Шығын 100 млн теңгеден астам: Жетісу облысында интернационалдық алаяқтар тобы ұсталды
Жетісу облысы прокуратурасының үйлестіруімен полиция интернационалдық алаяқтар тобының жолын кесті, деп хабарлайды Жетісу облысының прокуратурасының баспасөз қызметінен.
4 адамнан тұратын топ, шетелдік азаматтармен бірлесе отырып, біздің облыстың жүзден астам тұрғынын алдаған, олар 100 миллион теңгеден астам шығынға ұшыраған.
Қылмыстық ниеттеріне қол жеткізу үшін олар әртүрлі алдау схемалары мен заманауи технологияларды, яғни қашықтан қол жеткізу қолданбаларын (AnyDesk, Kenguru, Teamviewer) және т.б. пайдаланды.
Топтың өзінің "Қолма-қол ақша шешу орталығы" бар, ол дропперлерді пайдаланып, қаражатты криптовалютаға аударып отырылған.
Олардың тұрғылықты жерін тінту кезінде 35 ұялы телефон, 3 жүйелік блок, 3 ноутбук, 2 пневматикалық тапанша және қымбат нөмірлері бар 3 люкс көлік тәркіленді.
Топтың 4 мүшесіне қатысты сотқа дейінгі тергеп-тексеру жүргізілуде.
Қылмыс жасағаны үшін күдіктілер мүлкін тәркілей отырып, жеті жылға дейін бас бостандығынан айыру түріндегі жазаға тартылуы мүмкін.
Жетісу облысы прокуратурасы азаматтарға алаяқтықтың құрбаны болмауды, басқа тұлғаларға жеке деректерді немесе банк шотының мәліметтерін беруден бас тартуы керектігін ескертеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ШҚО-да полицейлер 2,5 млн теңгенің мал ұрлығын ашты
ШҚО-да құны 2,5 млн теңге болатын 6 ірі қараны ұрлаған қылмыстық топ ұсталды, - деп хабарлайды Polisia.kz.
Шығыс Қазақстан облысында полицейлер құны шамамен 2 млн 500 мың теңге болатын ірі қара ұрлады деген күдікке ілінген қылмыстық топтың жолын кесті. Тергеу барысында, үш шығысқазақстандық азамат облыс аудандарының бір тұрғынының еркін жайылымынан алты ірі қара малды ұрлап, алдын ала дайындалған қораға айдап әкеткені анықталған.
Жедел уәкілдер қылмыс жасалған түні күдіктілерді Омбы - Майқапшағай тасжолында тасымалдауға әрекеттеніп жатқан кезде ұстаған. Ұрлық фактісі бойынша қылмыстық іс қозғалды. Қылмыс жасаған азаматтар қамауға алынып, олар бес жылға дейін бас бостандығынан айырылуы мүмкін. Полицейлер олардың осыған ұқсас басқа да ашылмаған қылмыстарға қатысы бар-жоғын тексеруде.
Шығыс Қазақстан облысының полиция департаменті облыс тұрғындарын мал ұрлығын болдырмау үшін тиісті шаралар қабылдауға шақырады. Бұл дегеніміз: күзет жүйелерін жақсарту, жануарларды міндетті түрде таңбалау, мал басын бақылау және мониторинг жүргізу үшін заманауи технологияларды енгізу қажет. Мұндай шаралар мүлікті қорғауға ғана емес, ұрланған жағдайда жануарларды табу мен қайтаруды айтарлықтай жеңілдетуге көмектеседі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қылмыстық жолмен алынған 358 миллион теңгеден астам қаражатқа сатып алынған жылжымайтын мүлікті мемлекет кірісіне тәркіледі
Қаржылық мониторинг агенттігі қылмыстық жолмен алынған 358 миллион теңгеден астам қаражатқа сатып алынған жылжымайтын мүлікті мемлекет кірісіне тәркіледі, деп хабарлайды агенттітің баспасөз қызметінен.
ҚМА Шымкент қаласы бойынша департаменті өңірдің лауазымды тұлғаларына және "Қуатжылуорталық-3" МКК-ға қатысты сметалық құнын арттыру, сондай-ақ нақты орындалмаған жұмыстар үшін ақы төлеу арқылы қаладағы жылу желілері мен электр беру желілеріне ағымдағы жөндеу жүргізуге бөлінген 1,1 миллиард теңгеден астам бюджет қаражатын жымқыру фактісі бойынша сотқа дейінгі тергеуді аяқтады.
Сонымен қатар, күдіктілер лауазымды адамдар ұрланған қаражатты жылыстату үшін "қолма-қол ақша жасаушылар" тобын тартты. Олар 7% мөлшерінде ақшалай сыйақы үшін бөгде тұлғаларға ресімделген 24 күмәнді кәсіпорын арқылы тауарларды жеткізу және қызмет көрсету жөніндегі мәмілелер туралы жалған құжаттар (шот-фактуралар, жүкқұжаттар, орындалған жұмыс актілері, шарттар) ұсынды.
Параллельді қаржылық тергеу шеңберінде қылмыстық жолмен алынған қаражатқа сатып алынған жылжымайтын мүліктер, атап айтқанда, Шымкент және Астана қалаларындағы 2 пәтер, 1 тұрақ орны, Шымкент қаласындағы 3 жеке үй және банк шоттарындағы тыйым салынған 50 миллион теңге анықталып, тәркілеу мақсатында сот санкциясымен тыйым салынды.
Сот үкімімен барлық жеті айыпталушылар 2 жылдан 7,5 жылға дейін бас бостандықтарынан айырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ленин атындағы шахтадағы бес кеншінің қазасы үшін сотталғандардың үкімі өзгеріссіз қалды
Бүгін Қарағанды облыстық соты Қарағанды облысы Шахтинск қалалық сотының Л., А., Б., З.-ға қатысты үкімін өзгеріссіз қалдырды, деп хабарлайды Қарағанды облыстық сотының баспасөз қызметінен.
Бірінші сатыдағы сот Л., А., Б., З. Ленин атындағы шахтаның бас инженері, ауысым бастығы бола отырып, тау-кен жұмыстарын жүргізу кезінде қауіпсіздік ережелерін бұзғаны, жарылыс толқынының нәтижесінде бес шахтер қаза тапқаны, төрт шахтердің денсаулығына орташа және ауыр зиян келтіргені үшін әртүрлі мерзімге бас бостандығынан айырылды (ҚК 277-бабының 3 бөлігі).
Сотталғандар бірінші сатыдағы сот үкімімен келіспей, оның күшін жоюды және олардың әрекеттерінде қылмыстық құқық бұзушылық құрамының болмағаны үшін оларды ақтауды сұрады.
Апелляциялық сатыдағы сотта:
1.Сотпен істің нақты мән-жайлары дұрыс анықталды:
Тау жыныстарының бремсберг өндірісінен көтерілетін газды дренажды және дренажды ұңғымаларды бұрғылау жұмыстарын жүргізу кезінде газ бен шаңның көп мөлшері шығарыла отырып, шекті нормадағы метанмен газдану орын алды. Әрі қарай, ұшқынның пайда болуына байланысты метан газының жануы, содан кейін жарылыс болды.
Жарылыс толқынының нәтижесінде бес шахтер оқиға орнында қаза тапты, төрт шахтердің денсаулығына орташа және ауыр зиян келтірілді.
2.Сотталғандардың кінәсі сот зерттеген дәлелдемелер жиынтығымен, атап айтқанда куәгерлердің айғақтарымен, сараптамалардың қорытындыларымен және істің басқа материалдарымен расталады.
3. Сот алқасы Қылмыстық Кодекстің 277-бабының 3-бөлігі бойынша сотталғандардың кінәсінің дәлелденгені және біліктілігінің дұрыстығы туралы сот қорытындыларымен келісті.
4.Сот сотталғандарға жасалған құқық бұзушылықтың сипаты мен қоғамдық қауіптілік дәрежесін, олардың жеке басын ескере отырып, ҚК-нің 277-бабының 3-бөлігінің санкциясы шегінде жаза тағайындады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қызылорда облысы тұрғындарынан 2 мыңнан астам киік мүйізі тәркіленді
Қызылорда облысы тұрғындарынан 2 мыңнан астам киік мүйізі тәркіленді, - деп хабарлайды Polisia.kz.
Арал ауданына қарасты Сексеуіл ауылында полиция қызметкерлері жойылып кету қаупі бар жануарлардың дериваттарын сатумен айналысқан азаматтарды ұстады.
Олардан жалпы салмағы 400 келі болатын 2038 киік мүйізі, электронды таразылар және екі автокөлік тәркіленді.
Күдіктілер уақытша ұстау изоляторына қамалды. Қазіргі уақытта сотқа дейінгі тергеу жүргізіліп жатыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстаннан спирттік ішімдіктер мен электрондық темекілерді заңсыз тасымалдау әрекеті тоқтатылды
Қазақстаннан спирттік ішімдіктер мен электрондық темекілерді заңсыз тасымалдау әрекеті тоқтатылды, деп хабарлайды Мемлекеттік кірістер комитетінің баспасөз қызметінен.
2024 жылғы 1 желтоқсанда Маңғыстау облысы бойынша МКД "Тәжен" кеден бекетінің қызметкерлері ҚР ҰҚК Шекара қызметімен және Қазақстан-Өзбекстан шекарасындағы облыстық Экономикалық тергеу департаментінің қызметкерлерімен бірлесіп спирттік ішімдіктер мен электрондық темекілерді заңсыз тасымалдау әрекетінің жолын кесті.
Осылайша, 1987 жылы туған Өзбекстан Республикасы азаматының багажындағы жолаушылар мен көлік ағынын бақылау барысында Бұхара - Мәскеу бағыты бойынша 22 қорап алкоголь (JACK DANIELS вискиі), әр қорапта 12 бөтелке (1 бөтелке - 1 л) және электронды темекі (WAKA) - 460 қорап (1 қорап - 10 дана) табылды.
Іс жүзінде тергеу жүргізіліп, сараптама тағайындалды.
ҚР ҚІЖК-нің 201-бабы тәртібіндегі өзге де ақпарат тергеу мүддесінде жария етілуге жатпайды. ҚР Конституциясының 77-бабы 3-тармағының 1-тармақшасына және ҚР Қылмыстық іс жүргізу кодексінің 19-бабы 1-бөлігіне сәйкес адам қылмыстық құқық бұзушылық жасаудағы кінәсі заңды күшіне енген сот үкімімен белгіленгенге дейін кінәсіз деп есептеледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қызылорда облысында бірнеше қоғамдық ұйым мүшелері 55 млн теңге жымқырды деген күдікке ілінді
Қаржылық мониторинг агенттігі Қызылорда облысында бірнеше қоғамдық ұйым мүшесіне алаяқтық фактісі бойынша сотқа дейінгі тергеп тексеруді бастады, деп хабарлайды агенттіктің баспасөз қызметінен.
Ол "Даму бала" платформасы арқылы қызмет көрсететін кәсіпкерлік субъектілеріне қойылатын талаптарға сәйкестігін тексеру актілерінен, балалар шығармашылығы және спорт саласында анықталған бұзушылықтарды алып тастау үшін 81 кәсіпкерлік субъектісінен өзінің сенімді тұлғалары арқылы 55 млн теңгеден астам қаражат алған деп күдіктелуде.
Спорттық жабдықтардың талаптарға сәйкес келмеуі, балалардың келуін есепке алудың бұзылуы, бейнебақылау жүйелерінің толық сәйкес келмеуі және спорт секцияларына баратын балалардың қауіпсіздігін қамтамасыз ету және басқа да бұзушылықтар анықталды.
Аталған факт бойынша тергеу жүргізілуде.
Сотпен күдіктіге қатысты үйқамақ түріндегі бұлтартпау шарасы тағайындалды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.