Қазақстанда диабетиктер дәріханаларда инсулин таба алмай жүр
Қант диабетіне шалдыққандар дәріні қара нарықтан қымбат бағаға сатып алуға мәжбүр.
Сурет: Depositphotos
Қант диабетіне шалдыққандар дәріні қара нарықтан қымбат бағаға сатып алуға мәжбүр.
"Хабар 24" хабарлағандай, Қазақстанда қант диабетіне шалдыққандар инсулинді кепілдендірілген медициналық көмек аясында тегін алады. Бірақ емханаларда берілетін дәрі бәріне бірдей келе бермейді. Бұған дәрінің құрамы себеп болуы мүмкін дейді мамандар. Мысалы, 2019 жылы осы емханаларда берілетін оригинал препараттарды биосимилярларға алмастырған. Сондықтан кей науқастар инсулинді өз қаражатына сатып алатын болған. Осындай жағдайға тап болғандардың бірі оралдық Александр Черченко. Жыл басында ол инсулинді 19 мың теңгеге сатып алған. Бірақ соңғы бірнеше апта бойы Александар өмірлік маңызы бар дәрісін таппай әлек. Оның айтуынша қала дәріханаларында бұл препарат жоқ.
Қазір дәріханаларда инсулин, атап айтқанда Лантус жоқ. Енді инсулинді тек қара нарықта сатып алуға болады. Емханалар мен ауруханалардың өздері бұл дәрімен қамтамасыз етпейді. Жағдайымыз қиын. мысалы, маған 5 шприц 2,5 айға жетеді. Бір дәрі негізінен 2 аптаға есептелген. Қазір біз Лантусқа Алматыдан тапсырыс бердік. Қолымызда 3 пакет дәрі қалды. Енді осы Алматыда жіберетін препапаратты күтеміз", - дейді Орал қаласының тұрғыны Александр Черченко.
Бір инсулинді екіншісіне ауыстыру үшін ауруғана бір ай жатып шығу керек. Ол тек стационарлық жағдайда жасалады. Бірақ диабетиктердің барлығы бірдей тәуекелге бармайды, өйткені дәріні ауыстыру – олар үшін күрделі процесс. Осы орайда, диабетиктер қауымдастығы оригинал дәрілерді арзан биосимилярғаға ауыстыруға бірнеше жыл бұрын қарсы шыққан. Дегенмен олардың пікіріне ешкім құлақ аспапты.
Негізгі мәселе бағада еді. Биосимиляр арзан және бұл шешуші рөл атқарды. Бұл қоғамда дау тудырғаны рас. "Сол кезде СК Фармация" басшылығымен оригинал дәрілерді биосимиоярға ауыстыру заңнамадағы нормаларға сай ма, этикалық нормаларға келе ме деп бәраз дауластық. Бірақ соған қарамастан дәл осы биосимулятор инсулин сатып алынды. Сол кезден бастап "Лантусты" сатып алуды ресми түрде тоқтатты", - дейді ҚР диабеттік қауымдастықтың президенті Руслан Закиев.
Ұйым басшының айтуынша, дәріханаларда Лантус таба алмай жүрген пациенттер қуаымдастыққа жүгінген. Болжам бойынша, бұған Ресейдегі дәрі тапшылығы себеп болуы мүмкін. Көрші елде қазірдің өзінде 80-ге жуық дәрілік препараттардың жетіспеушілігіне тап болған. Оның ішінде инсулин де бар. Алайда Денсаулық сақтау министрі Ажар Ғиният бұл мәселені жоққа шығарады.
Қант диабетімен ауыратын барлық пациент тек бюджет есебінен дәрімен қамтамасыз етіледі. Дәріханаларда ешкім инсулин сатып алмайды. Себебі барлық пациенттер диспансерлік есепте тұр және олар бюджет есебінен, емханалар арқылы инсулин алады", - деп сендірді ҚР Денсаулық сақтау министрі Ажар Ғиният.
Материал дайындау барысында біз бірнеше дәріханаға, соның ішінде негізінен инсулин сататын жерлерге хабарластық. Бірақ олардың ешқайсысында Лантус препараты болмады.
Денсаулық сақтау министрінен мардымды жауап алмағандықтан, біз еліміздің фармацевтикалық қызметті қолдау және дамыту қауымдастығына жүгіндік. Олар дәрі сәуірдің екінші жартысында әкелінуі мүмкін деп хабарлады.
Қазіргі уақытта мемлекет қант диабеті бар амбулаториялық пациенттерді Қарағанды фармацевтикалық кешені өндіретін сауда атауы "Ринглар" инсулин препаратымен қамтамасыз етеді. Дегенмен бөлшек саудада оригинал инсулин "Лантус" препаратына сұраныс бар екенін көріп отырмыз. Аталмыш тауар тапшылығы сақтандыру қорларын қолдау және жоспарлаудағы қиындықтармен байланысты. Бірақ өндіруші "Лантус" препаратының дәріханаларда биыл сәуір айының екінші жартысында пайда болатынын растады. Дәріханалардағы пациенттерді тауармен үздіксіз қамтамасыз ету үшін біз 2023 жылдан бастап біріңғай төлем жүйесі енгізілгенін күтеміз. Бұл өндірушілер мен дистрибьюторларға дәрі-дәрмектерді жеткізуді алдын-ала жоспарлауға мүмкіндік береді", - деді ҚР фармацевтикалық қызметті қолдау және дамыту қауымдастығының президенті Марина Дурманова.
Еске салайық, наурыздың соңында денсаулық сақтау министрлігі дәрі-дәрмек жкспортына жарты жалға уақытша шектеу енгізді. Ведомство дәрі тапшылығы жақын арада шешіледі деген үмітте.
Ақпарат көзі: 24.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстандықтар жаңа жылда 1-4 қаңтар аралығында демалады
ҚР Еңбек және халықты әлеуметтік қорғау министрлігі 2025 жылдың қаңтарындағы демалыс күнін ауыстыруды көздейтін бұйрық дайындады.
ҚР Еңбек және халықты әлеуметтік қорғау министрінің "2025 жылы демалыс күнін ауыстыру туралы" бұйрығына сәйкес, 2025 жылғы 5 қаңтардағы жексенбі, яғни демалыс күні 2025 жылғы 3 қаңтарға, жұмаға ауыстырылады, деп хабарлайды министрліктің баспасөз қызметінен.
Осылайша, аптасына бес күн жұмыс жасайтын қазақстандықтар 1-4 қаңтар, ал жұмыс аптасы алты күнді құрайтын азаматтар - 1-3 қаңтар күндері демалатын болды.
Демалыс күнін ауыстыру жұмыс уақытын оңтайлы бөлуге және азаматтардың демалысы үшін қолайлы жағдай жасауға мүмкіндік береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2024 жылғы 1 қарашада 403 мың адамға атаулы әлеуметтік көмек көрсетілді
2024 жылғы 1 қарашада 76 мың отбасындағы 403 мың адамға атаулы әлеуметтік көмек (бұдан әрі - АӘК) тағайындалды. Биыл осы мақсатқа бюджеттен 54,7 млрд теңге қарастырылған, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
Бұрын хабарланғандай, АӘК-нің негізгі мақсаты - ақшалай төлем түрінде қолдауды жүзеге асыру және отбасының еңбекке қабілетті мүшелерін жұмыспен қамтуға жәрдемдесудің белсенді шараларына тарту арқылы отбасын қиын өмірлік жағдайдан шығару.
АӘК мыналарды көздейді:
- табысы өңірлік ең төмен күнкөріс деңгейінің 70% - нан аспайтын азаматтарға тоқсан сайын әлеуметтік көмек тағайындау;
- табысы аз отбасылардағы 1 жас пен 6 жас аралығындағы әр балаға 1,5 АЕК (5 538 теңге) мөлшерінде ай сайынғы қосымша төлем беру. 2024 жылғы 1 қарашаға АӘК алушылар қатарынан мектеп жасына дейінгі 126 мың балаға 4,5 млрд теңге сомасына қосымша төлем тағайындалды;
- жұмысқа орналастыру, өз ісін ашуға ниетті отбасыларға гранттар беру, біліктілікті арттыру курстарына жіберу (қажет болған жағдайда) және басқалар арқылы жұмыспен қамтуға жәрдемдесу.
Қазіргі уақытта қазақстандықтар АӘК тағайындауға өтінішті тұрғылықты жері бойынша мансап орталығында, ауыл округінің әкіміне сондай-ақ Электрондық үкімет порталы (egov.kz) арқылы бере алады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда 21 қарашада радио мен теледидар өшіріледі
Қазақстанда 21 қарашада радио мен теледидар өшіріледі, деп хабарлайды "Қазтелерадио" АҚ баспасөз қызметінен.
Қазтелерадио" АҚ телерадио хабарларын таратудың үздіксіз әрі сапалы болуын қамтамасыз ету мақсатында тоқсан сайын жерсеріктік, цифрлық және аналогты эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді.
2024 жылдың 21 қараша айында сағат 03:00 мен 17:00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады. Уақытша қолайсыздықтар үшін кешірім өтінеміз!", деп көрсетілген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда жиынтық зейнетақының орташа мөлшері 130 000 теңгені құрады
Жыл басынан бастап республикалық бюджеттен 3 трлн 118,2 млрд теңге сомасына зейнетақы төленді, оның ішінде базалық зейнетақы төлеуге - 982,2 млрд теңге, ынтымақты зейнетақы төлеуге - 2 трлн 136 млрд теңге қарастырылды, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
2024 жылғы 1 қарашадағы жағдай бойынша зейнеткерлер саны - 2 млн 421 мың адам.
2024 жылғы 1 қарашадағы жағдай бойынша жиынтық зейнетақының орташа мөлшері 131 730 теңгені құрады, оның ішінде ынтымақты зейнетақы мөлшері - 89 122 теңге, базалық зейнетақы - 42 608 теңге.
2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.
Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі - МЗЖ) төленген кезеңдер зейнетақы жүйесіндегі еңбек өтіліне қосылады.
Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 65%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 85 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 105% белгіленеді.
Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.
Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.
Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.