Алматыда 200 адам қабылдайтын емхана ашылды
Сурет: gov.kz
Ерболат Досаев Мамыр-5 шағын ауданындағы 200 адам қабылдайтын емхананың жаңа филиалының жұмысымен танысты, деп хабарлайды Алматы қаласы әкімдігінің баспасөз қызметінен.
Алматы әкімі Ерболат Досаев жұмыс сапары барысында осы жылдың қыркүйек айының жұмыс істей бастаған №18 қалалық емхананың жаңа филиалына барды.
Емхананың жаңа ғимаратқа көшуі Мамыр, Дубок, Таугүл-3 шағын аудандарының 20 мың тұрғыны үшін қуанышты жаңалық болды. Айта кетейік, бүгінге дейін емхананың барлық филиалына жұмыс артығымен жүктелген еді. Бұған дейін 2018 жылдан бастап тұрғындардың біразына 60 шаршы метрлік пәтерде орналасқан амбулаторияда қызмет көрсетілген.
Ерболат Досаев медициналық кабинеттерді көріп, қажетті техникамен жабдықталғанын тексерді, дәрігерлермен цифрлық кезекті талқылады және емханадағы қызметтердің сапасы мен ыңғайлылығы жөнінде келушілермен әңгімелесті.
ШЖҚ "№18 қалалық емхана" КМК бас дәрігері Сәулет Қыдырбекова филиалдың ауысымына 200 келуге арналғанын айтты. Жаңа ғимаратта бейінді мамандардың 35 кабинеті, дәрігерге дейінгі тексеру, скрининг және күндізгі стационар қарастырылған. Барлық кабинет заманауи жабдықтармен жабдықталған, УДЗ, ЭКГ, аудиограф, кольпоскоп аппараттары және білікті медициналық-санитарлық көмек көрсету мен кеңес беру үшін қажетті өзге де құрылғылар бар.
№ 18 емхана алдыңғы қатарлы халықаралық тәжірибе негізінде әзірленген алғашқы медициналық-санитарлық көмек көрсетудің жаңа бірыңғай стандартына сәйкес келеді. Бұл стандарт медициналық көмек көрсету регламенттеріне, жобалық-технологиялық шешімдерге, цифрландыруға және емханалардың менеджментіне қолжетімділік, сапа, технологиялылық және жайлылық сынды 4 негізгі критерий бойынша түбегейлі өзгерістер енгізуге негізделген.
Емхана тұрғын үйлерден жаяу бара алатындай жерде орналасқан және автокөліктің барлық түріне, соның ішінде қоғамдық көліктерде ыңғайлы кірме жолдары бар.
Биыл Алматыда Жетісу және Әуезов ауданында барлығы 2 жаңа емхана ашылды, сонымен қатар, 2023 жылдың соңына дейін аяқтау жоспарға енген 4 отбасылық дәрігерлік амбулаторияның құрылысы басталды. Қазіргі уақытта 11 емхана мен отбасылық амбулаториялық амбулаторияға ЖСҚ әзірленіп жатыр. Қолданыстағы 10 ірі көпсалалы стационар мен перзентхана салу және жаңғырту жөніндегі кешенді бағдарлама басталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстанда жұма күні теледидар мен радио жұмыс істемейді
Қазтелерадио" АҚ телерадио хабарларын таратудың үздіксіз әрі сапалы болуын қамтамасыз ету мақсатында тоқсан сайын жерсеріктік, цифрлық және аналогты эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді.
2024 жылдың 29 қараша айында сағат 03:00 мен 17:00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады", деп көрсетілген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандықтар жаңа жылда 1-4 қаңтар аралығында демалады
ҚР Еңбек және халықты әлеуметтік қорғау министрлігі 2025 жылдың қаңтарындағы демалыс күнін ауыстыруды көздейтін бұйрық дайындады.
ҚР Еңбек және халықты әлеуметтік қорғау министрінің "2025 жылы демалыс күнін ауыстыру туралы" бұйрығына сәйкес, 2025 жылғы 5 қаңтардағы жексенбі, яғни демалыс күні 2025 жылғы 3 қаңтарға, жұмаға ауыстырылады, деп хабарлайды министрліктің баспасөз қызметінен.
Осылайша, аптасына бес күн жұмыс жасайтын қазақстандықтар 1-4 қаңтар, ал жұмыс аптасы алты күнді құрайтын азаматтар - 1-3 қаңтар күндері демалатын болды.
Демалыс күнін ауыстыру жұмыс уақытын оңтайлы бөлуге және азаматтардың демалысы үшін қолайлы жағдай жасауға мүмкіндік береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2024 жылғы 1 қарашада 403 мың адамға атаулы әлеуметтік көмек көрсетілді
2024 жылғы 1 қарашада 76 мың отбасындағы 403 мың адамға атаулы әлеуметтік көмек (бұдан әрі - АӘК) тағайындалды. Биыл осы мақсатқа бюджеттен 54,7 млрд теңге қарастырылған, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
Бұрын хабарланғандай, АӘК-нің негізгі мақсаты - ақшалай төлем түрінде қолдауды жүзеге асыру және отбасының еңбекке қабілетті мүшелерін жұмыспен қамтуға жәрдемдесудің белсенді шараларына тарту арқылы отбасын қиын өмірлік жағдайдан шығару.
АӘК мыналарды көздейді:
- табысы өңірлік ең төмен күнкөріс деңгейінің 70% - нан аспайтын азаматтарға тоқсан сайын әлеуметтік көмек тағайындау;
- табысы аз отбасылардағы 1 жас пен 6 жас аралығындағы әр балаға 1,5 АЕК (5 538 теңге) мөлшерінде ай сайынғы қосымша төлем беру. 2024 жылғы 1 қарашаға АӘК алушылар қатарынан мектеп жасына дейінгі 126 мың балаға 4,5 млрд теңге сомасына қосымша төлем тағайындалды;
- жұмысқа орналастыру, өз ісін ашуға ниетті отбасыларға гранттар беру, біліктілікті арттыру курстарына жіберу (қажет болған жағдайда) және басқалар арқылы жұмыспен қамтуға жәрдемдесу.
Қазіргі уақытта қазақстандықтар АӘК тағайындауға өтінішті тұрғылықты жері бойынша мансап орталығында, ауыл округінің әкіміне сондай-ақ Электрондық үкімет порталы (egov.kz) арқылы бере алады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.