02.07.2024, 16:48 14101
Астанада 3 шілде күні отшашу іске қосылады
Достарға айту
Елорда күні мен ШЫҰ саммитін өткізу қарсаңында, 3 шілдеде ботаникалық бақта салют іске қосылады. Отшашуды іске қосудың болжамды уақыты сағат 22:00-ден 22:30-ға дейін, деп хабарлайды Астана қаласы әкімдігінің баспасөз қызметінен.
Техникалық дайындық мақсатында 3 шілдеде сағат 19:00-ден бастап Ботатинкалық бақ аумағы ішінара жабылады. Бұл қоршау азаматтардың қауіпсіздігі үшін техникалық аймақ бөлімшесі үшін қажет. Отшашуды іргелес аумақтардан, соның ішінде "Ұлытау" скверінің аумағынан байқауға болады.
Естеріңізге сала кетейік, 6 шілде күні сағат 18:00-де ЭКСПО аумағында "Open Air" мерекелік концерті өтеді. Концерт аяқталғаннан кейін дрондардың жарық шоуын өткізу жоспарлануда. Дрондар шоуының шамамен өтетін уақыты сағат 22:15-те (22:30).
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
04.07.2024, 13:06 1601
Шілдеде құрғақшылық Қазақстанның қай аймақтарына қауіп төндіреді
Достарға айту
2024 жылғы шілдеде Қазақстан аумағында ылғалдану жағдайы көбінесе көпжылдық мәндерге жуық болады деп күтілуде, алайда атмосфералық құрғақшылықтың басталу қаупі бар аумақтардың ауданы ұлғаюда, деп хабарлайды Қазгидрометтен.
Шілдеде атмосфералық құрғақшылық күтіледі:
Қостанай облысының Амангелді, Жангелді аудандарында және Арқалық қаласында;
Батыс Қазақстан облысының Казталов, Жәнібек, Ақжайық және Бөкей орда аудандарында;
Ақтөбе облысының Шалқар, Байғанин, Ыргыз және Ойыл аудандарында;
Қарағанды облысының Ақтоғай және Шет аудандарында;
Абай облысының Аягөз ауданында;
Алматы облысының Балқаш ауданында;
Жетісу облысының Алакөл ауданында;
Жамбыл облысының Мойынқұм, Қордай, Жуалы, Жамбыл, Т. Рысқұлов және Сарысу аудандарында;
Түркістан облысының Арыс, Созақ, Қазығұрт, Түркістан, Ордабасы, Отырар, Шардара, Жетісай және Бәйдібек аудандарында;
Қызылорда облысының Арал, Қазалы, Қармақшы, Шиелі аудандарында және Қызылорда қаласы аумағында;
сондай-ақ Атырау, Маңғыстау және Ұлытау облыстарының басым аумағында.
Шілдеде бірқалыпты ылғалды жағдай күтіледі:
Солтүстік Қазақстан облысының Тайынша, Уәлиханов және Ғ. Мүсірепов аудандарында;
Ақмола облысының Атбасар, Ақкөл, Астрахан аудандарында және Степногорск қаласы маңайында.
Елдің қалған бөлігінде ылғалдану жағдайы осы ай үшін бірқалыпты жағдайға жуық болады деп күтілуде.
Болжам www.agrodata.kz қосымшада және "Қазгидромет" РМК ресми сайтында жарияланды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
03.07.2024, 17:59 7546
Жаңа оқу жылына бөлінген грант саны нақтыланды
Достарға айту
2024-2025 оқу жылына арналған мемлекеттік тапсырыста 112 мың грант қамтылды. Бұл туралы ҚР Ғылым және жоғары білім министрлігінің Жоғары және жоғары оқу орнынан кейінгі білім комитеті мәлім етті, деп хабарлайды ҚазАқпарат.
Елімізде жоғары білімді халық санын арттыру мақсатында жоғары білім берудің барлық деңгейі бойынша 2024-2025 оқу жылына арналған мемлекеттік тапсырыста 112 мың грант (бакалавриат-79 мыңға жуық грант, магистратураға -13 мыңға тарта, докторантура -1 900 астам грант) бөлінген.
Гранттардың басым бөлігі "Инженерлік, өңдеу, құрылыс салалары" білім беру бағдарлама топтарына бөлінді. Олардың саны 19 344 грантты құрады. Ал "Педагогикалық ғылымдарға" - 13 735 грант, "Ақпараттық-коммуникациялық технологиялар" саласына - 10 903 грант, "Жаратылыстану ғылымдары, математика және статистика" бағытына 8 288 грант тиесілі", - делінген ведомствоның Kazinform агенттігіне берген жауабында.
Биыл алғаш рет ішінара оқу ақысы бар сараланған гранттар енгізілді. "Педагогикалық ғылымдар" және "Әлеуметтік ғылымдар, журналистика және ақпарат" білім беру бағдарламалар тобы бойынша 150 сараланған гранттан бөлінген.
Бұдан бөлек, "Серпін" бағдарламасы арқылы оқуға түсетіндерге 3 903 грант бөлінген. "Серпін" жобасы арқылы 4 даярлау бағыты бойынша білім алуға болады. Атап айтқанда, педагогикалық ғылымдар, инженерлік-техникалық, ақпараттық технологиялар, ауыл шаруашылығы мамандықтары бойынша оқуға түсе алады. Бағдарламаға оңтүстік өңірдегі ауыл жастары қатысады. Гранттар тізімінде халық тығыз қоныстанған және батыс өңірлердің жастарын жетекші жоғары оқу орындарында оқыту үшін мақсатты білім беру гранты бар. Оның ішінде гранттар Атырау және Маңғыстау облысы түлектеріне арналған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
03.07.2024, 16:42 8186
Астанада қазақстандық мәдениет апталығы салтанатты түрде ашылды
Достарға айту
Астанадағы Есіл өзенінің жағасында қазақстандық мәдениет апталығы салтанатты түрде ашылды, деп хабарлайды елорда әкімдігінің ресми сайты.
Қазақстан мәдениеті апталығы аясында елордалық жағалауда бірқатар тақырыптық іс-шаралар ұйымдастырылды.
Ұйымдастырушылар - қалалық Мәдениет басқармасы, Сарыарқа ауданы және қоғам қайраткерлері.
"Қазақстанның мәдениет күндерінің ашылуы өтті. Халық үшін ұлттық ойындардан түрлі интерактивтер, жарыстар дайындалды. Сондай-ақ қала тұрғындары мен қонақтары үшін тілдерді дамыту және мұрағат басқармасымен бірлесіп "Қазақша лайк" ойыны өткізілді. Мұндай іс-шаралар 8 шілдеге дейін жалғасады. Спорт, музыка сияқты және басқа да тақырыптық іс-шаралар жоспарлануда", - деді Сарыарқа ауданы әкімінің міндетін атқарушы Дамир Хисматуллин.
Мерекелік іс-шара көркем және анимациялық фильмдер көрсетуден басталды. Қала тұрғындары мен қонақтарына "Менің атым Қожа" және басқа да кинофильмдер көрсетілді.
Ұлттық атмосфераға ену мақсатында ұйымдастырушылар этноауыл құрды. Жағалауда ұлттық киімдер мен өнер көрмесі өткен "Алты бақан" мен киіз үй орнатылды. Қонақтар Қазақстанның бай мәдени мұрасын тамашалай алды. Сонымен қатар астаналықтарға тазы тұқымды иттер және Бүркіт көрсетілді.
Сондай-ақ Есіл өзенінің жағасында ұлттық спорттық ойындар ұйымдастырылды. Іс-шара соңында "Жошы" этно-фольклорлық ансамблі қатысушылардың барлығына мерекелік көңіл күй сыйлады.
Іс-шара 8 шілдеге дейін Есіл өзенінің жағасында жалғасады:
3 шілде сағат 19:00-де басталады;
4 шілде сағат 19:00-де басталады;
5 шілде сағат 18:00-де басталады;
6 шілде сағат 16:00-де басталады;
7 шілде сағат 19:00-де басталады;
8 шілде сағат 19: 00-де басталады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
03.07.2024, 16:10 8501
Қазақстанда 43 градусқа дейін өте қатты ыстық болады деп болжануда
Достарға айту
Таяу күндері Қазақстан аумағының басым бөлігіне циклон өз ықпалын сақтайды, сонымен байланысты жаңбыр, найзағай, бұршақ және екпінді жел күтіледі, деп хабарлайды Қазгидрометтен.
Қатты жаңбыр 05 шілдеде солтүстік-батыста, 05-06 шілдеде солтүстікте, орталықта және оңтүстік-шығыста, 04-06 шілдеде шығыста болады деп күтілуде. Тек республиканың батысы мен оңтүстік-батысында ауа райы негізінен жауын-шашынсыз болады деп күтілуде.
Сондай-ақ, еліміздің батысында күндіз +33+43°С дейін өте қатты ыстық болады деп болжанады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
02.07.2024, 16:55 13741
Соңғы екі айда мыңнан астам алматылық қоныс тойын тойлады
Достарға айту
Кезекте тұрған тағы 271 адам жаңа ТҮК-нен пәтер кілтін алды. Оның ішінде жетім бала - 27, I және II топтағы мүгедек - 28, жеңілдіктер бойынша ҰОС ардагерлеріне теңестірілген ардагер - 23, мүгедек балаларды тәрбиелеп отырған отбасы - 58, толық емес отбасы - 129, зейнеткер - 5 және кейбір созылмалы аурудың ауыр түрінен зардап шегетін бір адам, деп хабарлайды Алматы қаласы әкімдігінің баспасөз қызметінен.
Баспаналы болған жанның бірі 69 жастағы Марат Шаханов.
"10 жылдан астам уақыт бойы мен кезекте тұрдым, шынымды айтсам, қоңырауды күтпедім. Бірақ кеше маған қоңырау шалып, жаңа пәтер берілетінін хабарлады. Мен алтыншы қабаттағы үйімді көріп шықтым, құрылыс сапасына риза болдым. Биыл мұқтаж жандарға көптеп пәтер беріліп жатыр. Мұның бәрі Алматы әкімі Ерболат Досаевтың арқасы деп білемін. Қала билігіне жаңа пәтерде тұруға мүмкіндік бергені үшін өте ризамын", - деді Марат Шаханов.
Естеріңізге сала кетейік, ХӘОТ санатындағы кезекте тұрғандарға кілт тапсыру рәсімі биыл 25 мамырда басталған болатын. Содан кейін кезекте тұрған 124 адам үш үйден пәтер алды. Кезекте тұрған 164 адам екі лекке ілігіп, 28 мамырда баспаналы болды. 30 мамырда тағы 105 кезекте тұрғандарға үй берілді. 5 маусымда 111 отбасы жаңа үйге қоныстанды. Биыл 7 маусымда 86 адам қоныс тойын тойлады.
Айта кетейік, Алматы қаласының әкімі Ерболат Досаевтың тапсырмасымен 2024 жылы қаланың коммуналдық тұрғын үй қорынан халықтың әлеуметтік осал тобының тізімі бойынша кезекте тұрған азаматтарға кезектілік тәртібімен екі мың жалға берілетін пәтер беру жоспарланған, оның 400-і жетім балаларға беріледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
01.07.2024, 20:18 19581
Қазақстанда студенттердің, магистранттардың және докторанттардың стипендиясы 1 қыркүйектен бастап көбейеді
Достарға айту
ҚР Премьер-Министрі Олжас Бектенов 2024 жылғы 1 қыркүйектен бастап колледждер мен ЖОО студенттеріне арналған стипендияларды арттыруды көздейтін Үкімет қаулысына қол қойды, деп хабарлайды Үкіметтің баспасөз қызметінен.
Колледж студенттері үшін шәкіртақы 50%-ға артып, жұмысшы мамандықтары бойынша 43 574 теңгені, орта буын мамандары үшін 41 896 теңгені құрайтын болады.
Бакалавриат студенттерінің стипендиясы 20%-ға артып, 47 135 теңгеге дейін, ал педагогика және медицина бағыттарындағы білім алушылардың стипендиясы 75 600 теңгеге дейін ұлғаяды.
Интернатурада оқитындарға стипендия 85 376 теңге, ал резидентурада - 123 122 теңге көлемінде төленетін болады.
Магистранттар мен докторанттарға стипендия 15%-ға ұлғайтылады, оның мөлшері тиісінше 107 061 теңгені және 240 000 теңгені құрайды.
Сондай-ақ 2025 жылғы 1 қыркүйекте шәкіртақы бакалавриат студенттеріне 20%-ға, магистранттар мен докторанттарға 15%-ға көбейетін болады.
Жалпы, Мемлекет басшысының тапсырмасы бойынша 2020 жылдан бастап стипендияны көбейту бойынша жоспарлы жұмыс жүргізілуде. Соның нәтижесінде 2025 жылға қарай ЖОО мен колледж студенттерінің стипендиясы екі есеге, магистранттар мен докторанттар үшін 1,75 есеге өседі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
28.06.2024, 17:19 37641
Талдықорғанда "Есірткісіз қала" акциясы өткізілді
Достарға айту
Талдықорғанда "Есірткісіз қала" акциясы өткізілді, - деп хабарлайды Polisia.kz.
26 маусым күні сағат 20:00-де Талдықорған қаласында Халықаралық нашақорлық пен есірткі бизнесіне қарсы күрес күніне орай "Талдықорған - есірткісіз қала" ұранымен кең ауқымды акция өткізілді.
Акцияның ашылуы есірткіге қарсы іс-шараларға белсенді қатысушыларды марапаттау рәсімінен басталды. Үкіметтік емес ұйым өкілдері, жергілікті атқарушы органдар мен наркологиялық ұйым басшылары аталды. Нашақорлық мәселесін жариялауға елеулі үлес қосқан журналистерге ерекше назар аударылды. Журналистер арасындағы байқау жеңімпаздары үздік мақалалар, сюжеттер мен посттар үшін ақшалай сыйлықтарға ие болды.
"Үздік сюжет" номинациясында Мұрат Жұмабай, екінші орынды Елдана Сәрсенбаева, үшінші орынды Карина Закриева жеңіп алды. Үздік пост үшін Татьяна Демидова марапатталды, екінші орынды Нұрбол Қанағат, үшінші орынды Ардагүл Әскербек иеленді, - деп атап өтті ПД бастығының орынбасары Мадияр Омаров.
Акция аясында қала мен облыстан шақырылған әртістердің, сондай-ақ Талдықорған спорт клубтарының тәрбиеленушілерінің қатысуымен концерттік бағдарлама өтті. Жетісу облысы ПД жылдам қимылдайтын арнайы жасақ жауынгерлері қоян-қолтық ұрыс пен қылмыскерлерді ұстау элементтерімен шоу көрсетті.
Облыстық ПД кинологиялық қызмет орталығының кинолог-инспекторлары қызметтік-іздестіру иттерімен көрме қойылымдарын өткізіп, олардың заттарды, жарылғыш құрылғыларды іздеу және қылмыскерлерді ұстау дағдыларын көрсетті. Іс-шара қаланың көптеген тұрғыны мен қонақтарын жинап, нашақорлықпен күресудің маңыздылығын атап өтті және салауатты өмір салтын ұстану қажеттілігіне назар аударды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
28.06.2024, 16:40 37741
Уақыт белдеуіне қатысты жұмыс тобының екінші отырысы петиция авторының өтініші бойынша кейінге қалдырылды
Келесі отырыстың күні кейінірек хабарланады
Достарға айту
2024 жылғы 28 маусымға жоспарланған уақыт белдеуіне қатысты петицияны қарау жөніндегі жұмыс тобының екінші отырысы автордың өтініші бойынша кейінге қалдырылды, деп хабарлайды ҚР Сауда және интеграция министрлігінің баспасөз қызметінен.
Келесі отырыстың өтетін күні мен уақыты туралы хабарлама петиция авторына осы жылғы 25 маусымда, белгіленген күннен үш жұмыс күні бұрын электрондық пошта арқылы және WhatsApp мессенджері арқылы жіберілді. 26 маусымда өтініш иелері жұмыс тобының отырысын кейінге қалдыру туралы хат жіберді. Осыған байланысты 28 маусымға жоспарланған отырыс кейінге қалдырылды. Келесі отырыстың күні кейінірек хабарланады.
Жұмыс тобының бірінші отырысы 21 маусымда өтті, онда петицияның бастамашы топ өкілдерінің пікірлері тыңдалды. Бірінші отырыстың толық бейнежазбасы Қазақстан Республикасы Сауда және интеграция министрлігінің YouTube арнасында қолжетімді. Барлық кейінгі отырыстардың бейнежазбалары да осы арнада жарияланатын болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ең көп оқылғаны
04.07.2024, 12:28Мемлекет басшысы Үндістан Премьер-министріне көңіл айту жеделхатын жолдады 04.07.2024, 13:25 5486Екі жеке меншік субұрқақтың иесі оларды Алматының коммуналдық меншігіне беруге дайын04.07.2024, 15:21 3386Үкіметте жемшөп өндірісін дамыту мәселелері талқыланды04.07.2024, 13:27 2071Алматыда туристердің болуы арқасында қанағаттанушылық индексі 9,8%-ға өсті04.07.2024, 17:20 Бозымбаев еліміздің батыс өңірлерін дамытудың шұғыл шаралар топтамасын әзірлеу жөнінде кеңес өткізді1626Бозымбаев еліміздің батыс өңірлерін дамытудың шұғыл шаралар топтамасын әзірлеу жөнінде кеңес өткізді
27.06.2024, 20:26 102251Кіші Аралдың жағдайы тексеріліп, суды үнемдеу және экология мәселесі қолға алынады27.06.2024, 20:18 98481Еңбекминінің қарамағына мемлекеттік еңбек инспекциясын беру туралы заңға енгізілетін түзетулер мақұлданды27.06.2024, 20:15 97326Риддер қаласына жаңа әкім тағайындалды28.06.2024, 17:05 82721Өзін-өзі жұмыспен қамтығандар үшін бірыңғай және ең төменгі 4% төлеммен жаңа жеңілдікті режим енгізу ұсынылады28.06.2024, 11:45 81366Президент БАҚ қызметкерлерін кәсіби мерекелерімен құттықтады
07.06.2024, 12:50 120961100-ге жуық құрылыс нысанын бұзуға қатысты талап арызды алматылық сот қарайды07.06.2024, 12:43 120951Корея Республикасының Президенті Юн Сок Ёль Қазақстанға мемлекеттік сапармен келеді21.06.2024, 16:04 112391Ақтөбеде жалған діни пансионаттар жабылды20.06.2024, 16:29 111541Мемлекет басшысы АӨСШК бас хатшысы Қайрат Сарыбайды қабылдады21.06.2024, 15:50 111001500 млрд-қа жуық тиімсіз пайдаланылған қаражат: парламент Үкіметтің 2023 жылғы республикалық бюджеттің атқарылуы туралы есептерін бекітті