2025 жылдан бастап таксиге қойылатын талаптардың сақталуын мобильдік қосымшаның операторы бақылайды
Сурет: Depositphotos
Осы жылдың сәуір айында Қазақстан Республикасының Әлеуметтік кодексі шеңберінде "Автомобиль көлігі туралы" Қазақстан Республикасының Заңына бірқатар түзету енгізілді, деп хабарлайды ҚР Көлік министрлігінің баспасөз қызметінен.
Атап айтқанда, таксимен жолаушыларды тасымалдауды жергілікті атқарушы органдардың ресми такси тасымалдаушылары бойынша тізіліміне хабарлама берген жеке тұлғалар жүзеге асыра алады. Соынмен бірге жергілікті атқарушы органдардың ресми такси тасымалдаушылары бойынша тізіліміне енгізілген такси тасымалдаушысына, яғни жеке тұлғаны оның таксиге қойылатын талаптарды сақтауы бойынша бақылау таксиге тапсырыс берудің мобильдік қосымшасының операторына (таксидің ақпараттық-диспетчерлік қызметіне) жүктеледі. Аталған түзетулер 2025 жылғы 1 қаңтардан бастап заңды күшіне енетінін айта кеткен орынды.
Бұл түзетулер ең алдымен таксимен тасымалдауды жүзеге асыратын жеке тұлғалардың заңнама талаптарын сақтауын қамтамасыз етуге бағытталған.
Қазіргі уақытта мемлекеттік органдар жоғарыда көрсетілген нормаларды 2024 жылдан бастап қолданысқа енгізу мәселесін қарастырып жатыр.
Айта кетерлігі, елімізде Яндекс, Индрайвер, Maxim, Апару, Таппи Такси және таксиге тапсырыс беру бойынша басқа да мобильді қосымшалар жұмыс істейтіні белгілі. Таксиге тапсырыс берудің мобильдік қосымшаларының қызметі бәсекелестік ортада әрі Қазақстан Республикасы "Автомобиль көлігі туралы" Заңының және Жолаушылар мен багажды автомобиль көлігімен тасымалдау ережелерінің нормаларымен регламенттеледі.
Таксиге тапсырыс берудің мобильдік қосымшаларының операторлары таксидің ақпараттық-диспетчерлік қызметі ретінде анықталған. Сондықтан олар жергілікті атқарушы органдарға хабарлама берген тек ресми такси тасымалдаушыларына қызмет көрсетуі керек.
Өз кезегінде, биыл қазан айында көлік және жол қозғалысын қамтамасыз ету саласындағы уәкілетті мемлекеттік органдар арасында жолаушыларды заңсыз тасымалдау фактісін жою жөніндегі бірлескен Жол картасы қабылданды. Оның шеңберінде заңнаманың белгіленген талаптарына сәйкестігін тексеру үшін заңсыз тасымалдаушылардың тұрақтарына рейдтік іс-шаралар жүргізу, таксиге тапсырыс берудің мобильдік қосымшаларының қызметін бақылауды ретке келтіру, фото және видео фиксация жасайтын камералар арқылы жолаушыларды заңсыз тасымалдауды тұрақты негізде жүзеге асыратын автокөлік құралдарын анықтау жоспарланып отыр. Сондай-ақ көлік құралдары мен олардың жүргізушілерінің жұмысын мониторингтеу үшін мемлекеттік органдардың ақпараттық жүйелерімен таксиге тапсырыс берудің мобильді қосымшаларын интеграциялау мәселесін пысықтау көзделген.
Аталған бағыттағы жұмыс жол картасы шеңберінде уәкілетті мемлекеттік органдар тарапынан одан әрі жалғасатын болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстандықтар жаңа жылда 1-4 қаңтар аралығында демалады
ҚР Еңбек және халықты әлеуметтік қорғау министрлігі 2025 жылдың қаңтарындағы демалыс күнін ауыстыруды көздейтін бұйрық дайындады.
ҚР Еңбек және халықты әлеуметтік қорғау министрінің "2025 жылы демалыс күнін ауыстыру туралы" бұйрығына сәйкес, 2025 жылғы 5 қаңтардағы жексенбі, яғни демалыс күні 2025 жылғы 3 қаңтарға, жұмаға ауыстырылады, деп хабарлайды министрліктің баспасөз қызметінен.
Осылайша, аптасына бес күн жұмыс жасайтын қазақстандықтар 1-4 қаңтар, ал жұмыс аптасы алты күнді құрайтын азаматтар - 1-3 қаңтар күндері демалатын болды.
Демалыс күнін ауыстыру жұмыс уақытын оңтайлы бөлуге және азаматтардың демалысы үшін қолайлы жағдай жасауға мүмкіндік береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2024 жылғы 1 қарашада 403 мың адамға атаулы әлеуметтік көмек көрсетілді
2024 жылғы 1 қарашада 76 мың отбасындағы 403 мың адамға атаулы әлеуметтік көмек (бұдан әрі - АӘК) тағайындалды. Биыл осы мақсатқа бюджеттен 54,7 млрд теңге қарастырылған, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
Бұрын хабарланғандай, АӘК-нің негізгі мақсаты - ақшалай төлем түрінде қолдауды жүзеге асыру және отбасының еңбекке қабілетті мүшелерін жұмыспен қамтуға жәрдемдесудің белсенді шараларына тарту арқылы отбасын қиын өмірлік жағдайдан шығару.
АӘК мыналарды көздейді:
- табысы өңірлік ең төмен күнкөріс деңгейінің 70% - нан аспайтын азаматтарға тоқсан сайын әлеуметтік көмек тағайындау;
- табысы аз отбасылардағы 1 жас пен 6 жас аралығындағы әр балаға 1,5 АЕК (5 538 теңге) мөлшерінде ай сайынғы қосымша төлем беру. 2024 жылғы 1 қарашаға АӘК алушылар қатарынан мектеп жасына дейінгі 126 мың балаға 4,5 млрд теңге сомасына қосымша төлем тағайындалды;
- жұмысқа орналастыру, өз ісін ашуға ниетті отбасыларға гранттар беру, біліктілікті арттыру курстарына жіберу (қажет болған жағдайда) және басқалар арқылы жұмыспен қамтуға жәрдемдесу.
Қазіргі уақытта қазақстандықтар АӘК тағайындауға өтінішті тұрғылықты жері бойынша мансап орталығында, ауыл округінің әкіміне сондай-ақ Электрондық үкімет порталы (egov.kz) арқылы бере алады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда 21 қарашада радио мен теледидар өшіріледі
Қазақстанда 21 қарашада радио мен теледидар өшіріледі, деп хабарлайды "Қазтелерадио" АҚ баспасөз қызметінен.
Қазтелерадио" АҚ телерадио хабарларын таратудың үздіксіз әрі сапалы болуын қамтамасыз ету мақсатында тоқсан сайын жерсеріктік, цифрлық және аналогты эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді.
2024 жылдың 21 қараша айында сағат 03:00 мен 17:00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады. Уақытша қолайсыздықтар үшін кешірім өтінеміз!", деп көрсетілген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.