Тоқаев: Қазақстан мен Ресей – одақтас елдер
Кремльде Қасым-Жомарт Тоқаев пен Владимир Путиннің кездесуі өтті.
Бұл туралы Президенттің баспасөз хатшысы Берік Уәли өзінің Facebook-тегі парақшасында хабарлады.
Қазақстан мен Ресей – одақтас елдер. Біз үнемі халықаралық күн тәртібіндегі өзекті мәселелерді, қауіпсіздікті, әсіресе екіжақты ынтымақтастықты үнемі пысықтап отырамыз. Елдеріміз арасындағы қатынастарымыз стратегиялық әріптестік бағытында дамып отырғаны қуантады", – деді Мемлекет басшысы.
Ол көршілес өңірлеріміздің тауар айналымы 70 пайызды құрайтынын атап өтті.
Өңіраралық ынтымақтастық форумында кездесуді жоспарлап отырмыз. Қазан айындағы кездесу жүзбе-жүз өтпесе де, онлайн байланыста болады. Одақтас байланыстарымызға тың қарқын беретін бұл кездесуді жұртшылық күтіп отыр", – деп атап өтті Мемлекет басшысы.
Екі ел көшбасшыларының талқылауының маңызды тақырыбы Ауғанстандағы жағдай болды.
Шын мәнінде, біз қауіпсіздік мәселесіне қатысты саясатымызды үнемі кеңесіп жүргіземіз. Бұл мәселе, әсіресе, Ауғанстандағы жағдайға келгенде аса өзекті. Алдағы іс-қимылдарымызды жүйелеу үшін Сіздің осы жағдайға қатысты пікіріңізді білгім келеді", – деді Қазақстан Президенті.
Өз кезегінде Владимир Путин Ауғанстандағы жағдайды ескере отырып, қауіпсіздік мәселелері өте маңызды екенін айтты. Оның айтуынша, дүйсенбі күні, 23 тамызда ҰҚШҰ аясында ол бұл мәселені әріптестерімен бейнеконференция режимінде талқылайды.
Кездесуде Президенттер Қазақстан мен Ресей арасындағы екіжақты ынтымақтастық пен стратегиялық серіктестіктің өзекті мәселелерін қарастырды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Мемлекет басшысы жұмыс сапарымен Маңғыстау облысына келді
Мемлекет басшысы жұмыс сапарымен Маңғыстау облысына келді, деп хабарлайды Ақорданың баспасөз қызметінен.
Қасым-Жомарт Тоқаев бірқатар нысанның қызметімен танысып, өңірдің әлеуметтік-экономикалық дамуы жөнінде кеңес өткізеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстаннан Ауғанстанға 36 гуманитарлық көмек вагоны келіп жетті
Мемлекет басшысының тапсырмасы бойынша Қазақстан Ауғанстан халқына гуманитарлық көмек жолдап отыр. Ауғанстанның Балх провинциясындағы Хайратон станциясында гуманитарлық жүк ауған тарапына берілді. Темір жолмен жеткізілген жүктің жалпы көлемі 2,2 мың тонна. Бұлар өсімдік майы, бидай ұны, күріш жармасы, қысқы және жазғы шатырлар, көрпелер. Зәру дәрілік заттар бар гуманитарлық көмектің бір бөлігі әуе көлігімен жіберілмек. Гуманитарлық көмек "KazAID" Қазақстандық халықаралық даму агенттігінің жәрдемімен көрсетілді, деп хабарлайды Үкіметтің баспасөз қызметінен.
Қазақстан Республикасының Ауғанстандағы уақытша сенімді өкілі Ғазиз Ақбасов атап өткендей, Қазақстан ауған халқын қолдауды жалғастырып, екі ел арасындағы достық, сауда-экономикалық байланысты дамытуды дәйекті түрде қолдайды. Тек гуманитарлық қана емес, тау-кен өнеркәсібі, көлік, логистика мен ауыл шаруашылығы саласындағы ынтымақтастықты тереңдетуге дайын.
21-23 сәуір аралығында вице-премьер - ұлттық экономика министрі Серік Жұманғарин бастаған қазақстандық делегация Кабулға барады. Сапар шеңберінде Ауғанстанның ресми тұлғаларымен кездесулер, қазақстандық тауарлардың көрмесін өткізу жоспарланып отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қасым-Жомарт Тоқаев бірқатар мемлекеттің елшісінен сенім грамоталарын қабылдады
Қасым-Жомарт Тоқаев бірқатар мемлекеттің елшісінен сенім грамоталарын қабылдады, деп хабарлайды Ақорданың баспасөз қызметінен.
Ақорда" резиденциясында жеті мемлекеттің төтенше және өкілетті елшілерінің Қазақстан Президентіне сенім грамоталарын табыстау рәсімі өтті.
Сенім грамоталарын Беларусь Республикасының елшісі Алексей Богданов, Таиланд Корольдігінің елшісі Пияпин Нийомреркс, Молдова Республикасының елшісі Штефан Горда, Мьянма Одағы Республикасының елшісі Тит Линн Оун, Кения Республикасының елшісі Питер Мутуку Матуки, Албания Республикасының елшісі Блерта Кадзадеш, Италия Республикасының елшісі Антонелло де Риу тапсырды.
Мемлекет басшысы дипломаттарды Қазақстандағы миссияларының басталуымен құттықтап, еліміз олардың қызметіне жан-жақты қолдау көрсететінін жеткізді.
Қасым-Жомарт Тоқаев Қазақстанның бейбіт әрі көпвекторлы сыртқы саясат ұстанатынын айтты. Президенттің айтуынша, халықаралық қатынастарда диалог пен ықпалдастық қағидаттары басшылыққа алынуға тиіс және БҰҰ Жарғысын қатаң сақтау айрықша маңызды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2027 жылға қарай еліміздің барлық су объектісінде су қорғау аймақтары мен белдеулерін белгілеу жоспарланып отыр
Су ресурстары және ирригация министрі Нұржан Нұржігітов Парламент Мәжілісінің депутаттарымен бірге жаңа Су кодексін іске асыру мәселелерін талқылады. Әсіресе Су ресурстарының ақпараттық-талдау орталығының жұмысына ерекше назар аударылды, деп хабарлайды Қазақстан Республикасы Су ресурстары және ирригация Министрлігінің баспасөз қызметінен.
Бүгінде орталық мамандары су ресурстарының Ұлттық ақпараттық жүйесін әзірлеп жатыр. Министр мен депутаттар жобаның жүзеге асу барысымен танысты. Қазіргі уақытта Қазақстан бойынша 5000-нан астам су объектісі цифрландырылып, жүйеге енгізілген. "Қазсушар" мамандары күн сайын жүйеге өзекті деректерді енгізіп отырады. Болашақта бұл процесті толық автоматтандыру жоспарланып отыр.
Айта кетейік, су ресурстарының Ұлттық ақпараттық жүйесін әзірлеуге мемлекеттік бюджеттен қаражат бөлінбейді. Жоба Еуразиялық даму банкінің гранты есебінен жүзеге асырылып жатыр.
Министрлік БҰҰ Даму бағдарламасымен бірлесіп, немістің TalsimNG жүйесін енгізіп жатыр. Бұл жүйе су қоймаларына түсетін судың қысқа және ұзақ мерзімді болжамдарын ұсынады. Қазіргі таңда Есіл және Нұра өзендерінің бассейндері толықтай модельденген. Жыл соңына дейін елдегі барлық су ресурсын цифрлық модельдеу жоспарда бар.
Сондай-ақ кездесуде Балқаш көлін сақтау бойынша мастер-жоспар құру талқыланды. Былтыр Су ресурстары және ирригация министрлігі Францияның даму агенттігімен келісімге қол қойды, құжатқа сәйкес француз тарапы көл бассейнін кең көлемде зерттейді. Нәтижесінде 2040 жылға дейін ұзақ мерзімді мастер-жоспар әзірленеді. Бүгінгі таңда қажетті деректерді жинау және француз сарапшыларымен ақпарат алмасу жалғасып жатыр.
Отырыста көтерілген тағы бір тақырып еліміздің су объектілерінде су қорғау аймақтары мен белдеулерін орнату болды. Жұмысты үш кезеңде жүргізіп, 2027 жылға қарай аяқтау жоспарда бар. Ең алдымен су қорғау аймақтары мен белдеулері ірі су объектілерінде, кейін орта және шағын объектілерде орнатылады.
Мәжіліс депутаттары министрге және ақпараттық-талдау орталығының мамандарына атқарылып жатқан жұмыстар туралы сұрақтар қойып, өз ұсыныстарын білдірді. Депутаттар кадр даярлау, құрғақшылықты болжау, ауыл шаруашылығында суды есепке алу, суды қайта пайдалану жүйесін енгізу, су маңында пайдалы қазбаларды өндіру секілді өзекті мәселелерге назар аударды.
Жаңа Су кодексі мен оған қатысты заң жобаларын әзірлеу барысында белсенділік танытқаны үшін Мәжіліс депутаттарына алғыс білдіремін. Біздің бірлескен жұмысымыз мұнымен аяқталмайды. Құжат 10 маусымнан бастап күшіне енеді. Сондықтан жаңа су заңнамасында қойылған міндеттерді тиімді іске асыруды қамтамасыз етуіміз керек", - деді Су ресурстары және ирригация министрі Нұржан Нұржігітов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Президент Астана және Қазақстан митрополиті Александрды I дәрежелі "Достық" орденімен марапаттады
Президент Астана және Қазақстан митрополиті Александрды I дәрежелі "Достық" орденімен марапаттады, деп хабарлайды Ақорданың баспасөз қызметінен.
Мемлекет басшысы митрополит пен барша православ қауымын Пасха мерекесімен құттықтады.
Қасым-Жомарт Тоқаев Православ шіркеуінің дәстүрлі және отбасылық құндылықтарды насихаттауға, жас ұрпақты тәрбиелеу мен еліміздің бай мәдени мұрасын сақтауға елеулі үлес қосып келе жатқанын атап өтті.
Президент митрополит Александрды I дәрежелі "Достық" орденімен марапаттады. Бұл оның Қазақстандағы қызметіне 15 жыл толуына орай, сондай-ақ бейбітшілік пен келісімді нығайтудағы еңбегі үшін беріліп отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.