Малайзияда Х Азия - Тынық мұхиты ойындары басталды

29.11.2024, 18:42 8411

Бүгін бокстан Азия чемпионаты басталады

Бүгін бокстан Азия чемпионаты басталады, деп хабарлайды ҚР Туризм және спорт министрлігінің баспасөз қызметінен.

Бүгін Таиланд Корольдігінің Чиангмай қаласында бокстан ерлер мен әйелдер арасындағы кезекті Азия чемпионатының шымылдығы түріледі. 11 желтоқсанға дейін жалғасатын сары құрлық бәсекесінде ерлер - 13, ал әйелдер 12 салмақ дәрежесінде сынға түседі.

Әуелгі жоспар бойынша биылғы Азия біріншілігі осыдан екі жыл бұрын аталған доданы қабылдаған Иордания астанасы - Амманда өткізілуі тиіс еді. Алайда өңірдегі қауіпсіздік мәселесі ескеріліп, чемпионат Иорданиядан Таиландқа ауыстырылды. Осылайша, Таиланд Корольдігі 1963 жылдан бері ұйымдастырылып келе жатқан бокстан Азия чемпионатын өз тарихында 9-мәрте қабылдап отыр.

Биылғы Азия чемпионатының ерекшелігі, сары құрлық додасына алғаш рет Украина боксшылары да қатыспақ. Бұл Азия чемпионатында тіркелген алғашқы жайт болса да, Еуропа чемпионатында өзге құрлықтан, яғни, Израиль, Мысыр сияқты елдердің де боксшылары қатысқан кездер болған.

Қазақстан ерлер құрамасынан Азия чемпионатына қатысатын 13 боксшының екеуі, яғни, Санжар Тәшкенбай (48 кг, 2022 жыл) мен Айбек Оралбай (92 кг, 2022 жыл) бұған дейін Азия біріншілігінде топ жарған. Сондай-ақ Таиландта төрт әлем чемпионы жұдырықтасады. Олар: Санжар Тәшкенбай (48 кг), Сәкен Бибосынов (51 кг), Махмұд Сабырхан (54 кг) және Бекзат Нұрдәулетов (86 кг). Ал Оразбек Асылқұлов (57 кг), Бейбарыс Жексен (60 кг), Мұхаммедсабыр Базарбайұлы (63,5 кг), Диас Молжігітов (75 кг), Ерасыл Жақпеков (80 кг) және Бекзат Нұрдәулетов (86 кг) Азия чемпионатына алғаш рет қатысады.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

26.11.2024, 17:52 12326

Елімізде танымалдығы артып келе жатқан падел спортын ілгерілетуге назар аударылады

Мемлекет басшысы Туризм және спорт министрі Ербол Мырзабосыновты қабылдады, деп хабарлайды Ақорданың баспасөз қызметінен.

Президент Қасым-Жомарт Тоқаевқа отандық спорт саласын кешенді реформалау жөнінде бұған дейін берілген тапсырмаларының орындалу барысы баяндалды.

Мемлекет басшысына балалар мен жасөспірімдер спортын дамыту, төрешілер мен мамандар біліктілігін арттыру, легионер санын азайту, федерациялар жұмысын оңтайландыру бағытында атқарылған жұмыстар туралы есеп берілді.

Ербол Мырзабосыновтың айтуынша, салаға вертикалды басқару жүйесін енгізу шаралары басталды. Осы мақсатта министрлік жанынан арнайы құрылған топ мүшелері өңірлердегі спорт саласының жағдайына жан-жақты талдау жүргізді. Бұдан бөлек, қолданыстағы "Дене шынықтыру және спорт туралы" Заңға негізгі басымдықтарды айқындайтын өзгерістер мен толықтырулар енгізу үшін жұмыс тобы құрылды. Халықаралық федерациялармен ынтымақтастық аясын кеңейту, спорт инфрақұрылымдарын жетілдіру үшін жүйелі жұмыс жүргізіліп жатыр.

Сонымен қатар Мемлекет басшысына еліміздің туристік әлеуетін арттыру шаралары туралы мәлімет берілді. Мысалы, шетелдік саяхатшыларға түрлі мүмкіндіктер ұсынатын Neo Nomad Visa жобасы іске қосылды. Президент тапсырмасына сәйкес, Алматы тау кластерін, Маңғыстау және Бурабай курорты аймақтарында жағажай туризмін дамыту жөнінде кешенді жоспар әзірленуде. Ойын бизнесін және лотереяны реттеу комитеті құрылып, лудоманияға қарсы күрес қолға алынды.

Кездесу соңында Қасым-Жомарт Тоқаев министрге спорт және туризм салаларын одан әрі жетілдіру жөнінде бірқатар нақты міндет жүктеді. Атап айтқанда, алдағы уақытта өтетін халықаралық спорт додаларына дайындық деңгейін пысықтауды, сондай-ақ елімізде танымалдығы артып келе жатқан падел спортын ілгерілетуге назар аударуды тапсырды.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

13.11.2024, 14:25 22516

Туризм және спорт министрлігі мүгедектігі бар спортшылар үшін жаңа заң жобасын әзірледі

Туризм және спорт министрлігі мүгедектігі бар спортшылар үшін жаңа заң жобасын әзірледі, деп хабарлайды министрліктің баспасөз қызметінен.

Туризм және спорт министрлігі "Қазақстан Республикасының кейбір заңнамалық акт ілерінедене шынықтыру және спорт, сондай-ақ нормалардың артық (шамадан тыс) заңнамалық регламенттелуін болғызбау мәселелері бойынша өзгерістер мен толықтырулар енгізу туралы" заң жобасын әзірледі.

Құжатта маңызды жаңашылдық ретінде "мүгедектігі бар спортшыны сүйемелдеуші" ұғымы енгізіледі. Бұл жаңа ереже бірінші топ мүгедектігі бар спортшыларға спорттық іс-шараларға қатысу кезінде көмек көрсетуге мүмкіндік береді. Заң жобасы мүгедектігі бар спортшылардың қозғалыс еркіндігін және спорттық жарыстарға қатысу шарттарын ұлғайтуға бағытталған.

Туризм және спорт министрлігі өкілдерінің айтуынша, бұл өзгеріс спорттағы инклюзивтілікті арттырып, мүгедектігі бар азаматтардың спортқа қатысуына қолайлы жағдай жасауға септігін тигізеді.

Мүгедектігі бар спортшылар үшін арнайы көмек көрсету жүйесін енгізу - бұл еліміздегі спортты барынша инклюзивті ету жолындағы маңызды қадам. Біз барлық азаматтар үшін тең мүмкіндіктерді қамтамасыз етуге бағытталған саясатты жалғастырамыз", - деп атап өтті Туризм және спорт министрі Ербол Мырзабосынов.

Құжаттың қабылдануы спорт саласындағы инклюзивтілікті арттырып, мүгедектігі бар спортшылардың жеңістеріне қолдау көрсетуге үлкен мүмкіндік береді.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

11.11.2024, 11:40 26741

Қазақстан құрамасы хоккейден алғашқы Азия чемпионатының жеңімпазы атанды

Алматы қаласындағы Halyk Arena спорт кешенінде хоккейден ерлер арасындағы алғашқы Азия чемпионаты аяқталды, деп хабарлайды ҚР ТСМ баспасөз қызметінен.

Бүгін шешуші матчта Қазақстан командасы Жапониямен ойнап, 5-1 есебімен басым түсті.

1:0 - Рымарев (Борисевич, Гренц)

2:0 - Рымарев (Александров)

3:0 - Наместников (Королинский)

3:1 - Ирикура (Ханзава, Кобаяши)

4:1 - Гребенщиков (Волков, Королинский)

5:1 - Королинский

Ал Оңтүстік Корея құрамасы овертаймда Қытайдан 2-1 есебімен басым түсіп, бізге басымдық сыйлады.

Азия чемпионатының турнир кестесі:

Қазақстан - 6 ұпай

Жапония - 6

Оңтүстік Корея - 4

Қытай - 2

Айта кетейік, құрлық бәсекесі Халықаралық хоккей федерациясының (IIHF) қолдауымен өтті.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

05.11.2024, 16:43 34891

Алматыда шайбалы хоккейден тарихи Азия чемпионаты өтеді

Ертең Алматыда шайбалы хоккейден тарихтаалғаш рет ұйымдастырылып жатқан Азия чемпионатының шымылдығы түріледі. Халықаралық хоккей федерациясының (IIHF) ұйымдастыруымен өтетін сары құрлық додасынаҚазақстан, Жапония, Оңтүстік Корея және Қытайқұрамалары қатысады. Чемпионат 6-9 қарашакүндері Halyk Arena мұзсарайында өтеді, деп хабарлайды Алматы қаласы әкімдігінің баспасөз қызметінен.

Бұл турнир құрлықтың алғашқы чемпионаты ретінде еліміз үшін тарихи маңызға ие. Соныменқатар шайбалы хоккейден Қазақстан ерлерқұрамасы алғаш рет Алматыда өнер көрсетпек.

2016 жылы пайдалануға берілген Halyk Arenaкешеніндегі ең кейінгі халықаралық шайбалы хоккей жарысы 2017 жылғы қысқы Универсиада аясында өткен еді. Сол жылы еліміздің студенттерқұрамасы турнирдің күміс жүлдегері атанды.

Сонымен қатар Алматы 2003 жылы біріншідивизиондағы жастар арасындағы әлемчемпионатының А тобының ойындарынқабылдаған. Шешуші матчта біздің жастарЖапония құрамасына есе жіберген еді.

Айта кетейік, Алматыдағы Азия чемпионаты 2025 жылдың 7-14 ақпан күндері ҚытайдыңХарбин қаласында өтетін Азия ойындарынадайындық жарысы болмақ.

Азия чемпионатына қатысатын Қазақстанерлер құрамасының құрамы:

Қақпашылар: Джелал-ад-дин Әмірбеков("Магнитка", Магнитогорск), Жәкен Ибрагимов ("Сарыарқа", Қарағанды), Максим Павленко ("Рязань-ВДВ", Рязань).

Қорғаушылар: Степан Александров, Владимир Гребенщиков ("Қазцинк-Торпедо", Өскемен), Дмитрий Бреус ("Торпедо", Нижний Новгород, ҚХЛ), Хақназар Кеңесбай, Кирилл Никитин ("Номад", Астана), Эдуард Михайлов ("Арлан", Көкшетау), Егор Наместников ("Сарыарқа", Қарағанды), Иван Степаненко ("Хумо", Ташкент).

Шабуылшылар: Александр Борисевич, Руслан Демин, Евгений Королинский ("Сарыарқа", Қарағанды), Андрей Буяльский (еркін агент), Владимир Волков, Дмитрий Преснов, Денис Чапоров ("Арлан", Көкшетау), Дмитрий Гренц, Артем Лихотников ("Хумо", Ташкент), Алексей Зубов, Захар Пархоменко, Ян Тютюньков("Қазцинк-Торпедо", Өскемен), Саян Данияр("Номад", Астана), Евгений Рымарев ("Юнисон-Мәскеу").

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

04.11.2024, 13:41 38011

Қазақстанның жас боксшылары әлем чемпионатында топ жарды

22 қазан мен 3 қараша аралығында Черногорияның Будва қаласында өткен жастар арасындағы бокстан әлем чемпионаты қазақстандық боксшылар үшін сәтті аяқталды. Біздің құрама осы турнирде алғаш рет жалпы есепте бірінші орын алды, деп хабарлайды ҚР Туризм және спорт министрлігінің баспасөз қызметінен.

Қазақстан құрамасының нәтижесі: 6 алтын, 1 күміс, 10 қола.

Алтын медаль алғандар:

Боранбек Бексұлтан (51 келі)

Төрехан Сабырхан (67 келі)

Өнер Сейілхан (71 келі)

Санжар-Али Бегалиев (75 келі)

Елянур Турганова (50 келі)

Аружан Зейноллаева (81 келі)

Жалпы есеп:

1. Қазақстан - 6 алтын, 1 күміс, 10 қола

2. Өзбекстан - 5 алтын, 5 күміс, 3 қола

3. Ресей - 5 алтын, 2 күміс, 1 қола

4. Қытай - 3 алтын, 3 күміс, 4 қола

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

31.10.2024, 15:05 42491

Астанада Рақымжан Қошқарбаевтың 100 жылдығына орай кикбоксингтен турнир өтіп жатыр

Елордада Халық қаһарманы Рақымжан Қошқарбаевтың 100 жылдығына орай кикбоксингтен республикалық турнирдің гала-финалдық және кәсіби кездесулерінің ашылуы өтті. Іс-шара "Астана - есірткісіз қала" жобасы аясында ұйымдастырылып, әлемнің және Азияның чемпиондарымен бірге есептегенде Қазақстанның 13 облысынан 500-ден астам спортшы жиналды, деп хабарлайды Астана қаласы әкімдігінің баспасөз қызметінен.

Астана қаласы полиция департаменті есірткі қылмысына қарсы іс-қимыл басқармасы бастығының м.а., полиция полковнигі Еркеш Халықов кикбоксингтен турнирдің ерекше маңыздылығын атап өтті, оның айтуынша, мұндай спорттық іс-шараларды өткізу жастардың салауатты әдеттерін қалыптастыруда және салауатты өмір салтын насихаттауда маңызды рөл атқарады.

Спикер спорт, әсіресе жекпе-жек өнері, адамның бойында тәртіпті, табандылық пен жеңіске деген ерік-жігерді тәрбиелейтінін атап өтті. Бұл - зиянды тәуелділіктен аулақ болуға және дұрыс жолды таңдауға көмектесетін қасиеттер. "Кикбоксинг - бұл жай ғана спорт емес, ол сіздің энергияңызды пайдалы бағытқа бағыттау, ақыл-ой күшін дамыту және мінезді тәрбиелеу мүмкіндігі. Біз мұндай іс-шаралар нашақорлықпен күресуге ықпал етеді, жастарға өмірден өз жолдарын табуға мүмкіндік береді деп сенеміз", - деді ол.

Спортшылар арасында әлем және Азия чемпионаттарына қатысушылар бар. Барлық қатысушы жоғары деңгейде дайындалған. Барлығы жеңіске барынша ұмтылады, сондықтан жарыс өте эмоционалды түрде өтеді", - деп әсерімен бөлісті елордалық спортшы Әмір-Акиф Абдуллаев.

Гала-финалдың ерекшелігі - бұл шоудың белгілі бір атмосферасында өтетін турнирлердің финалы. Осының арқасында жекпе-жек әлдеқайда әсерлі болады, ал спортшылардың эмоциялары ерекше болады", - деді турнирдің негізгі ұйымдастырушысы және кикбоксингтен жаттықтырушы Ернар Омаров.

Турнирді қорытындылау салтанатты түрде өтеді, ал үздік спортшылар лайықты сыйлықтармен және медальдармен марапатталады. Турнирдің мақсаты - патриотизмді нығайту және жас ұрпақтың ұлттық тарих пен мәдениетке деген қызығушылығын қалыптастыру.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

21.10.2024, 15:06 48446

Алматыда ATP 250 Almaty Open турнирінің финалдық ойындары өтіп жатыр

Алматыда АТР 250 Almaty Open сериясындағы теннис турнирінің ерлер арасындағы жұптық сын жеңімпаздарын марапаттау рәсімі өтіп, оған мегаполис басшысы Ерболат Досаев қатысты, деп хабарлайды Алматы қаласы әкімдігінің баспасөз қызметінен.

Турнир Қазақстан теннис федерациясының ұйымдастыруымен және Алматы қаласы әкімдігінің қолдауымен өтті. Оған әлемдік рейтингтің үздік отыздығына кіретін теннисшілер бақ сынасты.

Алматы әкімі Ерболат Досаев Үндістаннан келген Арджуна Кадхе мен Ритвика Боллипаллидің ерлер арасындағы жұптық санаттағы жеңімпаздарды марапаттау рәсіміне қатысты.

Ақтық сайыста олар колумбиялық Николас Баррьентос пен тунистік Скандер Мансуриден басым түсті.

Сағат 15:00-де әлемнің 26-шы ракеткасы ресейлік Карен Хачанов пен канадалық Габриэль Диалло арасындағы жекелеген санаттағы финал басталды.

Айта кетейік, қала әкімдігі турнир кезінде жанкүйерлердің ыңғайлылығы үшін Almaty Arena спорт кешеніне дейін және кері бағытта тегін автобустар ұйымдастырды.

Almaty Arena аумағында ересектер мен балалар үшін теннис матчынан бөлек қызықты шаралар өткізілді: ойын аймақтары, фотоаймақтар, инсталляциялар, әуе шары және матчтардың онлайн көрсетілімдерімен жабдықталған амфитеатр болды.

ATP 250 сериясындағы турнирлер әлемнің 30 елінде өтеді. Бұл санатқа кіретін 40 турнирдің кез келгенінде жеңіске жету үшін теннисші ATP рейтингі бойынша 250 ұпай жинайды.

Турнирдің негізгі кестесінде Қазақстан атынан Александр Шевченко, Тимофей Скатов, Денис Евсеев, Бейбіт Жұқаев қатысты. Сондай-ақ, елдің намысын Михаил Кукушкин қорғады.

ATP 250 Almaty Open турнирінің жүлде қоры 1 миллион доллардан асады.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Малайзияда Х Азия - Тынық мұхиты ойындары басталды

тақырып бойынша жаңалықтар

Ең көп оқылғаны

Өзекті

Шығын 100 млн теңгеден астам: Жетісу облысында интернационалдық алаяқтар тобы ұсталды