Дархан Құрақбаев Антикор төрағасының орынбасары болып тағайындалды
Бұған дейін ол Павлодар облысы бойынша Сыбайлас жемқорлыққа қарсы қызмет департаментін басқарған
Сурет: gov.kz
Астана. 2 мамыр. KAZAKHSTAN TODAY - Мемлекет басшысының өкімімен Дархан Ғалымтайұлы Құрақбаев Қазақстан Республикасының Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызметтің) төрағасының орынбасары лауазымына тағайындалды, деп хабарлайды Ақорданың баспасөз қызметі.
2022 жылдың 11 қазанынан бастап Дархан Құрақбаев Павлодар облысы бойынша Сыбайлас жемқорлыққа қарсы іс-қимыл департаментінің басшысы қызметін атқарды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Ұлттық музейі мен Мемлекеттік Эрмитаж бірлескен көрмелер өткізуді жоспарлауда
2025 жылғы 25-28 наурыз аралығында Қазақстан Республикасының Ұлттық музейі директоры Берік Әбдиғалиұлы мен археология және этнография бөлімінің аға ғылыми қызметкері Руслан Дуванбеков Мәскеу мен Санкт-Петербургтың жетекші музейлеріне жұмыс сапары өтті. Мақсаты - музейлер арасындағы ынтымақтастықты нығайту, бірлескен жобаларды талқылау мен меморандум жасау.
Санкт-Петербург қаласында Русский музей, Эрмитаж, Кунсткамера және Ресей этнографиялық музейінің басшылығымен кездесулер өтті. Мәскеуде Третьяков галереясы, Мемлекеттік тарихи музей, Шығыс музейі, Палеонтологиялық музей және Ресейдің қазіргі заманғы тарихының мемлекеттік орталық музейі өкілдерімен келіссөздер жүргізілді.
ҚР Ұлттық музейі мен Мемлекеттік Эрмитаж ынтымақтастықты кеңейтпек. Әріптестік аясында бірлескен көрмелер, Астанада Эрмитаж күндерін өткізу, қызметкерлер үшін тағылымдамалар, сондай-ақ каталогты шығару жоспарланған, деп хабарлайды Ұлттық музейlің баспасөз қызметінен.
Русский музеймен ынтымақтастық барысында Ресей бейнелеу өнерінің жауһарларын ұсынатын көрме өткізу мүмкіндігі қарастырылады.
Кунсткамераның коллекциясында қазақтардың материалдық мәдениетіне арналған біршама жәдігерлер сақтаулы. Екі музей арасындағы ынтымақтастықтың аясында бұл құнды заттар екі томдық каталогқа негіз болмақ.
Сол сияқты Палеонтологиялық музеймен бірлесіп, маңызды серіктестік бастамалары қолға алынуда. Тараптар каталогты дайындау бойынша әдістемелік консультациялар өткізу, Қазақстан аумағында бірлескен экспедициялар ұйымдастыру, сондай-ақ Қазақстанда табылған, бірақ Ресей музейінде сақтаулы алып жануарлар қаңқаларының ғылыми реконструкцияларын жасау туралы уағдаласты.
Сапар қорытындысы бойынша ынтымақтастық туралы меморандумдарға қол қойылып, көрме алмасу, ғылыми зерттеулерді жүзеге асыру сынды әріптестіктің маңызды бағыттары белгіленді. Бұл Қазақстан мен Ресей арасындағы мәдени байланыстарды дамыту мен нығайтудағы маңызды қадам болды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Түркістан облысының Созақ ауданына 1,3 млрд текше метр су жіберілді
2024 жылдың қыркүйек айынан бері Тасөткел су қоймасынан Созақ ауданына 1,3 млрд текше метр су жіберілді. 27 наурызда Шу өзенінің суы Созақ ауданының Жуантөбе ауылдық округіне жетті. Қазіргі таңда су аудан шекарасынан 80 шақырым ішке қарай таралып жатыр, деп хабарлайды Қазақстан Республикасы Су ресурстары және ирригация Министрлігінің баспасөз қызметінен.
Су ресурстары және ирригация министрлігі жыл соңына дейін тағы 44 млн текше метр су жіберуді жоспарлап отыр. Бүгінгі таңда Тасөткел су қоймасында 410 млн текше метрге жуық су бар.
Су ресурстары және ирригация министрі Нұржан Нұржігітовтің тапсырмасы бойнша Жамбыл облысының "Қазсушар" филиалы мен Шу-Талас бассейндік инспекциясының басшылары Созақ ауданына барды. Тексеріс барысында Шу өзені арнасын өз бетінше бұру және заңсыз бөгет тұрғызу фактісі анықталған жоқ.
Барлық суармалы алқаптар және су пайдаланушылар су ресурстарының бөлінген көлемінде сумен қамтамасыз етілуде. Министрлік өкілдері аудан тұрғындарымен кездесіп, халықты сумен қамту бағытындағы атқарылып жатқан жұмыстар туралы айтып берді.
Шу өзеңінің ағысын реттеу және бөгеттің бұзылуының алдын алу үшін Радай өзегінің басына су реттегіш құрылғы орнату туралы шешім қабылданды. Бұл құрылғы судың табиғи ағысын кезең-кезеңімен, қауіпсіз және тиімді басқаруға, суды Шу өзеңінің негізгі арнасымен жіберу және Созақ ауданына суды жеткізу уақытын азайтуға бағытталған. Қазіргі уақытта, жергілікті әкімдік жобалық-сметалық құжаттамасын әзірлеп жатыр",- деді Талғат Ибраев Шу-Талас бассейндік инспекциясын басшысы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Медициналық сақтандыру қорының басшысы тағайындалды
Денсаулық сақтау министрі Ақмарал Әлназарова бүгін әлеуметтік медициналық сақтандыру қорының ұжымына жаңа басшыны таныстырды, деп хабарлайды Қазақстан Республикасы Денсаулық сақтау министрлігінің баспасөз қызметінен.
Денсаулық сақтау министрінің бұйрығымен Премьер-Министрмен келісім бойынша "Әлеуметтік медициналық сақтандыру қоры" КеАҚ Басқарма төрағасы лауазымына Айдын Құлсейітов тағайындалды.
Айдын Құлсейітов Өскеменде дүниеге келген. Шығыс Қазақстан мемлекеттік техникалық университетін "Инженер-экономист" мамандығы бойынша және ҚР Президенті жанындағы Мемлекеттік қызмет академиясын "Мемлекеттік қызмет менеджері" мамандығы бойынша бітірген.
Еңбек жолын басқарушы лауазымдарға дейін жеке салада бастаған. Содан кейін Мемлекеттік қызметке ауысты. Индустрия және сауда министрлігінде, энергетика және минералдық ресурстар министрлігінде жұмыс істеді, "Технологиялық даму жөніндегі ұлттық агенттік" АҚ, "Қазақстандық индустрияны дамыту институты" АҚ Басқарма төрағасы болды.
2017 жылдан бастап ҚР Президентінің Әкімшілігінде бірқатар басшылық қызметтер атқарды.
Екі жыл бойы ҚР Президенті Әкімшілігінің Стратегиялық әзірлемелер және талдау орталығын басқарды.
Содан кейін Қазақстан Республикасының Президенті Әкімшілігінің Стратегиялық жоспарлау бөлімінің меңгерушісі болып тағайындалды.
Соңғы екі жылда ҚР Президенті Әкімшілігінің Әлеуметтік-экономикалық мониторинг бөлімінің басшысы болып жұмыс істеді. Осы уақытқа дейін - Қазақстан Республикасының Президенті Әкімшілігінің Әлеуметтік-экономикалық саясат бөлімінің меңгерушісі лауазымында қызмет атқарды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Президент өнеркәсіп және құрылыс министрінің алдына бірқатар міндеттер қойды
Қасым-Жомарт Тоқаев Өнеркәсіп және құрылыс министрі Ерсайын Нағаспаевты қабылдады, деп хабарлайды Ақорданың баспасөз қызметінен.
Мемлекет басшысына министрліктің былтырғы атқарған қызметінің қорытындысы мен алдағы кезеңге арналған жоспары баяндалды.
Ерсайын Нағаспаевтың айтуынша, өткен жылы өнеркәсіп саласында негізгі капиталға салынған инвестициялар мен өңделген өнімдер экспорты ең жоғары өсім көрсетті. Биыл осы үрдісті сақтап, өндіріс көлемін арттыру жоспарланып отыр.
Президентке геология және цифрландыру бағыттарындағы жұмыстар жөнінде мәлімет берілді. Атап айтқанда, Жер қойнауын пайдаланудың бірыңғай платформасы іске қосылды. Қала құрылысы жобалары цифрлы жүйеге көшірілді. Ауылдарда бірыңғай коммуналдық төлем жобасын енгізу жоспарланып отыр. Жасанды интеллект көмегімен геологиялық білім қорын жасақтау қолға алынды.
Кездесу соңында Президент министрге орташа және терең өңделген өнім көлемін ұлғайту, биыл отандық тауар өндірушілердің бірыңғай реестрін құру, инвестор тарту жұмыстарын жандандыру жөнінде бірқатар тапсырма берді. Мемлекет басшысы жоспарланған тұрғын үйлерді пайдалануға беру, халықты ауызсумен барынша қамтамасыз ету, құрылыс және тұрғын үй-коммуналдық шаруашылығы салаларындағы үдерістерді цифрландыру жұмыстарын белсенді жүргізу маңызды екенін атап өтті. Бұдан бөлек, ведомство басшысына өңдеу өнеркәсібі нысандарын уақтылы іске қосу тапсырылды. Сондай-ақ жер қойнауын пайдалану саласындағы реформаларды мерзімінде әрі сапалы аяқтау міндеті жүктелді.
Қасым-Жомарт Тоқаев отандық тауар өндірушілерді қолдау шараларын қатаң бақылауға алу қажеттігін айрықша атап өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.