Шымкентте қадағалау актісі бойынша 100 кәсіпкердің құқықтары қорғалды

27.09.2024, 17:57 8996

Қазақстан СТОБҮК ұйымына төрағалық етеді

Қазақстан СТОБҮК ұйымына төрағалық етеді, деп хабарлайды ҚМА баспасөз қызметінен.

Алматы қаласында ТМД елдерінің Салықтық (қаржылық) тергеу органдары басшыларының үйлестіру кеңесінің (СТОБҮК) 23-отырысы өтті.

Отырысқа Әзірбайжан, Армения, Беларусь, Қырғызстан, Ресей, Тәжікстан мен Өзбекстанның салықтық (қаржылық) тергеу органдарының басшылары қатысты.

Сонымен қатар жиынға ТМД Атқарушы комитетінің Бас хатшысының орынбасары Нұрлан Сейтимов басшылығымен делегация қатысты.

Жиынды Қаржылық мониторинг агенттігінің Төрағасы Жанат Элиманов ашты.

Кеңес отырысында төрағалықтың Беларусьтен Қазақстанға ауысатыны жарияланды.

СТОБҮК төрағасы болып ҚР ҚМА төрағасының орынбасары Қайрат Бижанов, ал тең төрағалар ретінде Салықтық (қаржылық) тергеу органдарының басшылары Беларусь Республикасынан Андрей Самбук пен Армения Республикасынан Ваан Чархифалакян сайланды.

Қатысушылар ТМД мемлекеттерінің салықтық тергеу органдарының экономикалық қауіпсіздікті қамтамасыз ету қызметін және алдағы кезеңге арналған жұмыс жоспарларын талқылады.

Басқосуда ведомствоаралық өзара іс-қимыл механизмдері және экономикалық құқық бұзушылықтармен, соның ішінде заңсыз ақша айналымы, заңсыз ойын бизнесімен күрес саласындағы ынтымақтастықты нығайту мәселелері қаралды.

Делегация басшылары цифрлық активтерді, криптовалюталарды пайдалану арқылы жасалатын қылмыстарға, сондай-ақ интернет-алаяқтыққа, қаржылық пирамидаларға және дропперлерге қарсы күрес бойынша тәжірибелерімен бөлісті.

Кеңес мүшелері үшін күн тәртібіндегі ерекше мәселе экстремизм мен терроризмді қаржыландыруға байланысты қылмыстармен күрес бойынша қабылданып жатқан шараларды және ынтымақтастықты талқылау болды.

Сонымен қатар, тараптар Кеңеске қатысушы елдердегі кадрлық қызметкерлердің білімін және кәсіби дағдыларын арттыру мәселелеріне ерекше назар аударды.

Жаңадан сайланған төраға Қайрат Бижанов Қазақстан Кеңес алдына қойылған міндеттерді орындау үшін бар күш-жігерін салатынын және ынтымақтастықтың басым бағыттарын барынша тиімді жүзеге асыруға ұмтылатынынын атап өтті.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

27.09.2024, 17:46 9376

Астанада қоғамдық көлікке арнап 10 мыңнан астам виртуалды тариф шығарылды

Астанада 26 тамыздан бастап қоғамдық көліктерде мектеп және жеңілдігі бар санаттағы азаматтар виртуалды тарифпен валидация жасай алады. Бұл туралы елорда әкімдігінің ресми сайты CTS-ке сілтеме жасап хабарлайды.

Виртуалды тариф рәсімдеу толығымен онлайн жасалады, орталық кассаға барудың қажеті жоқ. Рәсімдеу тегін.

Валидация "Avtobys" қосымшасымен QR кодты сканерлеу, Bluetooth немесе көлік кодын енгізу арқылы жүзеге асырылады.

Тарифті рәсімдеу үшін:

1. Смартфонға "Аvtobys" қосымшасын орнату;

2. Жеңілдік алушының телефон нөмірімен қосымшаға тіркелу;

3. Тranscard.kz сайтының "Электрондық өтінімдер" бөлімінде өтініш беру. Деректерді толтыру және құжаттарды тіркеу қажет. Өтінім 1-3 жұмыс күні ішінде өңделеді (поштаға хабарлама келеді). Кейін виртуалды тариф "Avtobys" қосымшасына қосылады және оны пайдалануға болады. Виртуалды тарифтің мерзімі жоқ.

Маңызды:

1. Тарифті қолдану үшін интернет қажет, ал теңгерім керек емес.

2. Қауіпсіздік мақсатында виртуалды тариф пайдаланушының құрылғысына байланыстырылады. Құрылғы немесе телефон нөмірі өзгерген жағдайда Р.Қошқарбаев даңғылы, 50/1 мекенжайында орналасқан CTS Орталық кассасына жүгінуге болады.

Сонымен қатар, мектеп оқушылары мен жеңілдікті азаматтар пластикалық көлік карталарын пайдалануды жалғастыра алады. Мектеп/жеңілдік көлік картасын екі жолмен рәсімдеуге болады:

- Р. Қошқарбаев даңғылы, 50/1 мекенжайындағы Орталық кассадан;

- Transcard.kz сайтында онлайн тапсырыс беру арқылы. Бұл ретте дайын көлік картасын Орталық кассаның ресепшнінен талон алмай, кезек бойынша алуға болады.

Мектеп көлік картасын алу үшін:

- оқу орнынан анықтама қажет (мектеп, колледж);

- туу туралы куәлік (ЖСН бар) немесе жеке куәлік;

- 3х4 бір фото.

Кассаға жүгінген жағдайда қосымша ата-анасының бірінің жеке куәлігі.

Мектеп көлік картасын алғашқы алу құны 1000 тг. Қайта шығару - 2000 теңге.

Кассаның жұмыс кестесі: дүйсенбі - сенбі күндері сағ. 09:00-ден 17:45-ге дейін, үзіліссіз. Жексенбі - демалыс.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

27.09.2024, 15:32 9741

Президент Түркістан облысының жұртшылығымен кездесті

Президент Түркістан облысының жұртшылығымен кездесті, деп хабарлайды Ақорданың баспасөз қызметінен.

Мемлекет басшысы Түркістан қаласында жаңадан бой көтерген "Достық үйінің" жұмысымен танысты.

Қасым-Жомарт Тоқаевтың арнайы тапсырмасымен салынған кешенде "Қоғамдық келісім" мекемесі, облыстық Қазақстан халқы ассамблеясы жанындағы Ардагерлер кеңесі, Аналар кеңесі, Медиация кеңесі, сондай-ақ аймақтағы 11 этномәдени бірлестіктің өкілдіктері орналасқан.

Мемлекет басшысы ғимаратты аралап көріп, жергілікті зиялы қауыммен және Қазақстан халқы ассамблеясының мүшелерімен жүздесті.

- Қастерлі Түркістан жеріне арнайы келіп отырмын. Түркістан өңірінің келешегі жарқын деп ойлаймын. Жастарымызға үлгі-өнеге көрсетіп жүрген ардагерлерге алғыс айтқым келеді. Ең алдымен, жастарға қолдау білдіруіміз керек. Біз бәріміз бірігіп, ел үшін еңбек етуіміз қажет. Сырттан келетін тәуекелдер аз емес. Ахуалды жақсы білесіздер. Түркістан облысында 50 ұлт өкілі тұрады. Ауызбіршілікті сақтау және елімізді дамыту жолындағы ерен еңбектеріңізге ризашылық білдіремін. Қазақстанда ешқашан ешқандай фобия болған емес, болмайды да. Біз - бірлігі мығым, толерантты, ұстамды әрі еңбекқор халықпыз. Ең бастысы - осы. Сондықтан ынтымағы жарасқан қоғамның іргесін әлі де бекіте түсеміз, - деді Қасым-Жомарт Тоқаев.

Мемлекет басшысы Түркістанның көрікті, таза қалаға айналғанына назар аударды. Бұл ретте Түркістанға облыс мәртебесін берген еліміздің Тұңғыш Президенті Нұрсұлтан Назарбаевтың еңбегі зор екенін атап өтті.

Кездесуде Ақсақалдар кеңесінің төрағасы Созақбай Әбдіқұлов Түркістанның облысқа айналған сәтінен бері орын алған оң өзгерістерге тоқталып, халық саны тығыз орналасқан өңірге мемлекет тарапынан жасалып жатқан қамқорлық үшін алғыс айтты.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

27.09.2024, 15:24 10011

Қасым-Жомарт Тоқаев Қожа Ахмет Ясауи кесенесіне зиярат етті

Президенттің Түркістан облысына жұмыс сапары Қожа Ахмет Ясауи кесенесіне зиярат етуден басталды, деп хабарлайды Ақорданың баспасөз қызметінен.

Мемлекет басшысы ақын, ғұлама, бүкіл түркі дүниесіне ортақ рухани ұстаз Қожа Ахмет Ясауидің және кесене аумағында жерленген басқа да тарихи тұлғалардың рухына тағзым етіп, құран бағыштады.

Қасым-Жомарт Тоқаевқа ЮНЕСКО-ның Дүниежүзілік мұралар тізіміне енген кесенеде жүргізіліп жатқан кешенді ғылыми-зерттеу жұмыстары жөнінде баяндалды.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

27.09.2024, 11:30 12411

Қасым-Жомарт Тоқаев Сердар Бердімұхамедовті Түрікменстанның Тәуелсіздік күнімен құттықтады

Қасым-Жомарт Тоқаев Сердар Бердімұхамедовті Түрікменстанның Тәуелсіздік күнімен құттықтады, деп хабарлайды Ақорданың баспасөз қызметінен.

Президент құттықтау жеделхатында Ашхабадтың мемлекеттілікті нығайтудағы жарқын жетістіктеріне тоқталып, шетелдік серіктестермен қарым-қатынаста сындарлы ұстанымға жүгінетін бейтарап Түрікменстанның халықаралық аренада зор беделге ие екенін атап өтті.

Мемлекет басшысы Қазақстанның Түрікменстанмен арадағы ғасырлар бойы жалғасқан достық, тату көршілік қатынас және өзара қолдау дәстүрінен айнымай, екіжақты стратегиялық серіктестікті одан әрі тереңдетуге бейілді екенін растады.

Қасым-Жомарт Тоқаев Сердар Бердімұхамедовтің жауапты мемлекеттік қызметіне табыс, ал бауырлас түрікмен халқына бақ-береке тіледі.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

26.09.2024, 18:14 42811

Қазақстандық аграрларды мемлекеттік қолдау көлемі 1,4 трлн теңгеге дейін ұлғаяды

2025 жылдың көктемгі егіс жұмыстарына фермерлерді қаржыландыру биыл басталады, деп хабарлайды Үкіметтің баспасөз қызметінен.

Меңдіқара ауданының егіс алқабында вице-премьер Серік Жұманғарин Қостанай облысының фермерлерімен кездесті. Олардың көпшілігі - Премьер-Министр Олжас Бектеновтің биылғы 23 қыркүйекте агро сала өкілдерімен кеңейтілген форматта өткен кездесуіне қатысқандар.

Вице-премьер жұмыс басында өңірдің диқандарымен мемлекеттік қолдау шараларын талқылады.

Үкімет басшылығымен өткізілген кеңес - бұл Мемлекет басшысының еліміздің ауыл шаруашылығын қолдау және дамыту жөніндегі тапсырмаларына жылдам жауап. Біз фермерлерді қолдау көлемін біртіндеп арттырып жатырмыз. Атап айтқанда, көктемгі-күзгі дала жұмыстарына жеңілдігі бар қаржыландыру көлемін 700 млрд теңгеге дейін ұлғайтамыз, оның шамамен 40%-ы "Даму" қоры арқылы кепілдендіріледі. Ауыл шаруашылығы техникасын лизингке кредиттеу көлемі 100 млрд теңгеден 200 млрд теңгеге дейін өседі. Нәтижесінде жыл сайынғы жұмыстарды қамтамасыз ету үшін фермерлерді қолдау сомасы 900 млрд теңгеге дейін ұлғаяды. Биыл біз 2025 жылғы көктемгі егіс жұмыстарын қаржыландыруды бастаймыз", - деді Серік Жұманғарин фермерлерге.

Вице-премьер өңірлерде фермерлер жаңа жылдың басында көптеген қажетті тауарлардың бағасы өсетінін, сондықтан "КенДала" бағдарламасы бойынша көктемгі жұмыстарға қол жетімді қаражатты күзде алған жөн екенін айтқанын жеткізді.

Биылғы қараша-желтоқсан айларында біз бұл процесті бастаймыз. Үлкен жоба бойынша жеңілдігі бар қаржыландыру көлемін келесі жылға жылдық 2,5% мөлшерлемемен 100 млрд теңгеден 200 млрд теңгеге дейін ұлғайтып, несиелеу үшін тағы 8 жаңа бағыт қосамыз. Бұл - етті мал шаруашылығы, өнеркәсіптік жылыжай кешендері, жеміс сақтау қоймалары, балық өсіретін балық өңдеу шаруашылықтары, орау өндірісі, терең өңдеу және басқалары", - деп нақтылады Серік Жұманғарин.

Екінші деңгейдегі банктер мен басқа да қаржы институттарының жеңілдігі бар қаржыландыруын, сондай-ақ айналым және инвестициялық қаражат түріндегі қолдауларды қосқанда, мемлекеттік қолдау көлемі 1,3 - 1,4 трлн теңгеге дейін жеткізілетін болады.

Бұл өте үлкен қаражат. Фермерлерге көмектесу арқылы біз қарсы міндеттемелер қоямыз. Оны қазір пысықтап жатырмыз, жалпы айтқанда, бұл агрономияны сақтау, тыңайтқыштар енгізу, өнімді тұқымдарды пайдалану, техниканы жаңарту. Жер еліміздің игілігі үшін жұмыс істеуі керек. Биылғы жылы біз 20 млн тоннаға жуық жақсы өнім алатынымызға ешкімнің күмәні жоқ, бірақ болашақта осы талаптардың орындалуының арқасында мұндай көлем әдеттегі күтілетін көрсеткішке айналуы тиіс", - деп атап өтті вице-премьер.

Фермерлер алдағы өзгерістерді, әсіресе көктемгі егіс жұмыстарын ерте қаржыландыру туралы жаңалықты қуана қабылдады. Олар сондай-ақ аймақта жеткілікті үлкен көлемде күтіліп отырған 4-сыныпты бидайды форвардтық сатып алу бағасы қанша болатынына қызығушылық танытты. Премьер-Министрдің орынбасары фермерлердің бағаға қатысты сауалдарын тыңдап, Азық-түлік корпорациясына оның мөлшерін мүмкіндігінше тезірек жариялауды тапсырды. Кездесу қорытындысы бойынша Серік Жұманғарин барлық фермерді қазанның екінші жартысында Алматыда өтетін Қазақстан-Ауғанстан бизнес-форумына қатысуға шақырды.

Премьер-Министрдің орынбасары сондай-ақ Харьковское ауылының тұрғындарымен кездесті, Заречное кентінің жанындағы "Тэрра" шаруа қожалығының егіс алқабында көкөніс жинау барысымен және өнімді сақтау орындарының мүмкіндігімен танысты.

Серік Жұманғарин қызметімен танысқан тағы бір нысан қостанайлық жылқы тұқымын өсірумен айналысатын "Қазақ тұлпары" ЖШС болды. Қазақы жылқы тұқымын сақтап, насихаттаудың маңызын назарға ала отырып, вице-премьер Ауыл шаруашылығы министрлігіне Қазақстанда құрылып жатқан Жылқы шаруашылығы институтының базасында жеке қаражат есебінен жылқы зауытын жаңғырту бағдарламасын дайындауды тапсырды..

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

26.09.2024, 16:35 40321

«Бауырына салу» фильмі «Оскарға» ұсынылды

«Бауырына салу» фильмі «Оскарға» ұсынылды, деп хабарлайды ҚР Мәдениет және ақпарат министрлігінің баспасөз қызметінен.

Режиссер Асхат Кучинчирековтың «Бауырына салу» фильмі Мәдениет және ақпарат министрлігі мен Ұлттық киноны қолдау орталығының қолдауымен түсірілген. Фильм жақында «Тұлпар» ұлттық сыйлығын иеленді және Оскар комитетіне «International Feature Film» номинациясы бойынша Қазақстаннан ұсынылып отыр.

Америка академиясының дауыс беруі үш кезеңде өтеді. 9-13 желтоқсан аралығында академиктер шортлист жасақтайды, ол 17 желтоқсанда жарияланады. Дауыс беру 2025 жылдың 8-12 қаңтары аралығында өтеді. Оның қорытындысы бойынша 17 қаңтарда барлық санаттағы номинанттар белгілі болады. Үшінші, соңғы кезең 11-18 ақпан аралығында өтеді.

Жеңімпаздардың есімі 2025 жылдың 2 наурызында Лос-Анджелесте конверттерді ашу салтанатында жарияланады. Егер фильм номинант ретінде ұсынылса, режиссер шақырту алады. «International Feature Film» санатындағы мүсіншеде мемлекет пее фильмнің атауы және режиссердің есімі көрсетіледі. ‎

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

26.09.2024, 16:23 40576

Алматыда тау бөктерінде ТК құрылысы тоқтатылды: жоспардан тыс тексеру жүріп жатыр

Алматыда тау бөктерінде ТК құрылысы тоқтатылды: жоспардан тыс тексеру жүріп жатыр, деп хабарлайды Алматы қаласы әкімдігінің баспасөз қызметінен.

Алматының қала құрылысын бақылау басқармасы Жамакаев көшесінде салынып жатқан тұрғын үй кешенінің жобадан ауытқығаны туралы хабарлады.

Атап айтқанда, "Benta" ЖШС тапсырыс берушісі Autograph ТҮК қабаттылық нормасын бұзған. Эскиздік жобаға сәйкес, нысан 3 қабат + техникалық қабаттан тұруы керек. Алайда қазір кешеннің оңтүстік-батыс жағында 4 қабат, солтүстік-шығыс жағында 3 қабат бар. Сонымен қатар, нысанның ең биік жері шамамен 18 метр, ал рұқсат етілген биіктік 12 метрден аспауға тиіс.

Естеріңізге сала кетейік, 2022 жылы Алматы қаласының Мәслихатының шешімімен және әкімдіктің ұсынысы негізінде құрылыс ережесіне бірқатар өзгеріс енгізілген болатын. Соның ішінде әл-Фараби даңғылынан жоғары орналасқан ғимараттар үшін 3 қабаттан аспайтын, жертөле қабатты қосқанда 12 метрден биік болмауы тиіс деген шектеулер бар.

Қазіргі уақытта Autograph ТҮК-нің құрылыс-монтаждау жұмыстары тоқтатылып, бір ай ішінде бұзушылықтарды түзету және нысанды рұқсат беру құжаттамасына сәйкестендіру туралы нұсқама берілді.

Айта кету керек, талаптарды орындамау сот талқылауларына, соның ішінде нысанның жартылай бұзылуына әкелуі мүмкін.

Жалпы, Алматы әкімі Ерболат Досаевтың құрылысқа бақылауды күшейту тапсырмасы аясында былтыр жыл басынан бері 47 заңсыз нысан, соның ішінде "Мечта", KHAN, "Алма Гарден" және басқа тұрғын үй кешендері толық немесе жартылай сүрілді.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Шымкентте қадағалау актісі бойынша 100 кәсіпкердің құқықтары қорғалды

тақырып бойынша жаңалықтар

Ең көп оқылғаны

Өзекті

Қасым-Жомарт Тоқаев Сердар Бердімұхамедовті Түрікменстанның Тәуелсіздік күнімен құттықтады