Алматыда Eurasian Fashion Week 28-29 cәуір айының өтеді
Сурет: EFW
Алматы. 19 сәуір. KAZAKHSTAN TODAY - Eurasian Fashion Week (EFW) "Күз-Қыс 2023/2024" cәуір айының 28-29 аралығында Алматы қаласында "Forum" сауда ойын-сауық орталығындағы "Event Space" залында өтеді.
Eurasian Fashion Week - бүкіл Еуразия континентінің сәні мен стилін ұсынатын мобильді халықаралық алаң. EFW 2019 жылы Қазақстаннан басталып, Прага, Братислава, Бангкок және Дубайда жалғасты. Атақты кутюрьелер мен жас дизайнерлерді бір алаңда біріктіре отырып, бұл жоба Қазақстанның жеңіл өнеркәсібін дамыту және әлемде еліміздің оң имиджін қалыптастыру бойынша маңызды миссияны орындайды.
Жастармен бірге" мемлекеттік саясатының негізгі бағыттарына сүйене отырып, еліміздің және бүкіл континенттің мәртебесін көтеріп жүрген шығармашыл жастарды қолдау мақсатында Eurasian Fashion Week "Future is now" атты ұранмен өз жаңа маусымын ашады. Сән көрсетілімдерімен қатар іс-шара бағдарламасына медиа-бранч, баспасөз конференциясы, панельдік пікірталас және Kids Fashion Day кіреді.
EFW өз жарнамалық бейне түсірілімінде жасанды интеллект қолданған Қазақстандағы ең алғашқы сән апталығы атанды. Маусымның басты бейне түсірілімі студияда орын алып, кейін фото және видео материалдар жасанды интеллект арқылы өңделді.
Аталған революциялық түсірілімге Салтанат Тасболат және Дана Болатжан атты модельдер қатысты. Олардың бет-әлпеттері жасанды нейрондық желіге "бастапқы дерек" ретінде қызмет етті.
Осы маусымда қазақстандық және шетелдік дизайнерлер өз коллекцияларын ұсынады: SS by Sergey Shabunin (Kazakhstan), Nosi Moyo (Kazakhstan), Junus Coban (Turkey), Nayas (Czech Republic) және басқа да қатысушылар. Сонымен қатар, Қазақстанға Seoul Fashion Week және еуропалық сән апталығының тұрақты қатысушысы, Оңтүстік Кореяның атақты дизайнері Graphisteman.G. келеді. Бұл - қолмен боялған фантастикалық кескіндемемен сәнделген ерекше үлгідегі киім.
Eurasian Fashion Week бүкіл Еуразия кеңістігінде өзін танытып, Қазақстанның Fashion-индустриясындағы ең жарқын іс-шараға айналған оқиға. Бірнеше санаулы күнге Алматы халықаралық сән астанасына айналады. Eurasian Fashion Week алғаш рет Астана мен Алматы қалаларында өтті. Алайда, тұтынушылар нарығы мен экономикалық жағдайды зерттеу нәтижесінде Eurasian Fashion Week -ті жеңіл өнеркәсіп секторының дамуына байланысты мәселелерді талқылауға бағытталған жаһандық салалық іс-шараға дейін ұлғайту қажеттілігі туындады", - дейді EFW бас продюсері Ирина Байжанова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстандықтар жаңа жылда 1-4 қаңтар аралығында демалады
ҚР Еңбек және халықты әлеуметтік қорғау министрлігі 2025 жылдың қаңтарындағы демалыс күнін ауыстыруды көздейтін бұйрық дайындады.
ҚР Еңбек және халықты әлеуметтік қорғау министрінің "2025 жылы демалыс күнін ауыстыру туралы" бұйрығына сәйкес, 2025 жылғы 5 қаңтардағы жексенбі, яғни демалыс күні 2025 жылғы 3 қаңтарға, жұмаға ауыстырылады, деп хабарлайды министрліктің баспасөз қызметінен.
Осылайша, аптасына бес күн жұмыс жасайтын қазақстандықтар 1-4 қаңтар, ал жұмыс аптасы алты күнді құрайтын азаматтар - 1-3 қаңтар күндері демалатын болды.
Демалыс күнін ауыстыру жұмыс уақытын оңтайлы бөлуге және азаматтардың демалысы үшін қолайлы жағдай жасауға мүмкіндік береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2024 жылғы 1 қарашада 403 мың адамға атаулы әлеуметтік көмек көрсетілді
2024 жылғы 1 қарашада 76 мың отбасындағы 403 мың адамға атаулы әлеуметтік көмек (бұдан әрі - АӘК) тағайындалды. Биыл осы мақсатқа бюджеттен 54,7 млрд теңге қарастырылған, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
Бұрын хабарланғандай, АӘК-нің негізгі мақсаты - ақшалай төлем түрінде қолдауды жүзеге асыру және отбасының еңбекке қабілетті мүшелерін жұмыспен қамтуға жәрдемдесудің белсенді шараларына тарту арқылы отбасын қиын өмірлік жағдайдан шығару.
АӘК мыналарды көздейді:
- табысы өңірлік ең төмен күнкөріс деңгейінің 70% - нан аспайтын азаматтарға тоқсан сайын әлеуметтік көмек тағайындау;
- табысы аз отбасылардағы 1 жас пен 6 жас аралығындағы әр балаға 1,5 АЕК (5 538 теңге) мөлшерінде ай сайынғы қосымша төлем беру. 2024 жылғы 1 қарашаға АӘК алушылар қатарынан мектеп жасына дейінгі 126 мың балаға 4,5 млрд теңге сомасына қосымша төлем тағайындалды;
- жұмысқа орналастыру, өз ісін ашуға ниетті отбасыларға гранттар беру, біліктілікті арттыру курстарына жіберу (қажет болған жағдайда) және басқалар арқылы жұмыспен қамтуға жәрдемдесу.
Қазіргі уақытта қазақстандықтар АӘК тағайындауға өтінішті тұрғылықты жері бойынша мансап орталығында, ауыл округінің әкіміне сондай-ақ Электрондық үкімет порталы (egov.kz) арқылы бере алады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда 21 қарашада радио мен теледидар өшіріледі
Қазақстанда 21 қарашада радио мен теледидар өшіріледі, деп хабарлайды "Қазтелерадио" АҚ баспасөз қызметінен.
Қазтелерадио" АҚ телерадио хабарларын таратудың үздіксіз әрі сапалы болуын қамтамасыз ету мақсатында тоқсан сайын жерсеріктік, цифрлық және аналогты эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді.
2024 жылдың 21 қараша айында сағат 03:00 мен 17:00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады. Уақытша қолайсыздықтар үшін кешірім өтінеміз!", деп көрсетілген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.