ШҚО-да биыл интернет алаяқтықтың 300-ге жуық фактісі тіркелді
Алаяқтың құрбаны болмау үшін бірнеше қарапайым қағиданы есте сақтау қажет
Шығыс Қазақстан облысында жыл басынан бері интернет алаяқтықтың 300-ге жуық фактісі тіркелді, деп хабарлайды Inform.kz.
Өңір бойынша биыл интернет арқылы жасалған алаяқтықтың 300-ге жуық фактісі тіркелді. Оның 80%-ы облыс және республика аумағынан тыс жерден жасалған. Бұл туралы баспасөз мәслихаты барысында Өскемен қаласы полиция басқармасы криминалдық полиция бөлімшесі бастығының орынбасары Азамат Рахадылов мәлім етті.
Қазіргі уақытта интернет алаяқтық - қылмыстың ең көп тараған түріне жатады. Алаяқтар халықты ОЛХ, Колеса, Крыша сайттарында және әлеуметтік желілерде кездесетін тауарға немесе қызметке алдын ала төлем жасауды сұрау арқылы алдайды. Сонымен қатар банк қызметкерлері атынан қоңырау шалып, жәбірленушінің шоттарына күмәнді операциялар жүргізіліп жатқандығы туралы сендіріп, оның атына несие рәсімдейді немесе шотта бар ақшаны толығымен шешіп алады. Азаматтарға қоңырау шалып өздерін құқық қорғау органдарының қызметкерлері деп таныстыра отырып, танысы немесе жақын туысы қиын жағдайға тап болғанын және оған көмектесу үшін белгілі бір мөлшерде ақша қажет екенін айту арқылы да алаяқтық жасалған фактілер жетерлік", - дейді ол.
Алаяқтың құрбаны болмау үшін бірнеше қарапайым қағиданы есте сақтау қажет.
Банк қызметкерлері ешқашан өз клиенттеріне қоңырау шалып, телефоныңызға жіберілген кілтсөзді сұрамайды. Ешкімге және ешбір жағдайда өзіңіздің жеке деректеріңізді айтуға болмайды. ЖСН, карточка нөмірлерін, пин-кодтар мен СМС-тер, карта ішкі жағындағы 3 таңбалы нөмірді ешқашан айтпаңыз. 2 аптада бір рет мобильді банкингтегі кодты өзгертіп отырыңыз", - деді басқарма бастығының орынбасары Орал Рысбаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстанда жұма күні теледидар мен радио жұмыс істемейді
Қазтелерадио" АҚ телерадио хабарларын таратудың үздіксіз әрі сапалы болуын қамтамасыз ету мақсатында тоқсан сайын жерсеріктік, цифрлық және аналогты эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді.
2024 жылдың 29 қараша айында сағат 03:00 мен 17:00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады", деп көрсетілген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандықтар жаңа жылда 1-4 қаңтар аралығында демалады
ҚР Еңбек және халықты әлеуметтік қорғау министрлігі 2025 жылдың қаңтарындағы демалыс күнін ауыстыруды көздейтін бұйрық дайындады.
ҚР Еңбек және халықты әлеуметтік қорғау министрінің "2025 жылы демалыс күнін ауыстыру туралы" бұйрығына сәйкес, 2025 жылғы 5 қаңтардағы жексенбі, яғни демалыс күні 2025 жылғы 3 қаңтарға, жұмаға ауыстырылады, деп хабарлайды министрліктің баспасөз қызметінен.
Осылайша, аптасына бес күн жұмыс жасайтын қазақстандықтар 1-4 қаңтар, ал жұмыс аптасы алты күнді құрайтын азаматтар - 1-3 қаңтар күндері демалатын болды.
Демалыс күнін ауыстыру жұмыс уақытын оңтайлы бөлуге және азаматтардың демалысы үшін қолайлы жағдай жасауға мүмкіндік береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2024 жылғы 1 қарашада 403 мың адамға атаулы әлеуметтік көмек көрсетілді
2024 жылғы 1 қарашада 76 мың отбасындағы 403 мың адамға атаулы әлеуметтік көмек (бұдан әрі - АӘК) тағайындалды. Биыл осы мақсатқа бюджеттен 54,7 млрд теңге қарастырылған, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
Бұрын хабарланғандай, АӘК-нің негізгі мақсаты - ақшалай төлем түрінде қолдауды жүзеге асыру және отбасының еңбекке қабілетті мүшелерін жұмыспен қамтуға жәрдемдесудің белсенді шараларына тарту арқылы отбасын қиын өмірлік жағдайдан шығару.
АӘК мыналарды көздейді:
- табысы өңірлік ең төмен күнкөріс деңгейінің 70% - нан аспайтын азаматтарға тоқсан сайын әлеуметтік көмек тағайындау;
- табысы аз отбасылардағы 1 жас пен 6 жас аралығындағы әр балаға 1,5 АЕК (5 538 теңге) мөлшерінде ай сайынғы қосымша төлем беру. 2024 жылғы 1 қарашаға АӘК алушылар қатарынан мектеп жасына дейінгі 126 мың балаға 4,5 млрд теңге сомасына қосымша төлем тағайындалды;
- жұмысқа орналастыру, өз ісін ашуға ниетті отбасыларға гранттар беру, біліктілікті арттыру курстарына жіберу (қажет болған жағдайда) және басқалар арқылы жұмыспен қамтуға жәрдемдесу.
Қазіргі уақытта қазақстандықтар АӘК тағайындауға өтінішті тұрғылықты жері бойынша мансап орталығында, ауыл округінің әкіміне сондай-ақ Электрондық үкімет порталы (egov.kz) арқылы бере алады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.