01.07.2024, 19:59 2461
Қазақстан педагогикалық білім беруді белсенді дамытуда
Достарға айту
Алматы қаласына жұмыс сапары барысында ҚР Премьер-Министрінің орынбасары Тамара Дүйсенова Қазақ ұлттық қыздар педагогикалық университетінің қызметімен танысты, деп хабарлайды Үкіметтің баспасөз қызметінен.
Бүгінде ұстаздар ұстаханасы саналатын оқу орнында 5 институт, 24 кафедра аясында 9 мыңдай студент білім алады. Педагогикалық білім беруді күшейту мақсатында Дүниежүзілік банктің қолдауымен ерте жастағы және ерекше қажеттілігі бар балалармен жұмыс істеуге үйретуге мүмкіндік беретін дидактикалық, әдістемелік жабдықтары бар инклюзия кабинеттері әзірленді.
Айта кетейік, "Ерте жастағы балаларды дамыту және отбасын зерттеу орталығы" елімізде алғаш рет ашылып отыр. Сондай-ақ мамандар мектепке дейінгі ұйымдардың педагогтеріне әдістемелік көмек көрсетуде. Вице-премьер бұл бастамаға оң баға беріп, балалармен жұмыс істейтін болашақ мамандарға бұл таптырмас мүмкіндік екенін атап өтті.
Университетке тиесілі 3 оқу корпусы 5 мың орынға шақталған. Сондықтан инфрақұрылымды кеңейту мәселесі өзекті болып отыр. Биыл оқу орны ауданы 12 мың шаршы метрден асатын жаңа ғимаратты иемденіп отыр, онда гуманитарлық және жаратылыстану ғылымдары, физика, математика және цифрлық технологиялар институттары жұмыс істейтін болады.
Тамара Дүйсенова университеттің профессорлық-оқытушылық құрамымен кездесіп, онда саланың өзекті мәселелері талқыланды. Білім беру жүйесін одан әрі дамыту міндеттерін іске асырудағы мұғалімдердің рөліне ерекше назар аударылды.
Бізде жыл сайын 400 мың бала дүниеге келеді. Есепке сүйенсек, 2030 жылдан кейін еңбек нарығында 2003 жылдан бері дүниеге келгендердің үлесі басым болады. Сондықтан ертеңгі күні еліміздің дамуына жұмыс істейтін азаматтардың қалыптасуына білікті педагогтердің тәлімі ауадай қажет. Бұл - егемендіктің сақталуына кепіл болатын фактор", - деп атап өтті Тамара Дүйсенова.
Биыл Қыздар педагогикалық университетінің құрылғанына 80 жыл толмақ. Ұстаздар ұстаханасы атанған іргелі оқу орнының бұл белесін ел көлемінде атап өту жоспарланған. Тамара Дүйсенова осы бастаманы қолдайтынын жеткізді. Бұл ретте ұйымдастырылатын шаралар педагогика саласының осы жылдар арасында қандай өзгерістерге тап болғаны, бүгінгінің ұстазы қандай болуы керек екеніне мән беретін танымдық сипатта өтуі керектігіне тоқталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
26.06.2024, 16:37 10331
Биыл еліміздегі 270 мектеп күрделі жөндеуден өтеді
Достарға айту
ҚР Премьер-Министрінің орынбасары Тамара Дүйсенова Парламент Мәжілісінің жалпы отырысында еліміздегі білім беру инфрақұрылымын нығайту және оқыту сапасын арттыру бағытында атқарылып жатқан жұмыстар туралы айтты.
Қазіргі таңда "Баршаға қолжетімді сапалы білім" атты ұлттық баяндама дайындалды.
"Талқылауға 200 мыңнан аса мұғалім, жоғары және орта оқу орындарының педагогтері қатысты. Негізгі мәселелердің бірі: білім саласы - жекелеген білім ошақтарының қосындысы емес, бұл - бірінің нәтижесі екіншісіне әсер ететін, жас баладан азаматты тәрбиелеп шығаратын көп деңгейлі жүйе. Осыған байланысты өзгерістер жақында өткен Үкімет отырысында қаралып, Білім саласын дамыту тұжырымдамасына енгізілді", - деп атап өтті Тамара Дүйсенова.
Елдегі апаттық және үш ауысымды мектептерді азайту бағытында да бірқатар шаралар қолға алынған. Ол үшін қаржыландырудың бірнеше жолы арқылы білім ошақтары салынып жатыр. "Жайлы мектеп" ұлттық жобасы аясында 369 мектеп салу көзделген. Жемқорлық қылмыстары аясында тәркіленіп, қайтарылған қаражат есебінен былтыр 36 білім нысаны бой көтерсе, биыл тағы 25-і қолданысқа берілмек.
"Ауыл - ел бесігі" бағдарламасы және жергілікті бюджеттен өткен жылы 7 мектеп пайдалануға берілсе, биылғы меже тағы 6 нысан салу болып отыр. Белсенділік танытып келе жатқан қосымша бір бағыт - бұл бизнес-инвестиция. Өткен жылы 56 жекеменшік мектеп іске қосылды. Жалпы, мұндай жекеменшік мектептердің саны бүгінде 667-ге жетті. Онда 250 мыңнан аса бала тәлім алуда. Жалпы мектеп салу үшін барлық көздерден бөлінген қаражаттың 2 жылдық сомасы 2,4 трлн теңгені құрап отыр", - деді Тамара Дүйсенова.
Жаңа нысандардан бөлек, қолданыстағы ғимараттарды жөндеу жұмыстары да назардан тыс қалмады. Биыл елдегі 270 мектепті күрделі жөндеу қарастырылған.
Баланың жан-жақты дамуында қосымша білім беру орталықтарының орны ерекше. Вице-премьер ондай нысандарды тек ірі қалаларда емес, өңірлерде де ашу қолға алынғанын жеткізді. Былтыр осындай 12 мекеме ашылса, алдағы 3 жылда тағы 89-ын салу қарастырылып отыр.
Тамара Дүйсенова жазда балаларды белсенді демалыс шараларымен қамту мәселесіне де тоқталды.
"Барлық өңірде штабтар құрылды. Өрт қауіпсіздігі, санитарлық тексерулерден және балалармен жұмыс істейтін азаматтары арнайы тексеруден өткен лагерьлерге ғана балаларды жіберуге рұқсат етілді. Жаз мезгілі басталғалы бері 121 маусымдық, 9 638 мектеп жанындағы және арнайы лагерьлер 2 млн-нан аса балаға қызмет көрсетуде", - деді вице-премьер.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
25.06.2024, 17:18 11816
Алматыда қала әкімінің тапсырмасы бойынша 1963 жылы салынған мектептің жанына қосалқы нысан салынуда
Достарға айту
Алматы әкімі Ерболат Досаев Жетісу ауданына жұмыс сапары және тұрғындарымен кездесу № 103 мектеп-гимназиясындағы құрылыс жұмыстарымен танысты, деп хабарлайды Алматы қаласы әкімдігінің баспасөз қызметінен.
Оқу орнында жобалық қуаттылығы 600 оқушы орны бар, оқушылар контингенті 1 300-ден астам адамды құрайды. 1963 жылы пайдалануға берілген мектепті сейсмикалық күшейту және күрделі жөндеу тек 2008 жылы жүргізілді. Бұған дейін Ерболат Досаев аудандағы оқушы орындарының тапшылығын азайтуға және балаларды оқытуға қолайлы жағдай жасауға көмектесетін 200 орындық қосымша құрылысты бастауды тапсырған болатын.
Барлық жұмыстар өткен жылы басталды, салынып жатқан үш қабатты ғимараттың ауданы 2,4 мың шаршы метрден асады.
Білім басқармасының басшысы Ләззат Жылқыбаева қала басшысына бүгінгі таңда нысанның дайындығы 80% -ды құрайтынын айтты. Қажетті жабдықтармен және жиһаздармен жабдықталған оқушы сыныптарын жөндеуден басқа, жобада асхана және аумақты қосымша көгалдандыру қарастырылған. Сондай-ақ, бірқатар кабинеттерде интерактивті панельдер орнатылады. Қазір жаңа қазандықтың құрылысы жүргізілуде.
Ерболат Досаев материалдардың сапасына, мектептің заманауи жабдықтарына және мектеп жиһазының ыңғайлылығына ерекше назар аудара отырып, жаңа оқу жылы басталғанға дейін құрылыс жұмыстарын жеделдетуді және аяқтауды тапсырды.
"Қазір маусымның ортасы, 1 қыркүйекке дейін қазандық дайын болуы керек. Мектеп жаңа оқу жылында ашылуы тиіс", - деп тапсырды Ерболат Досаев.
Айта кетерлігі, Жетісу ауданында барлығы 21 мектеп, ал қала бойынша 215 мемлекеттік мектеп жұмыс істейді. Жаңа оқу жылында Алматыда 6 оқу орны іске қосылады.
Қазіргі уақытта 6 қосымша ғимараттың құрылысы мыналарда жүргізілуде: №112 мектепте 300 орынды, №103 мектепте 200 орындық, №59 мектепте 750 орындық №174 мектепте 375 орындық, №195 мектепте 450 орындық (аяқталу мерзімі - 2025 жылғы 1 тоқсан), №99 мектепте 510 орындық. Тағы 4 мектеп бойынша қосалқы нысандар салынуда, олар №198 мектепте 600 орындық, №16 мектепте 300 орындық, №160 мектепте 325 орындық, №201 мектепте 450 орындық. Жұмыстар биыл басталады деп жоспарлануда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
18.06.2024, 19:16 18776
Birgemiz шағын гранттар байқауының жеңімпаздарына волонтерлік бастамаларды іске асыруға 300 мың теңгеден беріледі
Достарға айту
Қазақстанда Birgemiz жалпыұлттық жобасы аясында волонтерлік бастамаларды жүзеге асыру үшін бөлінетін шағын гранттар байқауының жеңімпаздары анықталды. Мемлекет тарапынан байқау аясында жалпы 72 миллион теңге сомасында 240 шағын грант бөлінді, олардың әрқайсысы 300 мың теңгені құрайды, деп хабарлайды ҚР Мәдениет және ақпарат министрлігінің баспасөз қызметінен.
Жеңімпаздардың бірі, Ақтөбе облысының тұрғыны Наталья Дементиевская "Инсультке бірге қарсымыз" жобасын жүзеге асыруда. Гранттың көмегімен ол ауруханадан шыққан науқастарды оңалту шараларын жүргізе алады. Сондай-ақ қан айналымының жедел бұзылуынан зардап шеккен науқастардың туыстарына күтім жасауды үйрете алады.
Басқа да маңызды бастамалар қолдау тапты. Павлодар облысынан келген Серікболсын Қинаятов Баянауыл өңіріндегі табиғат ескерткіштерін сақтаумен айналысады.
Сондай-ақ Шығыс Қазақстан облысында "Ғажайыптар әлемі" оңалту және дамыту орталығы" қоғамдық ұйымы "Көмек қолын соз, достық қолын соз!" жобасын жүзеге асыруда, оның аясында волонтерлер өмірлік қиын жағдайдағы балалар мен жастарды әлеуметтік тұрғыда бейімдеу үшін тәлімгерлікке баулиды.
Жалпы, волонтерлер ел өңірлерінде Birgemiz жобасының әртүрлі бағыттары бойынша 200-ден астам іс-шара өткізеді.
Қазақстан Республикасы Мәдениет және ақпарат министрлігінің бастамасымен "Азаматтық бастамаларды қолдау орталығының" қолдауымен жүзеге асатын "Birgemiz" жобасы - еліміздегі еріктілер қозғалысын қолдауға бағытталған бірегей бастама. Жоба үш жыл ішінде жергілікті өңірлерде көптеген маңызды іс-шараларды жүзеге асыруға үлес қосып, тиімділігін дәлелдеп келеді.
Биыл Birgemiz жобаларын жүзеге асыратын 8 үкіметтік емес ұйым байқауға қатысушылардан мыңнан астам өтінім қабылдады. Birgemiz жобасы волонтерлер қозғалысын дамытуға және Қазақстандағы азаматтық қоғамды нығайтуға ықпал ете отырып, азаматтарды жергілікті мәселелерді шешуге тартады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
17.06.2024, 20:04 21016
Жаңаөзендік 50 бала "Самұрық-Қазына" қолдауымен сапалы білім алып шықты
Достарға айту
Балалар "Жарқын болашақ" бағдарламасы аясында "Самұрық-Қазына" компаниялар тобының қолдауымен "IQanat High School of Burabay" тәмамдады. Бағдарламаның басты мақсаты - Жаңаөзен мен Маңғыстау облысының балаларына еліміздің үздік мектептері мен колледждерінде бәсекеге қабілетті білім алуға мүмкіндік туғызу, деп хабарлайды компанияның баспасөз қызметінен.
Бұл бастаманы 2022 жылы "ҚазМұнайГаз" ұлттық компаниясы көтерген болатын. Бірыңғай қайырымдылық оператор - "Samruk-Kazyna Trust" қорының қолдауымен 50 бала бірнеше іріктеу кезеңдерінен өтіп, білім гранттарын жеңіп алды. Бағдарлама қатысушылардың қатынау, тамақтану, тұрғын жай және мектеп формасына қатысты шығындарын толығымен көтерді.
Грант иегерлері пәндер бойынша терең академиялық білім алуға ғана емес, сондай-ақ өздерінің қабілеттерін (soft skills) дамытуға мүмкіндік алды. Мектептегі оқытудың инновациялық әдістері балалардың екі жыл ішінде Қазақстанда және шетелдік үздік жоғары оқу орындарына түсу мүмкіндіктерін арттырды.
"Осыдан екі жыл бұрын жаңа мүмкіндіктерге ұмтылу үшін үйлеріңізден алыс жерге келдіңіздер. Қор, өз кезегінде, сіздердің алаңсыз оқуларыңыз үшін қолайлы жағдай жасады, болашақ жетістіктерге жетелейтін алаң құру үшін барынша жағдай туғызуға күшін салды. Араларыңызда үздік оқу орындарына шақырту алған түлектер де бар. Ұстаздар мен ата-аналар қауымына қолдау көрсеткені үшін алғыс білдіреміз. Еліміздің болашағы сіздердің қолдарыңызда!" - деді "Samruk-Kazyna Trust" КҚ бас директорларының бас директоры Альфия Адиева түлектермен болған кездесуде.
Сонымен қатар, Қордың қолдауымен 177 бала еліміздің 9 өңіріндегі 45 арнаулы орта оқу орнына оқуға түсті. Олардың 36-сы биыл колледжді тәмамдайды, 2 түлек жұмысқа орналасты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
14.06.2024, 17:32 26911
Астаналық шахматшы Үндістанда әлем чемпионы атанды
Достарға айту
20 жастағы елордалық гроссмейстер Қазыбек Нөгербек шахматтан әлем чемпионы атанды. Ол 20 жасқа дейінгі жасөспірімдер арасындағы FIDE World Junior (Open & Girls) Chess Championships - 2024 әлем чемпионатында алтын жеңіп алды, деп хабарлайды Астана әкімдігінің ресми сайты.
Соңғы турда Нөгербек өзінің тікелей қарсыласы Армениядан барған Мамикон Гарибянды жеңді.
11 турдың қорытындысы бойынша гроссмейстер атағымен бекітілген елордалық шахматшы 8,5 ұпай жинады.
Жүлдегерлердің үштігіне Эмин Оганян (Армения) және Лука Будисавлевич (Сербия) кірді.
Үнді Гандинагарындағы чемпионатқа әртүрлі елден 123 спортшы қатысты, оның ішінде 13 гроссмейстер мен 28 халықаралық шеберлер бар.
Айта кетейік, Алтын медальмен бірге Нөгербек Әлем Кубогына жолдама алды.
Қазақстандық шахматшылардың үшеуі ғана осындай жетістікке қол жеткізді, олар - Дармен Сәдуақасов (1998), Динара Сәдуақасова (2016) және Жансая Абдумалик (2017).
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
12.06.2024, 13:39 29136
Қазақстанда орта білім туралы Аттестат цифрландырылды
Достарға айту
Орта білім туралы аттестат Egov Mobile қосымшасынан беріле бастады, деп хабарлайды ҚР Оқу-ағарту министрлігінің баспасөз қызметінен.
Цифрлық құжаттардың қатары негізгі орта және жалпы орта білім туралы аттестатпен толықты. Ол енді eGovMobile мобильді қосымшасындағы "Bilim" жаңа қызмет көрсету сервисінде қолжетімді, деп хабарлайды Қазақстан Республикасы Оқу-ағарту министрлігінің баспасөз қызметі.
Осы жылдан бастап мектеп түлектері аттестаттарын цифрлық нұсқада ала бастайды. Ол үшін eGovMobile мобильді қосымшасындағы "Bilim" сервисіне өту керек, мұнда "Менің балаларым" бөлімінде ата-аналар мен заңды өкілдері үшін кәмелетке толмаған балалардың құжаттары қолжетімді болады", - дейді цифрландыру департаменті директорының міндетін атқарушы Майра Маралбаева.
📌 Естеріңізге сала кетейік, осыдан бір ай бұрын ҚР Оқу-ағарту министрлігі eGovMobile мобильді қосымшасында "Bilim" жаңа сервисін іске қосқан болатын. Мұнда білім туралы мәліметтер, цифрлық құжаттар берілген бірнеше бөлім бар. Ал бір жыл бұрын қосымшада колледж дипломдары QR-кодпен беріле бастады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
07.06.2024, 12:46 35241
Қазақстанда жайлы мектеп салынады
Достарға айту
Қазақстанда жайлы мектеп салынады, деп хабарлайды ҚР Оқу-ағарту министрлігінің баспасөз қызметінен.
Мемлекет басшысының тапсырмасы бойынша үш ауысымды оқытуды жою және қалалық пен ауылдық мектептер арасындағы айырмашылықты азайту мақсатында Қазақстанда "Жайлы мектеп" ұлттық жобасы іске асырылуда.
Жоба бойынша 2024-2025 жылдары 740 мың оқушы орны бар 369 мектеп ашу жоспарланған.
Биылғы 1 қыркүйекке дейін 98 мектеп, 2024 жылдың соңына дейін 110 мектеп, ал қалғандары 2025 жылдың соңына дейін ашылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
03.06.2024, 20:26 40621
Оқу-ағарту вице-министрі Алматы облысында балалардың жазғы демалысының ұйымдастырылуымен танысты
Достарға айту
Оқу-ағарту вице-министрі Алматы облысында балалардың жазғы демалысының ұйымдастырылуымен танысты, деп хабарлайды министрліктің баспасөз қызметінен.
Жақында оқу-ағарту вице-министрі Еділ Оспан Алматы облысына жұмыс сапарымен барып, балалардың жазғы демалысы мен еңбекпен қамтылуын ұйымдастырумен, "Жайлы мектеп" ұлттық жобасы бойынша нысандар құрылысының барысымен танысты, сондай-ақ педагогикалық ұжымдармен, ата-аналармен және қоғам қайраткерлерімен кездесулер өткізді.
Алматы облысы тұрғындарының сұрақтарына жауап бере отырып, вице-министр білім беру сапасын арттыру, атап айтқанда инфрақұрылымды дамыту бойынша қабылданып жатқан шараларға тоқталды. Мәселен, Алматы облысында 2024-2025 жылдары 53 жайлы мектеп салынады. Биыл 600-ден 1500-ге дейін оқушы орны бар 26 жайлы мектепті тапсыру жоспарлануда.
"Инфрақұрылым - білім беру сапасын арттырудың ажырамас бөлігі. Бұл мәселеде еліміздің тығыз қоныстанған өңірлерінің бірі ретінде Алматы облысына ерекше назар аударылады. Жыл басынан бері 15 мың орындық 14 мектеп ашылып, 236 заманауи пәндік кабинет сатып алынды. Сапалы оқыту контенті бар озық цифрлық платформаларға, электрондық оқулықтарға қолжетімділікті қамтамасыз ету үшін бірқатар білім беру ұйымдарын Starlink спутниктік технологиясына қосу жоспарлануда. Бұл жұмыс әлі де жалғасады", - деді Еділ Оспан.
Дәстүр бойынша, кездесуден кейін вице-министр азаматтарды жеке сұрақтары бойынша қабылдады. Қарауға қосымша уақытты қажет ететін мәселелер жеке бақылауға алынды.
Сондай-ақ Еділ Оспан бірқатар балаларға арналған сауықтыру орталықтарында болды. Атап айтқанда, Жамбыл және Қарасай аудандарында ол жазғы демалысты ұйымдастыру және сауықтыру жұмыстарын тексерді. Айта кетейік, биыл Алматы облысындағы балалардың 272 мыңы немесе 85%-ы жазғы демалыспен және еңбекпен қамтылады. Сапар соңында оқу-ағарту вице-министрі жазғы кезеңде балалардың демалу сапасы мен мәдениетін арттыру бойынша бірқатар тапсырмалар берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ең көп оқылғаны
03.07.2024, 11:48Үкімет су тасқынынан кейін бизнестің мүлік шығындарын өтеуге 12 млрд теңге бөлді 03.07.2024, 16:31 3976Атырауда алғашқы жүк вагондары шығарылды03.07.2024, 16:59 3126Қазақстан мен Индонезия арасындағы мәдени ынтымақтастық перспективалары талқыланды03.07.2024, 17:01 2921132 мың адам eGov mobile арқылы өзін құмар ойындардан шектеу қызметін пайдаланды03.07.2024, 17:11 2611ҚТЖ-ның "Жасыл істер марафоны" акциясына 1,5 мың қызметкер қатысты
27.06.2024, 20:26 102136Кіші Аралдың жағдайы тексеріліп, суды үнемдеу және экология мәселесі қолға алынады27.06.2024, 20:18 98366Еңбекминінің қарамағына мемлекеттік еңбек инспекциясын беру туралы заңға енгізілетін түзетулер мақұлданды27.06.2024, 20:15 97211Риддер қаласына жаңа әкім тағайындалды28.06.2024, 17:05 82226Өзін-өзі жұмыспен қамтығандар үшін бірыңғай және ең төменгі 4% төлеммен жаңа жеңілдікті режим енгізу ұсынылады28.06.2024, 11:45 80936Президент БАҚ қызметкерлерін кәсіби мерекелерімен құттықтады
07.06.2024, 12:50 120846100-ге жуық құрылыс нысанын бұзуға қатысты талап арызды алматылық сот қарайды07.06.2024, 12:43 120836Корея Республикасының Президенті Юн Сок Ёль Қазақстанға мемлекеттік сапармен келеді21.06.2024, 16:04 112276Ақтөбеде жалған діни пансионаттар жабылды20.06.2024, 16:29 111421Мемлекет басшысы АӨСШК бас хатшысы Қайрат Сарыбайды қабылдады21.06.2024, 15:50 110886500 млрд-қа жуық тиімсіз пайдаланылған қаражат: парламент Үкіметтің 2023 жылғы республикалық бюджеттің атқарылуы туралы есептерін бекітті