Көкшетауда облыс әкімі Ермек Маржықпаевтың қатысуымен Спорт күніне арналған салтанатты шара өтті
Қазiргi уақытта Ерейментау, Аршалы, Целиноград және Бiржан сал аудандарында дене шынықтыру және сауықтыру спорт кешендерi салынуда. Облыстың спорт инфрақұрылымында барлығы 2,5 мың спорт объектiсi бар.
Алматы. 14 тамыз. Kazakhstan Today - Көкшетауда облыс әкiмi Ермек Маржықпаевтың қатысуымен Спорт күнiне арналған салтанатты шара өттi.
Спортшыларды құттықтай отырып, өңiр басшысы олардың қажырлы еңбегiн, күш-жiгерiн және өз iсiне адалдығын атап өтiп, мемлекеттiк наградаларды табыс еттi және халық үшiн жаңа спорт объектiлерiнiң құрылысы жайлы айтып бердi.
Қазiргi уақытта Ерейментау, Аршалы, Целиноград және Бiржан сал аудандарында дене шынықтыру және сауықтыру спорт кешендерi салынуда. Облыстың спорт инфрақұрылымында барлығы 2,5 мың спорт объектiсi бар. Тұрғын үйлердiң жанында спорт алаңдарының саны соңғы 2 жылда 70 бiрлiкке артты және 2020 жылдың соңына дейiн облыстың аудандары мен қалаларында тағы 20 жаңа спорт алаңдары ашылатын болады, Есiл ауданында ДСК құрылысы басталады. Келесi жылы Бурабай ауданында спорт сарайының құрылысы басталады деп күтiлуде.
"Бiздiң аға буын өкiлдерiне ерекше тоқталғым келедi. Бүгiн залда ардагерлер, жаттықтырушылар - Өмiрзақ Базылұлы Қуатбеков, Лев Львович Маар, Чуйко Василий Тимофеевич, Бимжанов Қанат Шиапұлы отыр. Өскелең ұрпақ тәрбиелеуге көп жылдарын арнаған, өңiрiмiзде және жалпы Қазақстанда дене шынықтыру мен спорт саласының қалыптасуына қомақты үлес қосқан барлық спортшыларды құттықтаймын" - деп атап өттi Ермек Маржықпаев.
"Биыл облыс спортшылары республикалық және халықаралық жарыстарда 192 медаль жеңiп алды (52 алтын, 65 күмiс, 75 қола). Алайда, әлемдегi коронавирус бойынша қалыптасқан жағдай спорт жоспарларына түзетулер енгiздi. Барлық спорттық iс-шаралар тоқтатылды, ал Олимпиада ойындары 2021 жылға ауыстырылды. Карантин аяқталғаннан кейiн санитарлық-эпидемиологиялық нормаларға сәйкес спорттық өмiр қайта басталады деп үмiттенемiз. Бiздiң спортшылар дайындықты қалыпты режимде жалғастырады", - дедi облыс әкiмi.
Кәсiби мерекеге орай 14 спорт ардагерi мен жаттықтырушы-оқытушылар республикалық наградалармен: "Еңбек ардагерi" медалiмен, "Құрметтi спорт қызметкерi" және "Дене шынықтыру және спортты дамытуға қосқан үлесi үшiн" төсбелгiлерiмен, Қазақстан Республикасы Мәдениет және спорт министрiнiң Құрмет грамотасымен марапатталды. Ақмола облысы әкiмiнiң алғыс хаты 8 жаттықтырушы мен спорт қайраткерлерiне табысталды, сондай-ақ, ақпаратты уақытында және сапалы дайындағаны үшiн облыстық "Көкше" телеарнасының редакторы Қалымбек Мұхамеджанов атап өтiлдi.
"Бiз бiрге көп нәрсенi, соның iшiнде коронавирусты жеңе алатынымызға сенiмдiмiн! Бiздiң бiрлескен күш-жiгерiмiздiң нәтижесiнде бiздiң стадиондар, спортзалдар әлi де толық болады", - деп түйiндедi өңiр басшысы. Салтанатты iс-шара естелiк фотосуретке түсумен аяқталды.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Қазақстан құрамасы хоккейден алғашқы Азия чемпионатының жеңімпазы атанды
Алматы қаласындағы Halyk Arena спорт кешенінде хоккейден ерлер арасындағы алғашқы Азия чемпионаты аяқталды, деп хабарлайды ҚР ТСМ баспасөз қызметінен.
Бүгін шешуші матчта Қазақстан командасы Жапониямен ойнап, 5-1 есебімен басым түсті.
1:0 - Рымарев (Борисевич, Гренц)
2:0 - Рымарев (Александров)
3:0 - Наместников (Королинский)
3:1 - Ирикура (Ханзава, Кобаяши)
4:1 - Гребенщиков (Волков, Королинский)
5:1 - Королинский
Ал Оңтүстік Корея құрамасы овертаймда Қытайдан 2-1 есебімен басым түсіп, бізге басымдық сыйлады.
Азия чемпионатының турнир кестесі:
Қазақстан - 6 ұпай
Жапония - 6
Оңтүстік Корея - 4
Қытай - 2
Айта кетейік, құрлық бәсекесі Халықаралық хоккей федерациясының (IIHF) қолдауымен өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астанада Рақымжан Қошқарбаевтың 100 жылдығына орай кикбоксингтен турнир өтіп жатыр
Елордада Халық қаһарманы Рақымжан Қошқарбаевтың 100 жылдығына орай кикбоксингтен республикалық турнирдің гала-финалдық және кәсіби кездесулерінің ашылуы өтті. Іс-шара "Астана - есірткісіз қала" жобасы аясында ұйымдастырылып, әлемнің және Азияның чемпиондарымен бірге есептегенде Қазақстанның 13 облысынан 500-ден астам спортшы жиналды, деп хабарлайды Астана қаласы әкімдігінің баспасөз қызметінен.
Астана қаласы полиция департаменті есірткі қылмысына қарсы іс-қимыл басқармасы бастығының м.а., полиция полковнигі Еркеш Халықов кикбоксингтен турнирдің ерекше маңыздылығын атап өтті, оның айтуынша, мұндай спорттық іс-шараларды өткізу жастардың салауатты әдеттерін қалыптастыруда және салауатты өмір салтын насихаттауда маңызды рөл атқарады.
Спикер спорт, әсіресе жекпе-жек өнері, адамның бойында тәртіпті, табандылық пен жеңіске деген ерік-жігерді тәрбиелейтінін атап өтті. Бұл - зиянды тәуелділіктен аулақ болуға және дұрыс жолды таңдауға көмектесетін қасиеттер. "Кикбоксинг - бұл жай ғана спорт емес, ол сіздің энергияңызды пайдалы бағытқа бағыттау, ақыл-ой күшін дамыту және мінезді тәрбиелеу мүмкіндігі. Біз мұндай іс-шаралар нашақорлықпен күресуге ықпал етеді, жастарға өмірден өз жолдарын табуға мүмкіндік береді деп сенеміз", - деді ол.
Спортшылар арасында әлем және Азия чемпионаттарына қатысушылар бар. Барлық қатысушы жоғары деңгейде дайындалған. Барлығы жеңіске барынша ұмтылады, сондықтан жарыс өте эмоционалды түрде өтеді", - деп әсерімен бөлісті елордалық спортшы Әмір-Акиф Абдуллаев.
Гала-финалдың ерекшелігі - бұл шоудың белгілі бір атмосферасында өтетін турнирлердің финалы. Осының арқасында жекпе-жек әлдеқайда әсерлі болады, ал спортшылардың эмоциялары ерекше болады", - деді турнирдің негізгі ұйымдастырушысы және кикбоксингтен жаттықтырушы Ернар Омаров.
Турнирді қорытындылау салтанатты түрде өтеді, ал үздік спортшылар лайықты сыйлықтармен және медальдармен марапатталады. Турнирдің мақсаты - патриотизмді нығайту және жас ұрпақтың ұлттық тарих пен мәдениетке деген қызығушылығын қалыптастыру.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елордада үстел теннисінен XXVII Азия чемпионаты басталды
Елордада үстел теннисінен XXVII Азия чемпионаты басталды, деп хабарлайды Қазақстан Республикасы Туризм жəне спорт министрлігінің баспасөз қызметінен.
Астанадағы Beeline Arena Ұлттық теннис орталығында елімізде алғаш рет ұйымдастырылып жатқан үстел теннисінен XXVII Азия чемпионатының жалауы желбіреді. Чемпионатқа Азия құрлығының 26 елінен келген 210 спортшы қатысып жатыр.
Сары құрлық додасының ашылу салтанатына Туризм және спорт вице-министрі Серік Жарасбаев қатысып, байрақты бәсекеде өнер көрсететін спортшыларға сәттілік тіледі.
Үстел теннисінен XXVII Азия чемпионатының басталуымен барша спорт сүйер қауымды құттықтаймын! Қазіргі таңда елімізде үстел теннисіне ерекше көңіл бөлініп, бұл спорт түрі қарқынды дамып келеді. Кейінгі бірнеше жылда жерлестеріміз халықаралық жарыстарда жақсы нәтижелер көрсетіп жүр. Олардың қатарында үш Олимпиада ойындарында ел намысын қорғаған Кирилл Герасименко, әлем біріншілігінің жеңімпазы Алан Құрманғалиев және басқа да спортшыларымыз бар. Бұл чемпионат - біздің еліміз үшін ғана емес, бүкіл Азия үшін маңызды оқиға. Бүгін біз әлемнің ең мықты ойыншыларын қарсы алып, құрлықтағы үстел теннисі әлеуетін танытуға дайынбыз!" - деді Серік Жарасбаев.
Елордадағы біріншілікте әлемнің үздік ойыншылары, соның ішінде Олимпиада чемпионы Ван Чуцинь (Қытай), күміс жүлдегерлер Мива Харимото мен Миу Хирано (Жапония), сондай-ақ Олимпиаданың алтын жүлдегері Сунь Инша (Қытай) бақ сынайды.
Бұл сында ел намысын Рио-2016, Токио-2020, Париж-2024 Олимпия ойындарының қатысушысы Кирилл Герасименко, 2020 жылғы Токио Олимпиадасының қатысушысы Анастасия Лаврова, миксте жастар арасындағы әлем чемпионатының жеңімпазы Алан Құрманғалиев, сондай-ақ халықаралық турнирлердің жүлдегері Сарвиноз Миркадирова мен Зауреш Акашева қорғайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.