчян.
Ол күйеуі атып өлтірген адамдардың отбасыларына көңіл айтты.
Ия, менің күйеуім қателік жіберді, бірақ сот орындаушысы оны соған әдейі итермеледі, оған дәлел бар", - деді ол.
Бұл оқиға туралы "ЦентрКредит" Банкі түсіндірме берді. Оның ақпараты бойынша, "Нано Плюс" ЖШС қарыз алушысына 2011 жылғы шілде айында негізгі борыш пен пайыздар бойынша төлемді алты айға кейінге қалдыра отырып, жалпы сомасы 102 млн теңгеге екі қарыз берілді. Келісім-шарттар бойынша кепілдікті қамтамасыз ету ретінде тұрғын емес үй-жай, жер учаскесі және Ақбұлақтағы тұрғын үйі қабылданды, деп хабарлайды Informburo.kz.
Банктің ақпараты бойынша, 2012 жылы қарыз алушыға негізгі борыш пен сыйақыны өтеу бойынша қосымша үш айға кейінге қалдырылды. 2012 жылғы тамыздан бастап қарыз алушы мерзімін өткізіп алуға шықты, осыған байланысты сотта берешекті өндіріп алу туралы шешім қабылданды. Банк қарыз бойынша пайыздарды есептеуді тоқтатты.
ЦКБ заңға сәйкес, "борышкер сот орындаушысы мүлікке тыйым салғаннан және оны бағалауды жүргізгеннен кейін және сот орындаушысының жазбаша рұқсатымен мүлікті алып қойғанға немесе сатқанға дейін және ол белгілеген мерзімде тыйым салынған мүлікті бағалау құнынан төмен емес бағамен сатуға құқылы", бірақ "қарыз алушы да, кепілгер де бұл құқықтарды пайдаланған жоқ" деп мәлімдеді.
Кейін аукцион қорытындысы бойынша үй жаңа иесіне ауысты.
Сондай-ақ, "банктің кепілінде тұрған тұрғын емес үй-жайды әлеуетті сатып алушылардың болмауына байланысты сауда-саттықтан сата алмағаны және бұл мүлік аукцион шеңберінде төмендетілетін сауда-саттықтан кейін 96 008 120 теңге сомасына банктің меншігіне өтті".
Отбасын үйден шығару туралы айтатын болсақ, банк бұл сот актісі негізінде сатып алушының пайдасына жүргізілгенін, яғни азаматтар арасындағы құқықтық қатынастарға ауысқанын айтты.
Банк тұрғын үйді сатуды да, одан әрі тұрғындарды үйден шығаруды да жүргізген жоқ", - делінген хабарламада.
Құқық қорғау органдарының мәліметінше, Ақбұлақ атқышы 20 жылға дейін бас бостандығынан айырылуы немесе өмір бойы бас бостандығынан айырылуы мүмкін.
Бүгін Алматы полиция департаментінің бастығы Қанат Таймерденов Алатау ауданында атыс фактісі бойынша ҚР ҚК-нің "Кісі өлтіру" және "Билік өкіліне шабуыл жасау" баптары бойынша екі қылмыстық іс қозғалғанын хабарлады.
Күдікті уақытша ұстау изоляторына қамалды. Одан жауап алынып жатыр. Мәліметтер анықталуда. Ведомствоаралық жедел топ құрылды", - деді Қанат Таймерденов.
Департамент басшысының айтуынша, қару 2008 жылы күдіктінің атына тіркелген, күдікті психиатриялық диспансерде есепте жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Электр жабдықтау станциядағы өрттің салдарынан Аягөз қаласының біраз бөлігі жарықсыз қалды
18.12.2024 жылы сағат 23.30-да Аягөз ауданының 101 төтенше жағдай желісіне "Біріккен энергосервистік компаниясы" АҚ-на қарасты электр жабдықтау станциясының ( подстанция) жанып жатқаны туралы хабарлама келіп түсті, деп хабарлайды Абай облысы әкімдігінің баспасөз қызметінен.
Өрт сөндіруге 4 өрт сөндіру көлігі, 15 қызметкер жұмылдырылды.
Жүргізілген жұмыстың нәтижесінде сағат 23:59-да өрт оқшауланды. Зардап шеккендер жоқ.
Қазіргі уақытта өрттің шығу себебі анықталуда.
Қалпына келтіру жұмысы нәтижесінде Мамырсу ауылдық округі және Аягөз қаласынан басқа барлық ауылдық округтер электр энергиямен толығымен қамтамасыз етілді.
Қала бойынша бірінші кезекте орталықтандырылған 6 жылу қазандығын іске қосу қолға алынды. Қазір олардың 5 уі жұмыс істеп тұр. 1 -ін іске қосу жүзеге асырылуда. Тұрғындарға электр қуатын беру жұмысымен "Біріккен энергосервистік компаниясы" АҚ қызметкерлері айналысуда.
БЭСК" АҚ Үржар, Жарма аудандары мен Өскемен және Семей қалаларынан келген 7, сондай-ақ Аягөзден 3 бригада жөндеу жүргізуде. Қалпына келтіру жұмысына барлығы 30-ға жуық маман жұмылдырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Сарыағашта ЖКО салдарынан 20-дан астам өнеркәсіптік кәсіпорын мен 7 мыңға жуық жеке үй газсыз қалды
Ағымдағы жылдың 10 желтоқсанында сағат 22:05-те "QazaqGaz Aimaq" АҚ Сарыағаш аудандық газ шаруашылығының авариялық-диспетчерлік қызметінің пультіне Сарыағаш қаласы, Шымкент көшесі (республикалық маңызы бар тас жолы) мекенжайы бойынша газ құбырының зақымдалғаны және газдың шығуы туралы өтінім келіп түсті.
Оқиға орнына авариялық бригада 10 минуттан кейін, сағат 22:15-те келді. Мамандардың анықтауынша, апаттың себебі BMW маркалы автокөліктің жоғары қысымды жер үсті газ құбырына соғылуы болған. Автокөлік соққысының салдарынан екі жерде газ құбыры толықтай істен шықты, сондай-ақ 40 қума метрден астам газ құбыры деформацияланды, деп көрсетілген компанияның хабарламасында.
Авариялық бригада газдың шығуын жедел түрде оқшаулап, ысырманы жауып, сүргі салынды, ықтимал салдардың алдын алды. Сондай-ақ, оқиға жөнінде техникалық акт жасалды.
Апат салдарынан:
21 өнеркәсіптік кәсіпорын;
153 коммуналдық-тұрмыстық кәсіпорын;
6 821 жеке сектор абоненті газбен жабдықтаусыз қалды.
Оқиға орнына полиция қызметкерлері шақырылды.
Зақымдалған газ құбырын қалпына келтіру жұмыстары дереу басталды. Оқиға орнына "QazaqGaz Aimaq" АҚ авариялық-қалпына келтіру қызметінің 40-тан астам қызметкерден тұратын жеті бригада жұмылдырылды.
11 желтоқсанда сағат 03:00-ден 03:30-ға дейін зақымданған учаскедегі тарату газ құбырларының герметикалығына тексеру жұмыстары жүргізілді.
Ең алдымен стратегиялық маңызы бар объектілерге (аурухана, емхана, мектептер, балабақшалар және жергілікті полиция ғимараты) газбен жабдықтау қалпына келтірілді.
Түнгі уақытты және газ қауіпі бар жұмыстарды күндізгі уақытта жүргізу қажеттілігін ескере отырып, сағат 09:00-де жеке сектор мен кәсіпорындарды қайта қосу бойынша ауқымды жұмыстар басталды.
2024 жылғы 11 желтоқсан сағат 13:00-ге дейін газбен жабдықтау толығымен қалпына келтіріледі деп күтілуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қостанайда сауда үйінде өрт шықты
Өрт сөндірушілер кәсіпкерлердің мүлкін өрттен құтқарды, деп хабарлайды ҚР ТЖМ баспасөз қызметінен.
Бүгін Қостанайда Складская көшесіндегі сауда қатарында екі дүкен шатырының жануы орын алып, павильондардың бір-біріне жақын орналасуына байланысты өрттің таралу қаупі төнді.
Жақын тұрған сауда нүктелерін оқпандармен салқындата отырып, өрт сөндірушілер өртті жойып, кәсіпкерлердің мүлкін өрттен құтқарды. Зардап шеккендер жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Түнде Алматыды жер сілкінді
ҚР ТЖМ "Ұлттық ғылыми Сейсмологиялық зерттеу Орталығы" ЖШС сейсмикалық станциялар желісімен 2024 жылғы 28 қарашадағы Астана уақытымен 01 сағат 32 мин 39сек жер сілкінісі тіркелді, деп хабарлайды Алматы қаласы ТЖД.
Алайда шкала бойынша анықталғандығы туралы мәліметтер 2 балл құрады
Жер сілкінісінің эпицентрі Қытай аумағында Алматы қаласынан өңтүстік-шығысқа қарай 318 км жерде орналасқан.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ШҚО-да мерзімді қызметтегі сарбаз қаза тапты
Ағымдағы жылғы 7 қарашада Шекара қызметі Шығыс Қазақстан облысы бойынша департаментінің мерзімді қызметтегі әскери қызметшісі қаза тапты, деп хабарлайды ҰҚК баспасөз қызметінен.
Алдын ала мәлімет бойынша өлім себебі - суицид.
Полиция органдары Қылмыстық кодекстің 105-бабы 1-бөлігі бойынша сотқа дейінгі тергеп-тексеруді бастады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ақмола облысында ауа райының күрт нашарлауына байланысты полицейлер 700-ден астам көлікке жол бастап жүрді
Ақмола облысында ауа райының күрт нашарлауына байланысты полицейлер 700-ден астам көлікке жол бастап жүрді, - деп хабарлайды Polisia.kz.
6 қарашада Ақмола облысында ауа райының нашарлауына байланысты автожолдардың бірнеше учаскелерінде қозғалысқа шектеулер енгізілген.
Жолда оқыс оқиғалардың алдын алу мақсатында полицейлер көліктерге жол бастап жүрді. Полицейлер жүргізушілерге колоннада жүру ережелерін, белгіленген жылдамдық режимі мен аралықты сақтау қажеттілігін түсіндірді.
Нәтижесінде Астана қаласынан Щучинск қаласына дейін 150 көлік, оның ішінде 100 жеңіл және 50 жүк көлігін ертті.
Щучинск қаласынан Астана қаласына 574 көлік, оның ішінде 360 жеңіл және 214 жүк көлігінің қауіпсіздігі қамьамасыз етілді. Патрульдік полицейлер колонналар құруды және жол бойында көлік құралдарын алып жүруді жалғастырып жатыр.
Полиция жүргізушілерден ауа райы нашарлаған кезде елді мекендерден тыс жерлерге шықпауды ескертеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Атыраудағы сауда орталықтарының өрт болды
Атыраудағы сауда орталықтарының өрт болды, деп хабарлайды Атырау облысы ТЖД баспасөз қызметінен.
2024 жылғы 27 қазанда сағат 18:37 шамасында Атырау қаласы Б. Құлманов көшесінің бойында орналасқан сауда ойын-сауық кешенінің бірінде түтін шыққаны туралы шақырту түсті.
Атырау облысы ТЖД күштері дереу оқиға орнына жетіп, 80 адамды оның ішінде 45 баланы қауіпсіз жерге эвакуациялады.
Алдын ала мәліметтер бойынша өрт балаларға арналған киім дүкенінің қоймасынан басталған.
Оқиға орнында штаб құрылып, өртті сөндіру жұмыстары жүргізілді.
Өрт сағат 21:58-де оқшауланып, сағат 22:50 де толықтай жойылды.
Өрттің жалпы ауданы шамамен 1000 шаршы метрді құрады.
Өрттің шығу себептері алдын ала болжам бойынша тоқ желісінің қысқа тұйықталуы.
Өртті сөндіруге Атырау облысы ТЖД 2 шақырту бойынша күштер тартылып, жалпы саны 92 жеке құрам және 12 бірлік техника жұмылдырылды.
Сонымен қатар оқиға орнында Департаменттің психолог мамандары эвакуацияланған адамдарға және кәсіпкерлерге психологиялық көмек көрсетті. Жедел жәрдемнің 2 бригадасы, "Апаттар медицинасы орталығы" ММ 4 қызметкері, Полиция департаментінің 50 қызметкері, 23 бірлік техникасы және шұғыл әрекет ету мекемелері жұмыс жасады.
Орын алған өрт оқиғасына байланысты, 27 қазаннан бастап Атырау облысы ТЖД дағдарыс орталығында 45-14-75 нөмірі арқылы қауырт желі іске қосылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.